|
|
|
 Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: بدر الدين اسحاق احمد)
|
سلامات ابو دية
تعرف واحد صاحبى من المعلمين بتاعين الديقتال قال انو الكروت دى اساسا بتم تسريب شفرات القنوات ليها باتفاق مسبق مدفوع القيمة بين تلك القنوات و شركات الديجتال .... يعنى قناة اكس تبيع الشفرة لمدة تلاتة شهور لشركة زد لاجهزة الديجتال ، و ينتشر الخبر بسرعة بأن الكرت بشغل القنوات المشفرة مع النوع المحدد من الاجهزة فتكون النتيجة ان يتم بيع مئات الالوف من ذلك الطراز ، و بعد كم شهر يتم تغيير الشفرة الى نوع اخر من الاجهزة لتصبح الكروت عديمة الجدوى مع الاستفادة من الجهاز كديقتال فقط.
و حين عرف نيتى لشراء كرت و جهاز قال لى : اصبر شوية لانو غالبا دى حيتم تغييرها فى فبراير الجارى .
عرفت سر الصنعة ؟؟؟
| |
 
|
|
|
|
|
|
|
 Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: انور التكينة)
|
..
.
يا ولدنا ..
اسمعنى الكرت دا بشتغل فى الهيوماكس ( بكامة او كامتين )
ولا بشتغل فى نفس جهاز الديجتال المقصود ..؟؟
ووممكن تورينى اسم الجهاز كم ؟؟
بعدين لو بشتغل فى الهيوماكس مدة صلاحيته كم؟؟ لانو فى السعودية كنا كل 3 - 4 شهور بنمشى
للباكستانيين عشان يشحنوا ولا يعملو حركة فيهو ؟؟
حسي دا بحتاج لنفس الشغلة ؟؟
بالله لو بشتغل على الهيوماكس بالله رسل لى اخوك واحد حسي مع السواق ؟؟
ابو 75 :).. سريع ( كلام جادى ما ونسه منبر )
__________
واسال السمسار بتاعك دا مافى حاجة بتفك شفرة
الشو تايم ..
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: انور التكينة)
|
Quote: يعنى قناة اكس تبيع الشفرة لمدة تلاتة شهور لشركة زد لاجهزة الديجتال ، و ينتشر الخبر بسرعة بأن الكرت بشغل القنوات المشفرة مع النوع المحدد من الاجهزة فتكون النتيجة ان يتم بيع مئات الالوف من ذلك الطراز ، و بعد كم شهر يتم تغيير الشفرة الى نوع اخر من الاجهزة لتصبح الكروت عديمة الجدوى مع الاستفادة من الجهاز كديقتال فقط.
|
الأخ أنور !!
شكرا للتوضيح المفيد ...
أرجو أن ينتبه الأخوة لمداخلة الأخ أنور ..
يبدو أن هذا ما يحدث فعليا الآن !!
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: Ameer Elfatih)
|
..
Quote: .
الاجمل لووجدت جهاز استرونق بكرت
ما عليك الا ان تدخل الموقع ادناه
الشفرة هنا تجدد كل مرة
يعنى تاخد الشفرة ال active
و على طول تدخل الشوتايم و الاى ار تى
و الكثير من القنوات المشفرة |
اها الاسترونغ دا .. بقعد استرونغ لمدة كم شهر ؟؟
ولا فور ايفر .. ؟؟
والجهاز الفى السوق يا ابودية استرونغ ولا فشنك ساااى ..
_____________
بالله ورونا نشترك فى الشو تايم عديل ولا نتوكل نشترى
| |
|
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: Tabaldina)
|
الاخ صلاح
تحياتي
انا عندي سؤال بسيط جدا .. هو الناس عايزين يفتحو القنوات المشفرة ليه? مش كفاية علينا المتين تلتمية قناة دي .. كدي النكمل العندنا دي بعدين نفتش المشفرة
تعرف من نعم الاله على العبدلله انو الطبق عندنا كل قنواتو 40 منها زي 16 بس عربية وفي العربية قنوات رسمية والباقي قنوات معظمها غير ناطقة لا بالعربية لا بالانجليزية .. ومع انو انا ما عنديش اطفال اخاف عليهم .. بس خايف على رقبتي دي من ضياع الزمن وضياع العقل .. ومسلسلات وكورة وافلام .. بالله الناس دي بتجيب زمن من وين ?
تجي تقول لي افك شيفرة .. واهو الاخ انور التكينة كمان قال ليك دي ملعوبة ..
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: صلاح أبودية)
|
الاخ المصور الفنان
الفضل عبد اللطيف
يا أخوى القنوات المشفرة دى لابد من الهروب ليها
لانها محتكرة كل الدوريات المهمة و الجميلة
اوربيا
و افريقيا و عربيا
ده لو كانت لك هلوسات كروية
و اجمل الافلام و المسلسلات
ده لو كانت ميولك فنية او ترفيهية
اما القنوات الرسمية
ناس ساجور
و ما شابه
وزول الما بتجى لى زول
الله اريتو الزول يزاول
يا حكم صفر ده فاول
كما قال ود بادى
و لانه اسعار الاشتراك نار تكوى
كان الهروب
للكروت و الشفرات
........
