|
|
 جنون السمك يجتاح قرى الجزيرة
|
قرى الجزيرة المطلة على النيل الازرق الواقعةامام مصانع السكر بالولاية يشاهد فيها خروج الاسماك الكبيرة فى الشاطىء وهى فى حالة اغماء شديد بينما الاسماك الاخرى تطفو على سطح النيل الان يتسائل الناس عن الاسباب البعض يؤكد بفعل مخلفات مصانع السكر
وحتى الان ما زالت الاسباب مجهولة .
ويشاهد سكان ولاية الخرطوم وجود طبقة من الطحالب الخضراء تقطى سطح النيل لدرجة تأثر مياه الشرب بها
اما البعض وصف الحالة بمرض جنون السمك
نواصل
|
|
 
|
|
|
|
|
|
|
|
Re: جنون السمك يجتاح قرى الجزيرة (Re: أيمن دياب)
|
طبعا أسعار السمك نزلت إلى أدنى أسعارها منذ فترة طويلة.. بسبب الوفرة الزائدة.. وسبحان الله قالوا الناس عندنا في الكاملين (بشركو) للسمك بأي حاجة.. ملاية قديمة.. جردل.. طشت غسيل..
وقصة عجيبة..
| |
|
|
|
|
|
|
|
|
 Re: جنون السمك يجتاح قرى الجزيرة (Re: أيمن دياب)
|
Quote: قرى الجزيرة المطلة على النيل الازرق الواقعةامام مصانع السكر بالولاية يشاهد فيها خروج الاسماك الكبيرة فى الشاطىء وهى فى حالة اغماء شديد بينما الاسماك الاخرى تطفو على سطح النيل الان يتسائل الناس عن الاسباب البعض يؤكد بفعل مخلفات مصانع السكر
وحتى الان ما زالت الاسباب مجهولة .
ويشاهد سكان ولاية الخرطوم وجود طبقة من الطحالب الخضراء تقطى سطح النيل لدرجة تأثر مياه الشرب بها
اما البعض وصف الحالة بمرض جنون السمك
نواصل |
يا بلدي يا حبوب .. دا تخصصنا بقى  ..
دي يا صديقي ظاهرة موسمية بيستمتع بيها سكان المناطق الواقعة على ضفاف النيل الأزرق .. والليها علاقة بي خزان سنـار ..
وهي ظاهرة ليها علاقة بي فتح التوربينات الرئيسية في اللحظة دي في كميات كبيرة جدا من الاسماك الكبيرة جدا كسمك (العجل والكبروص والبياض ) بيحصل ليها اختناق جراء دخول الطمي والطين في فتحات التنفس ( الخياشيم ) وبيظهر ليها الاعياء دي نسبة لعدم المقدرة على التنفس .. وبتبدا تطفو على سطح المياه بدفعات مختلفة حسب نوعيته وحسب المجموعات العايشة فيها .. الاسماك الصغيرة بتروح في الرجلين ساكت ..
الجماعة بالعامية بيسموها (السمك سكر) لانو بيكون في حالة اشبه بي حالة السكران .. وفي الحالات دي أول ما الخبر يجي الحلة .. كل إبن انثى وإن طالت عمامته أو قصرت بتلقاهو شايل ليهو (فرار) يا (كوكاب) يا (بدينقة) إلخ من أدوات الصيد السريعة ما عدا ( السفروقات ) لانو طبعا السمك ما بيطير .. وفي الحالة ديك لو لقى ليهو اي طريقة والله بيطير ..
لو جا الباحث ( كيكي ) بي هنا بيفكفك ليك الماساة دي
حضرت موسم زي دا قبل فترة في قريتنا على ضفاف النيل الأزرق شرق سنجة .. ويومها اندهشت لما يحتضنه النيل من مخلوقات ضخمة جدا .. حتى أن واحدة من الاسماك الكبيرة جدا والضخمة .. تم ربطها في سرج أحدى الجمال وحاولو يجروها من سطح النيل .. قام الجمل اتكوم ليهم في القيفه وقرب يقول الروووب .. والحاجة الممتعة في المسالة أنو الجماعة بيختارو حسب الحجم والصنف .. يعني الاحجام ابو ناس خمسة وستة كيلو دي بيدفروها لي قدام .. وبينشنو على ناس عشرين ولي فوق شفت البني آدم مفتري كيف لما النعمة تكتر ليهو ولما ربنا يديهو ( بالقلاب ) ..؟!
