|
|
 همبات السافل
|
همبات السافل
غبشة ناس فتاره شايلين هم السارحه والطارحه ووقود كى المهوبره والمضوبنه ما غمدت جفونهم تب من نبيح كلاب قانصين الرذق المو حلال مرعفين هجعة ليل نويرة موقده فى قلب السدره تحاحى ضبانة الجدرى العاول والغنام الضغت وجاطط من كرباج وزمبارة كبسور البقوقى وحنين الناقه للحاشى البرقى بلاوى فى وتد حاكورة جقله الشامه نسام صعيد ونبلت عكوله ام التر وقتين هجموا اهل السافوره ناس سافل فى راسهم واحدا بقولوا ليه ود امحمد خير المو طيب زى طيبة اهلى القبش ناس دار الفور والبقاره والاباله والغنامه وزراع الدخن والداهيه المسنوحه البياكلوها ناس سافل بهره عليهم ود تور شين خليفة مهدى الله كان شافهم بقيم فيهم حد الله .نصهم الهجموا عاى الفريق جياشة قدام وكثيرهم مسوين دقن الضلال وكبروا باسم المهدى ايديه سلبوا المراح تلات انياق على العشره ومافى عداد للغنم اقسموا مراحك شى باسم الله وشى بسم الجريح وشتن اسمه زاد الشهيد واحدا اسمه دمغة جريح والمجروح الحقيقى العاول ود البلد المالاقى تيراب الفيتريته وفى الحاحايه مسنى الخالق تكلا مصوصى واحدين فى المداين غابت شمس الليله وشايلين هم باكر وقديم اهلنا قالوا الهم برزقه اشرك ومنو الوصل الناس الحاله دى هم الجونا من سافل باسم النهب الهم سوهو طردوا راحة البال جوانا وقدوا النار فى الحواكير وحرقوا فرقانا النايمه سنين وسنين وما ولعت نارنا الا فى وش العدو هكسى الاتكالبوه فرسانا الوقت داك ناس سافل وشاية العدو الظاهر وباكر بتجى دارفور واين بتقبلوا من جنوينا وسوا ليكم درب ذى ما سلطين هرب .
مزمل رابح
|
|
 
|
|
|
|
فيس بوك
تويتر
انستقرام
يوتيوب
بنتيريست