|
|
 بكره تكبري
|
بكرة تكبري يا معزة
بكرة تكبري يا معزة
وتعرفي معنى الغياب
وتمر بيك نفس اللحظة
والكون من حولك ضباب
تعرفي ليه الناس بترحل
ويعيشوا دائما أغراب
رغم إنها مسكونة
بحب الأهل والتراب
والوطن من بين الشفاه
لحن جميل منساب
بكره تكبري يا معـــزة
وتتعلمي من الدنيا والأيام
كيف الزول بعيش غريب
وقليبو دائب من فرط الهيام
يرحل يسافر من ديارو بعيد
الحنين جواهو زى رشق السهام
طيف الحبيب يزورو في الأسحار
ليهو يسامر والناس نيام
وزى بيقوليهو ارجع تاني
ما بعادك عننا والله حرام
بكرة تكبري يا معزة
وتعرفي انوالفراق ما بمرادي
ولا بيدي ارحل عنك
ولا بيدى اهجر بلادي
ما غرامك سر وجودي
وحبك دائما ساكن فؤادي
فيك ريحة الوطن والتراب
فرح المدن وسحر البوادي
وأنشودة الريد الكبير
تصدح بيها الطيور الشوادي
|
|
 
|
|
|
|
|
|
|
|
Re: بكره تكبري (Re: نزار باشري ابراهيم)
|
مراسيل الشوق
مراسيل الشوق كثيرة
ورسل الغرام
حمالة اشواقنا الكثيرة
وحلقة الوصل بينا يا أميرة
شايله اشواق زولا بيك ولهان
وفى بعدك ساكناهو الحيرة
كلما طروك الناس
اذكروك وجبدو السيرة
خفق قليبو خنقتو العبرة
سالت دموعة غزيرة
واذكر ايام صباهو احلامو ومناهو
وامالوا الكبيرة
ودنيا الريد البناها زمان
فوق سقف الجيرة
وكيف كان بثور
لمن تتحرك جواهو الغيرة
كنت فى حماهو آمنة
من جور الزمن واحكامو العسيرة
وكنت فاكرة اخر التواصل تلاقى
تباركو اعراف العشيرة
بس الزمن خيب ظن الريد
وفرق بينا فى بداية المسيرة
وانت برضو صابرة تتلظى
بحرقة ايامو وهجيرة
والريد جواك كامن
حاوطاهو بالامانى الكبيرة
وواثقة انو بكرة برجع
وأنت لسه في قليبو ياك الأميرة
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
آه يا فؤادي علي أمانينا الصغيرة
في رحاب هذه الدنيا الكبيرة
حين تغدو عسيرة
تسلب الاقدار آمالنا
نحو غآيات كثيرة
وتزحف أرتال الحزن
لتصدنا عند بدء المسيرة
كيف لا أبكي حين أبكي يا أميره
كيف أكفكف مدامعي
وقد بدات تنهمل غزيرة
وصراخك يتعالي
فوق هدير الجموع الغفيرة
تبكين وتندبين
في آهات مريرة
ترسم الشحوب وجهك
وأعتلته علائم الاسي والحيرة
كأنك نسجت من الحزن أثوابك
لتختالي يوم خطب العشيرة
مهداة إلي أمير وأميره عثمان
لايزال الجرح غائرا رغم مضي السنوات ولا تزال النفوس حبلي بالأحزآن حين نجتر ذكري الأم الفاضلة وذاك العثمان
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
أتبتسمين
أم بدر ثغرك البهي تنقشين
صحائف تضج بالهوى
تناغم الحبيب
وتأسر الفؤاد ما تبقي من سنين
أتعلمين
بأن الوجوه في التشابه أربعين
فالوجه وجهها
والقد مثلها
والسحر ساقني إلي الحبيبة ثم عاد بعد حين
أتعرفين
بأنني ثملت ثم لحظة صحوت ثم ثم كرتين
فغصت في العيون
وجدت في أعماقها
سوالب العقول, غرائب الفصول
توقفي إن كنت تمزحين
أتقبلين
إن صغت فوق خدك الندي قبلتين
لعلني أفيق
واطفي الحريق
العود أحمد يا مرافئ إشتهائى والحنين
أتوافقين
أن تفردي الجناح نحو بيت الأكرمين
وتحفظي كتاب الارتقاء
وحبق الاشتهاء
حينها ستعلمين حماقتي وتغفرين
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
يا أميم تعالى تعالي
إلى دنى حبي تعالى
وتسامى تسامى إلى الأعالي
وابلغي مجدا لا يطال
عانقي الثريا في دلال
واستريحي من عناء الترحال
تفيئي حدائقي وظلالي
وامرحي بين الرياض لا تبالي
اقطفي ثمار حبي في دلال
واسكبي العشق في جداولي
تنقلي بين الروابي والتلال
واحتمى يا أميم بكثباني وجبالي
واسمري اسمري طول الليالي
توسدي في الحب كل رمالي
وارسلي الألحان للعذال
وأروى قصه حبنا للأجيال
خبريهم كيف يكون صمود أمثالي
ما سهر قيس مثلى طول الليالي
وما وقف جميل وبكى على الأطلال
وما صمد كثير في الحب ساعة السجال
فكيف دون مشقه يا أميم نروم الوصال
لولاك ما عرفت في الحب القتال
