|
كتب الكاتب الفاتح جبرا المتوفرة بمعرض الدوحة
|
|
 Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
وشوش ضاحكة زى عمر الخضر فى السيل
طبعا دى مسرحية انت ما بتكون حضرتها قطعا
كان يا ماكان
فى سالف العصر والاوان
كان فى مسرحية اسمها "السيييييييييييل"
تهجمك وترجمك
غشانى ياعمدة وقال لى بعرسك وتانى قال لى ما بعرسك
دا كان اعلان المسرحية
شفت كيف ؟
شفت كيف ؟مش ؟
هسى نجيب ليك وشوش من وين؟
وشوشنى العبير انشا الله
فانتشيت
وساقنى الهوى
فما ابيت
ابيت اللعن يا اخا العرب
تبا لك
واحسرتااااااه على منبر يقتلك يا صديقى غما
فلتقم اليه يا امير المش عارف ايه
وتضربه على ام راسه ضربة تجعله يفيق يارفيق الصبا
ياخ سربع وانتهى الامر
بث ؟
| |
 
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سلمى الشيخ سلامة)
|
اوووو اختي الشاعرة
روز مين وعليكم السلام
| Quote: معليش خارج الموضوع |
يا روزمين ياخ ما خارج الموضوع
ولاحاجة ، عليك الله هسي الموضوع
في المنبر ده كلو شنو ؟
حتى الكتابة البيكتبه صاحبه
وتكون موضوعية يجي واحد او واحده
بسأل وكلام يطفش ليك عصافيرك وما
تعرف أنت ذاتك كتبته شنو ونبقي
زي ما قال العربي :- في حاو وعر
(اسف طبعاً علي التشبيه ده بس
ياهو الحاصل وياهو الجاني في
صنقوعي ده ) فياخ ما تمعلشيها ساي
| Quote: عندك علاقة بناس نابري فى سنجة ولا تشابه أسماء |
والله يا روز مين السؤال ده مبرانى طوالي بس هم ما ناس سنجه
براها سنجه وبورتسودان والابيض ومدنى والحلفاية والكدرو
اسكتى ساي بس انا ركزى لي مع ناس الحلفاية والكدرو ديل
ناس سنجة اهولسه بجابد فيهم ولي قدام ما معروف اليحصل شنو ؟
روز مين أنتي الاسم ده معناهو شنو وجيبتيهو من وين ؟
والله عايز اعرف جد جد ؟
ارقدي عافية
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
هم يضحك
وهم تاني
برضو يضحك
ــــــــــــــــ
خارطة الطريق الوحيدة لهذا البوست هي :-
1/أن لا تأتي بإي افكار مسبقة .
2/ لا بد أن تكون نفسك فاتحة تقول العايزو دون اي خوف
أو وجل وفي الحالة دي سيد البوست يمكن يرد عليك ويمكن
يعتبرك سيد البوست .
3/ مافي إي مشكلة أنو البوست ده يجوهو (الرهط)
(بمناسبة الرهط دي المؤنث من الرهط شنو ؟)
4/ بالطبع العفش داخل البوست مسؤلية صاحبه .
كدي النتمهل سمح
لانو جد جد ماعندي
اي سبب يخليني ما اتمهل
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: rosemen osman)
|
(| Quote: بمناسبة الرهط دي المؤنث من الرهط شنو ؟) |
الليلة جاك
رهط يرهط رهطا
فهو راهط
وهى راهطة
اى انها رهطاء
والرهطاء فى لغة المين كدا مش عارفين
انها امراة ذات "رحط" وتحورت الحاء الى الهاء
حيث تعانى اول من اطلقتها من تلعثم فى نطق الحاء
فتم الادغام بغنة
"غلنا "فى هذا البوست الترهط على مسؤولية صاحبه
قوموا فانتم الرهطاء
والرهطاء يمتنعون لحذف العلة
وما تسالنى عن اى حرف كتبتو
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سلمى الشيخ سلامة)
|
Quote: الليلة جاك
رهط يرهط رهطا
فهو راهط
وهى راهطة
اى انها رهطاء
والرهطاء فى لغة المين كدا مش عارفين
انها امراة ذات "رحط" وتحورت الحاء الى الهاء
حيث تعانى اول من اطلقتها من تلعثم فى نطق الحاء
فتم الادغام بغنة
"غلنا "فى هذا البوست الترهط على مسؤولية صاحبه
قوموا فانتم الرهطاء
والرهطاء يمتنعون لحذف العلة
وما تسالنى عن اى حرف كتبتو |
والله لكن جاني في البوست ده
رهط عجيب
يارب يارب يا خافي تخفي البوست ده
من ود الصايم ووهبة وحمور زيادة
وتنبس وعمر الفاروق وياسر تيفور
وكل رهط ما مقسم معانا
يارب أن الخافي الخفي
ما يشوفوهو كلو كلو .
