|
|
 فقدي الليلة
|
فقدته
وكنت ومازلت في امس الحاجة له
رافقني سنين عددا
يومض بلا كلل
يرن بلا ملل
معاي في المكتب
وقرب القلب
دخل معاي الجامع
والاماكن المقدسة
وارتاد معاي المواخير
وزاملني في الطوابير
مساهمآ كافضل رفيق
في تبديد لحظات الملل
نقل لي افراح
واتراح
وقصر مسافات الغياب
بيني و الاحباب
نهار كل جمعة اسمع به صوت أمي وهي تغني لي
ومرات ما بلقاها
لأنها خارج الشبكة
مرة هي
ومرة تلفونها
جاب لي رسايل الريد
ونقل لي أشواق
ومعابثات رفاق
نقل لي شهقات
وضحكات
وبه تسربت دمعات
الى اذني
وانحدرت الى قلبي
المابعزيني في موبايلي
في امو ما بعزي
مؤقتا يمكنكم الوصول لي عبر
موبايل سولارا بالرقم 0912454648
|
|
 
|
|
|
|
|
|
|
|
Re: فقدي الليلة (Re: أبو ساندرا)
|
لص ظريف
دخل شقتنا بخفة فهد
وسرعة برق
سرق موبايلي
وموبايل دينا
وكأنه يقصدنيحيث ان جوال ينا كان مخزن احتياطي للارقام
التي تخصني
لم ينس وهو في طريق الخروج
ان ينتعل حذائي السبورت البلو
العاجب بنات الخرطوم
بضعة دولارات
وكميات من الغيظ
| |
|
|
|
|
|
|
|
|
|
Re: فقدي الليلة (Re: أبو ساندرا)
|
أبو ساندرا
ال جاتك في موبايلك و أرقامك سامحتك
و لكن
ال جاتك في :
Quote: لم ينس وهو في طريق الخروج
ان ينتعل حذائي السبورت البلو
العاجب بنات الخرطوم |
أكيد دي دعوة من أم ساندرا ... عشان تاني تشتري حذاء يعجب بنوت الخرتوم ...
شوف ليك ( بلغة ) زينا و حوم بيها في العاصمة التي ما عادت مثلثة
تحياتي لك و للأسرة الكريمة
| |
|
|
|
|
|
|
|
|
|
Re: فقدي الليلة (Re: أبو ساندرا)
|
Quote: لم ينس وهو في طريق الخروج
ان ينتعل حذائي السبورت البلو
العاجب بنات الخرطوم |
لا حولا بس ما تكون نفس الجيتنا بيها ؟
غالبا دى عينى لأنى متذكراها كويس .....
تحياتى لك وكفارة التلفون كمان رغم انى ما متذكراه زى الجزمة
وشكرا ليك كثير على المفاجأة الجميلة التى أشتركتم فى صنعها أنت وأجمل الناس بت حيمورة وتيسير النورانى
وتحياتى لأسرتك الكريمة التى أتمنى أن أتعرف عليها عن قرب فى أقرب فرصة.....رغم أنى أكاد أعرفهم فردا فردا لسردك الحنين عنهم
| |
|
|
|
|
|
|
|
|
|
Re: فقدي الليلة (Re: أبو ساندرا)
|
المؤمن مصـاب..
هـذه كلهــا إبتلاءات يا سيــدى.
نعزيك ونشـد من أزرك، ومؤكـد أنه فقـد جلل.
وإن شـاء الله يعوضك بموبايل خيـرا منه.
| |
|
|
|
|
|
|
|
|
|
Re: فقدي الليلة (Re: أبو ساندرا)
|
الخال ابو ساندر
والله سرقة الموبايل دى بايخة جدا
اتزكر قبل سنوات مضت تعرضت لسرقة موبايلى من العربية فقمت بالاتصال به ورد الحرامى بكل وقاحة فقلت له الموبايل دا حقى فقال بكل سفور (كااااان حقك هسع حقى)وبعد مفواضات قام بوضع الشريحة فى مكان ودلنى عليها جزاه الله خير برضو على رد الشريحة
ولك خالص التعازى
| |
|
|
|
|
|
|
|
|
|
Re: فقدي الليلة (Re: اسيا ربيع)
|
| Quote: عجبنى ليك يا ابوساندرا ان شاءالله عقبال النظارة , عشان تكون بى موية وكملت |
_____
the wallet too, ya Aseya
| |
|
|
|
|
|
|
|
|
|
Re: فقدي الليلة (Re: أبو ساندرا)
|
يا غبيان ....