أرجو أن أطمئن عزيزي القاري أنو المسالة دي ما ليها اي علاقة بي اي تلوث بيئي ولا ليها علاقة بي حكومة الانقاذ .. دي مسالة ليها علاقة بي الله وكيفية توزيع ارزاق العباد .. (ومصائب السمك عند قوم فوائد)
الصورة ادناه بتوضح ليك انو الجماعة قانصين بي عصاياتم في انتظار ما يطفح من النيل.
| |
|
|
|
|
|
|
|
|
|
Re: جنون السمك يجتاح قرى الجزيرة (Re: أيمن دياب)
|
الزميل ايمن
اكتمل الخبر بالصورة شكرا على الصور التى تؤكد مصداقية الخبر وعبر سودانيس اون لاين نبحث وننقل ونحرر عبر خدمة قد تفتقد الاحترافية الصحفية ولكن عزؤنا ان يكون المنبر العام مصدرا خبريا ؟
تحياتى
| |
|
|
|
|
|
|
|
|
|
Re: جنون السمك يجتاح قرى الجزيرة (Re: بلدى يا حبوب)
|
بلدي ياحبوب..
الصدفة وحدها هي التي أرادت ذلك.. فقد كنت أطالع في هذا الموضوع صباح اليوم وشاركت فيه في منتديات مدينتي (الكاملين) وتداخلت مع بعض الأخوة، واستأذنت من صاحب الصور.. حتى نعطيه حقه..
| |
|
|
|
|
|
|
|
|
|
Re: جنون السمك يجتاح قرى الجزيرة (Re: أيمن دياب)
|
دي كارثة حقيقيه
توضيح للصديق علاء الدين تمبس الظاهرة التي تتحدث عنها تحدث في اوقا
الدميرة الفيضان ومشهور بها نهر عطبرة اكثر لكثرة الطمي في تلك الفتره
وفعلا تسمى الظاهره بسكر الحوت ,,,
اما هذه الكارثة لا محال ستترك اثار سلبية على واقع البيئه النهريه في السودان
ونناشد اهل الاختصاص بالاهتمام بالامر
ولكم الشكر
| |
|
|
|
|
|
|
|
|
|
Re: جنون السمك يجتاح قرى الجزيرة (Re: بلدى يا حبوب)
|
الرائع تمبس
Quote: أرجو أن أطمئن عزيزي القاري أنو المسالة دي ما ليها اي علاقة بي اي تلوث بيئي ولا ليها علاقة بي حكومة الانقاذ .. دي مسالة ليها علاقة بي الله وكيفية توزيع ارزاق العباد .. (ومصائب السمك عند قوم فوائد)
|
اتمنى ذلك
شكرا على هذه المعلومات القيمه
تحياتى
| |
|
|
|
|
|
|
|
|
|
Re: جنون السمك يجتاح قرى الجزيرة (Re: بلدى يا حبوب)
|
Quote: دي كارثة حقيقيه
توضيح للصديق علاء الدين تمبس الظاهرة التي تتحدث عنها تحدث في اوقا
الدميرة الفيضان ومشهور بها نهر عطبرة اكثر لكثرة الطمي في تلك الفتره
وفعلا تسمى الظاهره بسكر الحوت ,,, اما هذه الكارثة لا محال ستترك اثار سلبية على واقع البيئه النهريه في السودان ونناشد اهل الاختصاص بالاهتمام بالامر
ولكم الشكر |
العزيز معتصم .. لو دخلت جوه شويه على القرى المطلة على خزان سنار بتتأكد انو الظاهرة اعمق .. بعدين مسالة فترة الدميرة فعلا بتحصل الحاجة دي .. لكن هي ما مرتبطة بيها بشكل كامل .. بالرغم من انو فترة الفيضان والدميرة فعلا بتحصل الحاجة دي .. وقبل كدا شاهدتها في الخرطوم في مساحة صغيرة جدا على الخور الفاصل ما بين جزيرة توتي والجزيرة الصغيرة الفي النص .. وفي مساحة صغيرة جدا .. لكن نضافة التوربينات بتاعت الخزان الموسمية برضو بتخلق الظاهرة دي ..
وأنا بفتش على نفس البوست المتعلق بالمسالة دي لقيت بوست قديم لي أخونا بلدي يا حبوب بيتحدث عن نفس الظاهرة .. بتاريخ 06-12-2005,انفلونزا السمك تظهر بمدنى
وكان في منطقة مدني تحديدا ..