ياميييييين
(زي ما بتقول حبوبتي النعمة بت زهراء)
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
Quote: والله صدقت وعبّرت عن الأغلبية الصامتة يا سفيان....
ما هذا الصراخ والعويل والنحيب والفليق والفورة
والخواء والعراء والبكاء؟؟؟
هل نحن أمة تهوي الى الجبن وقامت القيامة عندنا؟؟؟
سلاااام يغشاكم يا سفيان وسلمى وروزمين، ولو كانت
هنالك وشوش (غاضبة جدا) لما كفتني! |
شا عرنا الجميل زمراوى
ويا فيلو ؟
والله البشوف الصريخ والجعير يقول عندهم وجيع
ويطلع كلو فشوش ساااي
من ناحية القامة قامت عندنا قطع شك قامت
بكرى ده يا زمراوى اظنو وشوشو دى في بلاد
شغالة وفي بلاد لا لا وعاطلة ساكت .
ارقد عافية .
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
Quote: وشوش ضاحكة زى عمر الخضر فى السيل
طبعا دى مسرحية انت ما بتكون حضرتها قطعا
كان يا ماكان
فى سالف العصر والاوان
كان فى مسرحية اسمها "السيييييييييييل"
تهجمك وترجمك
غشانى ياعمدة وقال لى بعرسك وتانى قال لى ما بعرسك
دا كان اعلان المسرحية
شفت كيف ؟
شفت كيف ؟مش ؟
هسى نجيب ليك وشوش من وين؟
|
ست سلمى
سلمى الشيخ سلامة وأنا جريت لي حفيانة (وشوش بتتذكر
الصحاب كابو وود النور ولمات الحشيان)
طبعاً يا سلوم المسرحية دي شفتها لكن
هسي ما متذكر منها إلا الاعلان
قال لي بعرسك وتاني قال لي ما بعرسك
والبكية ديك
وعمر الخضر لاقيتو ليك هنا في مهرجان المسرح
التجريبي الاخير ده كبر يا سلمى اصلو كبير
وتانى قام كبر .
Quote: فما ابيت
ابيت اللعن |
وابيت الناس ابيت خلاني
خاصمت الكُل علشان حباني
وابيت في غربة لا النفس راضيت بها
وابى وابى وابى ليّ
وعيييييييك
Quote: واحسرتااااااه على منبر يقتلك يا صديقى غما
|
المصيبة يا سلوم بيكتلنا غم
بس بقينا في كتلتنا وغمنا منو دى نضحك
والقلب معوج في حتت الحُزن والموت ما عايزيجي
ويريح .
شفتي ليك ضحك عاصرو الحزنُ؟
ارقدى عافية حبيبة قلبى .