ده بكون عماد عبدالله ..... وبتحريش من أم ساندرا
ما تخاف ... حيجيبو ليك في المطار.
ياخ دي عملية تعملها؟
أم ساندرا مسافرة يوم 1/2، وتقوم تحجز إنت يوم 31/1؟
غايتو الفيك إتعرفت .. وليها حق تحرّش عليك
| |
|
|
|
|
|
|
|
|
|
Re: فقدي الليلة (Re: أبو ساندرا)
|
ابوساندرا
ليك و حشة ولى الحبيبة رشيدة
كويس كلمتنى
كان كدة احسن سمعة اليسلم ممتلكاتة للسفارة الامريكية
قبل ما يجيكم
ابقى عشرة على اخوك ما بوصيكم علية
لك ودى
| |
|
|
|
|
|
|
|
|
|
Re: فقدي الليلة (Re: Huda AbdelMoniem)
|
عزيزي عبد الرحمن
كفارة وانشاء اللة تكون جمعت .
عشان تاني تمشي السودان وماتدينا خبر على الأقل نرسل معاك تحياتنا لابناء عمتي اصدقائك هاشم وعصام
| |
|
|
|
|
|
|
|
|
 Re: فقدي الليلة (Re: أبو ساندرا)
|
ابو ساندرا
صباحاتك خير
احسن انت سرقه منك وانت نايم اما انا تصدق انسرقت مرتين الاولى الاء كانت فى العربيه وشايله موبايلها بتعمل فى رساله جاك واحد تف خطفو من يدها والله موبايل لنج موديلو لسع ما وصل السودان وبعد شهرين كنت واقفه قدام كلية الطب جامعة الخرطوم شايفه نفرين ماشين على جانى واحد بالشباك بتاع الدركسون وقال لى ممكن توصلينى قدام قلت ليه انا ما ماشه قدام فجآه اسمع ليك ناس بيكوركوا ارمى الشنطه يا كلب اتاريهو الفالح شال الشنطه من الباب التانى من العربيه وجرى وكان فيهاموبايل وحاجات تانيه ولليوم لا حس لاخبر
ربنا يعوضنا
تحياتى لك وللاسره الكريمه
ام الاء
| |
|
|
|
|
|
|
|
|
|
Re: فقدي الليلة (Re: أبو ساندرا)
|
ماكان يسرقك انت زاتك يريحنا منكـ
عالم دمها تقيل.....
خلاص ناس الخرتوم زهجوا من وشك حتي البنيات
تعال مارق مرق .....!!!
---------
بنشتاق ليك وانت معانا....!!!!
| |
|
|
|
|
|
|
|
|
|
Re: فقدي الليلة (Re: Muna Khugali)
|
| Quote: كفارة لي بنات الخرطوم.. |
ههههههههههههههههههههه
وكفارة لبنات غندهار (بتاعات الشية) كمان يا منى
تاني يعمل ليهن مس كول بشنو ؟
مسكين
| |
|
|
|
|
|
|
|
|
 Re: فقدي الليلة (Re: أبو ساندرا)
|
..
.
