|
|
 Re: ود شيقوق وشقشقة عصافير الخريف ..... (Re: ود الباوقة)
|
أخي العزيز / ودالباوقة ،
تحياتي ،
| Quote: خلاص بلاش منها... نزلوا لينا عوضا عنها .. |
حيث أن الخريف ولىَّ هنا،
(رغم كثرة صلوات الاستسقاء له) ؟!!
وحيث أننا مهاجرون ، مغتربون ..
لذا ارتأينا بدلاً من البحث عن عصافير
في بلد اختفى فيهاالخريف مؤقتاً وحتى
(إشعارٍ آخر) .. لذا نهديك بدلاً من
العصافير .. الطير المهاجر ، واهو كلو
تبع العملاق وردي .. بس كلمات فقط ،
ونترك إنزالها لمن يملكهافي جهازه
ولتكن (تصبيرة) لك حتى يظهر لنا أحد
الأشاوس وينزل ليك : اسد الله البضرع !
أو بدلاً عنها : بريدك يا البشير ؟!
أها .. شن قولك .. تنفع قصيدة (الطير المهاجر)
لشاعرنا الخالد صلاح أحمد إبراهيم واللا أمسكها ؟!!
الطير المهاجر
غريب وحيد فى غربته
حيران يكفكف دمعته
حزنان يغالب لوعته
ويتمنى
طال بيه الحنين
فاض به الشجن
واقف يردد من زمن
بالله يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل الليل بالصباح
تحت المطر وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل اريح سكن
وفوت بلاد وسيب بلاد
وان جيت بلاد تلقى فيها
النيل بلمع فى الظلام
زى سيف مجوهر بالنجوم من غير نظام
تنزل هناك وتحى يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا
سلام
بالله يا طير قبل ما تشرب
تمر على بيت صغير
من بابه
من شباكه
بلمع الف نور
تلقى الحبيبه بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفاى ليها
وحبى الاكيد
مودتي ،
( ليمو )
| |
 
|
|
|
|
abdulhalim altilib
فيس بوك
تويتر
انستقرام
يوتيوب
بنتيريست