|
محنة عباس زلط في صابرين ايوب
|
صابرين ايوب إسم على مسمى أيوب أبو الصبر ونبيه سمى إبنته صابرين وكأنه كان يعرف ما سوف يأتي وكانه رفعت عنه الحجب فشاف بشوف الزرقاء ام عيون قبل مايقع الحال في تلك العيون
|
|
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
عباس زلط هو الإسم الحركي ل أيوب مكي الحاج والأسماء الحركية والألقاب سمة مميزة لأولاد الديم بتنفعهم في السياسة وفي التعريف
زلط بتكون لصقت به بسبب إلتصاقه الحميم بالشارع وخاصة شارع الصحافة زلط في وصلته الديامية والغريب ان الشارع وجد مع الديم قبل ان تنشأ الصحافة وكان مفروض يسمى بشارع الديم لولا المؤامرات عباس دي ماعارفو لقطتها من وين لكنا عرفناه هكذا : عباس زلط وظل اللقب لاصق به كظله ولآن الظل بيرتاح في الليل لصق اللقب به كقدره الذي لافكاك منه وايوب ظل ساريآو صابرآ في الأوراق والمعاملات الرسمية وظل عباس زلط منتشرآ في الحياة اليومية والتفاصيل الحميمة لأولاد الديم ما ان لاماهم ركن او جمعتهم رحلة او قعدة او قدة وكلهامثابات يلتقي فيها الديامة بكل مكوناتهم السياسية التي تميل يسارآ والرياضية التي تهل هلالآ والفنية التي تشتعل رقصآ وجازآ والعرقية التي تشمل السودان بكل سحنه والوانه
يلتقون على كاس حليب وباسطة من حسن البصري او كاس عرق من عشة ووكر وكوارع من حجة آمنة
| |
|
|
|
|
|
|
Re: محنة عباس زلط في صابرين ايوب (Re: باسط المكي)
|
Quote: أبو ساندرا خش في الموضوع بالله ماتحرق دمنا معاك |
سلامة دمك الشربات يالخضر ودمك الماإحترق في مكابدات الغربة وشحتفة روح الحزب وما دشر من شراب تاني ما بيحرق خاصة مني انا الحنين و زوين
وباسط قال:
Quote: خضر خلي بمزاااج يواصل ومنتظرين .. يكمل ..مع الضل البرتاح في الليل |
الله يطول من بالك اكتر واكتر يا باسط ماهو ده الطلعت بيهو من النضال الدؤوب الصبر زي صبر صاحبي ايوب مكي والنبي ايوب إلا الولد خضر ده انا ماعارفو جاب الشفقة من وين زول متربي في حزب قائم على الصبر وطول النفس وساكن الكلاكلة التي كنا ننوم في بصها في نهاية الستينات من طول المشوار
عجبتك الضل البيرتاح في الليل آ باسط ؟
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
فرحة،، وما تمت .. بت / وردة ،، وما فتحت ..
وأفتتح أيوب سكة صبر طويل ومعاه حزن مشاعر حزنها فاح مشاعر مشاعر عبدالكريم ، الصابرة أم صابرين
صابرين ايوب ولدت فاقدة البصر يا ايوب شيل الصبر الأصلك شايلو من يوم ولدو البحر من يوم حام الفقر في المدينة الحزينة بكراع قطر و ولولة سفينة
شيل الصبر ياعم ايوب ما قبالك شالو عطشجي في سكة سفر يوم طوح عم عبدالرحيم تحت عجلات القطر وقبالو شالو النبي ايوب وشالوه ناسآ كتر ما اصلنا نحنا ماتاب مننا الصبر ولانحنا منو ح نتوب
حنتوب الجميلة
| |
|
|
|
|
|
|
Re: محنة عباس زلط في صابرين ايوب (Re: عزام حسن فرح)
|
قال نعيم علي :
Quote: يا ابوساندرا ياخ... يا الله ياخ... واصل بنفس (المزاج) ده شان ما نقوم نمشي اي حته زاته |
يا نعيم الدنيا ايه الحياة غير ليمها ولمتا وغير الوقوف مع الناس ساعة ضحكتا ويوم بكيتا وايه الناس لو ماوقفت مع الناس عند ازمتا وشدتا وحاجتا
يا نعيم ، الله لا وراك مزاجي ساعتا
وكتب عزام حسن فرح:
Quote: أرى أن نَصبُر على الرجُل ... قل يرحمُك الله |
وياريت يمد ايوب في الصبر
قل
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
ايوب مكي / عباس زلط من فقراء البلاد الأغنياء من الفقراء احباب الله غني بحب الناس غني بالرضا والقناعة يتم الناقص من لقمة بضحكة وعجز المال بسلفة تكفيه كسرة بموية وطماطم وشطة وشاي ،، رشفة ب رشفة وبعدها سفة
ويديها لفة في الديم القديم الحميم يقصد هذا ويلاقي تلك صدفة
يرجع البيت معفر من تراب تربة او حفرة لصيوان حفلة
ما اصلها الدنيا يوم كده ويوم كده ومرات في اليوم الواحد كده وكده
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
Quote: من فقراء البلاد الأغنياء من الفقراء احباب الله غني بحب الناس غني بالرضا والقناعة يتم الناقص من لقمة بضحكة وعجز المال بسلفة تكفيه كسرة بموية وطماطم وشطة وشاي ،، رشفة ب رشفة |