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: خضر حسين خليل)
|
Quote: اماتي القبيل بي حنهن لجني
كرفة وقلدة كيف شوف اللبن رجني
حزنا جاني في ميع الصبا يلجني
أطلع مني يا جلدي المنمل جني
واطلع مني يا حزنًا بقى مكجني
خلني ابدا مسداري
و اودي قفايا لي دارا بقت مي داري
جيت الجلدي بيني وبين عضايا الشحمة ،إلاّ النار بقت قدامي
جلدي الليلة بيني وبين عضايا المافي
إلا تراني شوال الكِبس نفيخ جلاليب الورم هدانّي
في جلدي الورم قولنلي ولا صحي الورم عضاني |
والله يا خضر ياهو الحاصل
والحُزن في ميع الصبا حار وقاسي
بلاي شوف كلمة ميع دي وقيسه بنداوة وطرى عود الصبا والشباب
لاحولتن لا قولتن الشي جن عديييييييييل كده
والنار قدامنا ونحنا لا ظهراً وصلنا ولا بطحاً قطعنا
يا خضر النبي فيك ازرق يمامتك بتقول شنو ؟
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: ALZOLZATOO)
|
Quote: بالله انتو من زمن السيل
جيت عشان اضيف وشوش ضاحكة
بالمناسبة انا مامتذكر كويس لانو كنت صغيروني بعد عملت برج الحمل الحصل شنو
|
اول حاجة سلفني الوشين الختيتهم انت ده (ههههههه)
يازول نحنا بنتكلم عن سيل 88 افرز ياخ
سيل سلمى وعمر الخضر داك اظنو زمن التساب
والنجمة ام ضنب
ياخ انت لو برج الحمل انا الفروجه الفروجه ذاتو
انت قصة الزول ذاتووو دي شنو
وفهمك شنو في الهم والغم النحنا فيهو ده ؟
ارقد عافية يا ذاااااتو
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
Quote: يازول نحنا بنتكلم عن سيل 88 افرز ياخ
سيل سلمى وعمر الخضر داك اظنو زمن التساب
والنجمة ام ضنب |
يا سوفى
النجمة ام ضنب دى واحدة كانت شغالة ممثلة
وعندها ضنب
لاحكى لابقى
عندنا زول صاحبنا الله يرحمه
فى المعهد كان فى كافتيريا اسمها"النادى الجاد"
وبعد داك بقى النادى "الجاط"
دا تاريخ وحات الله
اها صاحبنا دا كان رسام كاريكاتير فى جريدة الايام
اسمه صلاح ابايزيد
وزول فنان رغم انه اتخرج فى جامعة الخرطوم علوم
لكنه جا درس المعهد واتخرج بالدرجة الاولى لمن كان المعهد معهد
المهم
جا الصباح علق ليهو كاريكاتير فيهو وش النجمة
وراسم ليك ضنب طويييييييييييييل
اول ما شفت الرسمة سالته
ـ يا صلاح دا شنو دا الليلة ؟
قال لى
ـ دى ما النجمة ام ضنب
هسى يعنى طلعنا من النجوم الضنبية
والضنب ضنبى براى
منو البشيلو معاى
ويا ضنب اناكنت قايلك تبت من تعب السفر
وضنبا ما ضنبك جر فوقو الشوك
وعلى ذكر الضنب
لو كانت البنات عندهن ضنبات
الواحد يمشى يخطب البت كيف؟
يجى ليك لابو البت
ـ والله ياعمنا انا شفت ضنب بتك وعجبنى جدا وطالب القرب من ضنب بتكم
ويا ضنب جاك عريس
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سفيان بشير نابرى)
|
Quote: اول حاجة سلفني الوشين الختيتهم انت ده (ههههههه)
يازول نحنا بنتكلم عن سيل 88 افرز ياخ
سيل سلمى وعمر الخضر داك اظنو زمن التساب
والنجمة ام ضنب
ياخ انت لو برج الحمل انا الفروجه الفروجه ذاتو
انت قصة الزول ذاتووو دي شنو
وفهمك شنو في الهم والغم النحنا فيهو ده ؟
ارقد عافية يا ذاااااتو
|
يازول سلفناك الوشين 
وده كمان وش مدردق في الواطة
هي بالله سلمى الشيخ سلامة دي ذاااته الممثلة ماقلت ليك انا كنت صغيروني
اكيد انت من برج الفروجة وزول برئ براءة الثعلب من اكل جدادة ناس حياة لوول يكه
