|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: Kostawi)
|
حنــان عبد الله بت حلتنــا .. بت جدعــه جدا جدا .. ومشهود ليهـا .. البتعمل فوقو دا واستخدامه في مكان غير مكانه بيخليني اضحك فيك شديد .. الزولة دي فنانة استعراضية من الطراز الأول .. وزمان لما كانت حنان بلوبلو دي بترقص وتوقف السودان دا على رجــل واحده في التمانينات ما كان عندها هم غير انها تغني وترقص .. ولحدت الآن .. يعني بي صراحـة كدا .. امشي اتفرج في احسن زولة استعراضية في السودان ومتع حالك طالما أنو الفرصة جاتك لحدت عندك . لكن حنـان دي ما ليها علاقة بي رئيسك ولا بي محكمتك ..
عايز تدخل سلوى العسل .. في نضالك دا دخله ..
حنان دي بت امدرمان شارع الفيل .. مفتحه اكتر من تغميضتك دي ..
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: Kostawi)
|
Quote: بعدين ما تحاول تعمل نفسك بتعرف حنان أكتر من غيرك!! حواء والدة, مش كدا? دا أسلوب ما صاح يا ود أم در يا موردة |
إنت زعلته واللا شنـــو..؟ حسع القال بيعرفه منو اكتر من النـاس ؟؟ والله اقول ليك حاجة يا محمد .. لو رصيت ليك الناس البعرفم احتمال كبير يغطوك بي بطانية .. ياخ حسع دي ما بعرفك إنت دا إنت فاكر نفسك هين ؟؟ إنت محتاج مقاس ضغط علشان تقدر تركز يا محمد كوستاوي .. لكن ماف مشكلة علشان نورك .. ونوريك المعرفة الجد جد .. حنـان بلو بلو الفرحان بيها دي وحسع اظنك لي أول مرة تشوفه .. زمان لما كانت بتحتفل بالمليون .. كانت بتكون عامله نقاره اسبوع .. بيجو يغنو فيها كل الفنانين بي جميع طبقاتم .. الخيمة بتكون اسبوع كامل ما اتنزلت بجو بغنو الفنانين بتاعين الليق من العصرية .. بعديها درجة تانية وبالليل خالص الناس الدرجة اولى .. ونحن ديل نانو بنعرفه واولاد الحلــة .. بنجي نفتح البيبسي .. ونوزع المرطبات والعشاء بالليل.. ما كمان بت الحلة .. ونوعيتك دي لما تجي تتضهب بالليل علشان تشوف حنان بتغني وبترقص .. ويشوف كمان ترباس يا المرحوم خةوجلي عثمان يا محمد مرغني ـ كنا بندفعو قروش .. مع انو الخيمة في الشارع ومفتوحــة للجميع .. قال ايه عايز تعمل فيها بتعرفه وحواء والده .. وكمان اسلوب ما صاح .. والله اخير من كلامك دا التهديد القبيل .. بعدين انت اساسا عارفني زول مزيكاتي .. وبتاع طــرب .. يعني لو كنت بعام ساكت وبركب حافلات فنانين بكون ناقشم .. ما كمان نادي الفنانين دا انا الوكت كلووو قاعد فوقو .. وإنت لما تجي ماشي بي شارع النيل بي هناك .. بتشوف كابلي يا عركي .. بتقول .. ههييي داك كابلي .. هيي داك عركي .. احبطتني والله .. خلاص علشان ما تزعل مني .. الزولة دي ما بت حلتنـا ولا بعرفه .. واقول ليك حاجة ..؟ ولا حنـان زاتوووو .. كدا كويس معاك ؟؟ Quote: دافعين فيه قروش يا حبة |