تحية طيبة ابوساندرا واستمتاع بالسرد الجميل وربنا يجعلنا واياك من الصابرين
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
عباس / ايوب يحتاجكم ففرحته الما تمت صابرين ترقد الآن طريحة الفراش في مستشفى في القاهرة برفقة امها وخالتها
التكاليف والمصاريف بدت من الخرطوم ومازال نزيف المصاريف مستمر في القاهرة ، إقامة ومواصلات وروشتات وعلاج غير المصاريق اليومية لزوم الأكل والشراب
الدكاترة قالو في عين لا أمل فيها ويحاولون إنقاذ الأخرى
وايوب الفقير المفتقر لله الغني بحبكم ينتظركم
وما تتأخروا
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
Quote: عباس / ايوب يحتاجكم ففرحته الما تمت صابرين ترقد الآن طريحة الفراش في مستشفى في القاهرة برفقة امها وخالتها
التكاليف والمصاريف بدت من الخرطوم ومازال نزيف المصاريف مستمر في القاهرة ، إقامة ومواصلات وروشتات وعلاج غير المصاريق اليومية لزوم الأكل والشراب
الدكاترة قالو في عين لا أمل فيها ويحاولون إنقاذ الأخرى
وايوب الفقير المفتقر لله الغني بحبكم ينتظركم
وما تتأخروا
|
يادوب عرفت مزاجك يا ابوساندرا وكنت اظنه (سردا من الزاكره) اتاريه في (اللحم الحي) معاك لبكرة احلي
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
Quote: إلا الولد خضر ده انا ماعارفو جاب الشفقة من وين زول متربي في حزب قائم على الصبر وطول النفس |
أبو ساندرا هوي ناس الصراع الدؤوب والنفس الطويل ديل ما معانا الخامس قام ياعمك بعد دة الحزب ركب مكنة (جيل ثالث عالي السرعة) الفاتنا كتير خلينا نلحق السوق يابركة
ــــــــــــ
طبعاً ضحكت لما (بانت) نواجزي من قصة مواصلات الكلاكلة والله بالجد ياهو الوصف الوصفتو يا بركات بالجد بلدنا ديك بعيدة ويمكن عشان كدة قعدت تتزاوغ لينا في إجازتك الفاتت طبعاً إعتذارك داك مافي زول قبلو !
وممكن تسأل كرفس
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
Quote: عباس / ايوب يحتاجكم ففرحته الما تمت صابرين ترقد الآن طريحة الفراش في مستشفى في القاهرة برفقة امها وخالتها
التكاليف والمصاريف بدت من الخرطوم ومازال نزيف المصاريف مستمر في القاهرة ، إقامة ومواصلات وروشتات وعلاج غير المصاريق اليومية لزوم الأكل والشراب
الدكاترة قالو في عين لا أمل فيها ويحاولون إنقاذ الأخرى
وايوب الفقير المفتقر لله الغني بحبكم ينتظركم
وما تتأخروا
|
عالياً لأجل هؤلاء البسطاء الطيبين
ـــــــــــــ
شكراً يا بركة وآسفين للخرمجة إتخيلت زي النعيم بتستعيدفي الذكريات!
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
صابرين ايوب مكي الحاج
أمها: مشاعر عبدالكريم 0020188154669 القاهرة والدها : 00249923058515 الخرطوم
ابوها وحبيبها : الشعب السوداني
فيا اثرياء المنبر ٍ ديل ناس الخواض والمسلمي وعماد عبدالله ويا فقرائه : الغالبية الساحقة أخوكم الصابر ايوب يحتاجكم
يا عباس عبدالمجيد وده في الديم إسمه عباس جمرة وفي الدوحة إسمه عباس بنك
نأمرك بفتح حساب فوري بإسم حبيبنا عباس زلط ما تدقس باسمه الرسمي : أيوب مكي الحاج
| |
|
|
|
|
|
|
Re: محنة عباس زلط في صابرين ايوب (Re: أبو ساندرا)
|
لا تبتئس يا صديقي ما تبتئس ... وماتقول الناس دي ماعندها دم وما بتحس ...
خللي عشمك في اخوان الإنسانية في محلو... ماتقول مالهم ما بحسو... ولا بيحنو. ..
كوس ليهم العذر وفتش ليهم المبررات من جاي لي جاي... وزيد على همي المعاك همك المعاي ...
خت الرحمن في قلبك ... وطول صبرك ... بكرة بيروح همك ...
بكرة همك بيروح وتطيب الجروح
يا اخوان الإنسانية
ماتزيدوا على ايوب همو ما تطولوا صبرو المباريهو من يومو لا عن قبرو
بعد خرف يا زلط
يا زلط درب الصبر طويل يا برواز الصبر جميل
| |
|
|
|
|
|
|
Re: محنة عباس زلط في صابرين ايوب (Re: Alsa7afa_30)
|
كتر خيرك ياحسام
الناس دي حتى ما سوت أضعف الايمان
ومازال هم المصاريف
نزيف
والتكاليف
يسدوها كيف ؟ يغطوها كيف ؟
اجبد غطاك عليك وصبرك فالدنيا زيفة و زيف
يا عباس زلط يا اخو
يا زول عادي
عفيف وشفيف
ماتقنع من خير فيهم
ماتقنع من رحمة ربك
| |
|
|
|
|
|
|
|