بوح أطفال المايقومه....معاويه المدير............,,,

(عدل بواسطة munswor almophtah on 02-01-2009, 07:21 PM)
(عدل بواسطة munswor almophtah on 02-02-2009, 11:30 AM)

Quote: لمن سمعت الناس تقول حــق اللــبن ياريت كمان الناس تقاسمنا الحنان مانسمع الكلمة التقد طبل الاضان جرح السنان بيبرا ويطيب ما بتبرا جرحات اللســان بالعـازة دائـما نستجير لمن يصيبنا الزمـهرير حق اللبـن أوتار كمان صمام أمان عايزين نحس لا تحرمـونا كل أم هي أمنا وكـل أب يا عازة أبونا وكل أخ بالحيل أخونا يا عــازة ناديلنا البنات خيرك كتيـر لا بقولوا فات لا بقولوا مات عايزين يكون فينا المدير فينا السفير فينا الامير أدونا فرصة نعيش عزاز نمطر في وديانك رزاز يـا عازة كلمي لينا أولادك...بناتك وحياة غلاتك وحياة حلاتك قولي ليهن بنمدهن إيدينا ليكم وكبير كبير ده عشمنا فيكم وصافي اللبـن ليكم نقدموا فرحة في دارنا الحبيب لمان نشوفكم والله خاطرنا بيطيب يـا أهلنا صلوا علي الحبيب وتعالوا في الزمن القريب ضحكات صغار في إنتظاركم يا ابواتنا دارنا حقيقة داركم