|
خطاك ما بتعدم الهداي !
|
"منو العزَّ الحبيب ما لاك وقدَّس لي عيونو السود أكان سوِّيت غناك في عود كان خدّر ملا الواطة وكان فوّح عبير وورود وما كان الزمن طاطا لا وقع انحزم واقود" ويا زارع حياتي صدود عذابي معاك إنّي غمامة وإنت كركي لا محدود
(حميد- شعب اليقان)
ــــــــــ
إستحال أن تسمعيها مني فلتقرئيها عليك السلام ! عليك السلام إليك السلام!
إليك !
|
|
|
|
|
|
|
|
Re: خطاك ما بتعدم الهداي ! (Re: najma)
|
شاكر لك يانجمة أمنياتك والعشم أن نبحر حتماً لهذا البحر من شاطئ حتماً يانجمة !
الله يري ما يحدث يراقب ينظر للأمور من عليائه ويراقب
الله دوماً منصف يانجمة لذا دعينا نتفاءل بقادم الأيام ! موش ممكن تتحقق الحاجات
ممكن ! ليه لا
إحترامي العميق نجمة !
| |
|
|
|
|
|
|
Re: خطاك ما بتعدم الهداي ! (Re: الوليد محمد الامين)
|
شعب اليقان يا خضر !!! شعب اليقان يا صاحبي !! كيف يا صاحبي صار خطوك وخطوي ؟!
Quote: طويل الجرح يغري
بالتناسي
|
نعم يا صاحبي فقط يغري با التداوي
وحاصر حصارك لا مفرُ فأنت الأن حرً وحرً وحرُ وإن سقطت ذراعك التقطها واضرب عدوك بيّ
الرب واحد والروح واحد
يا صاحبي بنتدهده بس ما ....
التقط أنفاسك وأنتظر فقوس النصر قادم حين تدمدم مطرقة الحق .
| |
|
|
|
|
|
|
Re: خطاك ما بتعدم الهداي ! (Re: سفيان بشير نابرى)
|
يا زول؟؟
فالنتاين شنو الانت عامل ليه صيوان بجاي... عدمت الشغلة..بقيت تفتش الرايحة في خشم الاعياد الوهم والورود الحمراء... وديني البوست ده انا ارسله لناس الجمعية في الرياض...ناس ابو خليل يسكوك.
قال فالنتاين قال.بلا خوتة معاك
خليك زول ترس وما تتجرس
| |
|
|
|
|
|
|
Re: خطاك ما بتعدم الهداي ! (Re: GamarBoBa)
|
ياموسي
ما تفهمنا غلط ياخ الكلام بتاع حميد دة بس وقع لي في جرح ! نهائي ماعندو علاقة بالقس فلانتاين ! البوست دة ممكن تسميهو وقف خيري أي زول عندو بكائية يجي يبكي من سكات يقشقش دموعو بي طرف الحروف ثم يغادر آمناً مطمئناً أنا غايتو بالنسبة لي البوست أنجز (صدق وعده ونصر عبده وهزم الأحزاب وحده)
ـــــــــــــــ
كرهتنا ياخ
| |
|
|
|
|
|
|
Re: خطاك ما بتعدم الهداي ! (Re: سفيان بشير نابرى)
|
أخونا ببلادالمعز لدين الله الفاطمي سفيان بشير أرسل لي من يومين صديقنا وإبن (حي المكي) عمار مكي في رسالة عبر منتدي سودانيات هنأني فيها بالخامس ! وأنا أقرأ رسالة عمار تذكرت ولا أدري لماذا كل وجوه ذاك الزمان الغض ! تذكرت همولاً وحبيبته نون ! يومها كنت خارجاً لتوي من معركه عاطفية كلفتني الكثير ! أذكر مرةً أن همولا جاءني ليلتها وأنا حاملاً معه (دبدوبين) ومظاريف صغيرة بداخلها كروت ملونة وقلوب ملونة ! كان مساؤنا نفسه يا (سوف) ملوناً لم أكن لدية حبيبة أهديها أمال (همولا) قلت له يا صديقي : كدي في الأول منهج لي القصة دي بمعني وضح لينا يا همولا العلاقة بين الدب والحب يعني ليه مثلاً الناس البحبو ما يهدو حبيباتهم (كدايس) أو حتي (كيلو برتقال) أو أي شئ آخر ! تونسنا ليلتها ونسة جامدة ثم ترحمنا علي القس فلانتاين ومن يومها ظل هذا السؤال عالقاً بزهني ! ليه الدبدوب يا سفيان
ـــــــــ
ثم
أتضرع للمولي عز وجل أن يكون هذا العام عاماً حاسماً لك وللاصدقاء والصديقات وكل قرد أو فرد منا يطلع جبال أمانيه
وأقول قولي هذا وإستغفر الله لي ولك
قومو الي فلانتاينكم أعانكم الله !
| |
|
|
|
|
|
|
|