|
ساعدونا بالضمائر يا ناس
|
Quote: اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كان محسناً فزد في إحسانه ، وإن كان مسيئاً فتجاوز عن سيّئاته اللهم ألحقه بالشُّهداء اللهم أفتح عليه نافذة من الجّنّة وأجعل قبره روضةً من رياضها |
الدعاء اعلاه زملاء كتار بشيلوهو و يلصقوهو في بوستات العزاء احيان كتيرة بكون المتوفي امرأة
_ اتصلوا لي بي المُفتي بلاهي نشوف الدعاء ده ماشي ولا في حُكم اهدار الباندويث
|
|
|
|
|
|
|
|
Re: ساعدونا بالضمائر يا ناس (Re: خدر)
|
إنه وبعد :
فإن رأي مجلس الافتاء يري أن لاغضاضة ولا حرج طالما المسألة دي تتم بغرض المجاملة ! أقرب مثال لذلك لما جاء خبر بيناوي الهسي هنا معانا دة شبكوه ليك اللهم أغسله بالماء والثلج وياسر لساهو حي يرزق ! وكما تراه الآن فإنه يعاني من خلعة بردية دخلته وماغادرته مرةً أخري منذ ذاك المساء الحزين وعليه لا يستطيع المجلس علي الأقل في الوقت الحالي الجزم بيا أبيض يا أسود ونقول للسائل الكريم إنو المسألة دي مستحبة لكن يرجي التحقق في الأول من صحة الخبر ومن ثم الجندر ومن ثم الدعاء للميت ولا غضاضة بعد ذلك .
والله أعلم
| |
|
|
|
|
|
|
Re: ساعدونا بالضمائر يا ناس (Re: خدر)
|
خدر يا عمكـ دي خليها في حاجة تانية مكرهاني عديييييل!
(للفقيد الرحمة ولآله الصبر وحسن العزاء) عارف العبارة دي ناس كتيرة بتكتبها في بوستات العزاء ما عارف، لكن بتذكرني بالمصالح الحكومية وموظفين الحكومة زي الزول جابو ليهو ورقة وكتب فيها العبارة دي يعني خلاس أفتى في أمر الميت دا إنو رحمناهو وإنتو يا جماعة صبرناكم!
فهمتوني؟
| |
|
|
|
|
|
|
Re: ساعدونا بالضمائر يا ناس (Re: محمد عبد الماجد الصايم)
|
Quote: ما عارف، لكن بتذكرني بالمصالح الحكومية وموظفين الحكومة زي الزول جابو ليهو ورقة وكتب فيها العبارة دي يعني خلاس أفتى في أمر الميت دا إنو رحمناهو وإنتو يا جماعة صبرناكم!
فهمتوني؟ |
حمودي انت كنت من موظفيين ويين ؟
| |
|
|
|
|
|
|
Re: ساعدونا بالضمائر يا ناس (Re: خدر)
|
كدي تعال في الاول النسألك
Me.ta دي كلمة أبيحة لاقدر الله
مالها بورد بكري بيشفرها؟
______________ أموت وأعرف معناتها شنو واها من هسة توبة لي حبوبة ماهاستعملها تاني بس اعرف معناها ______ سؤالك بجيهو تاني خليني النلحق البص هسة
| |
|
|
|
|
|
|
Re: ساعدونا بالضمائر يا ناس (Re: محمد عبد الماجد الصايم)
|
ياخدر
هذا الدعاء يشبه عندما نجلس بمطعم فاخر ونفتح قناة الجزيرة وهى تنقل نقلا مباشرا مايحدث بغزة. ونبدأ فى تشريح لحم (إسرائيل) بالسكين ونلتهمه بالشوكة ونغرقها داخل المعدة بكوب صودا ثم نردمها بكباية شاى. وتنتهى المعركة بغسل الأبدى وتنخيس الأسنان. وعندما يفرفر لحم (إسرائيل) بين أنقاض البشملة التى دمرها ضرس العقل نغسله بالماء والثلج والبرد.
وننتهى من المعركة وأطفال فلسطن قد كفناهم إحدى الحسنيين ودفناهم داخل أفخم قوسين حتى يوسع الله مدخلهم بعد أن خرجوا من ذمتنا الى ذمته..
وبعد إنتهاء مراسم (الدفن) نتوجه بالرموت على قناة ميلودى لتعزف للمقبورين بداخلنا لحن الخلود.
المسألة ياخدر فى ملخصها مسافة بين الشعور والفعل.
| |
|
|
|
|
|
|
Re: ساعدونا بالضمائر يا ناس (Re: Balla Musa)
|
تعرف يا دكتور انا واحد من الناس فعلا بدخل البوستات دي بنية الترحم و مواساة اهل الفقد و معي قطع شكـ كثيرين كلامكـ ينطبق علي المجاملين و الساعين الي حصد جوائز البورد التي تُحشد لها البوستات و السؤال قائم توفر النية زي ماقالت تماضر ما كافي في ظل الضمائر اعلاة فالحزن و الترحم يحتاج لوقفة و تأمل امام رهبة الموت و اظنها تتسع مسافة تحديد إتجاة الضمائر و قرأة الترحم
| |
|
|
|
|
|
|
|