|
|
|
 Re: وين تانى وين نلقى الأمان..؟؟ (Re: صلاح أبودية)
|
وين تانى وين نلقى الأمان ...
من بعدما راحوا الحنان ..؟؟
ومين تانى مين..
يروى الحنين ..
شوق السنين ..
الكان وكان ..
وين تانى وين نلقى الأمان؟
ومين تانى مين...
مين تانى مين ..؟
يمسح دموع عن وجه ما عرف الحزن ..؟
ومين تانى مين ...
ليهو الضلوع تحمل حنان كل الزمن ..؟
واشوقنا لى أب وشا قمر ..
يجلى النفوس بـ طلعتو...
واغربة النيل والديار !!
والحى وراك واغربتو....!!
حتى الوداع ما كان وداع !!
وما ببقى قدرى معزتو ..
يوم بالأمل ..
يوم بالضياع ..
راجين صباحو ورجعتو !!
| |
 
|
|
|
|
|
|
|
|
يِـمَـه شوفي صلاح (Re: صلاح أبودية)
|
والله بسمع ودُموعي سايله ... إتذكرت شارِع الكُبري ... ونحنا راجعين مِن درس العصُر ... إتذكرت رشاد بابتوت وضحكتو ... يا حليلي وحليل أيامنا ... يا حليلك ... صلاح أزَيك ... أنا قلت ليك بريدك مُش كِده ... المُهِم إحتِياطي كِده ... أنا يا زول بريدك لله ساااي ... وأب عِمه ده برضو بريدو وإن قام جفا تراني بزيدو ... وإن نفا بعيدو بريدو ...
| |
|
|
|
|
|
|
|
|
|
Re: يِـمَـه شوفي صلاح (Re: عزام حسن فرح)
|
| Quote: إتذكرت رشاد بابتوت وضحكتو ... |
آخ يا عزام !!!
ربنا يرحمو ويغفر ليهو !
| Quote: أنا قلت ليك بريدك مُش كِده ... المُهِم إحتِياطي كِده ... أنا يا زول بريدك لله ساااي ... |
والله يا عزّام أنا برضو بريدك ساااى !!
ريدة فى الله !!
| |
|
|
|
|
|
|
|
|
|
Re: وين تانى وين نلقى الأمان..؟؟ (Re: أحمد الشايقي)
|
ابودية
معقولة بس.....؟
ماعاوزين نبكي خلاص فترنا من البكاء
-----
الحنان الراحو كتااااااااااااار
بس كويس انتوا شفتوهم لامن راحوا
لكن الله لينا الماحضرنا روحتهم
جددت كثير من الاحزان
واعدت كثيرا من الشكوي
كلمات تلمس الدواخل
كن بخير
| |
|
|
|
|
|
|
|
|
 Re: وين تانى وين نلقى الأمان..؟؟ (Re: بدر الدين اسحاق احمد)
|
انا بدر الدين ود اسحاق
انشاء الله يحبنـــى الله ورسولــه ..
Quote: | Quote: والله بسمع ودُموعي سايله ... إتذكرت شارِع الكُبري ... ونحنا راجعين مِن درس العصُر ... إتذكرت رشاد بابتوت وضحكتو ... يا حليلي وحليل أيامنا ... يا حليلك ... صلاح أزَيك ... أنا قلت ليك بريدك مُش كِده ... المُهِم إحتِياطي كِده ... أنا يا زول بريدك لله ساااي ... وأب عِمه ده برضو بريدو |
|
ترمـــــةشعبياوية :
برضو كان ما بحبكم يفلقنــى عنتــر
| |
|
|
|
|
|
|
|
|
|
Re: وين تانى وين نلقى الأمان..؟؟ (Re: بدر الدين اسحاق احمد)
|
عارف يا صلاح امس انا وأمل ماشين في الشارع اجتاحني حنين شديد لابراهيم الله يرحموا
وبديت ابكي بشدة وقلت لي امل لازلت اتذكر قبلته على جبيني ....
وقلت ليها مشتاقة لي صباح تغني لينا بالعود ونحن نشيل معاها وطيبة بت عثمان تحاكي...
الله يا صلاح الدنيا دي بعدهم مسيخة بي شكل
حبي للناس كلهم ...
بكيتنا في بلد الغربة دي
| |
|
|
|
|
|
|
|
|
|
Re: وين تانى وين نلقى الأمان..؟؟ (Re: صلاح أبودية)
|
تعرف يا صلاح رسلتا الاولاد الشعبيه امبارح بالليل
ولقيت بوستك اليوم وحليلهم جميعا
ولا زلت اتذكر ابراهيم ابوديه بعراقيهو قدام عمارتو بتاعة المزاد
وهو يسلم على الماشى والغاشي
الباسم الولوف رحمه الله
وبالله سلم على جنابو خالد
فهو خالكما معا
الله يرضى عليك
| |
|
|
|
|
|
|
|
|
|
Re: وين تانى وين نلقى الأمان..؟؟ (Re: عمر عثمان)
|
Quote: تعرف يا صلاح رسلتا الاولاد الشعبيه امبارح بالليل
ولقيت بوستك اليوم وحليلهم جميعا |
الأخ عمر عثمان !!
حمدا لله على سلامة الأولاد !!
وربنا يجمعكم وما يفرقكم تانى !!
يبلغ سلامك إن شاء الله للأخ خالد ..
وربنا يرحم الخال إبراهيم!
لك ودى !
| |
|
|
|
|
|
|
| |
صلاح أبودية
عبدالوهاب علي الحاج
عزام حسن فرح
أحمد الشايقي
haroon diyab
بدر الدين اسحاق احمد
القلب النابض
عمر عثمان
فيس بوك
تويتر
انستقرام
يوتيوب
بنتيريست