Quote: نفوق كميات من الاسماك بالنيل الازرق ومعتمد مدني الكبرى يحذر المواطنين من عدم تناولها
مدني في 6 /12 (سونا ) تعرضت كميات من الاسماك في النيل الازرق للنفوق وذلك في الشواطيء الجنوبية لمحلية مدني الكبرى و بصورة ملفتة لنظر
واعلن الاستاذ عثمان بكري القمز معتمد محلية مدني الكبرى في تصريح لسونا عن اعلان حالة الاستنفار وسط السلطات الصحية للمحلية حيث تمت محاصرة الشواطيء وجمع الاسماك النافقة بغية فحصها
وناشد المتعمد مواطني المحلية لعدم تناول الاسماك خلال هذه الايام حتى تظهر نتيجة الفحص والتأكد من صلاحية تناولها وحتى لايتضرر الموطنيين جراء ذلك
واعلن السيد معتمد عن اتصالات تمت مع وزير الصحه بالولاية والسلطات الصحيه علي المستوى الولائي للتنسيق من اجل التوصل لمعرفة الاسباب التي ادت لحدوث هذه الظاهرة الغريبة |
وبما أنو في ظاهرة شبيهة ليها علاقة بالتلوث البوست المرفق محتاج للمراجعة ..
لكن السيناريو الفوقاني دا يا معتصم .. انا كنت شاهد عيان عليهو قبل كدا ..
تشكر يا بلدي يا حبوب .. على البوست دا .. والبوست القبليهو ..
| |
|
|
|
|
|
|
|
|
|
Re: جنون السمك يجتاح قرى الجزيرة (Re: tmbis)
|
Quote: طبعا أسعار السمك نزلت إلى أدنى أسعارها منذ فترة طويلة.. بسبب الوفرة الزائدة.. وسبحان الله قالوا الناس عندنا في الكاملين (بشركو) للسمك بأي حاجة.. ملاية قديمة.. جردل.. طشت غسيل..
وقصة عجيبة.. |
ايمن كيفك... يعنى ناس سيف بتاع السمك تاني ابيعوا تبن ولى شنو.
تحياتي
امين
| |
|
|
|
|
|
|
|
|
|
Re: جنون السمك يجتاح قرى الجزيرة (Re: elameen)
|
| Quote: ايمن كيفك... يعنى ناس سيف بتاع السمك تاني ابيعوا تبن ولى شنو |
ياخي قال ليك الأعمى شايل المكسر ونازلين على البحر.. أقل واحد برجع بشوال كبير..
مسكين سيف الهلب.. اليومين ديل سوقو بكون نايم .. مع انو سمكو طاعم شديد..
بس زي ما قال واحد أخونا..
اريد الله الزين الجاب انفلونزا الطيور للجداد
والنزفية للحم
والمولاص للسمك
شكرا للمداخلة يا أمين
| |
|
|
|
|
|
|
|
|
|
Re: جنون السمك يجتاح قرى الجزيرة (Re: أيمن دياب)
|
الأخ أيمن والعزيز علاء والكل سلام.
ناس صحة مدني وقتها قاموا صادروا كل الأسماك المحفوظة في ثلاجات المحال التجارية بعد وصول كميات ضخمة لسوق ودمدني من القرى المجاورة .. ولي صديق تكبد خسائر ضخمة بعد مصادرة كل الموجود طرفه من أسماك وكانت مستوردة من النيل الأبيض ... نفقت كل الاسماك واعتقد أن السبب حتى الآن غير معروف لكن لم تكن هناك حالة تسمم واحدة في قرانا .. لكن بعد فترة لو عندك (مركب) أو سنارة تمشي وتجي راجع صفر اليدين انعدم السمك بشكل ملحوظ .. واعتقد أن تكاثره بسرعة يرجع لبعد مناطق النيل العليا على تضخوم اثيوبيا .. موسم للشبع المجاني وتوفير حق (الربع) وكوم الكمونية ... لكن يجب على حكومتناومؤسساتها توخي الحذر والحيطة من هذه الكوارث .. والحياة لنا وللسمك .
مودتي الشفيع
| |
|
|
|
|
|
|
|
|
|
Re: جنون السمك يجتاح قرى الجزيرة (Re: Alshafea Ibrahim)
|
سعر قفة السمك اليوم في الكاملين عشرة جنيه..
وزنها 10 كيلو.. ولا يوجد أي إقبال على الشراء
لأن البيوت والتلاجات مليانة سمك..
سبحان الله..
الأزمة العالمية دي ياربي يكون لها أثر في الكلام ده
ولا المسألة دي جات صدفة كده..
ما معقول كيلو السمك فجأة ينزل إلى جنيه واحد..
| |
|
|
|
|
|
|
| |
بلدى يا حبوب
العوض المسلمي
khaleel
tmbis
معتصم ود الجمام
Ahmed Elmardi
فيس بوك
تويتر
انستقرام
يوتيوب
بنتيريست