|
|
|
 الروليت الروسي (Re: Abureesh)
|
الخلل ظاهِر ... البيت ما مفروض يكون هِنا ... أقصُد كان الزول العمل البيت يفترِض إنو حيصبو جنب بيتو برج وبعدين البرج حيقوم يقع على بيتو ... والله صاحب البيت براهو جازف ... ده روليت روسي عديل كَدي
| |
 
|
|
|
|
|
|
|
|
Re: الروليت الروسي (Re: عبدالكريم الامين احمد)
|
| Quote: الخلل ظاهِر ... البيت ما مفروض يكون هِنا ... أقصُد كان الزول العمل البيت يفترِض إنو حيصبو جنب بيتو برج وبعدين البرج حيقوم يقع على بيتو ... والله صاحب البيت براهو جازف ... ده روليت روسي عديل كَدي |
عزام،
ضحكتنى شديد،
لكن الوشوش ما شغالة،،،
أضحك الله سنك،،،
عبدالكريم،،
Quote: ياعزام ظاهر من الصورة وشكل البيت هو ان البيت ده قاعد في الحتة دي قبل برج البراجنة دي
وسيدو المغلوب علي امره لم يجد الحماية الكافية من الجهات الهندسية في مدينته او بلدته لكي تحميه من تخطبات العمل الهندسي |
أكيد البيت كان قبل البرج،
و طبعا عزام بهزر و إنت سيد العارفين،
لكن أنا الظاهر لى من الصورة،
إنو البرج دة فى حرم البيت،،
يعنى جوووة البيت،
بمعنى تانى،
صاحب البيت مأجر للشركة البانية،
يعنى،
ما مسكين شدديييد،،،
و الله أعلم،،
| |
|
|
|
|
|
|
|
|
|
Re: الروليت الروسي (Re: Hala Hassan)
|
Quote: أكيد البيت كان قبل البرج،
و طبعا عزام بهزر و إنت سيد العارفين،
لكن أنا الظاهر لى من الصورة،
إنو البرج دة فى حرم البيت،،
يعنى جوووة البيت،
بمعنى تانى،
صاحب البيت مأجر للشركة البانية، |
هلا ياهندسة
وعزام ياخي حبيب البي..
شي موسف ياهالة زي الحوادث الذي دي وبتوري انو الامور جايطة جوطة شديد...
اولا حكاية انو زول ياجر بيتو لخدمة بالخطورة زي دي وهبتلي كده ماجاية...
والاشياء دي من اختصاص السلطات المدنية وهي المسئولة من تحديد امكنتها ومواصفاتها وهي ايضا من يجب
ان يوجر منها.
الصورة فعلا يا هالة دايرة قرية تانية لانو انا بديت اشك انها في (البيت المجاور) للبيت الفيهو الاوضة
والبرندة
وفي الحالتين القصة جايطة جوطة تقيلة
| |
|
|
|
|
|
|
|
|
|
قُلنا وقُلتا ... حتجي (Re: Abureesh)
|
كيكي الزول البريدو بدون أسباب واضِحة (على الأقل حتى الأن)
| Quote: ياعزام ظاهر من الصورة وشكل البيت هو ان البيت ده قاعد في الحتة دي قبل برج |
قلنا سيد البيت بِتاع مُجازفات ...
| Quote: كان الزول العمل البيت يفترِض إنو حيصبو جنب بيتو برج وبعدين البرج حيقوم يقع على بيتو |
إنت ليه ما بِتجيني يا كيكي ... عِندنا < جبنه > طين وقطيعة كِمِيات ... ما عِندك وقِت ... شُفت كيف ما بِتحِبني كفاية ... المُهِم ... الباب مُوارِب ... أسمع أكان جيت ما تجي براك (أصلو أنا قِنِعت مِن خيراً في الغُربة ... عاد ده كلام نقضي غُربتنا جَت شاي وبُن وجنزبيل ... خربانا أُم بِنايتاً قَش) تعال إنشاءالله ما تمرُق (أصلو بِقت عليك يعني) ...
