|
|
 اغنى لشعبى ومين يمنعنى ؟وسرق عشقك صباحاتى .......
|
يناير من كل عام
وانت فى مسافة تسكب فينا وجع فرقتك ....
وهم غيابك وفجتك ....
منو الغيرك غنى للوطن والجراحات والاتى
منو الغيرك وزع فينا احتمالات الوفاء والنضال؟.
رسالة لود سيد احمد
تصدق الحال حرن والعصافير هاجرت مع الطيور عكس اتجاه الريح
والنيل القديم ياهو ولا يانا ...
بس والله مشتاقين كتير
فقدنا نبل الحزن وتعب الارض ...
جاينك جاينك
رحمك الله
ودمت
خالد
|
|
 
|
|
|
|
|
|
|
|
Re: اغنى لشعبى ومين يمنعنى ؟وسرق عشقك صباحاتى ....... (Re: خالد سمارة)
|
رحل صوت المغني حزين ..
ولسه الصوت صراع زمني
صوته الدافئ الحنون يلامس طبلة اذني
لازال مصطفى يحيا ويجري في عروقنا بأغانيه الجميلة ..
مصطفى هو من وطد علاقاتنابهذا الوطن..
وهو من زرع جذوة النضال ، الكفاح ، في دواخلنا ..
ياه يا مصطفى
كم أني أحبك ..
ستظل ذكراك باقية في قلوبنا..
الف رحمه ونور تنزل على قبرك ..
| |
|
|
|
|
|
|
|
|
|
Re: اغنى لشعبى ومين يمنعنى ؟وسرق عشقك صباحاتى ....... (Re: خالد سمارة)
|
مكتوبة فى الممشى العريض
شيلة خطوتك ..للبنيه
مكتوبة بى الخط العنيد ...
فى ذمّة الحاضر .. وصيّة
شاهدة التواريخ ..
والسّير والإنتظار
أدونى من قبلك ..
مناديل الوصول
وفردت أجنحة العشم ..
فى ساحة الوطن البتول
وضحكت ماهمّانى شى..
وبكيت ولا همّانى شى
عندك وقفت من المشى
وغرقت فى ضو النهار
.............
كانوا بتمنوكى لو ..
ترتاحى لحظة على الدرب
حبوكى حب
قدر الحروف ..
الحايمة فى بطن الكتب
قدر الخيال ..
ما مدّ إيدو على السحب
كل خاطر كان بريدك
إلاّ ريدك كان رسول الدهشة
فى كل الديار
وأنا زى عوايد الشعر فارس
شدّ خيل الكلمة .. ليك
مصلوب على ضهر البداية
القالو آخرها بين ايديك
وسرحت يامهوّن .. تهوّن
شان أجيك
كان أصل يوم لى حضورك
كتْ بريدك ومشتهيك
وإنكسر فينى الترجّى
ونلت من سفرى الخسار
بس داير أقولك يا أصيلة
لو تعب فينا التمنى ..
وإنهتك وتر المغنى
لو تسدى علينا
طاقات البشاير ...
بنهزم يوم التجنّى
وأجيكى لا همّانى شى
عندك وقفت من المشى ..
وغرقت فى ضو النهار
العميرى ومصطفى رحمكم الله وجاينكم جاينكم
عاملين كيف ؟
ازهرى قال رتبت العالم البهناك
مين سما ترحالك غياب ؟
والغيبة بتذيدك بها ء....
| |
|
|
|
|
|
|
| |
خالد سمارة
محمد كابيلا
فيس بوك
تويتر
انستقرام
يوتيوب
بنتيريست