|
خمج تشجيع المهلهلين
|
ناس فارشين فرواتم وجارين سبحم وداقين نوباتم وناس يحرقوا في البخرات وواحدين يضربوا الرمل وتانين يرموا في الودع وآخرين يقلبوا في فنجال الجبنة و.....و...وو....و....و أراهن بعتود وضكر حمام وودأبرق أنو الجماعة هسع عاملين مسيرات ومهرجانات إحتفالا بالتعادل المعجزة بتاعم دا .. ياخي ديل مزعجين بإسفاف .. يتبع ..
|
|
|
|
|
|
|
|
Re: خمج تشجيع المهلهلين (Re: طلحة عبدالله)
|
Quote: أراهن بعتود وضكر حمام وودأبرق أنو الجماعة هسع عاملين مسيرات ومهرجانات إحتفالا بالتعادل المعجزة بتاعم دا .. |
والله يا طلحة انا هسي دي في البيت...المريخاب عاملين لينا ازعاج..صفافير و نوبة
...
ما مصدقين
ـــــــــــــــــــــ انتا ذاتـــــــــكــ ما مصدق
| |
|
|
|
|
|
|
Re: خمج تشجيع المهلهلين (Re: osman abdala)
|
Quote: وهبة يا رشاشة قوم لف
الله مرقكم ما مصدقيييييين
|
ما كل مرة يسلم الملهلهلين يا أبو عفان .. خليهم يفرحوا شوية بتعادلم الهبوب دا .. المرة الجاية نتق الريش .
| |
|
|
|
|
|
|
Re: خمج تشجيع المهلهلين (Re: Abdulrahman Eldaw)
|
غايتو جنس خمج الجماعة الأقلية دي ما لاقتني في أية لفة بالواطة ناس يجوك من المغرب ويقعدوا يكوركوا الليلة ح نعمل معجزة ، والليلة فريقنا المهلهل دا ح يغلب الزعيم في آخر الدقيقة وناس تانين يجوك يقولوا ليك رأيت كما يري الحلمان الوهمان أنو نحن غالبين تلاتة ( كمان معاهم طمع ما بقولوا واحد ) وتالتين يجوك يضحكوا زي البالعين حبوب ضحك تقول ليهم في شنو يقولوا ليك مشينا لفكي أب لالوبة وقال لينا النتيجة خاتيها في جيبو بتاع الجينز الأميركاني الوراني .. والمصيبة أنو بعد ما صفقم اللصفر دا يتحت كلو في أول هبوب كلتشية تلقاهم برضو قاعدين .. ياخي امشوا نوموا واللا أكلوا ليكم نبق واللا تبش بالشطة واللا أية حاجة كدا .. يتبع ...
| |
|
|
|
|
|
|
Re: خمج تشجيع المهلهلين (Re: Abdulrahman Eldaw)
|
Quote: انتا ذاتـــــــــكــ ما مصدق
|
عليك الطلاق يا ابو عبدة أنت الصادق المباراة تسعين دقيقة فيها سبعين دقيقة فريقكم المهلهل دا محصور ومضبوب ومزنوق والعشرين الباقية وقيع من ناس الحارس الوقيع بتاعكم المفروض أبو الهل دا ياخد في صنقورو تلاتة اربعة كرباج لكن .... ياخي أسكت دي كورة بت ستين كلب ..
| |
|
|
|
|
|
|
Re: خمج تشجيع المهلهلين (Re: طلحة عبدالله)
|
قال حكيم معاصر رحمه الله : زنقتان لافكاك منهما إلا بمعجزة .. قالوا وماهي يا أبو حنك ..؟ قال : زنقة أبو الدقيق في لمبة فانوس وزنقة ابو الهل المهلهل المنحوس وكان مكوعا ومدقر سفته فقمز وبصق تووووووف وقال : إنعل أبو دا حظ ياخ .
| |
|
|
|
|
|
|
Re: خمج تشجيع المهلهلين (Re: طلحة عبدالله)
|
بيد أن أطرف ما يذكر في هذا المقام جنوح بعضهم( مشجعي الفريق المهلهل ) للتفليك والرجم فكان أن فلقونا بدراب فطير الإستنتاج ورجمونا بحجارة من قراءات هشة لا تكاد تستقيم وتستوي علي جودي التقييم والمنطق ، وذلك قبل أن يلغمهم الزعيم جوز شرابات قديمة . روحوا جاتكم عقرب الخلاء .
| |
|
|
|
|
|
|
Re: خمج تشجيع المهلهلين (Re: طلحة عبدالله)
|
Quote: وتنعق بأسطحه البوم |
البتنعق الضفادع يا وهم
غايتو يا طلحة أرجو الجاييكم ساي
مسحوا الرقاب واقعدوا بالقرقاب
فالهلال قد اصبح جاهزا لتلطيشكم بالكتير
وهاك وش حمودي دا
| |
|
|
|
|
|
|
|