|
Re: ما أنا الساكن في برواز حواسك صورة ... ( سايكلوجي خاص ) (Re: ابو جهينة)
|
Quote: بسمتك بعد الزعلة ... زي موية في خشُم صايم .. تبِل ريقو ... و زي هجدة في ضلا بعد الهجير ... بردا و سلاماً .. و سلام عليك ... مشتاق ... و بسلم عليك و يا وحشة غيابك |
الله عليك يا مبدع تخيل من الصباح معاي ضيوف ما صدقت طلعوا من عندي إلا جيت جاري جري وكنت واعد نفسي بقراءة نص رائع والحمد لله لقيت نصك ده
| |
|
|
|
|
|
|
Re: ما أنا الساكن في برواز حواسك صورة ... ( سايكلوجي خاص ) (Re: انعام عبد الحفيظ)
|
Quote: و أقول يا ريي ما ترضى حسع .. يا ربي ما تسامحني .. يا ربي تواصل الزعلة شفتِ شكْل الجنون كيف ؟؟؟ أحبك و إنت زعلانة ... عيونك تتحاشى شوفتي و عارف إنتِ شايفاني من جواك ما أنا الساكن في برواز حواسك صورة أحبك و إنت غضبانة .. تجيبي كل غلطاتي معاكِ تحسبيها واحدة واحدة ... |
وتجيك والزعلة مابتدوم
وتسالم قلبك العاشق
وتمسح من قليبها هموم
تشوفك زي مطر راشي
ورقصة وعرضة بالمردوم
تلاقيك في الهيام غرقان
وبوح شعرك درر منظوم !
Quote: غريبة؟ حاسباها باليوم و الساعة و الدقيقة؟ يا رقيقة ... أجيك .. أواجهك .. و تقبِّلي غادي .. و أنا مخصوص عاوزك في الحرد تتمادي .. تعرفي ليه؟ بسمتك بعد الزعلة ... زي موية في خشُم صايم .. تبِل ريقو ... و زي هجدة في ضلا بعد الهجير ... بردا و سلاماً .. و سلام عليك ... مشتاق ... و بسلم عليك و يا وحشة غيابك |
وياوحشة غيابك طال
إلا لقاها يوم بيكون
تلاقيك في مدن أفراح
وتنسي هموم وتنسى شجون
تقالدك زي صباح العيد
وتمسح دمعة جاتها هتون
تحبك في الغلط والصاح
وتريدك منطقي ومجنون !
الأديب والشاعر المبدع أبو جهينة .. حقيقة أدهشتني كلماتك الرائعات وحرضت حروفك حروفي لتتمادى وترقص طرباً على أنغام هذا الدفق الحنون .. فشكراً جميلاً ولا تحرمنا جميل بوحك الصادق المدهش
و
كن وكل من تحبهم في الدنيا بألف خير
| |
|
|
|
|
|
|
Re: ما أنا الساكن في برواز حواسك صورة ... ( سايكلوجي خاص ) (Re: ابو جهينة)
|
Quote: الحى بيلاقي؟ مش دة كلامك ؟ نفس كلام (عامْنَوَّل ) و ياهو الحُول حالْ و تمَّ لا أتلاقينا ... لا بيناتنا الشمِل إتْلمَّ عارفك ... زيِّي ملهوفة بِتْعِدي في الأيام |
ابو جهينة شكرا ليك ما كنت متخيل .. أودع يومى ده بكلام جميل كده و يالمناسية .. انت "عاشق" كبير .. و قلبك رهيف و بقصيدتك دى ختيتنا كلنا فى البرواز "معاك" خالص مودتى و أشواقى
| |
|
|
|
|
|
|
|