| |
|
|
|
|
|
|
|
|
|
Re: قُلنا وقُلتا ... حتجي (Re: عزام حسن فرح)
|
Quote: ياعزام ظاهر من الصورة وشكل البيت هو ان البيت ده قاعد في الحتة دي قبل برج
|
سلام يا كيكى، وأنا برضـو لاحظت النقطـة دى، لأنو البرج هو الوقع فوق البيت، ما البيت الوقع فوق البرج.
شوف الما يتجنن معاكم!
بعدين الأرضيـة الخرسانيـة ثابتة (ما وقعت).. والإنحاءات فى الواح (الصفيـح) جنب قاعـدة البرج وفى التنية التانية فوق البيت
تورى أنو البنا دا كان يعمل فى نموذج لمعرض، وليس برج حقيقى.. فلو صرفنا النظر عن التنية الأولى، بسبب وزن البرج الذى لم
يحظى بإهتمام كافى من (المهندس)، فإن التنية الثانية فوق البيت، واللى بعدهـا مفروض باقى البرج يكون خفيف أكثر، تعنى أن
السيـد مهندس الغفلـة دا، هـو فى الحقيقـة عامل لحام ساى، وليس إلا.
| |
|
|
|
|
|
|
|
|
|
Re: قُلنا وقُلتا ... حتجي (Re: عزام حسن فرح)
|
Quote: إنت ليه ما بِتجيني يا كيكي ... عِندنا < جبنه > طين وقطيعة كِمِيات ... ما عِندك وقِت ... شُفت كيف ما بِتحِبني كفاية ... المُهِم ... الباب مُوارِب ... أسمع أكان جيت ما تجي براك (أصلو أنا قِنِعت مِن خيراً في الغُربة ... عاد ده كلام نقضي غُربتنا جَت شاي وبُن وجنزبيل ... خربانا أُم بِنايتاً قَش) تعال إنشاءالله ما تمرُق (أصلو بِقت عليك يعني) ...
|
هلا ياعزام
ويعلم الله يا عزام بريدك زي عيوني دي شفت كيف
بريدك وبريد البتريدوا انت زااتو
والجية ليكم بدورها بالحيل ياعزام الاالغربة والدوحة وكراكيرها بتشفط الواحد شفط
وراسي الماكن ده ملان بلاوي ياخي ومشي ام سعيد البعيييييدة ديك قطع ضهري كلو كلو..
ضروري وبالتاكيد ياعزام حنتلافي وساعمل علي ذلك..
...
تعرف في نادي الغزال يومتا يوم لقيتك اتشهيت والله عشرة ونسة معاك طويلة وعريضة
الا الجوطة والكركبة والناس كانو كثار خلاص...ولكن دوما يبقي الامل ايها الرجل الجميل
| |
|
|
|
|
|
|
|
|
|
قد طال (Re: Abureesh)
|
المدعو / كيكي وآخرين ...
| Quote: بريدك وبريد البتريدوا انت زااتو |
حليلي يِـمـه الصـف بِقفايا ... طال
نعايِن ليهو وهو مِن الشُرفة ... طال
جـفاك وأسـاك قلبـي قالـك ... طال
| |
|
|
|
|
|
|
|
|
|
Re: قد طال (Re: عزام حسن فرح)
|
الخطاء اكيد في التصميم الانشائي واعتقد لم يتم احتساب ال (wind force) جيدا
وبالتالي تم احتساب عمق (foundation) بصورة خاطئة
بالاضافة الي طريقة تثبيت ال (base plate) مع المسامير
والجات من البرج بتتحملها اوضة الزول المسكين دها
| |
|
|
|
|
|
|
|
|
|
صعب من صورة تحديد اسباب سقوط البرج (Re: Abureesh)
|
الاخ ابو الريش
سلام
من الصعوبة بمكان تحديد سبب او اسباب سقوط برج الاتصالات من صورة
قد يكون الخطأ فى التصميم أو التنفيذ او نوعية المواد المستعملة
يستلزم لجنة تحقيق فنية تعاين الموقع و تطلع على التصميم وتختبر المواد المستعملة فى التنفيذ حتى يتثنى لها معرفة الاسباب الحقيقية لسقوط البرج.