ما عهدت فيه النزال
سيوفا وحرابا دروعا ونبال
يا أميم تعالى تعالي
وأطوى كل الأميال
فكي قيودي وأغلالي
ولا تخشى في الحب انفعالي
شيدي دنى جميله ليست إلا في خيالي
واقطني اقطني وطن الجمال
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
غرباء نرزح تحت وطاءة الحزن والأنين
سيما الشوق والوجد مطبوعة فوق الجبين
نحن للضفاف للأزهار والياسمين
نعزف على إيقاع السنين
صدى الذكريات أنشودة الحنين
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
عن ليلى يا ليلى تسأ ليـــــــــــــــــــــن
كيف أمسى وذاك الحنين
يعتصرني كل لحظه وحين
وقلبي مقسم يا لــــــيلى
ما بين فرحة لا تدوم
وشوق لا يستكين
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
ونفسي عصية لا تهدا ولا تلين
حين تجتر ذاكرتي خوالي السنين
فاذكر النيل يا ليلى
وأتنسم أريج وعبير الرياحين
وكل حسناء على الضفاف موطنها
باتت تقطف من ياسمين
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
اذكر ملاعب الطفولة والصبا
والأطفال الوادعين
وكل روضه غناء ومرابط لقاء
العشاق الحالمين
اذكر السودان يا ليلى
فتذرف مقلي الدمع السخين
عن ليلى يا ليلى تسالين
أمسى ويضنيني الحنين
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
من قلب طرابلس
ومن دارى الفيحاء
ابعث شوقي ولهفتي
ومداد يراعى البكــــاء
هناك في الخرطوم أحبتي
ليلى وسعدى وعفراء
على ضفاف النيل موطني
يربض في عزة وإباء
والنيل يجرى معربدا
يغمره فرح وانتشاء
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
يا نفوس تائهه سنين
فى درب الشوق عاد لمتين
طاويه بين الجوانح عذابك
صابره على الاهات والانين
وكمان تطربى للذكرى
وبرضو يضنيك الحنين
.................
يا عيون فى الفراق
ذارفه الدمع سخين
حاديها الامل متين
اوان لقاؤهم يحين
مشتاقه ديمه وحانيه
تطيب الخاطر الحزين
....................
يا قلوب بتطرى الحبائب
ولسه بتتذكر الدروب
والذكرى عبق طيوب
فيها نهوى ونذوب
لمن تداعب خيالنا
زى طيف المحبوب
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
طيف الحبائب زائر
قاطع المسافات البعيدة
زى مخاض بسبق
لحظات ميلاد القصيدة
متلفح الشوق والمحنه
وذادو الذكرى المجيدة
وحكاوي لينا هناك
ديمه خواطرنا تستعيده
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
روعه النيل والجروف
صداح الطيور وتغريده
والنحل حول الرياض
يمتص رحيقه ويلثم وروده
والأطفال على الضفاف
للنيل بتردد أنشودة
والناس بالمحبة مشحونة
والأيادي فى فرح ممدودة
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
الشمس يا حليوه دوم
إتعودت زى كل يوم
تغشاك تلثم وجنتيك
تهمس فجر تبسم سحر
نشوانه بيك
وبايدين شعاعا تمس ايديك
منتظره ردك من زمان
ما روحا عندك والحنان
طالبه الوصال عشمانه فيك
طال انتظاره فى حضرتك
راجيه الدباره وهمستك
تكفيها نظره من عينيك
تخجل تذوب من روعتك
تبكى الغروب من رهبتك
فى النيه باكر تعود وتجيك
والبحر مسكين عطيب
ما انت اسباب علتو
مناه رمشة عين يطيب
ويقدر يسير عشان يجيك
يقبل ايديك ويغنى ليك
أنشودة الريد الكبير
والقمره ما هميها حالو
همها تفوز بيهو وتنالو
والعزول يخشاهو ويطير
وكل حين ترسل ليهو صورة
مستحيل فنان يطولا
راسماها بالنور والحرير
والقمره عين وانت حاجب
ورغم الاف المتاعب
عشمان تقولى ليهو خير
| |
|
|
|
|
|
|
|
|
|
Re: بكره تكبري (Re: نزار باشري ابراهيم)
|
رووووووووووعة يانزززززززززززار
ان شاء الله بكرة تكبر وتبقي احلي وانضر
وربنا يخضر اديك يا حنين ويرد غربتك
وان شاء الله دايما مجتمعين انت واميرة
وكمان عثمان واميروباقي الحبايب الحلوين
سيف الدولة كامل -نيويورك
| |
|
|
|
|
|
|
| |
نزار باشري ابراهيم
فيس بوك
تويتر
انستقرام
يوتيوب
بنتيريست