|
Re: السعودية تستبعد كل وكالات الحج السودانية عدا ثلاثة..والغاء احتكار سودانير (Re: abdalla osman)
|
سلامات الأخ عبدالله عثمان,,Quote: بسبب الاشكال المزمن في نقل الحجيج السوداني قام مجلس الوزراء بتوجيه وزارة الارشاد بتحرير مسالة نقل الحجيج السوداني من سودانير لاي ناقل اخر يرغبه الحاج..في الوقت نفسه سمحت السلطات السعودية لثلاث وكالات سودانية فقط دون البقية بالاستمرار بسبب اهمالها الحاج بعد مغادرته البلاد. |
أقل ما يمكن عمله بعد الفظائع والفضائح التى تم إرتكابها من قبل الوكالات والناقل الوطنى بحق الحجيج السودانى,,, لم يراعوا حرمة الشعيرة ولا شيخوخة الأغلبية من الحجاج,,,,كان تعاملهم معهم يخلو من المسؤولية والأخلاق ويفتقر إلى أبسط قواعد الإلتزام بالعقود وإحترام البشر وزمنهم وصحتهم,, وكانت أحاديثهم كلها عبارة عن أكاذيب وهروب من مواجهة الحقيقة الواضحة بأنهم قد فشلوا كل الفشل فى إدارة أمور الناس الذين دفعوا لهم مقدما ولم يكونوا عند حسن الظن بهم أبدا,,, القصص والحكايات التى تروى عن هروب الوكلاء ونكوصهم عن كل إلتزاماتهم بمن فيهم سودانير الناقل غير الوطنى وغير معنى غير بتحصيل الأموال,,, قصص يصعب تصديقها لولا وجود الشواهد والشهود,,,
سودانير وما أدراك ما سودانير أكبر شركة تخصصت فى إهانة المسافرين فى العالم!!!!!و عن النقل عبر البحر الأحمر وسواكن وسودنلاين فحدث ولا حرج!!!!
تحياتى,,
| |
|
|
|
|
|
|
Re: السعودية تستبعد كل وكالات الحج السودانية عدا ثلاثة..والغاء احتكار سودانير (Re: Hala Hassan)
|
الاخ عبد الله عثمان
تحيات طيبات
شاركت لمدة يومين فى الورشة التقييمية لاعمال الحج 17 /18/فبراير
ودونك رابط استعراض اعمال الورشة
ورشـــة تقييــم اعمال حـــج 1429هـ/ الهئية العامة للحج والعمرة
....
استعرض الوزير ازهرى التجانى قضية الناقل والوكالات بشئ من التفصيل
واوضح ان الحاج السودانى هــو الحريص على سودانير وهذا الامر بالارقام حوالى 17 ألف حاج
والسعودية حوالى 2500 حاج
وsunair حوالى 1700 حاج
السؤال لماذا يذهب الحاج الى سودانير علما بانها ليســت ناقل وطنى لامتلاك شركاء غير سودانييين لاكثر
من 50% من ملكيتها ( الكويت ) ...
الاجابة الحاج السودانى غير ملتزم بالمواعيد والنظم الادارية وهو يريد شركة طيران تتعامل مع هذا
السلوك السودانى .
لــم تستطع الوكالات استقطاب حجاج وفقا للحصص الممنوحة لها ...وتم الطلب لاتحاد اصحاب العمل لدعوة شركات
للمساهمة فى التشغيل الاستثمارى للحج ( شركات نقل / وكالات ...)
| |
|
|
|
|
|
|
Re: السعودية تستبعد كل وكالات الحج السودانية عدا ثلاثة..والغاء احتكار سودانير (Re: بدر الدين اسحاق احمد)
|
والله وكالات حج ورش أو ما أدراك ما الورش سودانير وهلم جرا هذا كله لايغيظني بقدر ما اننا انتظرنا حجاج لنا لمدة 21 يوم ذكروا انهم سوف ياتون يوم غد الأربعاء وقمنا اشترينا الخروف والواحد مشى لأهلهم منفوخ عشان بيني وبينكم الزولة الحاجة لسانها طويييييييييييييييييييل وربطنا الخرفان التي وصل عددها الى خمسة { خوف من اللسان الطويل وليس من أجل كسب الأجر } يوم يومين اسبوع اسبوعين والحجاج لم يصلو جاء حرامي وسرق الخرفاااااااااااااااااااااااان !!!!!! ولحد اليوم لاحس ولا خبر طبعاً حاتقولوا عملتوا شنو ؟؟ اتفق الجماعة اننا نجمع قروش مع بعض ونشتري خروفين ولازم نفهم { الحاجة } بالحاصل وأن هذه الخرفان الأخيرة تعويض عن الأولى ولاتنسوا اننا خارجون للتو من عملية قيصرية متعثرة وهي خروف الضحية وقالوا ليكم أكلنا من خروف الحجاج عليك أمان الله كان لقينا باقي { القهوة } كل واحد شرب ليهو فنجان واتوكل على الله قال تقييم ورشة الحج قال !!!!
| |
|
|
|
|
|
|
Re: سودانير (Re: toona)
|
عبد الله عثمان
الزول زاتو
عليكم امان الله انا بس قدمت لــي الدعوة ومشيت خشمى مافتحتو ..
الكلام دهـ كلام الوزير ازهرى التجانى عن سودانير ...نقلت الكلام بــس
Quote: الاخ بدر الدين
ياخي حرام عليك ،
الجماعة بياخدو منهم مبلغ مقطوع على اساس السفر بالطائرة وماادراك ما الطائرة
لو الشغلانة فيها خيارات خطوط صدقني مافي زول بيختار السودانية
يمكن تكون ميزة السودانية انها ارخص وتسمح بزيادة وزن عفش غير كده مافي اي ميزة
وانت في الورشة دي راعي ومسئول عن رعية الحجاج كيف تقول كلام لا مبرر له سوى انه قيل في ورشة . |
اخرى :
وقاعد انقل فى مادار فى الورشــة فى بوستى فقط ...وهــى من الاهمية بحيث ان عام 1432هـ سيتحدد شكله
من هذه الورشة
| |
|
|
|
|
|
|
Re: سودانير (Re: abdalla osman)
|
يا خوانااااااااا دي شركة خاصة غير سودانية..تستغل اسم السودان وتسئ اليه.. لمتين نصر اننا نسميها الناقل الوطني.. السودان حاليا ما عندو ناقل وطني... ويا بدرالدين عليك الله انا كنت حاج..وممكن تشوف صورنا في بوستيي..وما تصدق العالم دي..فلايزال الرجل يكذب ويتحري الكذب حتي يكتب عند الله كذابا..
| |
|
|
|
|
|
|
Re: سودانير (Re: علاء الدين محمد بابكر)
|
أخوى علاء الدين شركة سودانير أصلها ومن زمان شركة فاشلة ورمز للفشل والفساد المزمن فى بلدى ولما أصبحت شركة أجنبية زى مابتقول الشريك الاجنبى زاتو بعد فترة وجيزة أصابه الاحباط من كمية الفساد واللامسئولية التى يتسم بها المسؤولين السودانيين الذين يسيرون هذه الشركة وطبعا الموظفين من كبيرهم لى صغيرهم سودانيين وهم اصل البلاء والشريك الاجنبى لادخل له فيما يحصل ...
| |
|
|
|
|
|
|
|