|
|
 لاعبو المريخ يتحرشون بحكم المباراة !!!
|
غايتو في الكورة لمن يقولوا ليك اللاعبين اتحرشوا بي الحكم معناها كانوا عايزين يدقوهو ..
مباراة المريخ الودية باقي لي التحرش بي الحكم مااااا كان بي معنى الدق :D:D:D
اتخيلت ليك موسى الزومة وهى يحاول التحرش بي حكمة المباراة ..
والعجب امير دااامر ..
وووووب علي لو كان سافر معاهم قلق ..
لكني بيني وبينكم لو اكرم سافر معاهم الحكم كسبان وحبااااااااااااااب التحرش..
احب كولينا زاتو ياخ ..
تخريمة :
ديل حكمات يا جماعة ما حكام والعندو كرت الجزيرة ما يقول لي يا عمر انت ما شوفت حكمة الراية بتاعت اي سيميلان امبارح .
شوووووفتتتتتتتتتتها ..
|
|
 
|
|
|
|
|
|
|
|
Re: لاعبو المريخ يتحرشون بحكم المباراة !!! (Re: Elsheikh Mohd Aboidris)
|
Quote:
غايتو في الكورة لمن يقولوا ليك اللاعبين اتحرشوا بي الحكم معناها كانوا عايزين يدقوهو ..
مباراة المريخ الودية باقي لي التحرش بي الحكم مااااا كان بي معنى الدق :D:D:D
اتخيلت ليك موسى الزومة وهى يحاول التحرش بي حكمة المباراة ..
والعجب امير دااامر ..
وووووب علي لو كان سافر معاهم قلق ..
لكني بيني وبينكم لو اكرم سافر معاهم الحكم كسبان وحبااااااااااااااب التحرش..
|
غايتو لو قاصد إضحاك الناس بالكلام الفوق دا تكون بالغت عديل كدا يا ود الفاروق أخوي ..
لا حول ولا قوة إلا بالله القادر الحكيم
| |
|
|
|
|
|
|
|
|
|
Re: لاعبو المريخ يتحرشون بحكم المباراة !!! (Re: عمر الفاروق)
|
عمر الفاروق سلام كتير
هاك كلام الرشيد علي عمر اليوم
• ضحكوا علينا عندما جابهنا الشمال القطري..
• وابرقونا رسائل التريقة عندما لعبنا أمام الأمن القطري...
• ولكن حلقت الطير على رؤوسهم وهم يتعادلون امام فريريق صغنوني خالس خالس في كينيا اسمه سوفاك...
• سوفاك دا ياربي في كينيا محل تمباك..؟ سو يا سو سوفاك ما قدرو يسفو..
• تعادلية ...
• أليس العار بعينه...فريق يقترب من حتفه الوشيك في رواندا يجبن في أن يجابه من يمنحه الاحتكاك ويهرول للعب مع الشفع الصغار وبعد دا يمرمطوه ويتقدموا عليه بهدف ليعادله بعد طلوع الروح..
• طيب دا كله عرفناه النسوان الجابهم شنو يمسكوا الصفارة..؟
• خلاااااص يعني الرجال كملو في كينيا ولا النظرية مشت لي حتة بعيدة انحنا ما عارفينها؟!..
• ترى هل علموا بأن المريخ سمته امرأة لذا استعانوا بطاقم تحكيم نسواني؟! أدب مجاملة جديد وكده..؟
• طاقم نسواني وزمااااان طاقم بتسواني...لاحظوا بت سواني...وعلاقة نون النسوة دي مع المريخ دا ككيف يا سماعين..؟ عرفنا ظروف النشأة كمان وصلت التحكيم..؟
• الظاهر الحكام الرجال مشوا يتورغنوا بعيد عشان كدا مالقوا غير النساوين ديل قاموا جابوهم للوصيفة...استنتاج وكدا...
• واحدة جارية شايله الصفارة تتخيلوا ممكن توجه ككيف يا سماعين..؟
• سجم خشمي يا عجب معقولة ترفس الباك كدا..؟
• يا ولد يا طمبج قطعتا نفسي كدي روق جنك تكون متسلل...
• هوي يا ناس سوفاك ميدو دا البهبشو ساكت بوديه الشارع...
• ويخرج لاسانا من قلب الدفاع ليواجه مهاجماً سوفاكياً ينطلق كالسهم نحو مرمى كرومى ويحدث الاصطدام الماخمج ومع قولة طااااااخ طراااااخ يسمع اللاعبين صرخة نسوانية وااااااك قبل الصفارة...!