قصة الزول زاتووو دي جات عن طريق الصدفة
فهمي للهم والغم انو انا بحمد الله كثيرا على ابتكار حاجة اسمها الريموت كنترول والماوس
يعني بي ضغطه بس ممكن تشوف حاجة تانية عشان كده ا نا بخش للبوستات الفرايحية بس
اها دي كمان ذكرتني حاجة واحد بتاع حفلات والتاني زول اخرة اها قاسمين البيت نصين كل واحد ساكن في نص اها
واحد بالليل دق الباب لي زول الهجيج قال ليهو ادينا الازمة والكوريك في زول مات قال ليهو ده باب ابو جبة للافراح ابو جبة للاحزان بابو التاني لوووووول يكه
اها انت كمان تدق الباب البيعجبك والمابعجبك اربطو بي طوبة وارميهو في البحر
تحياتي
زاتوووو
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: ALZOLZATOO)
|
| Quote: بالمناسبة انا مامتذكر كويس لانو كنت صغيروني بعد عملت برج الحمل الحصل شنو |
طلعت بالواحد معاك التلاته
تنزل محطة ابو حمامة تتجه شرق
ما حتلاقى اى حاجة
فهمت حاجة
ولا نحنا فاهمين
وكت انت كنت صغيرونى
البخليك تفهم برج الحمل شنو؟
عالم عاوزة ضرب وقسمة وجمع وطرح
وجدول ضرب
وجدول موية
وجدول جارى منو خرير
وبث يا زاتو
ويا ذاتى من عبر القرون جيتك انا
او كما قال عبدو الصغير
بالمناسبة المغنى دا مشى وين؟
شفت جبت لينا ناس من عبر القرون
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: سلمى الشيخ سلامة)
|
Quote: طلعت بالواحد معاك التلاته
تنزل محطة ابو حمامة تتجه شرق
ما حتلاقى اى حاجة
فهمت حاجة
ولا نحنا فاهمين
وكت انت كنت صغيرونى
البخليك تفهم برج الحمل شنو؟
عالم عاوزة ضرب وقسمة وجمع وطرح
وجدول ضرب
وجدول موية
وجدول جارى منو خرير
وبث يا زاتو
ويا ذاتى من عبر القرون جيتك انا
او كما قال عبدو الصغير
بالمناسبة المغنى دا مشى وين؟
شفت جبت لينا ناس من عبر القرون
|
غايتو يا بت أمى سكينة عليك جنس
قصص
هسي الرسول فيك الزول ده بتوصفي
ليهو في زقاقات ابوحمامة وسينما
النيلين بالليل ده ليها
كان ضهب هناك وكسح بشارع العلمين
ولقي نفسو في ديم الغناء والا ديم
التعايشة ذنبو يبقي علي منو وانتى
في اخر ايوا سيتى ؟؟
بطلي حقاراتك دي ياخ
قالت :-
ياخ ده كان زمااااان معقول يا سلمي
انت قايلاهو زي بتاع رقشتك الجننتيهو
بي خمسة جنيهك داااك ههههههه
ذكرتيني واحد صاحبي جد جد اسمو محمد دُكه
يوم بحكي ليهو عن زول صاحبي اسمو محمد محي الدين
محمد محي الدين ده عندو شلل اطفال اها اول ما قلته
لي دكه صاحبي ده عندو شلل اطفال سالني قال لي :- عمرو
كم ؟ قلته ليهو 36 سنة رد علي بي جدية ووش صارم ياخ طيب
كيف تقول عندوشلل اطفال ؟
| |
|
|
|
|
|
|
|
|
 Re: من قرأ بعض الناس مات هماً وغماً !!! يااااا المنبر ياخ ... (Re: علاء الدين يوسف علي محمد)
|
بعدين يا عمكـ فيما يختص
بالقراءة في بوستات المنبر
الحكاية عندها تكتيكات يا عمكـ
آمال إيه
في بوستات من العناوين بتشتت فيها قافل القزاز
في بوستات بتجي خاشي متوهط بالعراقي .. وحاجة خفيفة معاو
في بوستات عاوزة كمامات يا عمكـ .. وتكون عامل
أرنب نط استعد عشان تتخارج بأقرب زقاق ضيّق
في نوعية بوستات كــدا يمين تفكـ الحاجات
الرابطا فوق راسكـ .. كان شيشة كان كبنقة كان أي حاجة
في بوستات يمين الله (مايو) .. أي ياخ .. المايو البلبسوهو في البحر
ما مايو بتاع الشهر والثورة والحاجات دي .. المايو ما يحلكـ منها ..
