|
مالذ وطاب في نكت اهلنا الرباطاب - لرغبة الجمهور
|
كنت قد كتبت الموضوع في السابق وقد حظي بمشاركات عديدة ونسبة لرغبة الكثيرين نعيد كتابته ونتمني ان نتمكن من كتابة الجديد من نكت اهلنا الرباطاب رباطابي مسافر للسعودية مشي يقطع تذكرة السفر من الوكالة وكانت الموظفة حنكوشة اخرت عمك اكثر من ساعتين بعد داك قال ليهو ياعمو تذكرتك عايزة ذهاب واياب قال ليها لا خليها بخروج المهزوم يابنيتي
|
|
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Abdlaziz Eisa)
|
Quote: رباطابي مسافر للسعودية مشي يقطع تذكرة السفر من الوكالة وكانت الموظفة حنكوشة اخرت عمك اكثر من ساعتين بعد داك قال ليهو ياعمو تذكرتك عايزة ذهاب واياب قال ليها لا خليها بخروج المهزوم يابنيتي |
هههههه دي رهيبة جدا يا متولي والرباطابي لذيذ ياخي
مشتاقين يا فردة ولسع القدم ليهو رافع
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
يا متوكل ازيك..
نديك واحدة .. رباطابى ببيع نبق جاءه ولد راسو كبيرة و قاليهو يا عمو ادينا نبق بجنيه .. فعمك الرباطابي لف ليهو شوية نبق في قرطاس واداهو للولد وهو ببحلق في راسو .. فالولد لقى النبق شوية و داير يتصعلق على الرباطابى قاليهو هوووووي ياعمو الله واحد ولا اتنين ..فالرباطابي عاين ليهو شديد و قاليهو الله ان بقو اتنين ماكان اتشاورو في راسك ده؟
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Abdlaziz Eisa)
|
الأخ متولي مساء الخير حنساهم معاك وبنكات من واقع الرباطاب مجموعة من أولاد الرباطاب مغتربين في واحد فيهم نازل إجازة بدأ يسال الشباب يا اخوانا وصياكم لاهلكم العندو قروش والعندو جوابات يجيبها بدا يسالهم بالدور كل زول يوصى ويرسل لمن جاء الدور علي آخر زول منهم وكان ما شغال ومفلس قالو وانت يا فلان وصيتك لاهلك شنو قالو لمن تقاصد اهلنا أدي حمارتك عصا
تخريمة لو عجبتك بجي راجع سلام
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Abdlaziz Eisa)
|
الأخ متولي مساء الخير حنساهم معاك وبنكات من واقع الرباطاب مجموعة من أولاد الرباطاب مغتربين في واحد فيهم نازل إجازة بدأ يسال الشباب يا اخوانا وصياكم لاهلكم العندو قروش والعندو جوابات يجيبها بدا يسالهم بالدور كل زول يوصى ويرسل لمن جاء الدور علي آخر زول منهم وكان ما شغال ومفلس قالو وانت يا فلان وصيتك لاهلك شنو قالو لمن تقاصد اهلنا أدي حمارتك عصا
تخريمة لو عجبتك بجي راجع سلام
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Balla Musa)
|
الاخ متولى تحياتي واللة حمد اللة على سلامة عودتك للكتابة وضحكتنا واللة بهذه النكات الحلوة لاهلك الرباطاب وزمن طويل بنسال منك وماعارفين عنوانك بعد غيرت هاتفك لاني اعطيتوا لاخونا يوسف الطيب وكان مسافر كندا وبعد العودة اكد لى بانو اتصل بيك عدة مرات والتلفون لا يرد عشان كدة رسل لينا رقمك الجديد فى الماسنجر او فى رسالة وكيف اخبار صاموتي وتحياتي له
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: معاوية محمد الحسن)
|
لاحول ولاقوة الواحد يغيب يجي يلقي البوست امتلئ بالشباب سامي - عليش - بلة موسي - صديقي ورفيق الدرب بقطر معاوية محمد الحسن شاكرين مروركم من هنا رباطابي راكب القطر قاعد جنبو شايقي قال ليهو ممكن اقعد جنب الشباك عشان ان بسف وببزق فرد ليهو نان انا بسف وببلع تخريمة دي هدية لصديقي معاوية محمد الحسن
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطبى نزل دلوه فى البير الجعلى طب مسك ايدو الرباطابى قال ليهو هسى ايدى مسكتها ودلوى حميتنى انزلو ، دحين بيرك دى الا كان تتكيها
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
هاكم دى رباطابية سافرت بالقطر مع ولدها ....و القطر اتعطل فى السكه... المهم لمن قرب يصل للمحطه جاها الكمسارى ودار بينهما الحوار التالى : تذاكر يا حاجه ادتوا تذكره واحده... سالها وين تذكرة ولدك ...ده ردت: الوليد ده صغيــــر ما بقطع ليهو تذكرة.. الكمسارى: ده ولد صغير ??? ده شنـــبو قايـــم !!!!!! الرباطابية: والله...والله شنبــــــو ...قام فى قطــــركـــم ده !!!!!!!!!!