سمعنا بالحرامية البنطو الحيط وبدخلو البيوت
زى الحرامى الجانى امبارح
لكن حرامى بخش الشقة واهلها فيها دى الا حرامية الديم
كفارة غايتو والحمدلله الماسرق ليك واحدة من بناتك
______
بعدين شقتك دى مخليها فاتحة للصباح منتظر منو ؟؟
| |
|
|
|
|
|
|
|
|
|
Re: فقدي الليلة (Re: Tabaldina)
|
أبو ساندرا كفارة،
والحال من بعضه،
لكن يبدو إنها موضة،
موضة سرقة موبايلات المغتربين في الإجازة،
رغمأن موبايلاتنامتخلفة جداً
بالنسبة لموبايلات الناس هناك
معليش،
تحياتي
| |
|
|
|
|
|
|
|
|
|
Re: فقدي الليلة (Re: Emad Abdulla)
|
طبعا يا أبو ساندرا
دي عين - وبركة والوقعت في الموبايل
الحسد مع الناس
أنت في أكثر إجازة لها طعمها الخاص
وخصوصية خاصة جدا في لونـــــــــها
وأنا من الحاسدين
| |
|
|
|
|
|
|
|
|
 Re: فقدي الليلة (Re: أبو ساندرا)
|
أبوساندرا،
كفارة،،،
لكن ما فهمت،،
Quote: لص ظريف
دخل شقتنا بخفة فهد |
ظريف كيف؟؟؟
ضحكك قبال يمشى؟؟؟؟؟؟
Quote: لم ينس وهو في طريق الخروج
ان ينتعل حذائي السبورت البلو
العاجب بنات الخرطوم |
و طبعا زعلانة منك،،،
ما وريتنا ليها دى،
نقوم نفتش الصور ولا شنو؟؟؟
| |
|
|
|
|
|
|
|
|
|
Re: فقدي الليلة (Re: أبو ساندرا)
|
Quote: لم ينس وهو في طريق الخروج
ان ينتعل حذائي السبورت البلو
العاجب بنات الخرطوم |
الظاهر بنات الخرطوم ما لقو فيك حاجة بتعجب غير حذائك السبورت البلو ... حذائك ده اصلو فلقو بيهو رئيس؟
يا صاحب يا عمدة
وصية في الذمة, قول للكبير ده لو قابلتو اتضاير شوية يا "عجل" .. شرطت عينا بالسكاليب و فقدى الليلة .... مال لو سرقو منك نصية و كيس تمباك تعمل شنو؟
غايتو شيوعيين اخر زمن .... شيوعيين زمان لو جاهم حرامى بخلوهو يشيل العاوزو و يدوهو حق المواصلات و الفطور كمان ... تضامن طبقي و اممى
يا كبير خلى الكلام الميت و فقدى و قلدت و حضنت ... دايرين الكلام النجيض الفي اللحم الحى .... محل بيوجع جد
| |
|
|
|
|
|
|
|
|
 Re: فقدي الليلة (Re: أبو ساندرا)
|
لا حول ولا قوة إلا بالله
فى شنو يا مهمش؟
عشان موبايل عامل بيت بكا وقاعد تجعر(وش مبسوط شديد)
بعدين تعال هنا ... الحرامى ده ما شغلو ... يضوق حاجات الدوحة دى كيف يعنى؟ ما إلا كده! (وش زول إتدشى)
شول اشوانق دينق
________________
الله يعوضك يا عمك
| |
|
|
|
|
|
|
|
|
|
Re: فقدي الليلة (Re: Azhari Nurelhuda)
|
| Quote: شيوعيين زمان لو جاهم حرامى بخلوهو يشيل العاوزو و يدوهو حق المواصلات و الفطور كمان ... تضامن طبقي و اممى |
ققنننننننننننن ..
موسيقى تصويرية تقيلة شوية و فيها زي دربُكات كده و دونب .. و صوت مخاخيت لاكين بعيدة شوية .
( تضامن طبقي و أممي ) ..
و نِعمَ بالله .
.....
