|
سؤال جاد جداً لناس الكورة :مامعنى رشاشات وعلى من تطلق؟وماهو سبب التسمية؟وبالمناسبة أنا مريخابي
|
. .
لا أحب كرة القدم ولا أشاهدها إلا مكرهاً ، وبكره أيام كأس العالم عشان كل الناس بتكون مشغولة بيها وأنا زي الاطرش في الزفة ، ورغم كده بشجع المريخ لكن الله يشهد مابعرف البلعب فيه منو ، غايتو زمان متذكر حامد بريمة وسامي عز الدين .
سؤالي هو : أسمع بمصطلح رشاشات ، وماعارف مقصود بيه شنو ؟ بشوف الكلمة دي في بوستات الكورة لكن ما متاكد مقصود بيهاالمريخ ولا الهلال ، وسبب التسمية شنو ، ومصدرها شنو ؟
حالياً بقت عندي شوية ثقافة كروية يعني مثلاً عرفت إنه إستاد الهلال إسمه الزريبة ، وعرفت كاكا ووهنري وميسي وبويان يعني في تطور ملحوظ .
أسئلة أطرحها للمختصين مع خالص التحية والتقدير . . .
|
|
|
|
|
|
|
|
Re: سؤال جاد جداً لناس الكورة :مامعنى رشاشات وعلى من تطلق؟وماهو سبب التسمية؟وبالمناسبة أنا مريخ (Re: khaleel)
|
. .
خليل صديقي العزيز وزميلي الحبيب
Quote: بالله بظرافتك طلعت مريخابي |
أنا زاتي ماعارف أنا بقيت مريخابي متين ، لكن على ما أتذكر ونحن صغار في إجازة في السودان عندي ولد عم زول مزعج وكان عامل فيها شفت علينا ونحن شفع وزول (متنمر) زي مابسموه الخواجات وأتذكر إنه كان بشجع الهلال ، فقام أخوك الازهري الماعارف الفرق بين البلنتي والفاول كردة فعل عكسية بقى مريخابي من اليوم داك :)
Quote: اعتقد التسمية لها بالعربات التي كانت ترش الاستاد بالمياه زمان |
إجابتك دي ماحلت لي الإشكال ياخليل ، وماعرفت الرشاشات هم المريخاب ولا الهلالاب .
منتظر معاك إجابة من المخضرمين .
. .
| |
|
|
|
|
|
|
هلالابية (Re: ALazhary2)
|
Quote: سؤال جاد جداً لناس الكورة :مامعنى رشاشات وعلى من تطلق؟وماهو سبب التسمية؟ |
وبالمناسبة أنا هلالابية ..
| |
|
|
|
|
|
|
Re: هلالابية (Re: Salwa Seyam)
|
ازهرى ازيك
ما عارف الاجابة ..... ولكن طالما انت مريخابى اى اجابة حتعجبك وفى صالحك كمان
ارفع راسك ..... فانت مريخابى ....بس ابعد من شراب السفن اب حتى عام 2050
| |
|
|
|
|
|
|
Re: هلالابية (Re: ALazhary2)
|
أبو الزهور ... مشتاقين ياخي ... للأسف إنت ما رشاشة إنت صهيوني لأنو حسب الأصول المريخاب هم الصهاينة أما الرشاشات فهم ال....( وش منور ) مودتي ....
| |
|
|
|
|
|
|
Re: هلالابية (Re: ALazhary2)
|
أبو الزهور يا عمك جرى العرف على ان لقب رشاشات يُطلق على الهلالاب و صهاينة - سابقا - على المريخاب - الآن وصيفاب و سبيعاب و تمهيداب و تاكسياب و ما إلى ذلك أما اصل الألقاب فرشاشات بالضبط ما متأكد من أصله ولكن بعض سفهاء المريخاب حاولوا يرجعوه لأصل غير أخلاقي يشبه وضاعة نفسهم ودناءة تفكيرهم ولا اظن ان الأصل كذلك
حكاية انك بقيت مريخابي زعلة من قريبك بتأكد نظرية ان السوداني على الفطرة هلالابي سيد بلد لكن زعلة او موقف أو شكلة تخليه يقلب مريخابي أو موردابي أو غير ذلك
| |
|
|
|
|
|
|
Re: هلالابية (Re: محمد البشرى الخضر)
|
. .
الحبيب محمد البشرى
Quote: ولكن بعض سفهاء المريخاب حاولوا يرجعوه لأصل غير أخلاقي يشبه وضاعة نفسهم ودناءة تفكيرهم ولا اظن ان الأصل كذلك |
ياخي إنت شامي المريخاب ديل شمة شديدة وزعلان منهم زعلة حامضة :)
بعدين نحن كنا ماعارفين معنى كلمة واحدة هسع الحكاية جابت ليها مصطلحات جديدة مجهولة وصيفاب و سبيعاب و تمهيداب و تاكسياب :)
كدي تعال مسنجر وريني ناس المريخ المعاطين ديل فسروا كلمة رشاشات بي شنو :) (الشمار كتلني). .
| |
|
|
|
|
|
|
Re: هلالابية (Re: ALazhary2)
|
الازهري والله خسارة بأسمك ده تكون مريخابي الزعيم الأزهري سيد الاسم كان من مشجعي هلال الخريجين والحركة الوطنية روي عنه أنه أجل اجتماعا لمجلس الوزراء لمقابلة رئيس الهلال وحينما عوتب على ذلك قال ان الهلال هو الذي فتح أبوابه للخرجين ومنه انطلقت شرارة الاستقلال
غايتو البركة في سلوى صيام
| |
|
|
|
|
|
|
Re: هلالابية (Re: ALGARADABI)
|
. .
