|
|
 ُأُغْنياتٍ ... أحبـــها....
|
الاعضاء الكرام...
هذه مساحة سوف اعرض فيها بعض الاغانى التى احبها ولا امل الاستماع اليها....
اتمنى ان تستمتعوا معى ....
سوف احاول ان ادرج كل ما توفر من معلومات الاغانى...
|
|
 
|
|
|
|
|
|
|
|
Re: ُأُغْنياتٍ ... أحبـــها.... (Re: جمال سعيد)
|
الزول الراقي جمال سعيد :
الواحد كل مرة يقول زي جنس كلامك ده وكل مرة يكتشف إنو بحب الاغنية دي اكتر من الاغنية ديك والاغنية ديك اكتر من الاغنيتين دييلك ..
لا أمل الإستماع إلى أغنية غصن الرياض المايد وأستمتع حد الجنون لأغنية جاهل وديع مغرور والطرب كل الطرب في قلبي همّالو والمتعة كلها في خاف من الله وسواة العاصفة غير أن لأمير الحسن معزة خااااصة وده ما بيمنع انو اقول بشوف في شخصك احلامي لها حيز ,,
كل ما سألت عليك صدوني حراسك من الاغاني البسيطة وانيقة تشاركها في الصف حبيبنا الاولاني فلان الفلاني وابتسامة حبيبي تكفي نحن كان بينا الغرام ..
زاد الشجون احب فيها إدعينا وقلنا تاني ما حنشتاق في عمرنا وقبل ما تمر ليلة واحدة حرارة الشوق غمرنا وكم لهينا وقلنا امكن ندفن الحب في سهرنا الحياة صعبت علينا وبي اثر فقدك شعرنا ..كنوز محبة من زيدان لها وقع خاص جدا خصوصا الحنان الفي قلوبنا اصلو نابع من عيونك ..جيت مهاجر من الخالدي نكهتها غير وخصل شعرك تبحرني عوالم اخرى للكاشف عبقرية تجعلني اتعبقر معها ويا حبيبي قوماااك ننفرد ويا للروعة وهو يردد اما السواقي بدت تسوق والقمري غنى بكل زوق وانا ليييييك عشووووق يا زول عشووووق ..عثمان حسين اردد معه اغفرلو يااااااااا حنييين وجاوز لو ظلم وتكمن متعتي وهو يكمل وتعود مراكب ريييييييييدنا ..مع قصتنا اعيش اجمل قصة وانا والنجم والمسا شئ من الخرافة ..
العطبراوي يترنم صابر معاك صبرا طويل كاتم العلي واصلو العلي ما مر يوم بي خيال بشر ..العاقب ويا حبيبي نحن اتلاقينا مرة في خيالي وفي شعوري الف مرة الكابلي ووين وين يا حلو والاجمل فيها طبعك براك هاك اعزلو ..ابراهيم عوض وليه بتسال عني تاني ولا حول الله ولا قوة الا بالله ويا خاااااااااااااااين ..صلاح بن البادية وعريسنا قاعد بي انبساطة يا عدييلة لي وخت المية للمشاطة وللعروس مرق حجباتا اشتم فيها رائحة صبحية بعنقريب الجرتق وعقارب الساعة تشير للعاشرة صباحا والضريرة والفردة وصوت الدلوكة والناس وقوف رجال وسنوان والتعاليق هنا وهناك ..
صلاح مصطفى وبعد الغياااااب الموصلي والاماني السندسية محمود عبد العزيز وعمري بعدو بي الساعات عشان خاطر مواعيدك وخلي بالك لي ايديا وقت تسالمك ...
يا دفار الشغلة دي صعععععععععبة ياخ اعفيني منها سمح ..؟
| |
|
|
|
|
|
|
|
|
|
Re: ُأُغْنياتٍ ... أحبـــها.... (Re: عمر الفاروق)
|
الفاروق سلامات وشوق وتحيات...
تعرق يا عمر البوست دا عبارة عن شرك كبير جدا نصبته لنفسى عشان اكون ووواااضح وصريح فى تحديد الاغنيات الانا اكثر حبا لها( شفت بالله الجهجهه دى كيف ).... والموضوع دا ما ساهل خالص خالص ذى ما انت وضحت لسبب بسيط جدا انا ( وانت كمان) وكماذكرت لك فى البوست حقك بتاع حمد الريح... انا بحب كل الغناء واى عمل غنائى بتعامل معاه بصورة محايدة بدون انطباعية وتقيم مسبق وكدا؟ عشان تعرف صعوبة البوست دا ... لكن وضعت فلسفة صغيرة جدا فى دواخلى بتقول
"ياأخى دا الاغانى الانا كنت بحبها ( اكتر من اخواتها ) فى الوقت دا يعنى تفاعل لحظة..."
وانت يا عمر بالقائمة الانت ذكرتها دى معناها انك بتشاركنى نفس الحيرة ...
ومابعفيك خالص خالص يا عمر انت بالتحديد... وخليك قريب بالله
شوق وتحيات واحترام
جمال سعيد
| |
|
|
|
|
|
|
| |
جمال سعيد
عمر الفاروق
فيس بوك
تويتر
انستقرام
يوتيوب
بنتيريست