قد كتبت فى هذا المنبر مرارا و تكرارا عن محنة العمل الهندسى فى السودان و فوضى سوق المقاولات و غياب الرقابة الهندسية و تفشى الفساد
ووو............
هل تمت معاقبة المسئولين عن كارثة عمارة الرباط؟
هل تم التحقيق فى وفاة العامل الذى سقطت عليه دعامات مظلة المريخ سيئة الذكر؟
هذا بلد تضربه الفوضى من كل ناحية
| |
|
|
|
|
|
|
|
|
|
Re: صعب من صورة تحديد اسباب سقوط البرج (Re: هشام المجمر)
|
الأخ هشـام المجمـر،
مرحب بيك وشكـرا على الطلـة والإضافـة القيمـة..
نعم، فإن حجم (الدمار الهندسى) لا يعرف على وجـه الدقـة إلا بعـد التحقيق والحسـاب.. ولكن أنظر الى الصورة مرة أخرى:
فهل يعقل أن برجا مثل هـذا يرمى ليه طوبتين تلاتة من السقف ثم ينحنى عليه؟ عملـا بأن العمود الخرسانى فوق الشبـاك ما زال بعيدا ولم
يستقر عليه أو يصله البرج.
ثم أنه من الجهـة المعاكسـة ليس أى أثر لضرب عربة أو ما شـابه، وأغلب الظن أنه وقع نتيجـة الوزن وضعف مادة القوائم، إضافة
الى ميلان البرج by design
| |
|
|
|
|
|
|
|
|
|
قاعدة البرج هي السبب. (Re: Abureesh)
|
الاخ/ابوالريش
تحياتي؛؛؛
ماعندي علاقة بالهندسة ؛بس كنت صديق للمهندسين ؛
مفروض قاعدة البرج تكون كبيرة ؛يعني المسافة بين القواعد الاربعة تكون كبيرة
وتقترب من بعض كلما ارتفعت القواعد الي الاعلي
وفي المرحلة الاخيرة تكون الاربعة قوائم في شكل زاوية قائمة ؛مع الوضع في الاعتبار
الوزن القائم علي القواعد وتماسكها مع بعض.
اما من ناحية وجود برج قرب المنازل ؛دار جدل كبير حول التاثير الاشعاعي
للبث الصادر من الابراج علي الصحة العامة ؛
وشركات الاتصالات تدفع دائما بانه لاتاثير علي الصحة العامة مادام البرج علي ارتفاع
سته امتار من الارض.
وجماعات الحفاظ علي البيئة يدفعون بالاتجاه الاخر.
وقد تلاحظ في بعض المدن وجود هذه الابراج علي سطح بعض البنايات العاليه وهي ماهولة بالسكان.
| |
|
|
|
|
|
|
|
|
|
Re: قاعدة البرج هي السبب. (Re: Abureesh)
|
| Quote: اولا حكاية انو زول ياجر بيتو لخدمة بالخطورة زي دي وهبتلي كده ماجاية... |
كيكى،
هى فعلا الامور جايطة،
و الناس بقت بس دايرة البجيب القرش،
(حتى و إن أثر ذلك سلبا على الصحة..)،
منتهى المهانة!!!!