والله بختك .. حسع لو كان جيتكم .. نوعيتك دي بالذات .. بدفعه ليك مرتين .. طبعا بقوليك الدفعية التانية دي .. علشان نجيب فنايل لي فريق البواسل في رابطة ابوعنجة .. إنت قايل ما بتدفع ..؟ والله تدفع دم قلبك .. زول أول مرة يشوف حنان بلو بلو كيف ما يدفع ..؟
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: doma)
|
Quote: زول أول مرة يشوف حنان بلو بلو كيف ما يدفع ..؟ |
خلاص أول مرة نشوف حنانك (الله يطولك يا روح)
يا تمبس أسمع الكلام دا كوييييس أنت معرفتك بحنان سطحية النوع البكون مباري أولاد الحلة أيام رمضان جنب حديقة الموردة بالليل و يسمع في الشمار بكل أنواعه. حنان جات و حنان قنبت و حنان دقت النقارة ياخ إنتا ما تفتح ليك دكان حلاق و تريحنا أو دكان إيجار عجلات بالمرة و علق فيه صورة بت بلوبلو كبيرة و مبروزة و قول للأولاد دا جكسي الزمان عشان سوقك يور
كدي ورانا إحتفال يا جيك ما تشتت علينا ساي
يا دومة ما تكوني متخلفة زي تمبس دا كلامك دا ما ياهو كلام حلفاء البشير زاتو كلام مسيخ و كمان معتد ما البشير أهو قتل 300,000 إبن آدم يخلوه عشان يقتل أكتر و يشرد و يغتصب و و و
المرض معروف بدل صرف الدواء تقولو لا
يا أختي البشير زول واحد فليذهب في ألف داهية
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: Kostawi)
|
بحكم معرفتي بي حنـان بلو بلو من كونهـا بت حلتنا وماف اي زول بيعرفه اكتر مني هنا دا حسب افادة محمد كوستاوي بي رواية حوه والدة .. احب أأكد انو الحفلة دي ما ليها علاقة بي اوكامبووو .. أو ابوجلمبووو كما يروج لها هنا في الموقع العام لسودانيزاونلاين .. دي حفلة خيرية زيها وزي اي حفلة بي عدادات .. يعني زي لما زمان تكون في حفلة في جنينة الحيوانات .. ويجيبو فيها الحاوي وتتباع فيها حلوى غزل البنـات .. اللي هي ـ (حــلاوة قطـن) طبعا العايز يجي الحفلة دي وفي بالو انها حفلة عرسو .. بي جازو والعايز يجي الحفلة دي وفي بالو انها قيدومة اخوهو الكبير .. بي جازوو العايز يجي الحفلة دي وفي بالو انها طهور (بناتو) يا اولادو برضو بي جازووو العايز يجي الحفلة دي وفي بالوو .. (رحمتات) اوكامبوووو بي جازو ( اوللسو ) العايز يجي الحفلة دي طاشم ويفرتقة .. برضو بي نصوووو ..
اقترح انو بعد سلوى العسل وحنان بلوبلو.. يتم سرعة التعاقد مع (نــدي القلعة) لانو انا عندي فكرة اجي اصطاد في بحيرة هــورن يا بحيرة سيوبريو .. وجيت الزولة دي تكون على شرف الاصطياد دا .. بس كترو لينـا الصارقيل ..
