|
Re: الرئيس عمر البشير وشيّة جمر وأم فتفت ومرارة في الدويم (Re: معتز القريش)
|
شكرا يا معتز,
تعرف حال المدن السودانية كلها في وسط وشمال السـودان,
وهي هامـش مماثل للهامش في دارفور ومع ذلك يصر الاخوة الدارفوريين والاخوة في الجنوب على أنهم مهمشون وعلى أن أهل الوسط يعيشون في بحبوحة من العيش,
بالطبع من الصعب تحميل الاخ المعتمد المسئولية عن التردي في الخدمات والمرافق, فالتردي عام وقديم بعمر الانقاذ وبعضه لما قبل الانقاذ,
كل السودان كان يركز على زاد الشهيد ومعسكرات الدفاع الشعبي واحتفالات عودة المجاهدين, كل السودان عاش كرب سنوات الحرب التي نأمل ألا تعود وألا ينخرط فيها شبابنا مرات أخر
كنت أتمنى لو تتاح لنا فرصة الجلوس والحديث عن عملية الاعمار وبالذات عملية التخطيط العمراني,
كل الذين انخرطوا في العمل الشعبي المفيد وقدموا التضحيات بالوقت والمال, تحدثوا بجرأة شديدة عن مشاكل التخطيط العمراني وبيع المساحات التي يمكن التمدد فيها لانشاء المرافق العامة ذات النفع العام, فحتى إمكانية توفير سلخانة بديلة لو توفر لها المال فمن الصعب توفير موقع استراتيجي لها في مدينة الدويم بعد بيع كل المساحات الممكنة.
أرجو أن تتبنى المنتديات ندوة في يوم جمعة مثلاً على برنامج البالتوك أو الاسكايبي لتمكين كل المهاجرين من المشاركة في مقترحات عملية لتحسين الخدمات
وافر التقدير
أحمد الشايقي
| |
|
|
|
|
|
|
Re: الرئيس عمر البشير وشيّة جمر وأم فتفت ومرارة في الدويم (Re: ابراهيم بقال سراج)
|
الدويم دي كان اضوق جبنتها يا ود القريش تاني ...
وبعدين الجزمة دي بغسلوها حايكون فيها شنو يعني ؟؟
الله ستر عليك ما غتسك في الحمام دا ..
وبعدين يا أخوي الريس (خريج جيش) يعني ياكل الدبيب حي مش أم فتفت !! والعسكر ديل يموتوا في ريحة الزفر موت !! ما شايفهم ما مهتمين بي الناس ومشاكلهم منذ ان حطوا بكاكيهم في السُـلطة ،،
أرجع أحسن ليك ما تتكوكر في الحفرة ديك ما تعرف تمرق منها ،،
هشام
| |
|
|
|
|
|
|
Re: الرئيس عمر البشير وشيّة جمر وأم فتفت ومرارة في الدويم (Re: الرشيد البصيلى)
|
يا ود القريش...يعني انت قايل شنو؟ حا تلاقي سوق الدوحة المركزي
ما من الله خلقنا بنأكل من جنس دا...وعوجة ما جاتنا...
سمعت ليك بي زول سممو لحم؟
انت ما كان تصور لينا صور الضبابين في قندهار.. في ذمتك دي ما كنت تأكل باليمين وتنش بالشمال؟ هل جاك وجع بطن؟ مغص؟ دسنتاريا..
الضبابين هناك شغالة كورال
وحكمة الله الناس هناك مهيجنين ذاتيا
| |
|
|
|
|
|
|
|