لكن دى دايرة ليها خيط منفصل،،،،
Quote: الصورة فعلا يا هالة دايرة قرية تانية لانو انا بديت اشك انها في (البيت المجاور) للبيت الفيهو الاوضة
والبرندة |
قلت كدة؟؟
نديها قرية تانية....
| |
|
|
|
|
|
|
|
|
|
يا بشير (Re: Abureesh)
|
Quote: مفروض قاعدة البرج تكون كبيرة ؛يعني المسافة بين القواعد الاربعة تكون كبيرة
وتقترب من بعض كلما ارتفعت القواعد الي الاعلي
وفي المرحلة الاخيرة تكون الاربعة قوائم في شكل زاوية قائمة ؛مع الوضع في الاعتبار
الوزن القائم علي القواعد وتماسكها مع بعض. |
يا بشير جبت الكلام ده من وين؟
افهم قصدك المساعدة ولكن الهندسة علم لا مجال فيه لحسن النوايا
| |
|
|
|
|
|
|
|
|
|
Re: يا بشير (Re: هشام المجمر)
|
بعيدا عن الهندسة والمهندسين
المشكلة في الضمير البقى وسخان
ويمكن أن يكون من قام ببناء البرج حداد ساكت وليس مهندسا ... ما حدش بسأل حد
ويمكن يكون سيد البيت ذاتو هو الذي قام ببناء البرج عشان يؤجرو جاهز لناس الاتصالات
وأعتقد والله أعلم أن سبب عدم هدم البيت إنه البرج ضرب الواطه بهناك عشان كده بقى معلق على ظهر البيت
تحياتي
| |
|
|
|
|
|
|
|
|
|
Re: يا بشير (Re: جعفر محي الدين)
|
الأخت هالة،
وفعلا ملاحظتك دقيقـة جدا، ولو صلحـنا الحيطـة المكسـورة حتكون الصـورة كدا
وفى الصـورة الأصليـة لاحظى إنو الحيطـة إتكسـرت لبناء البرج، وباقى الطوب ما زال موجود
| |
|
|
|
|
|
|
|
|
|
Re: يا بشير (Re: جعفر محي الدين)
|
| Quote: تكرارا عن محنة العمل الهندسى فى السودان |
بالضبط يا باشمهندش هشام..
ولو في فكر هندسي شامل وناظر لكل الامور من اعلي وبتكامل
1-مافي برج زي ده بكون جنب بيت
2-ومافي بيت زي ده بتبني جنب برج..
الخطاء الجاب الوقعة السوداء دي خطاء مركب وجااي من فوووق
1-مفهوم وفلسفة تخطيط الدولة للخدمات العامة (اتصالات -موية- كهرباء)
2-تخطيط الشركة صاحبة البرج في تنفيذ ابراجها التقيلة من ناحية موقع وتصميم واشراف هندسي دقيق علي التنفيذ
3-اهمال تواجد جهات مختصة تعني بفحص مواقع الابنية والسكن (في كل الحالات (حتي اذا فرضنا تواجد البيت قبل البرج)
4- غياب اجسام التنسيق ما بين الجهات الادراية والهندسية التي يهمها سلامة المواطن وخدمته (شركات خدمات- جهات حكومية هندسية) يتم فيها تحديد امكنة البلاوي والابراج دي..
5- رغم الدربكة والجوطة المافيش الفووق دي (البرج الوقع) كان يمكن تصميمه بطريقة تناسب تواجده في مثل هذه المنطقة
وكان يمكن اختيار موقع اكثر امانا في وسط كل هذه الجوطة والدربكة ان كان لابد منه وضروري يتعمل وسط الغابات بتاعة بيوت البسطاء دي..
