|
|
 شيوعيين .. شيوعيين
|
شيوعيين .. شيوعيين
نفاخر بيك
ونهتف بيك
يا حزبا عظيم الشان ..
يا هامه
ويا قامه
وياماضي
ويا حاضر
ويا مستقبل الأجيال
ويا سند البلد
ثابت وما بتنهد
شيوعيين .. شيوعيين .. شيوعيين
*****
عشان الشعب
عشان سلمو
وعشان عزو ورفاهيتو ..
ديمقراطيتو واحلامو
شرقو .. غربو
جنوبو .. شمالو
يد واحده على السارقو
على الخاينو
وبايع بي رخص التراب
أرضو ..
كتم انفاسو والضحكات
ووزع في نواصي شوارعو دبابات
لا علم ولا عالج
لا شيد ولا خطط
لا شبع ولا شرب
ولا ضمد جراحاتو ..
شيوعيين .. شيوعيين .. شيوعيين
*****
صامدين وما بتكسر عزيمتنا
سياط جلاد
ولا عسكر
ولا زنزانه منفيه
لا مدفع ولا سنكي
ولا الموت الوقفنا قصادو مفتخرين
شيوعين .. شيوعيين .. شيوعيين
*****
حزبا سديد رأيك
وسيع علمك ..
ثقافه
أدب
فنون وعلوم ..
وليداتك .. بنياتك
عضويتك .. قياداتك
شموس بتضوي راياتك ..
شيوعيين .. شيوعيين .. شيوعيين
*****
حضور اليوم
كل الشهداء والماتوا
كل العانوا من اجلك وما فاتوا
كل الأمنوا بسرك وقدراتك
عمالك .. طلابك
نساءك
شيب .. وشباب
نقاباتك
فرحانين ومبتهجين
جاينك بالعديل والزين
كل فئات الشعب
قواتك ..
شيوعيين .. شيوعيين .. شيوعيين
******
ايمن تابر
24 يناير2009
إحتفاءاً بإنعقاد المؤتمر الخامس للحزب الشيوعي السوداني
[b/]
|
|
 
|
|
|
|
|
|
|
|
Re: شيوعيين .. شيوعيين (Re: Aymen Tabir)
|
العزيز كوستاوي
شكرا على الاضافه .. وكتر خيرك
لكن الله يغطي لينا البوست ده من عين (الهكر)
طبعا ده كلاكيت تاني مره ... الأول اظنو ما عجبو .. مسحو مع الراحو في حق الله ..
لك التحايا
وللحزب الشيوعي السوداني المجد والخلود
| |
|
|
|
|
|
|
|
|
|
Re: شيوعيين .. شيوعيين (Re: فيصل محمد خليل)
|
الزميل الغالي والصديق فيصل
نهنيء الشعب الطلع من نصو الحزب
ونهني الجماهير الوفيه البتعرف قيمة الوفاء .. القابلت الحزب بعد 40 سنه من مؤتمرو الأخير بنفس الحماس والصمود
التهنئه ليك ولي كل الوقف وما إنهد ..
وعاش نضال الحزب الشوعي السوداني .
| |
|
|
|
|
|
|
|
|
|
Re: شيوعيين .. شيوعيين (Re: Kostawi)
|
بــس دى واقع انتخابات اللجنة المركزية يكذبها ...
ولا شاب واحد ..
بكل تعريفات الشباب تحت اى فئه عمرية ...
هل لم يبلغ شباب هذا الحزب النضح السياسي والوعى بالمجتمع ؟ عرفت لماذا يطلق عليه الحزب العجوز
Quote: ويا حاضر
ويا مستقبل الأجيال |
| |
|
|
|
|
|
|
|
|
|
Re: شيوعيين .. شيوعيين (Re: بدر الدين اسحاق احمد)
|
Quote: بــس دى واقع انتخابات اللجنة المركزية يكذبها ...
ولا شاب واحد ..
بكل تعريفات الشباب تحت اى فئه عمرية ...
هل لم يبلغ شباب هذا الحزب النضح السياسي والوعى بالمجتمع ؟ عرفت لماذا يطلق عليه الحزب العجوز
|
العزيز أستاذ بدر الدين
شكرا لتداخلك ورايك ..
نحن نؤمن بالديمقراطيه وخياراته واللجنه المركزيه الجديده اتت عبر انتخابات ما في شك في نزاهته ونتائجه .. ومن تم اختيارهم تم اختايارهم باقتراع سري والشباب ممثل في المؤتمر ..
الا انني لن اقلل من قيمة طرحك واهميته وما كان متوقعامن تجديد في دماء الحزب !
ولكن يكفي التاكيد من قبل المؤتمر على اهمية انعقاد المؤتمر كل عامين .. وهذه بالذات ايجابيه وخطوه في وضع الحزب في الطريق الصحيح والتجديد المستمر .. ما لم ينجزه الخامس سينجزه السادس والسابع .. إلخ
ولكن يجب ان لاننسى ايضا ان الحزب قد دفع ثمنا غاليا بهجرة اعداد كبيره من كوادره الشابه والمؤهله للمنافي البعيده .. علها تكون بدايه لعودة كثيرين اتمناها لي ولغيري ..