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: أيمن الطيب)
|
Quote: سلمى سلمى يا تمبس!!! ملك بتلخبت!! سلوى لسّة دورا ما جا!!! |
لا سلـــوى يا أيمن .. إنت بتعرف اكتر من محمد كوستاوي ..؟ .. عاين هنـا الفنانة السودانية -- سلمى العسل -- تغني بمركز كندي بواشنطون (توجد صورة
Quote: سلوى هى سلمى و سلمى هي سلوى زي ما تمبس هو أبو رزقة |
.. قاليك سلمى هي سلوى .. وسلوى هي سلمى مالك عايز تغالطنا ساكت ..؟ بالنسبة لي موضوع العجلـة .. ابشرك العجلة جابوهـا لكن في مشكلة في (البلي ) حق الفرول وقماشات الفرامل ملحوسة علشان كدا انا دفعتها لي واحد من الأخوان في بوست من البوستات المجاورة .. زمان يا ايمن لما كنـا قدر ناس كوستاوي ديل .. في تمنينات القرن الماضي .. كان عندنا ( دحرجانية) جمب بيتنا ( بتفضي ) إلى خور ابوعنجة مباشرة .. بتفضي دي كيف معاك ..؟ ما عســـل ؟؟ المهم (الدحرجانية) دي كنا فاتحين فيها مدرسة لتعليم قيادة العجلات .. وكان فيها رالي سنوي لسباق العجلات برضو ـ المهم في الأمر لو ما اتعلمت قيادة العجلة من خلال الدحرجانية دي .. معناته إنت زول اي كلام .. هو ما تعليم ساكت .. لازم تكون معاهو ( ظلطــة) في اي جزء من الهيكل التشريحي للتكوين الفايسولوجي بتاعك ديششك .. والله جنس رش الليلة .. يعني كان ما لقو عندك (ريــال) في كوعك .. يا ( دبــره ) في بوعك يا ابعديلات في (شقـــك) الشمال يا اليمين معناته إنت ما بتعرف تسوق ولا حاجة .. ويجي كوستاوي يشبكني إنت ما بتعرف حنـان بلوبلو ولا حاجة .. يللا أخوك بحكم الموقع الجغرافي .. للدحرجانية دي وانها اقرب مساحة غير مروية لي بيتنـا .. بإستثناء فيضان النيل الموسمي الذي يغمــر المنطقة بكلياتها ويتوغل حتى كبري الأربعين مرورا بي لالوبـة ناس عمر الفاروق وبيت ناس الراحل عبد الحميد الضو حجوج .. يللا اخـوك كان ( الجيستر ) والجوكي بتاع الحتات ديك .. يعني زي ما زكرت لي محمد كوستاوي في معرب ردي عليهو عن إنو اي ( إريــرة ) كان بيجي بتضهب جمب نادي الفنانين نحن بنعرفو كويس .. هنا بالمقابل .. اي واحد يجي يستعمل الدحرجانية دي لاصدار ليصانص قيادة عجلات .. كنت بأجر ليهو الرقعة الجغرافية دي .. وبشيل منو بدل دخــول (حــلة) يعني ما ممكن زي ناس كوستاوي ديل الواحد يجيك (محقــب) يدينو ويقول ليك انا عايز احضر حفلة بي حنان بلوبلو .. وهاك صلح لي العجلة دي .. زي النوعية دي بالذات كنا بندفعم دم قلبمم .. ونحن قاعدين في حتاتنـا .. هم البجيبم هنا دا شنـو..؟ المهم .. بتقوم تجيب الواحد بعدما تشيل منو الاتاوات الفوقانية دي .. وتكتبو اقرار بي إنو متحمل مسؤولية اي كدمـات يا جروح سطحية يا حاجات تانية ممكن اوضحه ليك في اي مكان تاني غير المنبر العام لسودانيزاونلاين دوت كوم .. يلــلا بعداك بتركبو في العجلة دي .. وتدفرو لياكل نارووو .. بعد شوية عينك ليهو .. (ورررردلب) اتكوم والغبار قام تجري تلحقو يقوليك ( والله ولا جاتني حاجة ) تمشي بي عــدة الاسعافات الأولية عليهو .. ودي برضو فيها رسوم خاصة .. حسب المواد المستعملة احيانا .. الله يكرمك فضلات طائر الحمام معالجة حراريا، زيت فرملــة ، رمــاد المهم المسالة الكمدة بالرمدة ومن مصلحة المتعلم إنو ياكله في حنانو وإلا واتهم بي اي جريمة من جرائم الزمن داك .. برنامج الدفر دا بيستمر طيلة العطلة الصيفية .. ابلد واحد بنعيد ليهو البرنامج كل خميس نهاية يوم دراسي .. اشطر واحد بياخد معانا شهــر .. بعدما يدفع دم قلبووو. يجي محمد كوستاوي في الفين وتسعة ميلادية يشبكني ما بتعرف تسوق عجلــة .. تخيل بلاي يا أيمن .. والله يا محمد كوستاوي لو لاقيتنا ايام ميدان جاكسون وجورج مشرقي في خمسة وستين ولي تحت .. والله كان تكون دايخ (ولافي) لحدت الان .. (لــف) شديد..
