|
بتهزم قدام عيونك..لما تضحك في سعادة
|
قدر ما حاولت اصارحك
ما بتطاوعني الارادة
بنهزم قدام عيونـــك
لما تضحك في ســعادة
ولو اطلت لــيك دمعة
بـزرف الالاف قصــــادة
*****
ولما قلت اسيب ديـارك
وامحى صورتك من خيالي
جيت لقيتك في دواخلي
وعن يميني وعن شمالي
في المنافي الليها بهرب
بلقى صورتك ساكنة بالي
*****
قول لي اعمل ايه معاك
قول لي اعمل ايه يا جافي
ما خـــلاص خارت قــوايا
قبل ما اصل المرافي
الزمن ضيـــــع مراكبي
وساق خطاي على المنافي
*****
شفت كيف ازداد عزابي
وانت في يدك ســروري
ياما اسكنــتك فؤادي
ليه قليبك ضامي غيري
بيك سهادي امتّد طــوّل
وبالعزاب مختوم مصيري
1997
|
|
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
Quote: قول لي اعمل ايه معاك
قول لي اعمل ايه يا جافي
ما خـــلاص خارت قــوايا
قبل ما اصل المرافي
الزمن ضيـــــع مراكبي
وساق خطاي على المنافي |
محاولة وغنوة جاهزة يا محمد وكدي اجدع لينا المزيد..ممكن يجينا ملحن بجاي يلقطها وباكر تبقي غنوة ليها ضل بالتاكيد
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
Quote: كانت من اولى المحاولات لكتابة النصوص الغنائية
والله ايام يا زمان |
محمد خليل الزول الجميل يأخي أجمل القصائد هي الأولى لانها تعبر بصدق وبعمق عن دواخلك يلا كمل جميلك تمموا وادينا من قصائدك المخزنة في الذاكرة الله يسعدك والله قصائدك حلوة
| |
|
|
|
|
|
|
Re: بتهزم قدام عيونك..لما تضحك في سعادة (Re: Elmosley)
|
Quote: محاولة وغنوة جاهزة يا محمد وكدي اجدع لينا المزيد..ممكن يجينا ملحن بجاي يلقطها وباكر تبقي غنوة ليها ضل بالتاكيد |
كيكي
سلام يا ولد ابا
كنا زمان ايام الجامعة مهوسين بالمنتديات والشعر والكلام السمح
ولكن جار علينا الزمان واصبحت الايام الخوالي مجرد ذكريات
ورغم ذلك هنالك تجارب اكثر نضجا سأبحث عن قصاصاتها وانزلها في هذا البوست ان ان وجدتها ان شاء الله
ولو اي واحدة اتلحنت سنكتب عليها
كلمات محمد
الحان س
غناء ص
واكتشاف كيكي
وابقي طيب يا الحبيب
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
Quote: محمد ابو الزمل ده كان شاكوش كارب |
جاري العزيز
شاكوووووووووش عمرو 12 سنة والحمد لله تم الشفاء وزالت الكدمات
اها,,
حمد الله على السلامة من زنقة الاسبوع الفات
اخد ليك شوية نفس لان جاييك spring two
ونرجع تااااني ندور في الدايرة على قول السقيد
بالمناسبة في عمل لحنو وغناهو محمد تبيدي ان شاء الله القى اللحن عشان ناخد رايك بهمنا شدييييييييد
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
خـــــــــوفي
لاني بلقاك لاكي ليـا لا الزمن بسعد عينيا بكرة ياما تألميني وتمشي ما تهتمي بيا
اصلي عارف حظي عاثر وشايل اقداراً شقـية ديمة للافراح بـبادر وفي النهاية تجور عليّ لا جنيت في يوم سعادة لا لقيت لحظات هنــية
خوفي من بكرة البفرق خوفي منك يا بنـــية من وداعك يوم رحيلك من دموعك بين ايديـا خوفي تغدرني الليالي وبكرة اغرق في الاسية
خوفي ما اقدر اعــيش غيرك ولا اقدر اكــون ولو مشيتي وسيبتي دربي اشكي همك للســـكون اوعي تنسيني في دعاكي ابرى من درب الجنــون
| |
|
|
|
|
|
|
Re: بتهزم قدام عيونك..لما تضحك في سعادة (Re: baha eassa)
|
Quote: كلمات حية .. وجميلة ياريت تتحفنا بالمزيد .. شكرا محمد خليل لهذا الابداع |
بهاء عيسى
نورت البوست يا حبيب
كانت بدايات فيها ما فيها من اندفاع وسلبيات ولكن...
