دحين أسرار بابكر دي فنانة ؟؟؟؟؟؟؟؟؟؟

Quote: التذوق قسم والوان طيف ولكن اسرار بابكر فنانة عالية المقدرة علي التطريب والصوت عندها متفرد وله رنين خاص

Quote: ارسى ليك على بر ياأخوي ماممكن تقول البت ماعندها علاقه بالغنا نهائي وتجي تقول لي عبدالكطريم أتفق معاك وكمان 100% حيرتونا زاتو في ناس كده تحس بيها بتتداخل وبتكتب فقط من أجل التداخل والكتابه ليس إلا بدون وجود هدف محدد أو رساله تريد توصيلها . غايتو اللره يصبرنا على جنس ده

Quote: ياخ دي تفن ليكـ الغنية توصلا جوّه القلب

Quote: ياخي دي مش فنانة ساكت دي ام كلثوم السودان القادمة بس خليك قريب

Quote: بعدين ناس قالوا البحة سمحة ..

Quote: فنانة مليانة يامحمد بتنا دي حلاوتها في صوتها النفسو قصير ده

Quote: كبرت يا عمنا والا ضنين تقلن وبقن ما بميزن

Quote: طبعا اسرار من الفنانات المميزات جدا وبالنسبة لى انا مفضلة وبقاتل فيها عديل كدا؟ لكن طبعا من حقك تبدي رايك اسرار صوتها لا يخلو من خنقة ، خصوصا فى الفترة الاخيرة دي ويبدو لى وزنها زاد مما اثر علي خامة الصوت وكدا وكمان يبدو لي انو النوع دا من الخامة بيشيخ بسرعة (والله اعلم) صدر تحت توقيعي انا مفتى الاصوات الشبابية عليك الله اسمع ليهااغنية ميل وعرج

Quote: ياخ اسمع واسكت ، مسألة الفنان يعجبك ولا لا دي مسألة لاتطرح للنقاش لأنها ترتبط بحاجات كتيره ذاتيه وغير موضوعية البتة وبتجيب لينا ناس ممكونه وملاسي وعمر الفاروق ومن لف لفهم.

Quote: مثلها مثل أي مغن أو مغنية هناك ما يناسبها وما لايناسبها من كلمات وألحان. استمعت إليها تؤدي بعض الأغنيات فحدث قصور في الأوكسجين ودخلت في حالة suffocation لكنني استمعت لأغنيات أخرى أطربتني حتى ال euphoria

Quote: لكن - وكحال معظم الفنانين الشباب - بدات تسابق غيرها بالتغنى بأغانى لا تناسب صوتها الشئ الذى بيّن بعض من نشاز يظهر جلياً فى أغنية عثمان حسين (مسماحك يا حبيبي) وغلطان من يقول انها أجادت الآداء فيها. أيضاً أغنيةعثمان حسين الأخرى (خاطرك الغالي) والتى تحتاج الى نفس طويل لم تستطع اسرار بلوغ نهاية الكولبيهات براحة وانهاء موفق. اسرار ارهقت صوتها كثيرا فى أغانى لا تشبه صوتها ولا ارى من داعى الى ذلك ويمكنها العودة للإبداع (بما تبقى من صوتها) إذا احسنت الإختيار،،

Quote: قرض سلام ياخ ويييينك مختفى عندها اغنية جميلة بس ابت تنزل معاى هنا

Quote: أها جاية عيد السلام يا ناهد ؟؟!!