| |
|
|
|
|
|
|
|
|
|
Re: يا بشير (Re: عبدالكريم الامين احمد)
|
عبدالكريم،
النقاط التحت دى،
فعلا هى أس المشكلة،،
اسمح لى أرد عليها حسب معرفتى (المحدودة)*،،
Quote: مفهوم وفلسفة تخطيط الدولة للخدمات العامة (اتصالات -موية- كهرباء)
2-تخطيط الشركة صاحبة البرج في تنفيذ ابراجها التقيلة من ناحية موقع وتصميم واشراف هندسي دقيق علي التنفيذ
3-اهمال تواجد جهات مختصة تعني بفحص مواقع الابنية والسكن (في كل الحالات (حتي اذا فرضنا تواجد البيت قبل البرج)
4- غياب اجسام التنسيق ما بين الجهات الادراية والهندسية التي يهمها سلامة المواطن وخدمته (شركات خدمات- جهات حكومية هندسية) يتم فيها تحديد امكنة البلاوي والابراج دي |
1.أولا، الحاصل فعليا ليس كما يتمنى الجميع،
فالدولة بجهاتها الرقابية (لا تتدخل) فى تخطيط توزيع الإتصالات و أغلب الظن الكهرباء و باقى الخدمات،،
2. بالنسبة للإتصالات، يعتمد توزيع أبراج التقوية و الربط على القدرة على البث والتغطية المناسبة،،،
بمعنى أن لا قانون يحكم بناء إنشاء تاور إتصالات فى أى مكان (سوى المدارس على ما أعتقد)،،
فعلا، هنالك عدة جهات تقدمت بشكاوى للجهات المسئولة، و لكن لم تلقى رد الفعل المناسب لأاسباب عدة،
أولها... لا يمكن لشركات الإتصالات العمل دون توفير الخدمة للأحياء و المناطق المختلفة و ذلك بإنشاء الابراج الثقيلة التى يمكن أن تتحمل الأجهزة المختلفة،،،
3.فحص الابنية و قدرتها على إحتمال الثقل، من صميم عمل شركة الإتصالات المعنية،
4. غياب التنسيق، يشمل التنسيق بين الشركات العاملة فى المجال، حيث يمكن أن نجد أربعة أبرراج لاربعة شركات مختلفة فى منطقة واحدة،،،
....و فى حال أى إستفسار يمكننا الرجوع إلى المختصين،،،
_________________________________
هذا التعليق لا يتم إعتماده من مختص، و ليس مثبت بالوثائق و المستندات،،،
| |
|
|
|
|
|
|
|
|
|
Re: يا بشير (Re: عبدالكريم الامين احمد)
|
Quote: ماعندي علاقة بالهندسة ؛بس كنت صديق للمهندسين ؛
|
وأنا ما عندي علاقة بالهندسة بس كنت ساكن حي المهندسين ..
تُشكل لجنة برئاسة م. هشام المجمر ، وعضوية كل من عبد الكريم ، خليل ، عزام وبشير لتقصي الأمر
ورفع تقرير عاجل لأبو الريش ..
| |
|
|
|
|
|
|
|
|
|
Re: يا بشير (Re: عبدالكريم الامين احمد)
|
Quote: أبو الريش،
بالظبط كدة،،،
الف شكر لتأكيد النظرية،، |
بالتاكيد يا هالة بنية الحيطة قطعت قول كل خطيب
وانتي
ولكن الان القصةبقت جايطة جوطة هندسية زيادة
وزادت بالجد من الاسي والحال
| |
|
|
|
|
|
|
|
|
|
Re: يا بشير (Re: عبدالكريم الامين احمد)
|
Quote: 3.فحص الابنية و قدرتها على إحتمال الثقل، من صميم عمل شركة الإتصالات المعنية،
4. غياب التنسيق، يشمل التنسيق بين الشركات العاملة فى المجال، حيث يمكن أن نجد أربعة أبرراج لاربعة شركات مختلفة فى منطقة واحدة،،،
....و فى حال أى إستفسار يمكننا الرجوع إلى المختصين،،، |
الأخت هالـة،
هل فعلا فحص الأبنية وقدرتهـا على الإحتمال من مســؤليات الشركات؟؟ أرجو الإستفسـار عن هـذه النقطـة، لأن هـذه كارثـة حقيقية.
