|
كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة
|
تحيات يا شباب المفردات في اي مجتمع في خلال مشوار حراكه الطويل بتتعرض ( طالما انها جزء من منظومة لغة لها صفة الحياة ) لموات . . . بهتان ( انسهاك ) . . . و قد تنقلب للضد . . . اصنف نفسي ضمن حديثي العهد في مضاربكم دي ( مؤلفة قلوبهم عديل ) . . . عشان كدا اتمنى مساعدتي في فهم معاني الكلمات . . . و استخداماتها . . .
لأغراض هذا الخيط من هنا و للحد البنبلور فيهو فهم محدد للكلمات ادناه ح نستخدمها في البوست دا استخدامها الشائع هنا كما هو . . . - نقاش / دعوة للنقاش - نقد
خلونا نكتفي بالاتنين ديل حالياً
اها يا شباب دي دعوة للنقاش
|
|
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
سلامات يا قيقا
دعوة للنقاش او نقاش عادة بيكون في جمهرة من المستنيرين او الظلامين قعدو وخططو لاستدراج ناس علان وناس فلتكان يلا ناس فلتكان اصلو ما بيخيبو ظن الواحد يجو طوالي اها يبدا النقاش يلا المرحلة التانية يبدا النقد النقد دا طبعا..فيه اي اسلحة ممكن يتكلمو عن ام الزول ولا اخواتو وممكن في النقد دا يالفو ليك قصص عجيبة لما تحيرك في ام رويحتك.. وممكن ينقصو ليك عمر اولادك 5 سنة ذي لما قالو انا عرست عشان امشي ماليزيا.. النقد هنا معناه الكذب.. والنقاش معناه الشكل..
عايز صور؟
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: د.نجاة محمود)
|
Quote: سلامات يا قيقا
دعوة للنقاش او نقاش عادة بيكون في جمهرة من المستنيرين او الظلامين قعدو وخططو لاستدراج ناس علان وناس فلتكان يلا ناس فلتكان اصلو ما بيخيبو ظن الواحد يجو طوالي اها يبدا النقاش يلا المرحلة التانية يبدا النقد النقد دا طبعا..فيه اي اسلحة ممكن يتكلمو عن ام الزول ولا اخواتو وممكن في النقد دا يالفو ليك قصص عجيبة لما تحيرك في ام رويحتك.. وممكن ينقصو ليك عمر اولادك 5 سنة ذي لما قالو انا عرست عشان امشي ماليزيا.. النقد هنا معناه الكذب.. والنقاش معناه الشكل..
عايز صور؟ |
سلام يا دكتورة ما شفت مداخلتك لما عملت الفاتت
لا الصور علي انا ح نلعب بقوانيني هنا مش انا صاحب الدعوة ؟
Quote: لأغراض هذا الخيط من هنا و للحد البنبلور فيهو فهم محدد للكلمات ادناه ح نستخدمها في البوست دا استخدامها الشائع هنا كما هو . . . |
تعرفي الزمن دا كلو انا قايل فتح البوست بقروش و حكاية موضوع جديد اعلى اليسار دي قايلهها لما تكمل الموضوع البتقرا فيهو تقوم تضغطها عشان تقرا البعدو . . . ما كنت قايلة عشان تكتب ! زمان خالد ماسا وصاني قال لي : " لا تشرع في الكتابة ما لم تتأكد انك اجدت القراءة "
يا دكتورة دا كلام ساكت البوست و سيد البوست تحت امرك جيبي كل الصورة العندك و محتاجك هنا جداً
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: خضر حسين خليل)
|
Quote: هنا بقت تعتمد علي الفهلوة والشطارة والتلفيق |
اول مرة اتفق مع خضر دا
قيقا قلت لي دوايها شونو كدا ما عارف داء انا تفتيييييييحة وشايله مفاتيحا
افهم ليك الرجال قبل يتكلمو ذاتو ماين ريدنق يا عمك
نوريك السي في.. 6 سنة في مدرسة الاولاد انا وعادل اخوي دا ما خلينا لينا ولد ما وسمناه( كسر سن فلقة دائمة راس مخيطه الخ الخ) ولا شجرة ما طلعنها ولا غنماية ما رعينها ولا بلي حايم ولا طيرة ما قبضناها على واطي بالشرك والنبلة.. البغلط فوقي ما بخليه كان دخل بطن امه.. بعداك بت واحدة في فصلنا في معهد الموسيقى واخد بالك سنتين ونص من 7 لي 7 الكلام بالرمز الواضح التحويل اي حاجة نفك شفرتها في ثانية
اسع تحليلي لكلمة نقاش ما صاح؟؟ هو عبارة عن استدراج لظلامي في حالتكم.. يعني باختصار اذكى راجل انا اذكى منه قولي كيف؟؟؟!! ذكاء الرجال الناجم عن التجارب الحياتية بالاضافة للذكاء الطبيعي العالي للمرأة وان كيدهن لعظيم..