Quote: الفنانة المبدعة اسرار بابكر في حوار استثنائي غنيت بالمجان اكثر من المال وهذه مواصفات فارس احلامي والدي فنان مبدع علمني الغناء وعمري لم يتجاوز التسع سنوات أسرار بابكر صوت نسائي فرض نفسه بقوة في الساحة بالكلمة الرصينة الجميلة والابتعاد عن الغناء الهابط وقدمت نفسها في العديد من الاعمال الرائعة حتي اوجدت لنفسها مكانة خاصة جداً في وجدان المستمع السوداني الذي يتذوق الغناء الرائع والجميل اجرت معها صحيفة (الكابتن) دردشة خفيفة تحدثت عن بداياتها الفنية كما تحدثت عن حياتها بعد ان اشتهرت وقالت (الشهرة مقيدة جدا وتحرم الشخص من اشياء كثيرة وتصادر حريته) وعن ميولها الرياضية قالت انها لا تشجع الهلال ولا المريخ وقلبها مع المنتخب الوطني: * كيف كانت بداية اسرار مع الغناء؟ كانت بداية سهلة ومريحة لانني ولدت في احضان اسرة تعشق الفن والموسيقي وكان الوالد رجلا فنانا ويحب الفن وله اهتمامات موسيقية وعلمني الغناء وعمري لم يتجاوز التسع سنوات وكان يشجعني علي المشاركة في الدورات المدرسية حتي تقدمت بشكل جيد. * من اين جاءت اسرار بكل هذا الابداع؟ من معقل الابداع ومن دار جعل في المحمية بشندي ولم اجد اي صعوبة في ان اشق طريقي بثقة وثبات لاقدم نفسي بصورة مرضية للجميع. * علاقة اسرار بالمحمية بعد ان اصبحت نجمة غنائية؟ علاقتي بجذوري لم ولن تنقطع وكثيراً مازرت المحمية وشاركت اهلها الطيبين الغناء في افراحهم بالمجان لانني اعشق اهلي ومسقط راسي ولا امانع في الغناء في المحمية بالمجان حتي وان سافرت من الخرطوم. * هل امتهنت اسرار اي مهنة غير الغناء؟ ليس بعد.. حتي الآن انا طالبة في كلية الموسيقي والدراما في جامعة السودان وفي الفترة الماضية كنت مشغولة بالامتحانات الجامعية ولذلك لم اقدم الجديد الذي يرضي المستمع العزيز. * كيف يكون تعامل اسرار مع الطلاب داخل الجامعة؟ داخل الجامعة انسي اسرار الفنانة واتعامل مع زملائي كطالبة عادية ونتناقش ونتفاكر في كل ما يخص الدراسة.. * هل تغني اسرار لزملاء الجامعة بالمجان؟ ليس احياناً بل دائماً وخاصة في الرحلات واجد متعة خاصة في الغناء للزملاء والزميلات. * علاقة اسرار مع اساتذتها في الجامعة؟ علاقة اكثر من رائعة وجميلة. * كم وصل عداد حفلة اسرار؟ ليس لدي سقف ثابت واغني حسب ظروف الناس والمال عندي لايساوي شيئا وغنيت في العديد من الحفلات بالمجان وكنت ادفع حتى تكلفة الفرقة الموسيقية واعمل علي كسب علاقات وجمهور اكثر من تركيزي علي الكسب المالي لان المال سيرحل وتبقي العلاقات الطيبة بين الناس. * هل تعاني اسرار اي مشاكل بسبب الشهرة؟ الشهرة مقيدة جدا وتحرم الشخص من اشياء كثيرة وتصادر حريته وتجبره علي الظهور دائما بمظهر انيق حتي داخل الحي. * اي العملاقين تشجع اسرار الهلال أم المريخ؟ لا اشجع الهلال ولا المريخ وقلبي مع المنتخب الوطني وقد كنت اكثر الناس حزنا للهزائم التي تعرض لها في غانا. *الا تنوي اسرار الدخول في مشروع زواج؟ ليس في الوقت الراهن لانني مازلت طالبة في الجامعة.. * مواصفات فارس الاحلام؟ ان يكون رجلا مسئولا وعلي خلق ودين. * ان توفرت هذه الشروط وطلب منك ترك الغناء؟ لا امانع في ذلك. * هل بالضرورة ان يكون رجل اعمال وصاحب مال؟ ليس بالضرورة لأن المال عندي لايساوي شيئا. * متى تقدم اسرار نفسها باغانيها الخاصة؟ لدي العديد من الاعمال الخاصة وقد تعاملت مع العديد من الشعراء مثل مختار دفع الله وسعد الدين ابراهيم واسماعيل وبدرالدين وغيرهم. * الجديد عند اسرار بابكر؟ شريط غنائي ينتج في القاهرة وبه اغنية جديدة من كلمات سعد الدين ابراهيم سيطرح قريباً بالاسواق. * رأيك في غناء البنات؟ غناء رائع وجميل وخاصة عندما يكون باصوات نسائية. *اسرار مظلومة في الاذاعة والتلفزيون؟ هذا الحديث ليس صحيحاً واجد مساحة جيدة في المحطات الاذاعية والتلفزيو نية وهي مفتوحة لكل من يقدم نفسه بشكل جيد