استفدت منها كثيرا...
وان شاء الله سأنزل منها ما سلم من الفناء تباعا فبعضها ناهز الخمسة عشرة سنة عمرا
شكرا يا بهاء وشكرا اكتر على بريدك الالكتروني
ونتم باقي الحديث في الايميل
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
Quote: خوفي ما اقدر اعــيش غيرك ولا اقدر اكــون ولو مشيتي وسيبتي دربي اشكي همك للســـكون اوعي تنسيني في دعاكي ابرى من درب الجنــون |
اول حاجة الايقاع من اجمل ما يكون موزون بدقة والكلام يتسق وصبى فى تلك السن حيث تقول انك كتبت هذه القصائد وانت صبى بعد لكن يبدو ان زخمك الشعرى كان عاليا وكنت على تواصل والشعر معظم شعراء الاغنية السودانية كانت بداياتهم وهم فى سن صغيرة بل ومعظم شعراء السودان كانوا فى مقتبل العمر حين كتبوا الشعر منذ التجانى وربما البنا وحتى محمد الحسن سالم حميد وليس نهاية بك واعنى ما اقول فانت تملك روحا شعرية وايقاع شعرى وروح شاعرية تلتزمها القصيدة وحدة الموضوع اتساقه بطبيعة الحال المبنى والمعنى متسقان ياصديقى انت شاعر مولود باسنانه حظا وفيرا وهذه الغواية الرائعة
| |
|
|
|
|
|
|
Re: بتهزم قدام عيونك..لما تضحك في سعادة (Re: سلمى الشيخ سلامة)
|
Quote: معظم شعراء الاغنية السودانية كانت بداياتهم وهم فى سن صغيرة بل ومعظم شعراء السودان كانوا فى مقتبل العمر حين كتبوا الشعر منذ التجانى وربما البنا وحتى محمد الحسن سالم حميد وليس نهاية بك واعنى ما اقول فانت تملك روحا شعرية وايقاع شعرى وروح شاعرية تلتزمها القصيدة وحدة الموضوع اتساقه بطبيعة الحال المبنى والمعنى متسقان ياصديقى انت شاعر مولود باسنانه حظا وفيرا وهذه الغواية الرائعة |
ابوحميد والله جبتها كبيرة يا صديقي دي شهادة (ليها ضل) من مبدعة وقاصة وناقدة وفنانة (بس امسك فيها قوي) كلمات حميمة بس الله يرحم هاشم ميرغني كانت حتناسبه تماما. كل التحايا
كسرة: وانا اقول الزول دا راسو مالو مطربق كدي؟؟؟؟
| |
|
|
|
|
|
|
Re: بتهزم قدام عيونك..لما تضحك في سعادة (Re: سلمى الشيخ سلامة)
|
Quote: اول حاجة الايقاع من اجمل ما يكون موزون بدقة والكلام يتسق وصبى فى تلك السن حيث تقول انك كتبت هذه القصائد وانت صبى بعد لكن يبدو ان زخمك الشعرى كان عاليا وكنت على تواصل والشعر معظم شعراء الاغنية السودانية كانت بداياتهم وهم فى سن صغيرة بل ومعظم شعراء السودان كانوا فى مقتبل العمر حين كتبوا الشعر منذ التجانى وربما البنا وحتى محمد الحسن سالم حميد وليس نهاية بك واعنى ما اقول فانت تملك روحا شعرية وايقاع شعرى وروح شاعرية تلتزمها القصيدة وحدة الموضوع اتساقه بطبيعة الحال المبنى والمعنى متسقان ياصديقى انت شاعر مولود باسنانه حظا وفيرا وهذه الغواية الرائعة |
الله الله ...يا سلمى
لا اعرف لماذا دوما تدهشيني وتشدهيني عندما تكتبين..كنت اقرأك اينما كتبتي وخصوصا في هذا المنبر.