وماذا تفعل المكاييل والمقاييس والموازين، أو أى إسـم أدوه ليها؟؟
يعنى الشركـة تفحص البناء ثم تعطى نفسهـا شهـادة مطابقـة؟
الكلام دا لو طلع صحيح فلا بد من القيام بحملـة كبيـرة من المختصين، تبدأ من هنا من هـذا المنبـر، ضـد هـذا العبث بالقوانين
وحيوات الناس.
| |
|
|
|
|
|
|
|
|
|
Re: يا بشير (Re: محمد غلامابي)
|
| Quote: هل فى أى شك أن الرج دا بنوه ناس ما عندهـم أى مؤهلات واللا خبـرة.. |
بلد اعدم فيها الضمير
و اعدمت فيها الاخلاق
بلد ســــــــــــــائرة على الفســـــــــاد و المفســـــــــــــــــــــــــــــدين
| |
|
|
|
|
|
|
|
|
|
Re: يا بشير (Re: Adam Omer)
|
أبو الريش،
Quote: هل فعلا فحص الأبنية وقدرتهـا على الإحتمال من مســؤليات الشركات؟؟ أرجو الإستفسـار عن هـذه النقطـة، لأن هـذه كارثـة حقيقية.
وماذا تفعل المكاييل والمقاييس والموازين، أو أى إسـم أدوه ليها؟؟
يعنى الشركـة تفحص البناء ثم تعطى نفسهـا شهـادة مطابقـة؟ |
ما حكاية شهادة مطابقة،
فلا علم لدى، بأنه تتم مراجعة إنشاءات الأبراج،،،
فعليا، الشركات المختصة تقوم بفحص المبانى من ناحية هندسية بحتة،
كحسابات الثقل لإحتمال أوزان الأبراج، و حسابات أخرى كمجال الرؤية،...الخ،،
و يتم هذا الامر قبل إجازة المبنى المعنى لإنشاء البرج،،،
و فى إعتقادى يعتبر هذا شأن داخلى للشركة المعنية،،
وحسب علمى، لا يوجد حتى الان مواصفات أو ستاندارد معين (مجاز من قبل الجهات المختصة) لتنظيم العمل،،،
| |
|
|
|
|
|
|
|
|
|
Re: يا بشير (Re: Hala Hassan)
|
"وحسب علمى، لا يوجد حتى الان مواصفات أو ستاندارد معين (مجاز من قبل الجهات المختصة) لتنظيم العمل،،، "
شكـرا يا هالة، وعليك الله بس إتأكدى لى من الحتـة دى، من المسؤولين..
والله الواحـد كل ما عاوز يكتب كلمـة مســؤولين يتردد.. لأنو يبدو ما فى زول مســؤول فى الإدارات دى.
| |
|
|
|
|
|
|
|
|
|
Re: يا بشير (Re: عبدالكريم الامين احمد)
|
عبدالكريم،،
فعلا التنسيق (مطلب قومى) :D
ذا ضرورة قصوة،،
و صدقنى حتى شركات الإتصالات ح ترتاج جدا، لو بقى فى (ماستر بلان) زى ما قلت،
و لا خطة واضحة من قبل الدولة على مدى زمنى طويل،،
المشكلة ، الحتة دى لسه بدرى شوية عليها،
يبدو لى أسهل منها إيجاد مواصفات لبناء و تشييد الأبراج (مثلا)،،،
للحقيقة، التنسيق الوحيد المتاح الان،
بواسطة التخطيط العمرانى،
تستفيد منه شركات الإتصالات فى توسيع و ربط الخدمة بواسطةالالياف الضوئية،
حيث توجد لجنة تضم حتى ناس الكهرباء و مياه المدن،،،
و الكلام دة للخطوط الأرضية طبعا،،،
| |
|
|
|
|
|
|
|
|
|
Re: وداالخبر (Re: Tabaldina)
|
Quote: إن البرج الذى تقوم بتشييـده شـركـة مصريـة، ....... تعرض للإنهيار إثر خلل فى إحدى الزوايا مما أدى لإنهياره بالكامل
|
شكــرا يا أخى تبلدينـا،
وفعلا هـذا ما ظننتـه من شكل الصـورة، من أن السبب الأساسى كان فى ميلان البرج فى التصميم والإنشـاء بزاوية جعلت الوزن
يتحول الى أحـد الأعمدة ومشتقاتها والتى أسـاسـا ليست قوية أيضا بالقدر الكافى لتحمل الوزن.
