|
كتب الكاتب الفاتح جبرا المتوفرة بمعرض الدوحة
|
|
 Re: طارق جبريل اسمع دي عشان ترجع السودان (Re: khaleel)
|
الغربة يا خلي فكرة قاسية
والعيال ركبو ريش وطارو كما قال المسرحي السني (في حكايات الطاهر السقا)
والمتامل عميقا ياخلي في الغربة دي بتلقاها صديق للاشواق
والشوق ده يومي من الصباح تلقاهو جالس القرفصاء في كراكير الذات..
مرات تصحي من الصباح تلقي روحك مشتاق للناس
ومرات تصحي روحك مشتاق للامكنة
مرات كثير تلقي روحك مشتاق لريحة الحارة والفرد واصوات الباعة في الاصوات
حتي نغمة (كيس -كيس- كيس ) الشهيرة بتلقي ليها مساحة من الاشواق
ياخي الغربة بت النجس ياخي
لكن الله في
| |
 
|
|
|
|
|
|
|
|
Re: طارق جبريل اسمع دي عشان ترجع السودان (Re: khaleel)
|
في واحد ياخليل اسمو عبدالله خليل عتالي في المجلد
مشي دار صباح دي واشتغل في لقيط القطن وقضي زي كم سنة كده بعيدة من اهله
اها قرر يرجع..
ركب القطر من الخرطوم لحدي بابنوسة
ومن بابنوسة الي المجلد ركب لوري...اها من ما شاف ياها دييييييييك المجلد
طلع في (التندة) بتاعة العربية وسال الركاب في اللوري بصوت عالي
ياجماعة انتو متاكدين دي المجلد...قالو ليه ايييييييوه..
تاني سالهم قالو ليييه ايوووووووه..
الراجل دور (كواريك تقيلة ) علي شاكلة ورورورورك...ورورروروك
ممكن نص ساعة بكورك لحدي ما وصل الموقف
| |
|
|
|
|
|
|
|
|
|
Re: طارق جبريل اسمع دي عشان ترجع السودان (Re: عادل عوض بلال)
|
الاخ خليل ...تسلم ياخي
لك التحية من هنا ( امريكا) الي الحصاحيصا
وكذلك للاخ عبد الكريم( كيكي ) التفكيكي الرائع
الذي استمتع كثيرا بكتاباته المتفردة.
قول ليهو هاك فكك لي الحزن دا
............
ياللكاتمين الحزن لوعة وجراح
ياتو دمعة بتحمل الاحزان علامة
ياللشايلين الليالي مع النجوم من غير صباح
ياتو شمعة تشيل صدي الليل ابتسامة
لما الحنين في الدم يزيد
لما الدرب يمتد بعيد
والامل يصبح عنيد
تبكي الصحاري علي المطر
تشيل مواسم شوقا حر
حلم وئيد
وسراب بحر
لكم كل الحب
التوقيع : انسان حزين ليهو من البلد عشرين سنة( ضوئية)
| |
|
|
|
|
|
|
|
|
|
Re: طارق جبريل اسمع دي عشان ترجع السودان (Re: awad hassan)
|
Quote:
لما الحنين في الدم يزيد
لما الدرب يمتد بعيد
والامل يصبح عنيد
تبكي الصحاري علي المطر
تشيل مواسم شوقا حر
حلم وئيد
وسراب بحر
لكم كل الحب
|
هلا بالاخ عوض
وتحياتي وتقديري..
وكلامك ده يا عوض سمح بالحيل..
ولو جيت اتشوبر وافككو موضوعي بكون عجيب خلاص
صحاري تبكي علي المطر...ونحن يا عوض صحاري العرب شاربانا شراب ويومي في سراب بقيعها بنشوف النيل
ونجي جارين عليهو فنجده سراب بقيع قطري خليجي صحراوي....
حلمنا جميعا وئيد يا عوض ..
فلنا الاشواق والمنافي والاحزان............والله في يا عوض ياخي
بجي اليوم القمارينا بترجع وبتقوقي وسط الاهل والحبان باذن الله..
وكل التقدير يا عوض والف شكر
| |
|
|
|
|
|
|
|
|
|
Re: طارق جبريل اسمع دي عشان ترجع السودان (Re: khaleel)
|
يا خلي وكيكي مالكم علينا ياخي
الله يعلم نا قاعد علي الاهبشة والمغاربة بس منتظرهم يقولوا لي حاجة
اقوك طوالي سداري راجع للبلد
تعرف المشكلة وين
المغاربة ديل الاقامة ما عندها علاقة بالمشغل
يعني عادي طلعت منه بيدوك نفس طويل لمن تلقى شغل تاني
وكان خلاص غلبهم يفكوا فيك بناتهم السمحات ديل
ههههههههههههههههههههههههههههه
شعب جميل حد الجنون ياخ
والله انا لي اسبوع قدمت استقالتي صدقوا
وقاعد زي التريب
شفتوا المحن دي كيف
هههههههههههههههههه
اميرة بت فاروق كيفنك
يعلم الله مشتهي ونستكم والعصير البارد العنكم في المكتب داك
هههههههههههههه
والله يا ماس ان الشوق فاض بي كله كله
وررروووووووووووووووووووووووووووووووووك
| |
|
|
|
|
|
|
| |
khaleel
طارق جبريل
أميرة فاروق عبد العال
عبدالكريم الامين احمد
عادل عوض بلال
awad hassan
حسن الجيلى سعيد
فيس بوك
تويتر
انستقرام
يوتيوب
بنتيريست