الأخ الحبيب ALGARADABI
ياخي تقول شنو أدي الله وأدي حكمته :)
أشكرك جزيل الشكر على المعلومة القيمة عن الزعيم الخالد الأزهري أعلى الله مقامه في جنات ونهر في مقعد صدق عند مليك مقتدر .
وبالمناسبة أنا مريخابي صناعة تايوان ، ويعلم الله مابعرف إسم لاعب واحد في المريخ .
تحياتي وتقديري لمرورك الكريم . . .
| |
|
|
|
|
|
|
Re: هلالابية (Re: ALazhary2)
|
لا يا أبو الزهور انا ما شامي المريخاب كدا على إطلاقها ولا ينبغي لي والدي مريخابي والولية كمان و حتوت زاتو فيه ريحة اختلاف الانتماء الرياضي عمرو ما كان ولا ح يكون سبب للشمة او البغضاء وعشان كدا قلت ليك استبعد ان يكون مصطلح رشاشات يحمل معاني غير اخلاقية لكن من يستحق الشمومة و الكره و الإحتقار هو كل من اسقط وضاعة نفسه و حقارتها على الرياضة و التشجيع وتجاوز الروح الر ياضية و المناكفات البريئة وكل من تعدى حدود الادب و تسافه مع الآخرين في شأن هو ابعد ما يكون عن ذلك غض النظر عن لونه هلالابي او مريخابي
بالنسبة للتصريف السفيه لرشاشات بالضبط كدة ما عارفه لان ما قريته توقف في حدود التلميحات عن نادي في الشهداء و ناس بترش وما إلى ذلك اما بالنسبة لوصيفاب فدا يرجع لكون المريخ صاحب ريكورد اول نادي في العالم ينال وصافة البطولة الأولى في بلده لخمس سنوات على التوالي و تمهيداب لان لما ربنا فتحها عليهم ومرقوا من خانة الوصافة الكانت متحمداهم و شاركوا في بطولة الأندية الأفريقية الإتحاد الأفريقي فرض عليهم يلعبوا في الدور التمهيدي زيهم وزي التكاسة الروانداب و العنقالة المدغشقراب و العتالة الزنزباراب و هلم بشتنة أما الزعيم سيد البلد و رغم حلوله وصيف في الدوري إلا ان الإتحاد الأفريقي اعفاه من الدور التمهيدي لذات البطولة مع الإندية العظام اها بالنسبة لسبيعاب افتكر واضح طبعا اما تاكسياب فدا تيمبوراري لحدي يوم خمسطاشر يا عملوا ليه دروب يا كمان سار عليهم اها يا عمك .. أي سؤال
ياخي كتّر خيرك الفتحت لي باب جمجرة عليهم الليلة
| |
|
|
|
|
|
|
Re: هلالابية (Re: محمد البشرى الخضر)
|
. .
:)
يامحمد البشري ياخي فكيت لي الدبرسة حقيت يوم السبت .
الله يديك الفي مرادك ويملاك عافية.
وقدر ماضحكت ،لكن برضه قلبي وجعني من جمجرتك الحامضة في المريخ والمريخاب.
خليك قريب لحدي مانعرف مصطلح رشاشات ده جابوه من وين بالضبط .
تحياتي وتقديري.
.
| |
|
|
|
|
|
|
Re: هلالابية (Re: ALazhary2)
|
أبو الزهور
انا طبعا هلالابي من منازلهم لكن لما الهلال غلب الاهلي المصري مشيت الاستاد بس ما قدرت اصل من الزحمة !
لكن طبعا ما عندي شغلة بالحاصل جوه البلد دي يعني في الهلال دا غير هيثم مصطفي ما أظني باعرف لي اسم لاعب ...
وفي نهاية المطاف جا واحد اسمو صلاح ادريس كدا ملحن ومدرب ورئيس نادي الهلال وكاتب صحفي وبيعرف اي حاجة في الدنيا دي كرهنا الهلال
ذاتو !!!!!!!!!!!
Quote:
دكتور الوليد ماشاء الله عيني باردة صلاة النبي عليك مع إنك عجوز وأكبر مني لكن لسه الشعر والدقن مافيهم شيب |
يابو الزهور الصور خداعة , لو جيت قريب - مننا او من الصورة بتلقي الشيب قاعد ,
معليش جبت الاقتباس بتاعك من بوست تاني , لكن تعرف انا ناس سودانيزاونلاين ديل بامشي معاهم علي الحيطة !
| |
|
|
|
|
|
|
Re: هلالابية (Re: الوليد محمد الامين)
|
. .
