كتب الكاتب الفاتح جبرا المتوفرة بمعرض الدوحة
|
و البلد !!!!!
|
قعدت حداكى قدام مزارات الشموس الغايبه ليها أزل ندهت معاكى ريحة الفرح البتاوق فوق شقانا يا صفصافه مين ودر صباح نهرك جدع ليلك بعيد يا قمريه وينو غناكى مين شتت هديل عمرك سرق خرس البيوت حسك ولا السكات هزم النشيد يا عطريه وينو شذاك مين دنس صلاة زهرك دفن جوه الفيافى مناكى حلمك رهاب جوه العطش محبوس دمك يباب مسمر فى الأسى الجواكى ونحن ليهو نكوس
قدام منامات الشموس الغايبه ليها أزل عبيت قِرب ليلك عذاب قبال تصل ومرقة بدرى زى عمرك يتيمه صباحا بعيد وما ملحوق وفتحتَ فى العينين مسارب سويت دروب سيلك سراب مرقة غنا الناس القراب تفضح بالحنين أمرك والمواويل القديمه هدت حيلك الممحوق مضاريا بالشوق المحل
قدام مزارات الشموس رجيت غيماتك الفسلا قعدت براى زى عشم الأرض مدسوس يا جايينا من جوانا اتمهل يا حابسنا جوه دمانا اتمهل يا طافينا بى نيرانا اتمهل شيل ضو الصبر فانوس وعاين فى ضلام دنيانا بى مهلا
قدام مزارات الشموس الغايبه ليها أزل قبال مواعيد الخفوت شمسك مكتفه بالضلام قبال مراكب الليل تصل لملم شراع حزنك وفوت للشوق هنا طعم البيوت للنيل هناك مليون سلام
للشوق هنا طعم البيوت للنيل هناك ريحة الوئام
|
|
|
|
|
|
|
|
Re: و البلد !!!!! (Re: أبوذر بابكر)
|
تعرف يا (أبوذر) ، ومابين القوسين كسر للرتابة اللغوية والنحو ليناسب القصيدة وكلامنا، تعرف ، تبسمت مرة وأنا أشاهد برنامجا عن الحرائق وكيفية محاصرتها بنيران حولها، راقتني الفكرة ، فكرة محاصرة النيران المعاديه بنيران صديقه ، وياكا جِبتها من الآخر مكبسَله مع الفرح البتاوق. غايتو.
| |
|
|
|
|
|
|
Re: و البلد !!!!! (Re: محمد المرتضى حامد)
|
من هنا بتجى المفارقة يا مرتضى
ويمكن ما بعيد برضه من
وداونى بالتى كانت
كيف حالك يا "زول يا سمح"
الفرح بخيل
على قول السيدة فيروز
وفرحنا نحن كمان مع بخله، عنده خوف وحيرة ووجل
المعنى وقع ليك تب يا مرتضى
لأنك زول فنان وعراف أصلا
وتحيات كتار ليك
تريانه ونديانه ومليانه
| |
|
|
|
|
|
|
Re: و البلد !!!!! (Re: أبوذر بابكر)
|
المكتبة الأمريكية، المركز الثقافى
شارع فكتوريا ماضيا
شارع القصر حينها
شارع القصر حاليا
وشتان ما بين الشارعين/القصرين
أكاد أتذوق طعم الهواء ورائحة الهدوء وأنا أتذكر ما كان داخل ذلك المبنى الصديق
| |
|
|
|
|
|
|
Re: و البلد !!!!! (Re: أبوذر بابكر)
|
يابلد ماذا بين الذهاب والعودة اليك ؟؟؟ لك التفرد اخ اباذر وانت تعانق هذا الفجر الوضىء
الا زالت الشمس معلقة فى تلك الاماكن الاولى ...؟
| |
|
|
|
|
|
|
Re: و البلد !!!!! (Re: كمبورة)
|
ليك عزيزى كمبورة
جزيل الود وعميم التقدير وكتير السلام
معظم الردود والمشاركات اختفت فجأة
بعد القرصنة الأخيرة
معليش يا كمبورة وبقية الزملاء الأحباب
| |
|
|
|
|
|
|
Re: و البلد !!!!! (Re: ناهد بشير الطيب)
|
تحايا وتقدير يا استاذة ناهد
وما بين هذى وتلك
تحتشد الأرواح بجحافل الشوق الهادر
وتخضر المواسم بسنابل الأمنيات المقيمة
تسير السفن وتمخر أمواج الدم الهائج بفعل رياح الغياب
الشمس ماتزال تبسط نهر دفئها على وصيد الوطن
فى انتظار صحو الصباحات الندية
وسنعود
حتما سنعود
سعدت والله بمقدمك الجميل يا ناهد
| |
|
|
|
|
|
|
|