عايز الصور كيف يا فردة؟
_________ الكلام الفوق دا ضحك ساكت وهظار ما القى زول "عضير" شايلو لافي بيه يثبت بيه اني مسترجلة...
قرقرقررر
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: د.نجاة محمود)
|
Quote: افهم ليك الرجال قبل يتكلمو ذاتو ماين ريدنق يا عمك |
ماي قوود فريند
ما تفرحي شديد لسه ياما في الجراب حكاوي
ابتدرنا السؤال لعل و عسى يريح المكنة البتنتح دي او نربح احتمال سكوت الانين المحرق روحنا دا مع وجود التحذير على غلاف الاحتمال دا بخط واضح و صريح " التفكير ضار بالصحة " اهو بنمص لفافاتو و بنلوك في الصبر . . . وزي ما قال العطبراوي " و في الصبر حذاقة " . . . * بعد دا كلوا يا دكتورة ضربتي تكتيكنا دا ؟
مملكة النمل زيها و زي اي مملكة مقسمة لـ : ملك ، جنود ، و عمال . . . و مفكرين بتسآلوا بدورهم : هل يوجد غيرنا في هذا الوجود ؟
حواء والدة يا دكتورة . . . و السودان فيهو مدارس كتيرة تاني و كانت على مر السنين مليانة صبايا و فتية وسيمين باتساع حلمهم بي صباح الغد و عيونهم كلهم/ن كانن برقهن لماع . . .
اها قلنا نسخن جاهزة نفتح الكتاب ؟ بالمناسبة الاجندة مزحومة ما تعطلينا ياخ
----- على غرارك ------- دا تصحيف لاغنية الندامة : ان طعم الحب كالصبر و في الصبر حداقة . . . ما يجي واحد يفتح لي كتاب " تصحيح التصحيف و تحرير التحريف " لا الصبر هو الصبر و لا الحذاقة هي الحداقة
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
Quote: النقد دا طبعا..فيه اي اسلحة ممكن يتكلمو عن ام الزول ولا اخواتو وممكن في النقد دا يالفو ليك قصص عجيبة لما تحيرك في ام رويحتك.. وممكن ينقصو ليك عمر اولادك 5 سنة ذي لما قالو انا عرست عشان امشي ماليزيا.. النقد هنا معناه الكذب.. والنقاش معناه الشكل.. |
يا شباب حرام عليكم انا زول جديد و يتيم ( ابوي ميت )
فهمونا النقد يعني شنو ؟ ياهو القالتو الدكتورة دا و لا عندكم رأي تاني ؟
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
نقاش بمعني argument
a discussion in which reasons are advanced for and against some proposition or proposal is a series of connected reasons in support of a position or a conclusion The communication, in verbal or written form, of the reasoning process that leads to a valid conclusion
نقاش بمعني discussion consideration of a question in open and usually informal debate an exchange of views on some topic
نقاش بمعني dialogue An exchange of traditions and ideas or opinions on particular issues, with a view to reaching an agreement or settlement
Synonyms: argument, colloquy, conference, deliberation, discourse, give-and-take, parley, talk
--------------- اها يا قيقا، نقاش دي عندنا ليها مرادفات كتار كده؟
Source
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: Emad Abdulla)
|
Quote: ده مش عمك داك البيضرب البوهية ؟
الحيط كتيرة هنا .. خليهو يضربها يا قيقا ياخ .. ضربها بلى يخمها . |
ظنيتو الياهو ذاتو
منور يا عمدة ياخ و الله ابداً ما استبعدت انو يطلع هو ذاتو . . . ماكلو ضرب زي ما قالت البت البتصر الريح في طرحتها و تعيد نثره . . . يقوم الهواء يضرب الطواحين و يبدأ النطح
ياخ بمناسبة النطح و عيد الاوفلتين في زقاقات الديم . . . قريت ليك عن غنمايتكم الطيرت الحبيبة
قف من هنا نعلن كامل ادانتنا لاجرام الغنماية و بأسم جمعية الرفق بالحبيبات نطالب الغنماية الآثمة باعتذار واضح و صريح
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: شادية عبد المنعم)
|
Quote: لقيك أصلو ما جادي
ياخ كل سنة وإنت طيب
ما تخلي أمور الشيوعيين دي ( بالمناسبة إتلعمتها وين) عايز تهبرك منو |
شدو يا
السؤال خطيئة من عمل الانسان فاجتنبوه . . .