د. الوليد
صلاح إدريس ده بنسمع بيه سماع وسمعت والعهدة على الرواي إنه زي عباقرة القرون الوسطى يعني زول موسوعي زي دافنشي رسام ومهندس وطبيب وشاعر وهو ماما وهو بابا وهو كل حاجة في حياتي .
غايتو سبحان العاطي الوهاب الذي يعطي بغير حساب ، والاداهو بالميارات يدينا بالألآف من الجنيهات الجديدة .
Quote: يابو الزهور الصور خداعة , لو جيت قريب - مننا او من الصورة بتلقي الشيب قاعد |
يا زعيم كمان نقول ماشاء الله تبارك الله عيني باردة شيبك إلا يفتشوه فتيش ، لكن أخوك الأزهري كان من بعيد ولا من قريب الرأس كله أبيض مافيه غير شعرتين تلاتة لونهن أسود .
تحياتي وتقديري . .
| |
|
|
|
|
|
|
Re: هلالابية (Re: saber alhawatti)
|
. .
الأخ الحبيب صابر
والله منور البورد ، وليك وحشة ،ووين مطول الغيبة .
إن شاء الله أحوالك كلها تمام التمام ، وأتذكر زي سمعت خبر إنك هاجرت لدولة أوروبية (ورينا الشمار شنو)
وأشكرك جزيل الشكر على المعلومات القيمة وتقبل خالص التحية والتقدير . . .
| |
|
|
|
|
|
|
Re: هلالابية (Re: محمد البشرى الخضر)
|
أخي محمد البشري الخضر
Quote: حكاية انك بقيت مريخابي زعلة من قريبك بتأكد نظرية ان السوداني على الفطرة هلالابي سيد بلد لكن زعلة او موقف أو شكلة تخليه يقلب مريخابي أو موردابي أو غير ذلك |
الدخلنا نحن القراقير في الموضوع دا شنو..؟؟
تحياتي
| |
|
|
|
|
|
|
رد (Re: ALazhary2)
|
الاخ الازهري تحية وتقدير وودكبير يا صفوة يا رائع كل الهلالاب الهنا عارفين معني رشاشات فقط بيتزاوغوا منها وهي ياعزيزي معيبة ولها علاقة وثيقة بموقع نادي الهلال السابق بمنطقة حي الشهداء جوار مستشفي ام درمان ولك ان تربط الاسم بالموقع وممارسة رش المياه الراجعة هذه هي الحقيقة التي يتبرأ منها الرشاشات
| |
|
|
|
|
|
|
Re: رد (Re: مهدى الصادق السيد)
|
Quote: الاخ الازهري تحية وتقدير وودكبير يا صفوة يا رائع كل الهلالاب الهنا عارفين معني رشاشات فقط بيتزاوغوا منها وهي ياعزيزي معيبة ولها علاقة وثيقة بموقع نادي الهلال السابق بمنطقة حي الشهداء جوار مستشفي ام درمان ولك ان تربط الاسم بالموقع وممارسة رش المياه الراجعة هذه هي الحقيقة التي يتبرأ منها الرشاشات |
بالفعل كلام الاخ مهدي صحيح ونحن ناس ديناصورات .
كان نادي الهلال في السابق في هذه المنطقة والتي بها هذه البيوت المشبوهه حتي فترة السبعينيات .
لذا جاءت التسميه ومافي داعي ادخل في ولماذا سميت بهذا الاسم ؟؟؟
دي ذكرتني البنت التي ذكرت انها لا تعرف اسم خطيب صاحبتها ولكن اوله عبد القا ....
| |
|
|
|
|
|
|
Re: رد (Re: مهدى الصادق السيد)
|
. .
الأخ العزيز مهدي الصادق
لكم خالص الشكر والتقدير على كلماتكم الودودة ومشاعركم الأخوية النبيلة، ولا حرمنا الله لطفكم .
وتقريباًبعد مداخلتك يادوب بديت أفهم سبب التسمية .
لكم خالص التحية .
. .
| |
|
|
|
|
|
|
Re: الحمد لله (Re: haider osman)
|
. .
حيدر عثمان
الله يسألك المداخلات القبل مداخلة مهدي دي قدرت تعرف منها معنى (رشاشات) ؟
:)
كلها تلميح ، مافي أي تصريح .
بعدين إنت مالك زعلان ؟
خلينا نتلايق يامان مادام الويكة في المنبر بالكوم والردوم .
تحياتي وتقديري ممزوجة بطن من الويكة الماخمج . . .
| |
|
|
|
|
|
|
Re: الحمد لله (Re: ALazhary2)
|
. . وكمان هاك الهدية دي ياحيدر عثمان عشان ماتزعل وتروق أعصابك :)
شفت كيف يامان ؟ وإن شاء الله الهلال يضوي ليك ويضوي لينا، والمريخ يجمل سمانا. :) . .
| |
|
|
|
|
|
|
|