• طيب بدل ما يكونوا رباعي كان يحلوهم برجل خط واحد على الأقل يقدر يهرش ناس ايداهور ديل البطاقشو غميتي جنب التماس..؟
• بعدين قالوا الكورة كترت فيها التسللات واحتار الليمبي لكنه سريعاً عرف السبب بأن خط هجومه ببحلق في حاملتي الراية أكتر من الكورة...دي كورة ولا بارتي يا صديق علي صالح..؟
• ثم هل يعقل أن يتعادل المريخ مع مثل هذا الفريق السوسيو لو ما كان التركيز جكساوي الملمح..؟
• يعني لو صد كرومي ضربة جزاء الطاقم كله بيشاركه الرقصة..! كورة ولا صبحية ...؟
• بين الشوطين جلس الرباعي النسواني حول تربيزة الحكام ودار الحوار (أها يا بنات أمي رأيكن شنو في الفريق دا)..؟
• الحكم الرابع..غايتو التاكسي الرواندي راكبهم طرحة عديل كده..
• حكم الخط الأول...جنس شتارة ديل ما عندهم أوتكيت اتخيلي يا حبيبتي رفعت الراية سمعت واحد فيهم يكورك فيني (مرا مغفلة امشي عوسي ليك كسرة تنفع أولادك)...
• حكم الخط الثاني...ياااااي منهم زول فيهم ساكت بيبتسم مافي الصرة دي فوق كم ..البشوف العنجهة والتكشيرة يقول حقو مش بس ما يلعبوا في الكونفدرالية ؟ ديل حقو اصلو ما يفارقو القدنبلية..ابطال شنو البتقدموا فيها ..؟ هييييي يكا ...الابطال لي ناسه والوسيفة الشفناها دي ما مقاسه...
• نحن في انتظار اسماء الطاقم عشان نؤرخ للمريخ التعادل بواسطة حكم من الجنس اللطيف..وقولوا يا لطيف..؟
| |
|
|
|
|
|
|
|
|
|
Re: لاعبو المريخ يتحرشون بحكم المباراة !!! (Re: Abdulrahman Eldaw)
|
* وبرضو ده كلو ما مهم..
* المهم أن الهلال (حسب المعلومات الخاصة التي تلقيناها من هناك) كان مهزوماً في مباراة أمس من منتخب القوات الخاصة بثلاثة أهداف نظيفة، إلا أن حارس الهلال المعز بعد الهدف الثالث احتج على قرارات الحكم وطلب هو ومدربه الديبة من اللاعبين الخروج من الملعب فخرجوا بالفعل..
* وأمهلهم الحكم الفترة القانونية ولم يعودوا، فاضطر إلى إعلان نهاية المباراة بهزيمة الهلال، وغادر الفريقان الملعب..
* وهنا تدخلت الأجاويد وعاد الهلال لمواصلة المباراة وعاد منتخب القوات الخاصة، ولكن الحكم رفض أن يعود فأمسك لاعبنا السابق عماد خوجلي بالصافرة وأدار المباراة بمعاونة مدرب حراس القوات من على الخط!!
* والغريب أن لاعب الهلال منير أم بدة المطرود بسبب ضربة الجزاء التي ارتكبها وأسفر عنها الهدف الثالث للقوات الخاصة، عاد وواصل اللعب مع الهلال أمام أعين الحكم الفزعة عماد خوجلي..
* والأغرب أن مدرب القوات الخاصة السوداني المعروف حمدان حمد سحب نجومه الأساسيين ولعب بقية المباراة بالإحتياطي، مما ولّد الظن في نفوس كل الحاضرين بأنه يريد أن يتيح الفرصة للهلال ليحقق الفوز، ففاز بالفعل.
* أول مرة في التاريخ نسمع بشيء اسمه (حكم بديل)!
* تبديل لاعب مصاب مقبول.. تبديل لاعب ضعيف الأداء ماشي.. تبديل لاعب منهك ما فيهو حاجة.. لكن تبديل حكم ومساعده؟ دي جديدة علينا!
* الوصيف دخل موسوعة غينيس للأرقام القياسية بصفته أول فريق في العالم يستبدل لاعباً مطروداً بآخر.. ويستبدل الحكم ومساعده كمان!
* من هنا ولي قدام يا جماعة .. أي فريق ينطرد ليهو لاعب يطرد الحكم ومساعده الأول ويدخل لاعب بديل للمطرود.. لخويا ساكت.. للعاجبو!
* مطلوب من الاتحاد العام تجهيز ثلاثة أطقم حكام لكل مباراة للوصيف في الموسم الجديد تحسباً لاحتمال انتقال ظاهرة مباراة اللخويا إلى الملاعب السودانية بطرد الحكام من الملعب!
* كما نطالب الكاف بتجهيز حكم سوداني بديل لمباراة المريخ وأتراكو في لخويا.. أقصد في كيجالي!
* وإذا مارس الحكم التنزاني أي انحياز أو لم تعجبنا قراراته طوالي نوقف الكورة ونستبدله بعماد خوجلي.. أقصد إبراهومة.. ونغلب ستة!
* ويا دار ما دخلتك لخويا!
* والسؤال.. من المسئول عن هذه المهزلة؟
| |
|
|
|
|
|
|
| |
عمر الفاروق
haroon diyab
طلحة عبدالله
Abdulrahman Eldaw
فيس بوك
تويتر
انستقرام
يوتيوب
بنتيريست