أما أحدث أنواع البوستات يا عمكـ 
بتجي شايل معاكـ برسيم .. أي والله
تجي شايل ليكـ ربطة برسيم جاااهز
يمكن يلاقيكـ حمار .. غنماية لافة!
ناهيكـ عن البوستات الـ  .. النوع دا
لازم تكون شايل معاكـ كفر احتياطي .. ومفكين
ومفتاح أبو جلمبو .. لأنو الصواميل الفيهو
بكون مقاسا ما معروف يا عمكـ
شفت المحن دي كيف؟
فا يا عمكـ
خليكـ جاهز بالتكتيكـ والمايوهات .. والحاجات الخفيفة ركّز عليها باللاي
بي المناسبة دي
الكهربا دي قطعت تاني ولا شنو؟
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: محمد عبد الماجد الصايم)
|
Quote:
في بوستات من العناوين بتشتت فيها قافل القزاز
في بوستات بتجي خاشي متوهط بالعراقي .. وحاجة خفيفة معاو
في بوستات عاوزة كمامات يا عمكـ .. وتكون عامل
أرنب نط استعد عشان تتخارج بأقرب زقاق ضيّق
في نوعية بوستات كــدا يمين تفكـ الحاجات
الرابطا فوق راسكـ .. كان شيشة كان كبنقة كان أي حاجة
في بوستات يمين الله (مايو) .. أي ياخ .. المايو البلبسوهو في البحر
ما مايو بتاع الشهر والثورة والحاجات دي .. المايو ما يحلكـ منها ..
أما أحدث أنواع البوستات يا عمكـ
بتجي شايل معاكـ برسيم .. أي والله
تجي شايل ليكـ ربطة برسيم جاااهز
يمكن يلاقيكـ حمار .. غنماية لافة!
ناهيكـ عن البوستات الـ .. النوع دا
لازم تكون شايل معاكـ كفر احتياطي .. ومفكين
ومفتاح أبو جلمبو .. لأنو الصواميل الفيهو
بكون مقاسا ما معروف يا عمكـ
شفت المحن دي كيف؟
|
عاد مابسالك ........
انت وود البشرى غايتو ....
فى التحليل والتفكيك .....
يديكم العافية
سفيان
بوست مريح ودمه خفيف حقيقى
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: ناهد بشير الطيب)
|
| Quote: يعني يا سفيان" طيفور" ده سويتو "تيفور" نظام حنكشة يعني و للا شنو؟؟ |
وين يا دكتور مشتاقين ياخ
تيفور دي بي اللغة الملخبطة بتاعة النصهم كنديين ونصهم فرنسيس ديك
اصلو زولك ضارب هوايد بلاد الكنديان قالو السقط رقدو (ستا)
وشعيرات رأسو واقفات طيفور طيفور
ياخ ما تذكر لينا سيرتو هسي يجي يطمبجه لينا هههههههه كفانا ود الصايم
وعلاء يوسف ديل ههههههههه
بس ما قلته لي اها المنبر والشكل العام كيف معاك ؟
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: محمد عبد الماجد الصايم)
|
| Quote: بوست مريح ودمه خفيف حقيقى |
غايتو يا ناهد احبطيني كلوكلو
كنت قايل نفسي بعمل لي بوست
غميس ومجغمس زي بعض البوستات
الهنا ديل لانو صراحة صراحة كده
في بوستات هنا قدر ما قريتها
وقدر ما جيته بي جاي وبي جاي
وبي هناك مافهمتها وحكمة ربك
الناس تناقش وتضيف فيها كيفن
الله وتعلم ؟
اها قلته اعمل لي بوست اسميهو
هماً وغماً
جيتي انتي فشلتيني هههههههه
وطلعتيهو دمه خفيف
اقول ليك حاجة ههههههههه
المن الله ما بناباها
علا الفيك انعرفت ههههههههه
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: علاء الدين يوسف علي محمد)
|
Quote: في بوستات من العناوين بتشتت فيها قافل القزاز
في بوستات بتجي خاشي متوهط بالعراقي .. وحاجة خفيفة معاو
في بوستات عاوزة كمامات يا عمكـ .. وتكون عامل
أرنب نط استعد عشان تتخارج بأقرب زقاق ضيّق
في نوعية بوستات كــدا يمين تفكـ الحاجات
الرابطا فوق راسكـ .. كان شيشة كان كبنقة كان أي حاجة
في بوستات يمين الله (مايو) .. أي ياخ .. المايو البلبسوهو في البحر
ما مايو بتاع الشهر والثورة والحاجات دي .. المايو ما يحلكـ منها ..
