|
العم سودان Uncle Sudan
|
شنو الــ كان بِحْصَل لو كان جانا كولمبس ..؟ و قَبْلُو برضو ماجلان ..؟ رغم إننا كنا فَرْكة كعب يا الأسبان ...؟ ديل نحن يا رُبان خلاصة كوش عصارة مروي حكمة نبتة و لون أفريقيا سُمرة السودان بس ما قريت إنت : -
نحن عقاب الطين ال بعد آدم نحن ال كَتْلة في ضمير قابيل و نحن ال موتة في جسد هابيل فالنا طيرة الجنة كرمْنا لا فيهو الأذى لا مِنَّة فينا ال بيقول سفينة نوح جاتنا هنا و جبل الجودي ياهو ( الرجاف ) و كان ما من ال كِضِب بنخاف نقول نحن حمولتو و كذلك الحيوان
ديل نحن يا رُبان
نجيماتنا هداية الضهبان .. شن شفتَ يا العميان ؟ شطحتْ بيكم مراكب الهجرة و رحتو للأباتشي و الشيروكي و سموكم الأمريكان و نحن يانا هنا ... سودان ولاد سودان من حلفا لي نمولي .. و مارنجان من كسلا لي أشْكان من بلاد علي السلطان .. مرورا بالضو الذي بان و بالعز الذي سيكون .. و الذي قد كان و نحن أمدرمان
ديل نحن يا رُبان جنوب و شمال شرق و غرب نميل مع الحق محِل ما مال
و فينا ال قال عروقنا ممتدة من ( بلاد الغال ) إلى تخوم بلاد بتركب الأفيال و إنو نحن باركنا المَلَك ( ميكال ) ما بنفوت حقنا و لو مثقال و لو جابت حوبة فيها الرقاب تنشال فينا المك فينا ( الرث ) و فينا ( أُرُو) فينا الشيخ فينا الدخري و عشا البايتات و آلاف من مهيرة .. وسط الحارة تكب شبَّال
ديل نحن يا رُبان صبرك علينا شوية بيشبهنا الإسم ..
إمضاء العم ( سودان Uncle Sudan )
|
|
|
|
|
|
|
|
Re: العم سودان Uncle Sudan (Re: ابو جهينة)
|
شنو الــ كان بِحْصَل لو كان جانا كولمبس ..؟ و قَبْلُو برضو ماجلان ..؟ رغم إننا كنا فَرْكة كعب يا الأسبان ...؟ ديل نحن يا رُبان خلاصة كوش عصارة مروي حكمة نبتة و لون أفريقيا سُمرة السودان
| |
|
|
|
|
|
|
Re: العم سودان Uncle Sudan (Re: Osama Mohammed)
|
عزيزي أسامة
تحياتي
شكرا لهذا المرور الباذخ
Quote: لم نكن لنحتاج أن يكتشوفنا كما العالم الجديد فقد كنا في دورهم وديارهم وحربهم وكرهم .... |
بالتأكيد لم نكن نحتاج ... و لكن جملتي ( شنو الكان بيحصل لو جونا الأسبان ؟ ) هو مجرد سؤال تقريري و ليس إستفساري .. بالضبط كما تقول عندما تنجو من حادث : لولا حدث كذا لكنت الآن في عداد الأموات
Quote: كنا في الحديد الذي برع فيه المرويون وكنا في الزراعة التي برع فيها قدمائنا .... ملت اخبارنا العالم قبل امريكا ... ولكن كنا نتحتاج أن نثق في قدراتنا ونحرك أنفسنا حتى نصل ... للغاية والتي لا تبرر الوسيلة فحسب بل التي ترجح الوسيلة ... يا ابا جهينة ( معليش لرفع الكلفة ) بلدنا لم تكن لتحتاج الا لأناس صادقين لا يعرفون غلاً ولا حسدا ..... يحبهم العدو قبل الصديق والمصيبة ...انهم كانوا موجودون ..... |
تمام جدا لذا أتتْ بقية أبياتي الممجدة لكل تعددنا الإثني و العرقي و لكل صفاتنا الحميدة
أكرر الشكر
| |
|
|
|
|
|
|
Re: العم سودان Uncle Sudan (Re: ابو جهينة)
|
بس ما قريت إنت : -
نحن عقاب الطين ال بعد آدم نحن ال كَتْلة في ضمير قابيل و نحن ال موتة في جسد هابيل فالنا طيرة الجنة كرمْنا لا فيهو الأذى لا مِنَّة فينا ال بيقول سفينة نوح جاتنا هنا و جبل الجودي ياهو ( الرجاف ) و كان ما من ال كِضِب بنخاف نقول نحن حمولتو و كذلك الحيوان
| |
|
|
|
|
|
|
Re: العم سودان Uncle Sudan (Re: ابو جهينة)
|
ديل نحن يا رُبان
نجيماتنا هداية الضهبان .. شن شفتَ يا العميان ؟ شطحتْ بيكم مراكب الهجرة و رحتو للأباتشي و الشيروكي و سموكم الأمريكان و نحن يانا هنا ... سودان ولاد سودان من حلفا لي نمولي .. و مارنجان من كسلا لي أشْكان من بلاد علي السلطان .. مرورا بالضو الذي بان و بالعز الذي سيكون .. و الذي قد كان و نحن أمدرمان
| |
|
|
|
|
|
|
|