|
وتقوم ترن يا زين
|
وفي عز الاجتماع ... والكلام الدقاقه والتفاصيل..... تقوم كده ترن يا زين.... اتجاهلك...!!؟؟
ابدا انا بقدر ....وقلبي كاتله الشوق والفرقه..... تقطع كل المسافات والبحور وترن هنا....
الكلام الدقاقه والتفاصيل ..... تطير.....
انا: الو
من هناك: يازول انت جاي والا ما جاي
(الصوت غريب والنبره حاده وزي التهديد)
انا: انت منو
من هناك: ياخي انا ما عندي رصيد انت جاي والا ما جاي
انا: اجي وين
من هناك: المدرسه ياخي قلته ليك ما عندي رصيد والخط بيقطع
انا: اكيد انت غلطان في الرقم ياخي.
من هناك: وبي اصرار نحن منتظرنك لينا زمن ياخي.
انا: يااخوي انت غلطان في الرقم .
من هناك: ياخي قلته ليك انت جاي والا ماجي.
الزول المن هناك منفعل وزول شكل عديل.....
اعمل معاه شنو احسن الانسحاب .....
ورحته قافل الخط لانو الزول المن هناك قصتة صعبه وزي الكان مشرور ومتضايق.
وقلته خليني اواصل الاجتماع.
بقدر انا...... ابدا المس كول تقول يا غربتي...
هسه اعمل شنو
اعمل اتصال دولي علشان اشرح...
فيها دفع مضاعف وزولي ما عايز حتي يدفع بالمحلي...
قصه والدنيا اخر شهر
وش محتار
من هناك
|
|
|
|
|
|