....
واضح و لا نعيدو ؟؟؟؟؟؟؟؟
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: انور التكينة)
|
الاخ صلاح
تحياتي لك
| Quote: أسأل تبلدينا الداير يموت ده !! |
ومالو نسأل تبلدينا او نسأل مولانا المهم يا تبلدينا انت القنوات العندك كملتهن لامن ماشي تفتش للمشفر دة .. تاني وين نلقا
Quote: ناس ساجور
و ما شابه
وزول الما بتجى لى زول |
والله يا انور انت زول متفائل .. هي ساجور وزول دي بالله رسمية .. انا ما شفتها غايتو لكن الرسمي هنا عندنا القومية الليبية واليمنية والسعودية .. يعني قنوات محجبة ومشفرة خلقة ..
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: انور التكينة)
|
..
.
اها نسيب الانترنت
ونشوف اجهزة الديجتال ..
Quote: ومالو نسأل تبلدينا او نسأل مولانا المهم يا تبلدينا
انت القنوات العندك كملتهن لامن ماشي تفتش للمشفر دة .. تاني وين نلقا |
اها يا الفاضل ما دام مولانا حول لى السؤال
اولا اختصاصنا فى 473 قناة 5 قنوات افلام اجنبية وثلاث اخبار
يعنى ( الجزيرة والمنار وCNN - واحدة رياضية فىالمواسم
بس ياخى القنوات الخمس بتاعت الافلام الاجنبية ... قنوات مكررة
الناس دى قاعدين فى المدينة الاعلامية بدبي برسلو الافلام لبعض
مع المراسله والافيس بوى .. ياخى الفلم الليلة فى MBC2 بكرة فى Foxmovies
الصباح فى Dubai العصر تشوفوا فى MBCaction وبالمثل المسلسلات الاجنبية
يعنى فى الشهر بتشوف 30 فلم فيها 25 مكررة ..
من الشهر السابق و29 فى القنوات الخمس .. دى ما طريقة دى ..
ناس الشو تايم افلامهم فريش .. وحديثة وما فيها قطيع وكت والذى منو..
اما ناس ما تقدرش تغمض عينيك والغناء الهشك بيشك دا الا يمر بنا فى اسطوانة
ولا احدى قنوات الاف ام اثناء القيادة ..
عشان كدا شوفو لينا ديجتال بفك الشفرة
_________
يا ابودية مافى تخفيض او بالاقساط
رسل لاخوك واحد وقروشك ترجع مع المرسل بس اهم شئ
ما تقول لى الشفرة اتغيرت ..
| |
|
|
|
|
|
|
|
|
|
Re: فى الخرطوم أجهزة ديجيتال بكروت بيضاء تفتح كل القنوات المشفرة !! (Re: صلاح أبودية)
|
تبلدينا
تحياتي
تعرف بالنسبة للافلام الاجنبية دي انا زمان رميت طوبتا .. لانو غير الاعادة للافلام في القناة الواحدة وباقي القنوات كمان قصص الافلام ذاتا مكررة من الخمسينيات .. وزي ما بقولو الخواجات : اذا شاهدت واحد فقد شاهدتها كلها .. نفس الحكاية بالنسبة للافلام والمسلسلات العربية وما ادراك ما العربية
اها باقي الاخبار والكورة .. والاخبار دي الليلة بفلوس بكرة بلاش .. وينطبق عليها نفس حكاية الافلام .. الخبر يرددوه اليوم كلو وفي كل القنوات .. وكمان قال ليك الاخبار العاجلة في الموبايل .. يا سلام .. يعني انا ادفع اشتراك بي الوفات عشان تقول لي اوباما سافر والبشير رجع ? يفتح الله
اما الكورة فالمهم النتيجة ودي بدل ما تنتظر ساعتين مشدود .. امشي قضي امرك وتعال بعد ساعتين تعرف النتيجة
غايتو من كل القنوات طلع دسكوفري وانيمل بلانت .. وشوية وثائقيات في باقي القنوات والباقي كلو من الزبد
التكينة
بمناسبة الترجمة زمان عندنا خالنا كان مدرس .. واحد قاعد قدام في السينما كلما يبدا يقرا في الترجمة قبل ما يكمل تجي الجملة التانية .. زهجان قال الله ينعل ..... استاذ فلان .. سواها لينا كلها قريتشن خرج وقريتشن دخل ..
لزوما شنو الترجمة .. انا هنا عندي قناة ايطالية واسبانية وبرازيلية وبشوف المسلسلات فيها بدون ما افهم بقولو في شنو .. واستفدت اتعلمت قراءة الوجوه بدل الترجمة
| |
|
|
|
|
|
|
|
| |
صلاح أبودية
العوض المسلمي
خالد حامد الجزولي
بدر الدين اسحاق احمد
انور التكينة
دوت مجاك
elfadl abdellatif
ALazhary2
محمد فرح
جعفر محي الدين
خالد الجبل
يسن ابوالمجد
فيس بوك
تويتر
انستقرام
يوتيوب
بنتيريست