Quote: أخونا قرض ليك مدة... والله اتلومت تب مع فيرووووز السودان استغفر

Quote: حرم ده دعايو مدفوعة الاجر يا حبيب

Quote: بوستك مُفيد لاسرار يا محمد إمكن شِعر البحور العريضة ما بنفع معاها و مع إمكانيات صوتها لانو الصوت ذو خصائص حتى جوة التصنيف الواحد (إمكانيات و قِسم ) و برضو ملاحظات شمائل حول العامل الفسيو - بيولوجي مفيدة لاسرار * تحتاج اسرار لمناقشة زول بفهم في علم الاصوات و فرعها الغنائي و كويس إنها مطربة دارسة و فاهمة .. صوتا اكيد ما سبرانو زي منا ل بدر الدين ، غالبا هو الطو الالطو في السودان حق مهلة العبادية ، و بختلف من الطو فاطنة الحاج ، البختلف من الطو الفلاتية .. الكلهم بختلفوا من الطو هادية طلسم السمح العجيب ممكن اسرار تتابع الإستماع لكتيبة الالطو السوداني و تفرز نوع الالطو بتاعا ، بل تدخل فيهو تطوير و تعديلات عبر التمارين القاصدة المرتبة ( يا ريت تسأل عثمان مصطفى من الموضوع دا ) * طريقة أدائها فيها صدق و سلاسة تعبير و فيض من الثقة بالنفس لدي شعور قوى بانها اجمل في الغناء الخفيف المُعاد توزيعو داخل الخماسي و السباعي و ما بينهما .. و خاصة إنو مستقبل غناء السودان مربوط بوجدان افريقيا و العرب : البستدعي توزيع اوركسترالي خفيف راقص مع تحشيد سلس للهارموني ذو الخصائص السودانية .. محبتي و تقديري للمطربة المحترمة اسرار بابكر ذات الشخصية السودانية الاصيلة نصيحتى لاسرار ان تنفتح على ثقافات و فنون ( ما دون النيل و الوسط ) .. ففي ذلك إضافات فنية لتجربتها و توسيع لنهجها السوداني في الغناء و خير عميم

Quote: . بوستك مُفيد لاسرار يا محمد إمكن شِعر البحور العريضة ما بنفع معاها و مع إمكانيات صوتها لانو الصوت ذو خصائص حتى جوة التصنيف الواحد (إمكانيات و قِسم ) و برضو ملاحظات شمائل حول العامل الفسيو - بيولوجي مفيدة لاسرار * تحتاج اسرار لمناقشة زول بفهم في علم الاصوات و فرعها الغنائي و كويس إنها مطربة دارسة و فاهمة .. صوتا اكيد ما سبرانو زي منا ل بدر الدين ، غالبا هو الطو الالطو في السودان حق مهلة العبادية ، و بختلف من الطو فاطنة الحاج ، البختلف من الطو الفلاتية .. الكلهم بختلفوا من الطو هادية طلسم السمح العجيب ممكن اسرار تتابع الإستماع لكتيبة الالطو السوداني و تفرز نوع الالطو بتاعا ، بل تدخل فيهو تطوير و تعديلات عبر التمارين القاصدة المرتبة ( يا ريت تسأل عثمان مصطفى من الموضوع دا ) * طريقة أدائها فيها صدق و سلاسة تعبير و فيض من الثقة بالنفس لدي شعور قوى بانها اجمل في الغناء الخفيف المُعاد توزيعو داخل الخماسي و السباعي و ما بينهما .. و خاصة إنو مستقبل غناء السودان مربوط بوجدان افريقيا و العرب : البستدعي توزيع اوركسترالي خفيف راقص مع تحشيد سلس للهارموني ذو الخصائص السودانية .. محبتي و تقديري للمطربة المحترمة اسرار بابكر ذات الشخصية السودانية الاصيلة نصيحتى لاسرار ان تنفتح على ثقافات و فنون ( ما دون النيل و الوسط ) .. ففي ذلك إضافات فنية لتجربتها و توسيع لنهجها السوداني في الغناء و خير عميم

Quote: ولا نامت أعين ( المقرضين ) .!..!.!!!

Quote: قرض ...عودة مرة أخرى أتمنى ان تبتعد أسرار بابكر ولو قليلا عن أغانى عثمان حسين حتى لا توضع فى مقارنة مع سميرة دنيا فسميرة دنيا هى ظاهرة لكن تتكرر كما كان عثمان حسين، وبين الأدائين تضيع أسرار. الساحة الفنية هذه الأيام تعانى من مشكلة بعد ان توقف معظم الفنانين الكبار عن تقديم الجديد ، فالشباب ليس لديهم ما يقدمونه وحالما تظهر أغنية من الأغانى القديمة الى السطح يتهافت الجميع عليها وتشتد المنافسة حول من يؤديها أفضل وبين هذا وذاك تتغير ملامح الأغنية وتصبح بعيدة عن تلك المرتبطة بوجدان الشعب السوداني. أكرر أسرار يمكنها العودة بقوة بإختيارالمناسب

Quote: هي فنانة في بعض الاغاني وفي اغاني تانية هي تعبانة جدا وذلك لان النفس عندها ضيق ولان صوتها حاد

Quote: أنت الوحيد القربت مني .. و الشبكنا يخلصنا سا شبكة !!!

Quote: يا عمنا قرض .. والله الا تشوف دي .. ومن فيديوهاتي ... زي ما بقول تامبيرة ..

Quote: يكفى ما قاله السر قدور

Quote: قرض أمشي أكشف على اضنينك

Quote: إضنيك يا أعز الناس .. إضنيك فيها أجمل ماس .. إضنيك خربة ما بتنقاس .. وإضنيك رمة با ترباس ..

Quote: وشوفو دى http://www.youtube.com/watch?v=yS0oo_BYapk[/QUOTE] بعدما شفت اليوتويب دا اتضح لي ان العنوان الاساسي مزبوت مية فلمية