|
أين سيتعالج إذا مرض الرئيس البشير؟
|
المعروف هو أن الرئيس عمر البشير في مرحلة عمرية تحتاج الى عناية صحية متقدمة بعض الشئ وهي غير متوفرة في السودان، فماذا
سيفعل الرئيس؟ هل هنالك خطة معينة لجماعته كبناء مستشفى حديث وأستجلاب أطباء ممنازين في حالة مرض الرئيس أم سوف يواجه
مصيره أم سوف يسافر لتلقي العلاج في الخارج؟ وأين هذا الخارج، هو الدول الغربية التي تتمتع بأفضل المستشفيات في العالم,
حيث سيتم القبض عليه فورا.أم الدول العربية التي يوجد بها علاج من الممكن أن نسميهو "جيد" وربما يتم تسليمه بها
ايضا؟ نحن لا نريد سباق الأحداث ولكن كل الأحتمالات واردة. أرجوا من الأخوة الاعضاء الأطباء بالبورد أن يدلو برأيهم
الفني في هذا الأمر ويعرفونا بنوع الأمراضرالتي تصيب شخص في عمر الرئيس السوداني عمرالبشير وعن أحتمالات علاجها في الداخل
أو الخارج.
Deng
|
|
|
|
|
|
|
|
Re: أين سيتعالج إذا مرض الرئيس البشير؟ (Re: Deng)
|
Quote: كلاب الأمن وصبيان الجبهة يمتنعون. |
الاخ الحبيب والصديق دينق هؤلاء المخربون درجوا مؤخرا في تخريب البوستات وساهموا مساهمة فعالة في تمييع القضايا في بعض البوستات المهمة انظر اليهم اخي الحبيب والصديق كيف جاؤا الي هذا البوست المهم والحساس الاعمى شايل المكسر من اجل التخريب وتشتيت التركيز والانتباه الحاجة المكيفاني فيك انك دايما صاحي ليهم ومركز وقادر على كشف الاعيبهم . شكرا لك اخي دينق فهؤلاء الكيزان والامنجية هم شردوا وقتلوا ونهبوا شعب باكمله هيا اهي دينق فلنضع ايدينا سويا من اجل ضربهم وكشفهم ولا نامت اعين الجبناء* وشكرن اخي دينق
___ من جبنه = قهوة
| |
|
|
|
|
|
|
Re: أين سيتعالج إذا مرض الرئيس البشير؟ (Re: عبدالوهاب علي الحاج)
|
عزيزي دينق... المرض يجي من وين لي زول زي البشير.... يجُر التمساح من البحر، في بلد يموت الناس فيه من الجوع وتتسول غالبيته ويأكل كثيرون فيه من الكوَش؟ عموما، علاج مرض شخص يقف على رأس نظام باطش يفتك بالبشر مثلما فعل نظام الجبهة الإسلامية غالباً ما يكون في كَدَباس أو زريبة الشيخ البرعي أو مصحّة كوبر أو مستشفى التجاني الماحي. مودتي،
| |
|
|
|
|
|
|
Re: الفقرا وين؟ (Re: Mannan)
|
بوست انصرافي معقولة يادينق بوستين انصرافييين كفارة شايفه بوستيك اتلحس بس مغييييييوظة من بكري ابو بكر لاني كتبت فيه مداخلة ولم عملت ارسال لقيت البوست ودع
أقول الحاصل شنو منزل بوستين انصرافييين داير توجه انظار الناس عن شنو انتبهوا ياشباب من البوستات الانصرافية
| |
|
|
|
|
|
|
Re: الفقرا وين؟ (Re: mayada kamal)
|
موضوع هام جداً
أقترح أن نكون عدة لجان و تقسيم المهام عليها
و تكون برئاسة الأمباشي الخردة.
لكي تضع خارطة طريق واضحة و ممرحلة و مدروسة للتحرك فوراً عند مرض الرئيس
و تقدم المقترحات و التوصيات التي تراها مناسبة لكل مرحلة من مراحل مرض الرئيس . . . . . . . . . . . . . . . . . . . . . . . . . . . . .
الأمباشي دا مالو يا جماعة ؟؟؟
الأمباشي عصر مخو و طلع بالحتة دي ...... ولد دا
| |
|
|
|
|
|
|
Re: الفقرا وين؟ (Re: mayada kamal)
|
الاخ ابو حسين شايفاك اخدت هطرقة دينق محمل الجد بتبااااااااالغ لكين الرئيس لو مرض لا قدر الله هم قادرين يجبوا ليه فريق طبي من اجعص حته في العالم لحدي عنده ديل كمان بعلبوا ولا شنو
مياده
الأمباشي خردة ما بهظر و لا بتكلم كلام ساكت بعدين الموضوع زاتوا مهم نحن مفروض نعمل حساب كل شي
و إذا عايزه رئاسة لجنة, بتوسط ليك عند الأمباشي خردة الزول دا صاحبي و بعزني جداً
نديك اللجنة المسؤلة من قش الحوش و الرش كيف معاك ؟؟؟؟؟
| |
|
|
|
|
|
|
Re: الفقرا وين؟ (Re: مدثر محمد ادم)
|
Quote: عزيزي دينق... المرض يجي من وين لي زول زي البشير.... يجُر التمساح من البحر، في بلد يموت الناس فيه من الجوع وتتسول غالبيته ويأكل كثيرون فيه من الكوَش؟ عموما، علاج مرض شخص يقف على رأس نظام باطش يفتك بالبشر مثلما فعل نظام الجبهة الإسلامية غالباً ما يكون في كَدَباس أو زريبة الشيخ البرعي أو مصحّة كوبر أو مستشفى التجاني الماحي. مودتي، |
العزيز عادل علي.