لك الود
| |
|
|
|
|
|
|
|
|
|
Re: شيوعيين .. شيوعيين (Re: Kostawi)
|
برغم حملات التشريد والاغتيال ,برغم الانقسامات ,برغم التيار التصفوى داخل الحزب,عقد مؤتمر الحزب فى مناخ ديمقراطى عبر عن الجميع,لتصبح الحقيقية الموضوعية حوجة الشعب السودانى لحزب شيوعي يعبر عنهم
شكرا ايمن
| |
|
|
|
|
|
|
|
|
 Re: شيوعيين .. شيوعيين (Re: A.Razek Althalib)
|
| Quote: برغم حملات التشريد والاغتيال ,برغم الانقسامات ,برغم التيار التصفوى داخل الحزب,عقد مؤتمر الحزب فى مناخ ديمقراطى عبر عن الجميع,لتصبح الحقيقية الموضوعية حوجة الشعب السودانى لحزب شيوعي يعبر عنهم |
ده الكلام البيعمل الزهايمر..
وجود الكادر الشيوعي في سلطة الدولة ممثلاً لتنظيمه ليس بالضرورة إنو يكون ضلال × تضليل..
ولكن بالضرورة يعني إنكم شركاء في الجرم الإنقاذي ولا أجراء مع..
العقل نعمة..
في زول نصيح بيشرد نفسو..؟
| |
|
|
|
|
|
|
|
|
|
Re: شيوعيين .. شيوعيين (Re: elsharief)
|
Quote: برغم حملات التشريد والاغتيال ,برغم الانقسامات ,برغم التيار التصفوى داخل الحزب,عقد مؤتمر الحزب فى مناخ ديمقراطى عبر عن الجميع,لتصبح الحقيقية الموضوعية حوجة الشعب السودانى لحزب شيوعي يعبر عنهم
|
الزميل الشريف
نعم برغم كل ذلك بقى الحزب وسيبقى كما هو قبلة الجماهير الكادحه ..
مبروك ليك وللشعب السوداني
| |
|
|
|
|
|
|
|
|
|
Re: شيوعيين .. شيوعيين (Re: Aymen Tabir)
|
شكرا الزميل أيمن
Quote: ولكن يكفي التاكيد من قبل المؤتمر على اهمية انعقاد المؤتمر كل عامين .. وهذه بالذات ايجابيه وخطوه في وضع الحزب في الطريق الصحيح والتجديد المستمر .. ما لم ينجزه الخامس سينجزه السادس والسابع .. إلخ
|
فعلا إنعقاد المؤتمر الخامس في هذه الظروف بالذات
إنجاز لكل شيوعي ولكل أصدقاء الشيوعيين ، ودي خطوة
تتبعها خطوات من أجل التغيير ..
عاش كفاح الحزب الشيوعي السوداني
| |
|
|
|
|
|
|
|
|
|
Re: شيوعيين .. شيوعيين (Re: بابكر التوم)
|
ايمن
تحية طيبة
انت عارف شباب بلادى وهجرتهم ما عندها علاقة باى نظام سياسي فى الغالب يبحث الشاب عن مستقبل افضل على المستوى الشخصى
الا من قلة خرجت باوامر احزابها السياسية
وديل خيارهم السياسي ان يكونو وسط شعبهم مهما كانت التضحيات على المستوى الشخصـــى
| Quote: ولكن يجب ان لاننسى ايضا ان الحزب قد دفع ثمنا غاليا بهجرة اعداد كبيره من كوادره الشابه والمؤهله للمنافي البعيده .. علها تكون بدايه لعودة كثيرين اتمناها لي ولغيري .. |
| |
|
|
|
|
|
|
|
|
|
Re: شيوعيين .. شيوعيين (Re: بابكر التوم)
|
بابكر التوم
سلامات يا زميل ومبروك انعقاد المؤتمر
وكفى دي بيت القصيد يا صديقي
كفايه انو ده الخامس انعقد وقريب السادس والسابع ...
وحزبنا صامد .. شامخ .. متطور
| |
|
|
|
|
|
|
|
|
|
Re: شيوعيين .. شيوعيين (Re: abdelhadi ibrahim)
|
Quote: ودي خطوة
تتبعها خطوات من أجل التغيير .. |
الزميل عبد الهادي
خطوات بناء الحزب عرضها التاريخ ومقوماتها الهامه طريق اعادىة البناء الفكري والتنظيمي .. والمؤتمر خطوه تاريخيه في اتجاه الاصلاح
عاش نضال الحزب الشيوعي السوداني
عاش نضال الشعب السوداني
| |
|
|
|
|
|
|
|
|
|
ا (Re: Aymen Tabir)
|
| Quote: انت عارف شباب بلادى وهجرتهم ما عندها علاقة باى نظام سياسي فى الغالب يبحث الشاب عن مستقبل افضل على المستوى الشخصى |
نظام الانقاذ سبب مباشر في هجرة معظم العقول والخبرات السودانية
بعد تشريد عشرات الالاف من خيرة ابناء السودان من وظائفهم للصالح العام
عدد الاطباء السودانيين في بريطانيا وحدها يقدر بالمئات
نظام الانقاذ مسؤول مسؤولية مباشرة عن وصول السودانيين
الى اقاصي الدنيا بالاضافة الى اسرائيل
خليك صاحي يا مدير
وفرق بين الهجرة والاغتراب
| |
|
|
|
|
|
|
|
|
 Re: ا (Re: Aymen Tabir)
|
ود العبيد
صاحى يا زميل ..
شايفك لاعــب ليــه بــاك عديل كدى ..
Quote: خليك صاحي يا مدير
وفرق بين الهجرة والاغتراب |
| |
|
|
|
|
|
|
| |
Aymen Tabir
Kostawi
A.Razek Althalib
فيصل محمد خليل
بدر الدين اسحاق احمد
elsharief
abdelhadi ibrahim
بابكر التوم
خالد العبيد
فيس بوك
تويتر
انستقرام
يوتيوب
بنتيريست