و مسكين الشيطان ، لما نقارنو بعش دبابير احتمالات الاجابة الممكن ينفتح . . .
طبعاً انا مدمن توم اند جيري مرة و في اقصى ممارسة طقسهم الحميم في المطاردة و التلهي باللعبة الوجودية و قانون الطبيعة و البقاء . توم و جيري كانو في شاهق ما . . . و وقعوا . " جيري " ذكي بحسب رأيي و رأي المؤلف و المخرج و المنتج و المشاهدين جميعاً و بحسب قوانين الطبيعة و دارون و شليل و حسن اولئك رفيقاً . فالفار في سبيل حفظ نوعه و التشبث بحقوا في الحياة و قولة " بنرفض نحنا نموت " الاستشهدت بيها صديقة بهناك . و امعاناً في الارتقاء بعد ما اتورط في نشوء لا ايدو و لا كراعوا . . . لقى نفسه فيه الحلقة الاضعف ، قام عمل شنو ؟ ( ودا برضو خطيئة ) لكن خطيئة بيضاء ( محفزة ) . قام بقى اذكي المخلوقات الحائمة على ضهر المجرة ( بحسب ما تواتر الى علمنا ) و هو نحن شنو في المجرة ؟ السؤال ؟ ! . . . انا لله اما " توم " فاكتفى بمنحة الطبيعة و كون انه صاحب القوة و حليف السلطة ( العاقلة ) المسيطرة على الكون " حسب زعمهم " و عاش زهو تمتع بجماليات الفكرة . . . و ما طور أي شئ نرجع لقصة المطاردة او على وجه الدقة الحلقة المعينة في سلسلة الصراع التاريخي دا و في جدل ( العقل ) و ( العضل ) زي ما بقولوا ناس الكورة او " حمادة امام " تحديداً لما سقطوا يا عزيزتي و الكرتون ابلغ انباءاً من الكتب لان الرسم كتابة لا تحتاج لتعليم حروفها او حرفتها في مدارس نظامية و اسألي عماد كان مكضباني . جيري بضاءلة حجمه تحول لعقل و تسأل و طلت العلامة الحبيبة " ؟ " . . . و استخدم " الحنكول " في رأس العلامة في التشبث في اول نتوء قابله على جدار " كورس الاحتمالات الممكنة " اما صديقنا " توم " خر صريع الدهشة و تعجب من الحاصل بدلاً عن يفكر ليه حصل ؟ الحل شنو ؟ و طلت علامة التعجب " ! " فامسك بها لكن هيهات ان تكتب النجاة لكسلان مندهش .. . لما انتبه لورطتو قام عوج راس الدهشة ليحولها لعلامة " ؟ " . . . لكن كان يلعب خارج الزمن المقرر للنجاة و هناك يا عزيزتي ليس ثمة " زمن بدل الضائع " . . . فقط " زمن ضائع " زي ما بقولوها بالضبط لم ينسوا جماعة ديزني ان يسقطونا في خضم كوميديانا السوداء لنرتطم بواقعنا البائس لنتجرأ على الضحك . . . حتى على انفسنا . . . او قولي على دقونا عديل . . . انا شخصياً ضحكي على دقني الما غطيتها وانا مختلس مشاهدة توم اند جيري الساعة الثالثة صباحاً منفرداً و " فادي " مبرري الوحيد غارق في النوم كما كثير من الاحلام . نرجع لعمنا توم لما عدل " ! " لـ " ؟ " كان أوآن السقوط . . . و وصل لمستقر له . . . او بعربي البطانة " لزم الجابرة تب " .. . و كاد ان يتوسد التقيلة مع او بدون ثبات أجر ايهما اقرب لتقوى نفسه او صلاح دعوات الحوله
سمعتي ليك بفار مات في عنقريبوا ؟ ما بين المصائد و القلوبيات المنصوبة و افواه القطط . . . كل يوم يقتل فار و تطالعنا الصحف الرسمية " لم يقتل لكن توفاه الاجلُ "
دا مشروع " وا فاراهـ " قصة من عالم الفيران . . .