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
رباطابي وصاحبه مشو زيارة لواحد رباطابي كريم وسخي واي زول بجيهو بديهو شوال قمح ولا عيش المهم الدنيا مغرب مشي يجيب شاي المغرب وخلاهم في الحوش قدام ديوانو وقدام ديوانو فى مخزن قمح واحد منهم شال المصلاية وداير يصلي المغرب قال لرفيقو القبله لا وين قالو قبلة شنوالبتفتش فيها هنى قبل على المخزن المليان عيش ده وصلي
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: salee)
|
نزار والشامي وسالي مشكورين علي المشاركة واضحكتونا اضحك الله سنكم واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا صاحبو قال لية ياخى العشاء ما بطلع الا الكهرباء تجى... الرباطابى قال لى اصلو دا عشاء ولا شريط فيديو
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: الشامي الحبر عبدالوهاب)
|
الشكر للمتداخلين ياسر السيد زعيم شايقية ميرلاند - مازن الجمال - الشامي ودي حصلت بالجد كنا في رحلة بالقطر الي ابوحمد لحضور زواج وقال صلاح مالك اخي نشوف اهلنا ديل الكلام البيقولو عنهم صاح فذهب الي واحد ببيع برتقال وقال ياحاج الدستة بكم فقال ليهو عشرة الاف فقال لاحول ولاقوة تعرف ياحاج في الخرطوم الدستة بخمسة الاف ويدوك معاها اثنين زيادة فرد ليهو الحاج نان ماجبت ليك ولي عمك دستتين لي شنو
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: هشام حسن)
|
مشكور اخي هشام حسن علي المرور والمشاركة
قالوا واحدة من حريم الرباطاب كانت بتبيع زلابية وطعمية للركاب في محطة ابوحمد الايام ديك شغلوا القطر الاكسبرس وكان ما بيقيف في اي محطة المهم القطر جا ماشي فيها بووووو وماباعت اي حاجة قامت رجعت البيت قام الراجل قال ليهاانشاء الله بعتي كويس الليلة قامت ردت قالت بعت شنو الشئ جا ماشي فيني زي ترجمة الفلم الاجنبي
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
هبشه حقيقه ومن الواقع في حلتنا سكنوا رباطاب جداد .. وهي الاسره الوحيده بالمناسبه
الشافعه الصغيره مشت الحمام وجات راجعه سريع . قالت لامها .. امي ارح معاي الحمام . امها قالت ليها ليه في شنو ؟ قالت ليها الحمام فيهو حشرات امها قالت ليها . نان انا بف باف ؟
بنتهم الاكبر بتقرا في الثانوي مره الاستاذ في اثناء الحصه جات سيرة الرباطاب طبعا هو مطمن مافي رباطاب في الفصل . قام قال . طبعا يا اخوانا الرباطاب ديل ناس مساخ جدا البت قالت ليهو . استاذ انت ضقتهن ؟
سلامات يا متوكل
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: نوفل عبد الرحيم حسن)
|
تسلم اخي نوفل علي النكات الحربية دي وهنالك الكثير من الاشياء تحصل بالفعل عمنا احمد عمر الرباطابي عليه الرحمة كان عندما يحضر الي امدرمان لايطيب له الاقامة الا في حي البوستة في سراية حبوبتنا زينب مالك في احد المرات جاءهو الطباخ وقال ليهو كنت داير اجيب ليك ليمون لكن خايف يحميك من الغداء ردا ليهو قلت الليمون البارد بيحمي الغداء الليمون بيرد الروح ويبرد الحشاء انا مابحميني الغداء الا الغداء
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Mutwali Malik)
|
عزيزي موتي كيف حالك انشاء اللة بالف صحة وعافية وهاك ديل من ود الزومة مع انو ماعندها مع الرباطاب قال مشيت الابيض لبنتي وكل ما ارقد تجى البنت تقول لى ابوي جاراتي ديل عاوزين يشوفوك ،وبعد ما أسلم عليهم وارقد شوية تاني البنت تجيني ياابوى جو نسوان تاني عاوزين يشوفوك فقال زهجت منها وقلت ليها يابنتي انت كل مرة النسوان عاوزين يشوفوك عاوزين يشوفوك اناأصلي شيلة .
وتاني قال فى واحد قابلني فى السوق وسلم على وقال ماعرفتني قلت ليهو لا فشبكني ياخي كدى اتذكر كويس فقال قلت ليهو واللة ماعرفتك فقال لى كيف ماعرفتني ياخي نحن قبل سنتين جينا فى القطر من كريمة سواء فقال ليهو ود الزومة ياخى القطر نحن جينا سايقنو
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: Isamil Hussein)
|
هذه من أجمل ماسمعت من نكات الرباطاب
رباطابي مسافر في القطار ليلا وكانت عربات القطار مظلمةوكان هناك أخ اسمه روب يرقد في الممر ويبدو أ ن الرباطابي داس على قدم روب فاحتج روب فسأله الرباطابي من أنت رد روب قائلا انا روب مرة أخري داس الرباطابي روب في بطنه فاحتج روب فسأله الرباطابي من أنت رد روب قائلا انا روب مرة ثالثةداس الرباطابي روب في رأسه فاحتج روب فسأله الرباطابي من أنت رد روب قائلا انا روب مرة أخري فقال له الرباطابي ياروب إنت إتدفقت واللهه شنو
| |
|
|
|
|
|
|
Re: مالذ وطاب في نكت اهلنا الرباطاب - لرغبة الجمهور (Re: نوسة)
|
أخ متوكل مشكور على النكات اللذيذة
وانت من عندنا ولا بس بتنكت فينا ؟؟؟؟
الرباطابى اساذإنجليزى اعطى طالب كلمه بالانجليزى وقال ليهو ابحث لى عنها الطالب قال ليهو القاها وين؟ الاستاذ الرباطابى قال ليهو فى المصحف
رباطابى جمع قروش ومشى السعوديه يشتغل ولملم ليهو ريالات ولمو فوقو ناس الكشه وقبضو ومنتظر الترحيل سألو عسكرى سعودى الفرق بينكم وبين البهائم إيش؟ قال ليهو البحرالأحمر بس
مشاققة؟
نوسة كيف العلوم وليه مختفين؟؟ بس ما تردي على رد رباطاب هههههه تحياتي لوجدي والبنات
| |
|
|
|
|
|
|
|