المصريين ديل يرموا عماراتهـم كل يوم، ويموت عشـرات المواطنين فى أحياء مصـر، فكيف يصدق لهم ببناء عمارات فى الســودان
دون أن يكونوا خاضعين لرقابـة صارمـة من...
نقول من منو هسـى؟
الله يستـر على البلد ويحفظ أهلهـا.
| |
|
|
|
|
|
|
|
|
|
من المسؤول من هذاالتخبط .. (Re: Tabaldina)
|
..
.
الشؤون الهندسية:أبراج الاتصالات بلا تصاديق
الكاتب/ الخرطوم:فريق الأخبار
Saturday, 07 February 2009
هيئة الاتصالات:الشركة المنفذة لبرج الحاج يوسف ستخضع للمحاسبة
كشف مصدر مطلع بوزارة الشؤون الهندسية ولاية الخرطوم أن شركات الاتصالات لا تتحصل على تصاديق و تصاريح بناء و إنشاء أبراج الاتصالات الحديدية من الوزارة مشيرا إلى اتجاه بالوزارة لتقنين عملية بناء الأبراج في المستقبل عن طريق إنشاء وحدة هندسية لمتابعتها و يخول لها منح تصديق الإنشاء بعد التأكد من المواصفات ومعايير السلامة وأفاد المصدر أن إنشاء أبراج بارتفاعات عالية وخاصة على أسطح المباني يحتاج إلى مراقبة شديدة
وكشف مدير إدارة المعايير والمواصفات الفنية بالهيئة القومية للاتصالات جمال أمين السيد في حديث لـ(الأخبار) عن أن الهيئة ستقوم بمحاسبة الشركة المنفذة للبرج المنهار أمس الأول بمنطقة الحاج يوسف والذي يتبع لشركة سوداني مشيراً إلى أن التقرير الفني كشف عن وجود خطأ في طول الأرجل الخاصة بالبرج بعد اكتمال تركيبه
وفي ذات السياق أعلنت الجمعية السودانية لحماية المستهلك تبنيها لقضية المواطنين المتضررين من سقوط برج الاتصالات بمنطقة الحاج يوسف الردمية الثلاثاء الماضي وأبدت الجمعية استعدادها لتعيين محامين وقانونيين للدفاع عن حقوق المواطنين والمطالبة بحقوقهم العادلة في التعويض جراء الضرر الذي لحق بمنازلهم وعبرت الجمعية في بيان صحفي أصدرته أمس حصلت ( الأخبار ) على نسخة منه دهشتها لقيام شركة اتصالات بتشييد أبراج عالية دون متابعة من الفنيين وبدون أسس علمية
و نفت الهيئة السودانية للمواصفات والمقاييس مسئولية الهيئة عن المواصفة الخاصة بأبراج الاتصالات بالبلاد واشارت مديرة الإعلام بالهيئة وداد كمتور إلى ان كافة الإجراءات المتعلقة بالأبراج تتم عبر الهيئة السودانية للاتصالات وعادت بالقول ( نعم الملف لا يتبع لنا ولكن من المعلوم أن المواصفات تعنى بتحقيق هدفين أساسيين هما حماية المستهلك وحماية الاقتصاد الوطني ولذلك فالهيئة تهتم بقضية الأبراج منذ وقت طويل) وكشفت وداد عن خطة إجراء مسح لقياس الأثر البيئي والصحي لأبراج الاتصالات سيجرى قريباً بالتعاون مع عدة جهات ذات صلة وسيتولى رئاسة لجنة المسح البروفيسور محمد علي عوض الكريم رئيس اللجنة الفنية للبيئة.