يا صديقة اكون جادي ليه ؟ الخرخرة كرهتنا لعب البلي . . .
كل سنة و انتن طيبات و حآل و مآل حواء افضل و عليك الله توصليها لثلاثي الجمال مع ورود على قدر الجماعة . . . واحد . . .اتنين . . . تلاتااااااااااا
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
يا سيدي صديقي هزمتني شر هزمة(دي كيف معاك؟)
أنا عارفاك مشنكل بي علامة الإستفهام دي أحدهم أو جمعهم لكن ظبطتني فلسفة لمن آمنت
بس أقول ليك حاجة؟؟ أنا كاشفاك على وزن عاجناك وخابزاك
ولقيتك برضو ما جادي لكن الحمد لله الخليتك فشيت فلسفتك دي على الملأ وهي فكرة في غاية الجمال والإتقان
ولو ما أوكامبو والكمبو كان جماعتك تشنكلوا آحادً وجماعات لكن الله غالب
خستكة أولى بمناسبة توم اند جيري
ود عصام أخوي عارف البرامج البحضرها يجي يقول لي يا عمتو توم وجري دات
أو نقاد الحسب دات ملاحظ الحروف عندو عاملة كيف؟؟
خستكة تانية نرجع لذكاء جيري تعرف لم ليك فيني جيري بيطلع الطابق الثالث كيف ما عرفتو قرض لي خرطوش الغسالة وبدأ في البوتاجاز وزعلني ليك زعل! سافرت الدمازين ضاير ليك بناتي مضايرة شديد يحتل المطبخ من المغرب ويطرد ليك الورد برة جيت قلت يا أنا يا هو تعرف تخت ليهو الطماطم الليلة يضوقها يموت يجي جيري التاني ويعمل ما شايف الطماطم المسممة تعرفني لو أستفزاني فار ولا زول بس شبكتو ليك منيو متغيرة يوم جبنة مضفرة يوم ماتديلا يوم موز تعرف قرضت ليك كم جيري 8 من النوع أبو (جقر)
لكن بعد ما يموت أجر ليك كول لي لأكرم ود عمي بيدرس هندسة جنبنا كرومي تعال شيل جنازة جيري
عاد كمان أنا قدر أكتل الكتيل وأمشي في جنازتو؟؟
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
خضر حسين خليل د.نجاة محمود وليد محمد المبارك محمد مكى محمد Rihab Khalifa اميمة مصطفى سند nasmah1981 Emad Abdulla شادية عبد المنعم
لما جاتني فكرة الخيط دا كنت عاوز اغزله على منوال الكائن اثر كتمة روح لكن بقدرة قادر كوات الروح لقيتكم في نهاياتها و طلعت مسام و مشى الغزل في نسج مغاير . . . لي يوم الليلة ما عرفت مفردة " نقاش " يعني شنو هنا ؟ ما مهم ياخ . . . لكن تاكدت من كتير كان فايتني و فايتني دي بتوقيت الكوفة و كريعات برضو . . . و نيرودا " خلي ولي " على قول البنغالة " ان تأتي متأخراً خيرٌ من الا تأتي ابداً " التواصل هنا على ابدع ما يكون . . . لكن درويش الشخصية السودانية دائماً مودر سماح اللمة في زفة المداحين . . . كلنا شموليين و نظرتنا للعالم و الواقع ذاتية و لا استثني احداً كان نفسي اكابر و استثني زول بدافع حب و لا قصر نظر مني حتى . . . الحاصل : تواصل في اجتماعي . . . و تصادم في سياسي . . . و مرات تصادم ساي بلا سبب او بي سبب لكن ما موضوعي . . . و بس . . . قاتل الله التكتيكي . . . قاتل الله المرحلة ذاتها . . . و قصر نظرها و مداها . . . اسي دا ما استنزاف لقدرات خلاقة في صنع اللاشئ ؟ و استهلاك لوقود الروح المشحتفة خلقة و بالتقسيط الما مريح ابداً . . . و خمج للطين الجوانا من غير بناء . . . بذخ و بوبار في الفارغة . . . تبذير في تبذير . . . و على قول بتاع الازيار في تبرير غلاء الاسعار . . . هو في طين ؟ لا الادهى و الامر السبغ بصبغة العلمية . . . و شن فايدة مديدة الحلبة يا ابو السرة ؟ و الويقود بشيلوا اليانكي الصراع مدلعينه بـ " نقد " الدواس اللفظي باي مستوى لغوي برضو نقاش سبحان الله ؟ . . . زمان قالو النقاش دا فن ؟ و منطق . . . شرح تبسيط . . . توصيل برهان . . . حجة . . . و من ناحية تانية ابانة مواطن الضعف و التناقض في حجة الخصم و دحضها . الفكر بتحرك و لا ثابت ؟ لو ثابت على قول حيدر قاسم يكون ادرك بئس مصيره " الموت " دا السكون النهائي و لو متحرك ؟ الحركة دي ما عندها قانون ؟ و اذا كان لا بد من منتصر فلتكن الحقيقة و اذا كان في خاسر هو الطلع برايو الخش بيهو النقاش زي ما ياهو . . . صاغ سليم
اقول قولي هذا و شايف حواجب الدهشة معقودة . . . شمولي ؟ . . . و مالو مش بوستي ؟ و انا الدعيت للنقاش هنا ؟
| |
|
|
|
|
|
|
Re: كلمة ( نقاش ) يعني شنو هنا عندكم في سودانيز اون لاين ؟ . . توجد ( صور ) مقلوبة (Re: قيقراوي)
|
نقاشات فادي المأزومة . . . الدائرية . . . ( 2 )
نفس الملل لكن على الاقل في البيت في استخدامات خلاقة لتكتيكات هنا ما في ليها مشهاد
فادي مكوم المساند فوق بعض : بابا شوف " بيت الله " . . . حلو ؟* و انا في مناطحة طاحونة هواء تانية : ايوة حلو فادي المتمادي : بجي طالع بجاي – ممرر يدينه في هرم الوسادات - و يقوم يخش بالباب انا مقاطعه : يا اخوي دا منو دا البجي بجاي و يخش بي جاي دا ؟ يا فادي الله ما زول اتكا في المسجد الوهمي بتاع الوسادات و بدأ الغلات . . . : ايوة زول و كمان مائت مائت يعني شنو ؟ امه غادرت الغرفة لحظتها . . . و بقيت براي عكس الريح دي فكرت فيها مظبوط ياخ الزول دا ما بتغالط لي و هو مكوع و مرتاح كدا كوعت انا و ناديتو وقفته انتباه ( ماهو ما في طريقة الا ندخل تكتيكات جديدة ) نحاول نرهقه بدنياً : كيف يعني مائت ؟ ايوة انا شفته لما مشينا لناس ( مرهف ) فرجت . . . مرهف ولد معتصم ود الجمام و معتصم في المدينة و المدينة قبر الرسول فوقا و زائد علي شوقا يا فادي اسمو منو الزول الشفتو مائت دا ؟ الله صلى الله عليه و سلم يا فادي ياخ في كلمة ساقطة هنا اسمو " رسول الله صلى الله عليه و سلم " . . . محمد رسول الله صلى الله عليه و سلم انفراج في ازمة الحوار . . . . بعد كدا اديناه صفا و انصراف طوالي هو : طيب الله شنو لما ما زول ؟
------------------------ الاجابة جاهزة على السؤال دا : حلو . . . لانو اصلاً ما سؤال هو مجرد تقرير . الواحد يغرق ذمتو بس و يدوس ياخ امس مشينا جبنا ( وحش ) برضو اقريت بحلاتو . . . بابا وحشي حلو ؟
| |
|
|
|
|
|
|
|