هذا ولا اطيــل
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: Kostawi)
|
Quote: أسع يجينا واحد يقول لينا أنا أكتر زول بعرفها و مشيت في جنازتها و لو ما مصدقني أسأل العنقريب. |
والله عشة الفلاتيـة دي يا عمووو النصيحة لي الله .. أنا ما شفتهـا لكن كان لقيتك مطرف في السودان بمشي بفسحك في العباسية واوريك بيتم .. وبالمرة بيت ناس حنان بلوبلو في شارع الفيل .. وبيت ناس زيدان .. وندخلك دار الرياضة تاخد ليك نقلة نقلتين من ناس كمال آفررو .. بس اوعك تدقس وتمشي تقعد ليك في كرسي ما حقـك .. والله البسووها فيك نجـار ما عمله في خشــب .. يطرطشوك طرطشة .. اقل واحد فوقم يشبكك : هوووي يــا عاينو دا .. دا من اولاد ويـــن ..؟
Quote: تمبس بلوبلو طلعت زول طيب جدا أوعك تضحكني زي كدا تاني بحذرك |
. دا تهديد مش كــدا..؟ بتهددني يا محمـــد ..؟
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: tmbis)
|
Quote: يا خالة المحكمة قالت أمر قبض على البشير, ما أمر قبض على السودان
البشير زول واحد(فرد واحد من ضمن دليشيون فرد في العالم) هذا البشير يا خالة تسبب قي قتل 300 الف مواطن سوداني شرد 3 مليون |
اولا يا كستاوي يا ولدي انا ابد ا ما قلت ما تقبضوا البشير . ومنو القال ليك البشير( حكم الجبهه الاسلاميه ) قتل 300 الف بس ؟؟؟ انتوا نسيتوا دماء اهل الجنوب لي ؟؟؟؟ ولا عشان زمان ما كان في تصوير في غابات الجنوب وما شفتوا المقتول والمات من الجوع والقريتو اتحرقت والاتعذب وقال ليهم اكتلوني يا جماعه بدل تعذبوني . يا زول انا جهادهم بتاع الجنوب ما ناسياه ولا يمكن انساه . واي مجرم مفروض يلقي جزاءه الجرائم ضد الانسانيه لا تسقط بالتقادم . وبالله لو نسيت العربي اكتب لي بالانجليزي لآنه كلامي دا ما بقولوا عليه مسيخ بالعربي بيقولوا عليه كلام فاضي ولا غير مؤسس. طيب يا كوستاوي لو البشير رفض يسلم نفسه وجماعته ما قبضوه وسلموه الا يعتبر السودان Pariah State ونبقي تاني في المقاطعه الاقتصاديه ونحن مسافرين نملي الشنط دواء قحه وملاريا وحقن وشاش ويبقي تاني العدس بالتموين ووقيه سكر سفوها العيال نحن خوفنا علي التعابه الكادحين ما عندنا شغله في زول بتاع سلطه عنهم ما عادوا
| |
|
|
|
|
|
|
Re: نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو (Re: doma)
|
Quote: و في هذا البوست سوف نستعرض الإحتفال التاني مع الأخت حنان بلو بلو |
يا عمووو محمد .. إن شاء الله بس تكون غنــت ليك أغنية .. حمــادة .. يا نــاس بريدو حمادة بوووظ اعصابنـا حمادة دا..
إنت قايل كيف؟؟ نـانو الاغنية دي في التمنينات .. اعتقد انو دي آخــر مرة شفتـو فيها السودان .. من ديك وعيييك .. يعني الوكت داك الانقاذ زاته ما فكرت تنقذنــا .. علشان كدا مفروض تكون نقشته انا عايز اقول شنـو .. لكن كان غنت ليكم أغنية .. اتغابى فينـا العرفــه .. وأنا العشان عينيك كملت فيك اللهفــه .. معناته رجعت بيكم ورى خالص .. شايفكم كبيتو ليها دولارات كب شديد .. اصلو نوعيتكم دي الواحد ما يملصوهو ابو الجورج إلا بالطريقة دي .. شابكني انا بشتري ليك عجــلة .. تشرتي لي عجلة شنو ياخ قوم لــف ..
| |
|
|
|
|
|
|
|