احيانا اتداخل واحيانا اخرى اتوارى خجلا خلف عجزي عن تعبير يليق بما تسطرين..
والان هاهي شهادتك قلادة فخرا تطوق جيدي..
اترنح من صدقٍ احس نبضه كلمة كلمة وحرفاً حرفاوانا اقرأ سطورك اعلاه
انها شهادة ليست من اي مبدع وهم كثر هنا لكنها من الاستاذة سلمى الشيخ سلامة وكفى
شكرا على الق الحضور
وعلى دفعة معنوية..
تكفي لارتياد الثريا
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
بالرغم من انني كنت اود تخصيص هذا البوست لتجاربي الغنائية الاولى ولكن نزولا عند رغبة اخي وصديقي على عبد الله الخليفة له التحية ساقوم بعرض عدد من الاعمال الحديثة وربما يكون بعضها بالفصحى فالمعزرة ان قمت بإعادة نص سبق وعرضته من قبل في هذاالمنبر.
من حيث لا تأتي الرياح
*****
من حيث لا تأتي الرياح والقلب شوكا وصحارى ورماح صافحتني وطنا إليه الشوق يسحقني وتقتلني الجراح
من أي نافذة تطلّ على البيوت وبأي وجه كنت.. حين أتيت من لج السكوت وبأي لون أنت قد لوّحت لي أو كان مقدوري .. احتراقك واحتراقي في يدّي هل كان حظك مثل حظي في المجئ أم أن هذا الوقت... ليس الوقت كي يأتي نبّي
وخرجت من باب الدخول أصغي إلي خطواتنا تمضي فيحترق الطريق ولا وصول أتركتني أم قد تعود؟ أصغي أليك فلا تقول أطواك مثلي.. موسم الصمت وزلزال الذبول
فالحزن أعمق من حكايات نسطرها إذا الصدر يضيق نحن الذين خرجنا... من باب الدخول إلي الطريق ومشينا نحترف التسكّع والحريق
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
وغنى عبد المنعم النذير (سكة) في اواسط التسعنيات
سكة.. سكة.. ووادي.. وادي
في مدارات الحواضر والبوادي
في متاهات الظروف
والطلاسم والحروف
ما لقيتك
ما لقيت صدراً حنينا
ليهو اعياني الطواف
وانت يا انبل ضفاف
احلى شادي
تهت ابحث في السراب
عن عيون بتشع حنان
راسية في بر الامان
تهت ابحث في العدم
عن دروب ما فيها هم
والحصاد كان الندم
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
وغنى عبد المنعم النذير (سكة) في اواسط التسعنيات
سكة.. سكة.. ووادي.. وادي
في مدارات الحواضر والبوادي
في متاهات الظروف
والطلاسم والحروف
ما لقيتك
ما لقيت صدراً حنينا
ليهو اعياني الطواف
وانت يا انبل ضفاف
احلى شادي
تهت ابحث في السراب
عن عيون بتشع حنان
راسية في بر الامان
تهت ابحث في العدم
عن دروب ما فيها هم
والحصاد كان الندم
| |
|
|
|
|
|
|
Re: بتهزم قدام عيونك..لما تضحك في سعادة (Re: هند محمد)
|
Quote: حقيقى كلمات جميلة انشالله ماتشوف هزيمة شاعرنا محمد خليل قول ليها امسكى عليك عيونك ديل ألف شكر على المساحة الرائعة |
فراشة المنبر
هندوية الشاعرة الرقيقة الجميلة
تحيات من الاعماق,,
واطمئنكِ لا عنوان للهزيمة ولا وجود لها في قاموس الشعر
تتفاعل الكلمات فيما بينها وتأتي هكذا... ان سالوني لماذا وكيف ..لا ادري
ثم في ذلك الزمان البعيد لا ندري نبكي لمن او على من !!!
