|
قناة النيل الأزرق وفشل الظهور الأول !! ارجعوا شفروا ساي..
|
الغالي بي غلاتو ضوقك حلاتو ..والرخيص بي رخصتو يضوقك مغصتو .. النيل الازرق الشوفتها امبارح دي ماااا النيل الازرق البعرفا !!! امبارح وانا بشاهد في النيل الازرق قارنتها بباقي القنوات السودانية فوجدتها تحتل المركز الاخير بجدااااااااارة .. صورة سيئة جداً وصوت اسوأ !!!!!! النيل الازرق الكانت بتتميز على كلللل القنوات السودانية قبل برامجها بوضوح صورتها الرقمية وصوتها الرقمي امبارح كانت بائسة .. اي نعم تلزفوني كعب ومن النوع القديم بس والله يا جماعة زمان كان عندي كرت النيل الازرق وكانت واضحة .. فكرت وقدرت ونظرت فوصلت لي نتيجة انو النيل الازرق تكون بعد ما فكت التشفير ناس الART شالوا عدتهم وحاجاتهم وقالوا لي ناس النيل الازرق اكلوا ناركم !!! اتمنى ان يكون ما ظهر بالامس يكون للامس فقط وتعود النيل الازرق اليوم كما كانت وان كنت اشك !!!!!! امبارح النيل الازرق فقدت متعتها وانت تسمع لي صوت اي فنان .. النيل الازرق فقدت رونقها وانت تشاهد الديكور والالق واللمعة .. البنات امبارح غبببببببببببببببش وشينييييييييييييييييييين .. الصوت كعب كعب كعب .. اها يا جماعة الاحساس ده جاني براي ولا كلكم لاحظتو .. اعيدو تشفير القناة ان كان ذلك على حساب الجودة والابداع .. ولو واصلتو بي طريقة امبارح دي فاخير لينا نشوف ناس ايمان دفع الله وعمر الجزلي..
|
|
|
|
|
|