|
يا سلام ،، يا طارق،، كلامك حلو شديد !
|
قال الفنان المبدع طارق الامين عندما سئل عن الانقسام الذى حدث فى فرقته حسب زعم الصحفى الذى اجرى الحوار ..
(احيانا يشعر المبدع انه يستطيع ان يقدم اكثر بمفرده او مع اخرين يقودهم وهذا طموح مشروع كسب السودان بموجبة مجموعات جديده من المبدعين .. لذا لا ارى ضررا من ان ان تنشا مجموعات جديدة من مجموعات سابقة .. طالما انهم لا يحملون السلاح بل يحملون الكمنجات والافكار الجديدة انها انقسامات تفيد حركة الفنون وان يصبح بالسودان 6 الاف فرقة فذاك امر اراه غير مضر ،، اتمنى ان تكون فرقنا الموسيقية اكثر من احزابنا والحركات المسلحة وليتنافس المتنافسون ولهم منى الحب وتحية الزمالة والمودة واولئك الذين لم ينشقوا بعد ليس هناك ما يدعو للتخوف من الظاهرة فى ايجابية )
وقال عندما سئل من اثر النشاة الاولى فى تحديد مسارات الشخصية :::
(نشات فى بلاد الديوم الشرقية ذات الهوى والهوية الجامعه ، تلك الازقة الحبيبة التى اهدت البلاد مبدعين شتى من العلماء والفنانين والشيوخ كما اهدت الوطن تجربة حقيقية للتعايش الدينى منذ خمسينيات القرن الماضى فكان ترزى ملابسهم جون الدينكاوى ومبدعيهم من الشايقية والفلاتة والنوبة والجعليين كانوا يمنحون البلاد الرياضة والحب والقفشات والتعايش السلمى والتنوع ،، قوم نشا بينهم على عثمان طه ونائب دائرتهم محمد ابراهيم نقد !! ) يا سلااااااااااام يا طارق كلامك عجبنى الليلة !!
ـــــــــــــــــ خلى تانى واحد يجى هنا يقول بلدا هيلى انا ملحنه بى لحن السراي !!!!
|
|
|
|
|
|
|
|
Re: يا سلام ،، يا طارق،، كلامك حلو شديد ! (Re: دينا خالد)
|
دندونتي إعترفي سريع دايره من طارق الامين شنو بقيتي تدشدشي علي وشكـ و قدام الخلق .. كان قافلة عليو في الفالانتاين شربتي و ما رويتي .. بعدين مش كلمتكـ قلت ليكـ بطلي تعملي مسيرات و مظاهرات و تزوغي .. طارق ده بيقوم يطبق فيكـ النظرية بتاعت المسيرة ..
__ طارق الامين لا تكفيه الحروف .. مبدع و إنسان .. و الاهم زول بتاع بيزنيس درجة أولي ..
_ علي موعدنا يوم (14) صاح ؟ .. قررنا نحول المكان .. موافقة !!
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: العوض المسلمي)
|
المشكلة يا الصايم الواحد يلف ويجى يلقاك ... شوف لينا حاجة غير اللفه دى !!
انشالله تكونوا نعمتوا بليله هادئة والجوطة خفت شوية ؟
( وش شمتان )
العزيز العوض مسلمى
غايتو بس لو خلى حركات الشكل فى الالحان دى تانى ما عندو مشكلة ... دا ولد لن يتكرر فى السودان الجديد ..
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: Hussein Mallasi)
|
Quote: طارق فنان ذكي و زكي .. بالإضافة لإنو إداري درجة أولى ممتازة و كدا. |
شهادة ما سهلة من زول صعب لي زول يستحق, بهذا ومن قبل يسعدني أن أكون فى زمرة أصدقاء طارق ... ذلكم المبدع المبين.
دندونة, يبدو إن حسك الليبرالي مرتفع وقادر إميز وإفرز وإعرض للناس مثل هذا الشذرات الناقعة تسامحا وعيشا مشتركا وإنسجاما على الطريقة السودانية المعهودة تاريخيا, أي قبل أن يفسدها مرابي السياسة وثقافة الفردية والإستعلاء والجشع الآيديولجي.
شكرا يا النسمة ... وكوني بخير
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: محمد عكاشة)
|
اها وفى مواصلة لكسير التلج الجليدى الكندى ابت نفس العزيز قاسم الا ان تشارك باضاءات مهمة .. شكرا جميلا ( ياقول المبدعين ) .. لووووول
الصايم ؟ هو حميده دا لسه بضرب ؟ غريبة !!
طارق ... تصدق خلاص ح تموت ؟؟ شكرك ملاسى ؟ والله تمووت ... دا لو ما جا راجع عمل (مراجعات) .
محمد عكاشة .. زارتنا البركة ياخ Quote: لديه القدره على ترجمة افكاره الى مصاديق عمل جاذبه |
اهااااا قمنا على الكضب ؟ والكلام الكبار كبار ! طارق بعمل دا كلو ... غايتو كان عرفنا البعملو دا شنو بنجيك تانى ...
وليد صاحبى ؟؟ او ( فاتن حمامة ) ! الفتن ليك شنو ؟ الصايم وشو ساهل ولا ساهل ؟ ولا كمان قايلو بمدو كدا فى اى حته ؟ طبعا يا وليد فى بوست الختان ضحكتااااا وكنت عايز ارجع اقول ليك ارفع البوست وانت ساكت ذى ما كنت بتعمل .. لانك ماااااا بتعرف تتكلم ..
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: محمد عكاشة)
|
نوبيانى ؟؟ انت متيين رديت ونزلتو فووق كدا مع الناس القبالك ؟؟ والله حقار لكن ! اها هسه انا ما شفتك !
يعنى انت ما عارف طارق دايرين منو شنو ؟؟ والله عارف .. ولن يجديك ان تعمل مجنون ..
ــــــــــ يوم 14 ذاااااااتو ؟؟ لكن كدا ما ضغطت على شديد ! ما تجى نخليها 15 ياخ ؟ المكان ما عندى عليه اعتراض وانت عارف ..
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: دينا خالد)
|
Quote: اتصل بى بعض الديامة شاكرين لى انتباهى لما ورد
عن وصف الديوم !!!
فاوضحت لهم انو البوست كان بصدد اعلان الاعجاب بطارق الامين .. وليس بالديوم الشرقية ... |
مافي فرق ولو في فهو فرق المقدار طارق جزء من كل والكل هو الديوم الشرقية التي جبل اولادها بنات وابناء على النضال وحب الجمال والفن والإبداع وعندهم درجة تسامح عالية تكفي بأن لاتؤدي بك إلا السجن ولا الغرامة حتى
المجد للديم أرض المجد والأمجاد والحب للماجد طارق الأمين
ولك
| |
|
|
|
|
|
|
Re: يا سلام ،، يا طارق،، كلامك حلو شديد ! (Re: عصام عبد الحفيظ)
|
يا عصام غايتو مراعاة لحالة حزنك ، حزني مش ح اقاضيك ، مؤقتآ فالصور أعلاه أخذت لتنشر في بوستنا بتاع الديم
الصور ضمت الأعزاء 1- جون ديفيد ،، الترزي المشهور في السوق والزول الظريف البيعرف الواجب والمنحاز للناس السرها يوةم ح يبين 2- محمد حسن الرضي ،، الشهير بالمادح كونستبل مطار الخرطوم والزول واسع العطاء 3- صلاح عثمان ،، ود الشايقية جارنا ودفعتنا ولاحقآ زميلي في الطيران المدني ونقابي صميم
| |
|
|
|
|
|
|
|