بكا من غير سبب (وجه باسم)
ابقي طيبة يا صديقة
| |
|
|
|
|
|
|
Re: بتهزم قدام عيونك..لما تضحك في سعادة (Re: Elmosley)
|
Quote: مبروك وتستاهل كل خير ويلحنو ليك كل الملحنين |
الله يبارك فيك يا دفعة
يمكن نهابش ناس احمد المك ومحمد حامد جوار في شهر اتنين عندي غطسة اسبوعين السودان
لكن ...يبقى كوم الموصلي حاجة خاصة زي عشاء العريس ولا عشاء الفنانين
مع chapman ya man
والشغل
بتبقى صعبة عليك لكن..
عارفك بتتنفس موسيقى
ان شاء الله نقعد نعمل ورشة صغيرة كده برفقة الاخ ساطور كمان
بتكتمل الروعة
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
عزيزتنا وجميلتنا ندوية
مناديلك وين ؟؟؟؟
غداتدري غدا تعلم بأنك قط لم تعطي بقدر عطاء وجداني وانك ما سهرت الليل حتى فجره الثاني ولا يوماً من الايام قد لفتتك احزاني
غداتدري غدا تعلم بأنك كنت تسحقني وتقتلني ولا تدري تضاحك كل من تلقى وتعشق كلما يغري وتمضي عندما تمضي تغيب الشمس من عمري
غدا تدري غدا تعلم بأني ملئت عيني بالاف الرسالات وكنت اليك ابعثها ابثك من معاناتي ولكن كنت تجهلني تعمق من جراحاتي
شفتي اخر صبري معاك
تسلمي يا زينة
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
جزء من قصيدة طويلة بعنوان واشقايا 1996
ولما تمشي معاك سلامة وما تقصري يا منايا اكتبي لي ديمه عنك لو حريصة على هنايا ببقى مشتاق للرسايل اصلو بيك سمحة القراية والف الف مع السلامة ابقي عشرة على الوصايا اصلي بعدك ببقى شاعر ببقى درويشا بهاجر في البلاد سايح برايا يا الرحيلك لي جنوني قادر الله على دوايا
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
Quote: مسختي لي كل البنات
الفاتن واللسه بجن
وبقيتي مقياس السبات
يابصمة في نبض الزمن
يا نغمة في حزن الشتات
يا ضحكة في قمة شجن
يا واحة في صحر الفوات |
الشاعر الجميل محمد خليل عجبنى المقطع دا لكن هل تعنى كلمة ثبات ؟ حيث الثبات لها معنى القوة
او سبات بمعنى نوم ؟ حتى لا يختل المعنى
| |
|
|
|
|
|
|
Re: بتهزم قدام عيونك..لما تضحك في سعادة (Re: سلمى الشيخ سلامة)
|
استاذتناالرائعة/ بت الشيخ
مساءاتك خير
وما اسعدني بطلاتك وتصحيحك
Quote: هل تعنى كلمة ثبات ؟ حيث الثبات لها معنى القوة
او سبات بمعنى نوم ؟ حتى لا يختل المعنى |
نعم اعني ثبات وليس سبات
كتبتها بالسين تمشيا مع لفظنا لها بعاميتنا المحببة
ولكن..انت على حق من المفترض ان اكتبها كتابة صحيحة
كما ادري بأنه لم يفت على فطنتكِ (صحر الفوات) سقط الالف سهواٍ والمقصود (صحرا الفوات)
واسقطت الهمزة على السطر في النهاية تمشيا مع العامية وحتى لا يقوم بلفظها من يقراءها فيختل
ايقاعع القصيدة.
جميلة ورقيقة حتى في نقدك الهادف
ما اسعدني بك..