أما أحدث أنواع البوستات يا عمكـ
بتجي شايل معاكـ برسيم .. أي والله
تجي شايل ليكـ ربطة برسيم جاااهز
يمكن يلاقيكـ حمار .. غنماية لافة!
ناهيكـ عن البوستات الـ .. النوع دا
لازم تكون شايل معاكـ كفر احتياطي .. ومفكين
ومفتاح أبو جلمبو .. لأنو الصواميل الفيهو
بكون مقاسا ما معروف يا عمكـ
شفت المحن دي كيف؟
|
والله يا عمك انت يجيبوك حتت مازدا
مازدا منو حتت شداد عديل كده
طيب لو اديتك اسامي اعضاء هنا في المنبر
ممكن تدخلهم لي في جملة مفيدة ؟ عشان افهم
بوستاتهم ؟ وحياتك بتكلم جد في ناس هنا
قدر ما اقرأ واعيد بطلع منهم غبي ساي وادله
ودلاها الغريبة في ناس بترد ليهم وبتتناقش
معاهم ويعلم الله الناس البترد وبتناقش دي اصلو
ما افهم منى ولا بعرفوا اكتر من بس تقول شنو
نصيبة ساي !!! بتكلم جد يا ود الصايم بتدخلهم
لي في جملة مفيدة وينوبك ثواب في اخوك ؟ لانو
المسالة دي لو استمرت اكتر من كده يا حردته المنبر
ده يا انتحرته وكتبت وثيقة وقلت منبر سودانيز هو السبب
اتصرف يلا واستعين بالرهط معاك .
الا هل بلغت
سفيان نابرى
(ملثم وذائغ العينين بسبب بعض البوستات)
| |
|
|
|
|
|
|
|
|
|
Re: من قرأ بعض الناس مات هماً وغماً !!! يااااا المنبر ياخ ... (Re: محمد عبد الماجد الصايم)
|
Quote: بعدين يا عمكـ
الرهط دي ليها تصنفيات ـ حسب التقرير
الأخير لمحلل البورد ود البشرى!
يعني لو جاكـ رهط الدقيق .. إلا تشيل
بوستيكـ دا في شوال وتتخارج بيهو! |
في رهط دقيق اكتر من ده ؟؟؟
ياخ أنا قبيل كنت مهيص ومهجج
مع سلمي وروز مين ديل
يسألوني من سنجة وشنو شنو في آمان الله
اها لمو ليك فينا ناس خضر وعلاء
وتاح تراح كو كررو وجيت انت تميت
الناقصه ياخ كدي امشي افزع ود
الباوقة شوفو جاب الوثائق والشهادات
والا حمدو في بطنو ؟
| |
|
|
|
|
|
|
| |
سفيان بشير نابرى
سلمى الشيخ سلامة
rosemen osman
ALZOLZATOO
خضر حسين خليل
علاء الدين يوسف علي محمد
محمد عبد الماجد الصايم
ناهد بشير الطيب
فيس بوك
تويتر
انستقرام
يوتيوب
بنتيريست