|
|
 المنبر كلو ختان الاناث الحاصل شنو ؟
|
من امبارح لحدي اليوم يمكن اربعة ولا خمسة مواضيع تتكلم عن موضوع واحد مضمونه ان هنالك قانون سمح بختان الاناث
طيب المشكلة شنو الماعايز ما يختن هل القانون اجبر الناس انو لازم يختنوا بناتهم كلهم والمامختونة
تحرم من الامتيازات التي سوف تتوفر للمختونة .
الشغلانة تعتمد على الوعي لدي المواطنين والقوانين يبلوها ويشربوا مويتها اذا كان هنالك وعي عام لا تؤثر القوانين على المجتمع .
قبل اصدار القوانين هنالك بعض الواعين تجاوزوا هذه النقطة من عشرات السنين وضربوا بالقوانين وبالعادات عرض الحائط وماهماهم الكنية التي تطلق على بناتهم .
وبعدما عملوا القانون برضو كان في ناس بتصر انو بناتهم لازم تتختن
بعدين الدايات ديل ح يشتغلوا شنو لمن توقفوا شغلهم بالقوانين ماياكلو عيش لووول يكه
وبعدين ياناس القوانين الناس في شنو والحسانية في شنو اسع ده وقت بتاع ختان وماختان ولا تكون في مصيبة وعايزين يصرفوا نظر الناس عنها لوووووووول يكه
تحياتي للكده والماكده ذكورا واناثا
زاتوووو
|
|
 
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: Yassir Tayfour)
|
حبيبنا ود طيفور ،،
يعني الكلام الفوق ده كلو ما لفت نظرك الا الحته دي ما تقول لي انابحب اجي من الاخر لووول يكه
اسع دي يفتشوها ليك كيف اوووب سوري قصدي يفسروها ليك كيف
طيب الكده دي الربنا رزق منها الداية والماكده دي ربنا يرزقك بيها انشاء الله بالمناسبة شغل لينا اغنية زيدان السعادة بقت وهم والحلوة من غير طعم لووووووول يكه
تحياتي ليك لو كنت كده او ماكده
زاتوووو
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: ALZOLZATOO)
|
| Quote: الشغلانة تعتمد على الوعي لدي المواطنين والقوانين يبلوها ويشربوا مويتها اذا كان هنالك وعي عام لا تؤثر القوانين على المجتمع . |
هنا مربط الفلم يا زاتو يعني عشان تصل بالناس لدرجة وعي لابد أن تكتب وتكتب وتكتب وهو واجب ورسالة أى واحد بقدر يساهم أو يضيف لهذا الموضوع في سبيل الوصول إلى مرحلة الوعي وإنتشالنا من حالة اللاوعي التي نعيشها من المهد إلى اللحد.
الموضوع يحتاج أن نكتب فيه ونهدر كل باندويدث أون لاين وأوف لاين
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: almulaomar)
|
حبيبنا الملا عمر
كلامك زين ومافيهو شين بس الكتابة في المنبر ماكل شئ ، لازم حملة التوعية تكون في الصحف والمجلات والاذاعة والتلفزيون المدارس والاحياء وكل حته يعني اسع انا لو اقتنعت بالبوستات الموجودة حبوبتي البقنعها منو لووول ماتقول لي انت دي لو ماسمعت حاجة في الرادي مابتصدق يعني لو جيت قلت ليها فلان مات بتقول ليك ماذاعوهو في الاذاعة
عشان كده لازم حملة التوعية تكون شاملة لكل المجتمع صغيرا وكبيرا وامي وعالم وعامل وتساهم فيها الدولة بوضع جزء من حملة التوعية في مقرراتها ومناهجها .
اها بعد نصل للتوعية بعد عشرمية سنة كده لو جاكم حاكم وقال ليكم عدم ختان الاناث رجس من عمل الشيطان فاجتنبوه مافي زول ح يشتغل بيهو وح يلاقي الناس واعية بيقوم يشوف طريقة تخارجو لووول يكه
تحياتي
زاتووووو
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: ALZOLZATOO)
|
اها والداير نخليهوا كدة .... على كيفم؟
وبعدين الناس البتختنوا ديل شفععععع يعني ما واعيين وما عندهم اختياريعني بقع عليهم الجرم الحكومة ةالقانون مفروض يحموهم مش يزيدوا الطين بلة
يعني معقولة الناس ماشة لي قدام ونحن اسة بناقش مسائل زي دي؟
انقاذ الزفت والسجم كرهتنا العيشة ياخ
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: ragaa makkawi)
|
العزيزة رجاء
الشفع في ذمة الوالدين
بعدين نحن قبل ماندي الحكومة فرصة مفروض اول حاجة نحمي عقولنا من الخفاض الفرعوني ونخلي عقولنا مختونة سنة بعد داك نخلي عقلنا زي ما الله خلقو كامل بعد داك ح نفكر صااااح ونبطل العادات الضارة والدجل والشعوذة البنعمل فيها .
يعني لو مسكتي حبوباتنا تلاقيهم ماعندهم شغلة مع حكومة ولا مع غير حكومة عندهم البت البلدوها لازم تتختن يعني لازم تتخن اها ديل لو مافي زول قعدهم في الواطة ووراهم الحاصل شنو مافي فايدة
ح تمشي شغلك وتجي تلقي امك ولا حبوبتك هدمت البنية التحتية
تحياتي
زاتوووو
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: ALZOLZATOO)
|
الزول زاتووووووووو سلام
يعني في رائك انه في مواضيع اهم من هذا الموضوع مفروض تناقش ؟؟؟
يا عمك ده موضوع مفروض بكري يسود المنبر دعما لمنع الختان ,,,
وفي راي انه موضوع ليس هناك باهم منه يستحق ان يناقش ,,,
زاتووووو مالك يااااااااااااخ ؟؟؟
| |
|
|
|
|
|
|
|
|
|
Re: المنبر كلو ختان الاناث الحاصل شنو ؟ (Re: العوض المسلمي)
|
الاخ العوض المسلمي
كيف اخبارك
لا والله مش القصد انو ما من المواضيع الموضوع كلو انو خمسة ولا ستة بوستات بتتكلم عن الموضوع في مكان يكاد يكون فيهو الناس كلها متفقة على محاربة العادات الضارة .
هدفي هو التوجيه الاعلامي لازم يشمل المجتمع كلو حبوبات واجداد وصغار وكبار في شتى بقاع السودان
لانو انت ممكن تكون مقتنع لكن حبوبتك ولا امك تقول ليك لو ما ختنتهن ماراضيه عنك اها انت ح تخاف على نفسك وتشوف حلول وسطى مابين الجنة والنار وتصلوا الى اتفاق انو يشيلوا حته بس ترضية للوالدة
اها دي لو ما حليتها الكلام ده كلو ادوهو البحر يا كمان انتظرو لحدي ما ناس البورد يبقوا حبوبات لوووول يكه
تحياتي
زاتووووو
| |
|
|
|
|
|
|
| |
ALZOLZATOO
Yassir Tayfour
almulaomar
ragaa makkawi
العوض المسلمي
فيس بوك
تويتر
انستقرام
يوتيوب
بنتيريست