وسيسعدني اكثر المزيد من ملاحظاتك القيمة
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
تيراب الروح ــــــــــــــ
يا بت متيرب فيني حبك والمطر ظنيتو جاي إلا الخريف من حول زرعتك ما حصل مرَّ بسماي
***
انا كنت بحلم بيك جروف صبحت جناين من شجر مدّت فروعك في المسام واتشابي في الروح الزهر انا كنت بحلم بيك دعاش سايق غمامك والمطر
***
يا بت متيربة في صباح العمر في الزمن البفوت واخوفي ما يمطّر سحاب والبذرة في الاعماق تموت واخوفي من فوت الاوان وتوشوش اغصان السكوت
****
أصل البذور الما اتسقت ما اظنها تقوّم شتول ما هو الجفاف لو فج قلب.. البذرة بطويها الافول ما بفيدو سيل عِرقاً يبس لا بعود نضارو مع الهطول
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
قصيدة رسالة...
وهي طويلة جدا وللاسف فقدت النص الاصلي ولكني ساحاول ما بوسعي لاسترجاعها من الذاكرة
مني برسل ليك سلام اتحدى بيناتنا المسافة وكل اسباب الخصام مكتوب خجول يمكن واظن اقِدر اقول الماقدر ليهو الكلام وان شاء الله يلقي الاهتمام
اما بعد
ما عارف ابداهو الجواب من وين وكيف في لحظة بحتار الفكر والكون بقيف ما عاد صوت الدقة بعد الدقة للقلب الرهيف واحتار كتير انا كان بزاحمني الحديث كيفين بطير واصبح مع اللحظات اسير للرايحة في وسط الحروف والصاحية في عمق الضمير
,,,,و
وتتواصل الرسالة...........
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
بتذكرك .. بتذكر الريدة الزمان بتذكرك.. بتذكر الناس الحنان وقسم عيونك لما ادتني الامان وكلام كتير قلناهو كان عشناهو في لحظة صفا وكلام اخير كان منو وامتد الجفى بصعب علي لو جبت في سيرتو اوقفا انسيهو يا غالية وكفى ما نبدا في السيرة ونعيد ما الماضي فات ليه ننبش الجرح البعيد والباقي من حالي العجيب خليهو للسطر الجديد
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
والليل معاي دايما طويل زي المسافة البيني بينك او تقول ابعد قليل زي القدر لا منو منفذ لا هروب زي التقول هو المستحيل والاغتراب مكتوب علي الاغتراب مقسوم علي قدر السفر في درب مليان بالصعاب وتكون مكاتيب الاهل ضلا ضليل فيهو استراحتي من العزاب لكني كان مستني منك انتي تكتبي لي جواب ان شاء الله في سطر وحيد وان شاء الله مليان بالعتاب لكنو كان حلما بنيته على السراب وفي الختام لو ما المعزة العندي ليك ما كنت سقتك للملام وبعيد عليك تاني السلام ومعاهو كل الاحترام
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
هاكي القلم ابدي الكتابة في اي صفحة... بأي لون
اديني حتة من الفرح
او اشحني الاحساس شجون
ماتخلي بيناتنا الجمود
اتمادي لي حد السكون
***
سمي الحكاية البيني بينك
اي حاجة .... اي شي
لو حتى تديني التعب
درب القدر هو البتمشي
كان للسعادة او الحزن
اوعك تجاملي.. وتختشي
| |
|
|
|
|
|
|
Re: بتهزم قدام عيونك..لما تضحك في سعادة (Re: mohmed khalail)
|
أبقي ارحلي للسعادة ــــــــــــــــــــــ
امحيني من جواكِ وأمشي وبعفى منك واعفي مني ولما توصلي للسعادة تبقي ..ما خيبتي ظني
****
شفت إحساسك مثالي وكل مشاعرك جد نبيلة وكنت شايلك اسمى منية في دروب صعبة وطويلة كم شقينا عشان نواصل بين ظروفنا المستحيلة
****
ولما شفت محال نواصل والعواطف ما كفاية واني ما بقدر اشوفك تايهة بين تعبي وعنايا قلت ترحلي للسعادة وجبت للريدة النهاية
| |
|
|
|
|
|
|
|