____________________
من المقال اعلاه نرى تداخل الاجراءات والتهرب من المسؤليات
وعدم وجود جهة معينة تساعد المواطن او المتضرر او حتى وجود جهة معينة يتم حسابها
فبغض النظر عن الشركة المالكة ( سودانى) او الشركة المنفذة ( المصرية )
ولكن الخلاف بين الادارة الهندسية التى تصرح بأن الابراج بلا تصاديق
وتأتى تصريحات مسئولة الهيئة السودانية للموصفات والمقاييس بعدم مسؤليتها عن مواصفات الابراج
وياتى اللوم او الدور على الهيئة القومية للاتصالات التى بلاشك ستنفى مسؤليتها كسابقها ..
لنا عودة فى هذا المقال ..
| |
|
|
|
|
|
|
|
|
|
Re: من المسؤول من هذاالتخبط .. (Re: Tabaldina)
|
شكـرا يا تبلدينـا مرة أخرى على هـذه المعلومـات الهامـة.. والمسـؤولين ديل ما عارفين هم مسـؤولين عن شنو؟
لو المالك أراد أن يضيف غرفـة فى منزله فعليه إستخراج تصريـح بناء، فما بالك ببناء برج داخل المنزل؟!!
وواجب ناس الشـؤون الهندسيـة ما ينظروا للبرج كوسيلـة إتصالات أو موبايلات وغيرهـا، وإنما واجبهم المهنى أن ينظروا
اليه كمشروع بناء فقط construction.. ولذلك فكل ما تعللوا به من أن بناء أبراج ليس من إختصاصهـم يعتبـر كلام فارغ
لا وزن له.. هم ليس من إختصاصهـم ذبذبات الإرسال والأشعاع المنبعث، ولكن مؤكد أن مواصفات البناء وإجراءات السلامـة
وحتى إجراءات الحريق هى من صميم إحتصاصاتهـم.
ثم هيئـة المواصفات دى إختصاصهـا شنو لو لم يكن المواصفات.. طبيـخ؟؟ طيب ما يسموهـا هيئـة وصفات بدل مواصفات؟
لو قالوا معلم الله، وإنو الســودان كله مافيه قوانين فى المسـائل دى والبلد فاكـة.. إذاً يمشـوا لبلاد الله المتقدمـة دى
مثل أمريكا أو أوروبـا، وينسخـوا منهم قوانينهم الجاهـزة، لحد ما المجلس الوطنى يفرغ من الترضيـات والتقسيمات والمؤامرات.
اعرف بلد فى الخلبج، مشـوا جابوا قانون نيويورك فى مواصفات أجهـزة الإنذار ضـد الحريق فى العمارات، وصار عندهم قانون
جاهـز وامن ومجرب، بدون ما يبذلوا أى مجهـود.. وكمان مجانان وفرضوه على أى عمارات تقوم.
المشكلـة شنـو؟ هل لابد من إعادة إختراع العجل re-inventing the wheel
أبراج داخل منازل؟!!!! هل مؤمن على حياة أهل المنزل والممتلكات، وهل المالك يملك شهادة تأمين؟....
| |
|
|
|
|
|
|
| |
Abureesh
عزام حسن فرح
عبدالكريم الامين احمد
ALZOLZATOO
SHIBKA
أحمد الشايقي
khaleel
هشام المجمر
بشير أحمد
منتصر الامين
جعفر محي الدين
Adam Omer
فيس بوك
تويتر
انستقرام
يوتيوب
بنتيريست