المرض بجي بمثل هذه القرارات، الأن البشير لا يستطيع أن ينام الليل. قريبا سوف نسمع عنه
| |
|
|
|
|
|
|
Re: الفقرا وين؟ (Re: ABUHUSSEIN)
|
Quote: نديك اللجنة المسؤلة من قش الحوش و الرش كيف معاك ؟؟؟؟؟ |
نحن جلابة ياعمي يعني اقل من لجنة سيادية ما بنقبل
Quote: نديك اللجنة المسؤلة من قش الحوش و الرش كيف معاك ؟؟؟؟؟ |
خلي بالك ناسا الجندر لو جوك بخلوا ريحة البوست داطير طير
| |
|
|
|
|
|
|
Re: أين سيتعالج إذا مرض الرئيس البشير؟ (Re: abdalla BABIKER)
|
دينق
حسي ناس تاكل عيش يجو يطلعوك حاسد و حاقد و عينيك حارة كمان. و لكن بالجد كده الزول ده يمشي وين لا يمكنه الذهاب الي الفكي أبكر اسحق بجبل مرة و لا الي الكجور اشوك بغرب الاستوائية و لا الي الاردن كهادة السودانيين دي دايرة ليها فكرة مجنونة: يجيب المستشفي الالماني الي السودان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: أين سيتعالج إذا مرض الرئيس البشير؟ (Re: ABUHUSSEIN)
|
دينق في السودان ومحيطه الافريقي والعربي , لا يمرض السياسين ولا الزعماء ولا الرؤساء انظر الي زعمائنا الخالدين فيها مسمار (كانهم اقدم من النيل) العمر الافتراضي في السودان 60 واقلهم الان ياكل قصب سكر وهو في الثمانين . . ويلعب بولو
متع الله الجميع بالصحة والعافية وطول العمر كحال زعمائنا
| |
|
|
|
|
|
|
Re: أين سيتعالج إذا مرض الرئيس البشير؟ (Re: Deng)
|
Quote: المعروف هو أن الرئيس عمر البشير في مرحلة عمرية تحتاج الى عناية صحية متقدمة بعض الشئ وهي غير متوفرة في السودان، فماذا
سيفعل الرئيس؟ هل هنالك خطة معينة لجماعته كبناء مستشفى حديث وأستجلاب أطباء ممنازين في حالة مرض الرئيس أم سوف يواجه
مصيره أم سوف يسافر لتلقي العلاج في الخارج؟ وأين هذا الخارج، هو الدول الغربية التي تتمتع بأفضل المستشفيات في العالم,
حيث سيتم القبض عليه فورا.أم الدول العربية التي يوجد بها علاج من الممكن أن نسميهو "جيد" وربما يتم تسليمه بها
ايضا؟ نحن لا نريد سباق الأحداث ولكن كل الأحتمالات واردة. أرجوا من الأخوة الاعضاء الأطباء بالبورد أن يدلو برأيهم
الفني في هذا الأمر ويعرفونا بنوع الأمراضرالتي تصيب شخص في عمر الرئيس السوداني عمرالبشير وعن أحتمالات علاجها في الداخل
أو الخارج.
|
المناضل دينق
خلالالالالالالالالالالالالاص
قنعت من خيراً وفيها و بقيت تراهن على أمراض تقدم العمر
راجي الموت السريري للبشير
عليك الله وريني الافلاس بكون كيف
البصاص
| |
|
|
|
|
|
|
لاتــفـــصـــــح عـــن جـــهـــلــــــكــــــــ (Re: Deng)
|
أخبار صحة الريس شنو يا كيزان؟
خلاص اللي في الراس كملت و قعدت لي كلامك المكرر
يا خي ما عندك العقل اللي بتكتب بيه بوست أرحم نفسك و أرحمنا و أرحم البورد
أول مرة أشوف لي واحـد إفصح عن جهلو بي نفسوا يعني أول مرة أشوف لي واحد
إقول لي الناس شوفوني أنا جااااااااااااااااااااااااااااااااهل
| |
|
|
|
|
|
|
Re: أين سيتعالج إذا مرض الرئيس البشير؟ (Re: Deng)
|
دينق
تحياتي؛؛؛
Quote: أخبار صحة الريس شنو يا كيزان؟ |
زي الفل تمام التمام .
____
مادام البوست انصرافي ننصرف بيكم شوية
مره عندنا قريبا لينا عندو السكري حماكم الله ؛بناتو مكرهاتنو ليك اي حاجة فيها سكر
الشاي بحساب ؛سكريات نهي في البيت ؛ مرة غفل ليك البنات وطلع ؛اول دكان بتاع باسطة اشتري ليهو نص كيلو
لمن جا البيت ولد بتو الصغير شاف الباسطة وجري لامه وكلمها ؛جات جارية عليهو
دخل الغرفة وقفل الباب بالمفتاح وضرب الباسطة كلها ؛وقال ليهم حياة حياة موت موت من الله؛
الجماعة ضربوا للاسعاف والناس اتلمت ؛
المهم ...
بعد ساعة فتح الباب ومرق نصيح ؛ناس الاسعاف قعدوا وشربوا الشاي وقالوا يمكن الزول ده يرتفع عندو السكري
الحبة ما جاتو .
لقيتوني كيف في الانصرافية؟
| |
|
|
|
|
|
|
صلاح (Re: Deng)
|
يادينق انا ما خايف على البشير من اوكامبو لكن خايف عليهو من صلاح غريبة حيبقى المستشار الإعلامي بتاعه
يازول اوكامبو هين
شوف صلاح حيعمل في الريس شنو
| |
|
|
|
|
|
|
|