عشان تاني .
| |
|
|
|
|
|
|
|
|
|
Re: فقدي الليلة (Re: khaleel)
|
لا حول ولا قوة الا بالله
والله يا ابوساندرا انا قلت فقدت عزيز
اتاريهو الموبايل؟؟؟
عموما التعازي ليك فى الموبايل ،، اما الاسبورت البلو دى عاد مابنقدر نعزي لانو ماشفناها
(وش رافع الفاتحة)
| |
|
|
|
|
|
|
|
|
|
Re: فقدي الليلة (Re: أبو ساندرا)
|
تعرف يا ابوساندرا
ذكرتنى بمسرحية للمرحوم الفاضل سعيد الفيهو الأغنية:
الليلة صدمة على شديدة فقدت تلاجتى الجديدة ...تن تن تن تن
فقدت تلاجتى الجدية الكنت زى عينى بريدها ... إلخ
شول اشوانق
_____________________
بالله ده رجعة ليك والمؤتمر قرررررب (ههههههههههه)
| |
|
|
|
|
|
|
|
|
|
Re: فقدي الليلة (Re: أبو ساندرا)
|
والله يا أبو ساندرا لي زمن ما دخلت المنبر ، الليلة لقيتك مسروق .
انبسطت خالص ، وعجبتني ليك عشان أنت زاتك جاي الخرطوم زي الحرامي ، لا جبت خبر لا أتر ..
خلاص نسيت ودقاسم ؟ إن شاء الله يسرقوك إنت ذاتك ..
| |
|
|
|
|
|
|
|
|
|
Re: فقدي الليلة (Re: محمد عبد الماجد الصايم)
|
ابو ساندرا ... اولا دي اشانة سمعة للسيد الحرامي ... والتعويض ببوست اعتذار للحرامي ...
ثانياً موش شركائنا في الحكومة المؤتمر الوطني عرضوا عليكم دفع فلوس المؤتمر الخامس
ممكن تمشي تطلب يدوك حقك (موبايل ) وكم دولار ... ونصية عصام جبرالله اكتر من كدة الا
تكون داير تبقى مؤتمر وطني ...
| |
|
|
|
|
|
|
|
|
 Re: فقدي الليلة (Re: أبو ساندرا)
|
العجوز، لك التحية و الجميع
Quote:
أبو ساندرا كفارة،
والحال من بعضه،
لكن يبدو إنها موضة،
|
الإسبوع الماضى، نط حرامى حوش بيتنا فى الثورة الحارة الأولى...
دخوله كان من فوق الحائط و الذى يعلوه شبك سلك شائك،،، السيناريو إسطورة....
أكاد أن أجزم بانها المرة الأولى منذ أكثر من 30 عام....
لطش 2 موبايل ( ترك الشرائح خارج الحوش) ظريف مش!!!
ركز على لطش الخفيف و الثمين جداً
الحاجات إستولى عليها قدر كف يد واحدة (لكنها ثروة)
ربنا يعوض الحاجة و الأشقاء و يعوضكم يا أبوساندرا
الموبايل بتعوض و أرقام التلفونات، نقدر نقول مقدور عليها...
لكن تظل الظاهرة!!! منو البعالجها؟؟
و يبقى السؤال: ليه الموبايلات ؟؟
-------
يارفيق ما تكون مؤامرة ذات علاقة بالمهرجان و المؤتمر ؟؟؟
ش
| |
|
|
|
|
|
|
| |
أبو ساندرا
ابو جهينة
ALazhary2
rosemen osman
كمال علي الزين
Abureesh
Alsa7afa_30
7abib_alkul
كمال سالم
اسيا ربيع
Yassir Tayfour
محمد أبوالعزائم أبوالريش
معاوية محمد الحسن
محمد سنى دفع الله
haroon diyab
Muna Khugali
معتز القريش
Emad Abdulla
Research In Motion BlackBerry 9300(1600x1200).JPG)
نورالدين بابكر بدري
معتصم دفع الله
خدر
Marouf Sanad
salah elamin
شول اشوانق دينق
Azhari Nurelhuda
khaleel
ودقاسم
على محمد على بشير
عصام علي أحمد
هند محمد
محمد عبد الماجد الصايم
مصطفي سري
معتصم محمد صالح
شكرى سليمان ماطوس
فيس بوك
تويتر
انستقرام
يوتيوب
بنتيريست