|
|
|
 Re: هل سيصدر أمر القبض المنتظر؟ (Re: tmbis)
|
محجوب
باقى السؤال: هل سيصدر أمر القبض المنتظر هذا الأسبوع؟ (بس انا كنت مستعجل شوية!)
تمبس:
ويييييين يا مان؟ انت لسة متنكّر فى شكل الخردة دا؟ (وبعدين أيه حكاية "العشرة الكرام" دى؟ ما قالوا خليت الفول وبقيت من مدمنى "قندهار"!)
... المهم ...
| |
 
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
المحيّرنى الناس المنتظرة العدالة من مؤسسات ما عندها سند غير السطوة والظلم والإرهاب ....
... والجنوبى يا سيدى .. لا يأمن اثنين ...
قنينة الخمر، والمرأة الكاذبة ...
أتعجّب كيف شرب معارضينا خمر استعمار "أوربا" ثم هاموا فى عشقها طفقاً بالسوق الحرة والأعناق؟
... المهم ....
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: jini)
|
بقيتى فى التمرقك ....
والله انا داير اموات من الضحك ..
وفى ناس كدة حننونى عديل كدة (ما عشان صور البروفايل لاكين سمعت تحت تحت قالوا انتى سمحة! وعندك مؤهلات الرهان كلها  ) ...
المهم تشريفك لينا يا استاذة يا عظيمة.
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: وفى ناس كدة حننونى عديل كدة (ما عشان صور البروفايل لاكين سمعت تحت تحت قالوا انتى سمحة! وعندك مؤهلات الرهان كلها ) ...
. |
إشاعات ...وكان كدي نان خراب البيوت ده جا من وين ؟
وعلى سيرة الإشاعات ..وكي نعود بالبوست لمساره الاصلي ...أها قصة القبض دي جدولا كدة وكدة ؟
ياخ الشرف لينا والله .
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: jini)
|
| Quote: وعلى سيرة الإشاعات ..وكي نعود بالبوست لمساره الاصلي ...أها قصة القبض دي جدولا كدة وكدة ؟ |
جدول المحكمة المعلن انو فى جلسات سماع فى قصة واحد كدى اتخيل لى اسمو "بمبا"! وحتكون الاسبوع الجاى كلو ... دا بيضمن للبشير انو المحكمة ما فاضية ليو الاسبوع الجاى كلو ....
السيناريوهات المتوقعة ... حدّثوا ولا حرج!
مثلاً الصادق المهدى عندو تركيبة (تأجيل من مجلس الأمن + دم للركب فى السودان!) ...
انا شخصياً بتوقع عدم توجيه تهمة الإبادة الجماعية (Genocide) ... اللى وردت فى عريضة الإدعاء ...
احتمال (جرائم الحرب) أو (الجرائم ضد الإنسانية) تتضمّن فى وثيقة الإتهام ..
بعدين بتوقع انو القضاة يعلّقوا على السابقتين القضائيات الممكن تأثر على سلطات المحكمة ووضعها القانونى من الدول غير الأعضاء وحصانات رؤساءا ....
حأمسك النقطتين ديل (عدم العضوية) و (الحصانة) بالراحة ... اثناء الخيط ... لاكين توقعاتى انو المحكمة ممكن تطلع لائحة اتهام وأمر قبض معلقين لحين توقيع السودان على اتفاقية نظام روما مثلاً ...
لآنو الحصانة دى بالذات ... لو الدولة ما اتنازلت عنها بالمصادقة على نظام روما، بتتحول لى موضوع سيادة وإعلان حرب ضد أى جهة بتحاول نزع السيادة قسراً ... بافترض انو دا موقف امريكا الممكن تعطل بيهو سابقة قضائية زى دى ...
والرئاسة الأمريكية عندها تجارب طويلة مع القضاء المستقل، والإمتيازات الرئاسية الممنوحة بموجب الحصانة ... ومعروف انو أمريكا دولة غير عضوة فى نظام المحكمة!
لو طلعت تهم .. حتطلع اقل من تهم أوكامبو، ولو ما طلعت معلقة بواسطة المحكمة .. غالباً يتم تعليقا بواسطة مجلس الأمن ... دا على المستوى العالمى ...
على المستوى المحلى فى السودان ....
حيكووون .....
...المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
تبارك .. هلا وحمد لله على سلامة العودة
قبل كم يوم فقدتك وسألتك منك فى بوست للاستاذة تماضر
وختمت سؤالي عنك بعبارة : الزول ده عندو رؤية عميقة للاشياء
الاستاذة ضحكت وسخرت من العبارة دى
انا لازلت عند رائي لعمق تفكيرك
واكتشفت المسالة دى من بوست ليك طرحت فيهو سؤال صعب يوم اعلان اوكامبو عن توجيه التهم
والغريبة سؤالك العميق داك ما لقى اجابتو لحدما البوست اتأرشف
رغم انك قلت حتسال نفس السؤال لعبد الواحد فى ندوتو اللى صادفت نشرك للبوست
وما عارف سالتو ولا لا ..؟
المهم
البوست ده دليل تانى على صدق رؤيتى لكتاباتك الجادة
و تحليلك الاخير ده موضوعى جدا
وممكن يكون مدخل لنقاش مفيد
بارجع ليك ... بس ان شاء الله البوست يواصل بنفس الوتيرة دى بدون شتائم وهزار واحلام وامانى
تحياتى
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: حمور زيادة)
|
اسمح لي بان اعدل السؤال الى
هل سيعلن عن امر القبض ومتى ؟
امر التوقيف سيصدر حتى ولو كان الاتهاب بجرائم حرب فقط
اذا لماذا تأخر
يجوز للمدعي العام للمحكمة الجنائية الدولية وبناءً على طلب
مسبب ان يطلب توقيف مشتبه فيه بارتكاب اي جريمة من الجرائم التي
تختص بها المحكمة مع طلب بعدم الاعلان عن صدور امر القبض او التوقيف
اذا كان اعلانه سيتسبب في استحالة تنفيذه ..
واعتقد في حالتنا دي بيكون في احتمال ان المدعي العام تقدم بمثل هذا الطلب
عشان كدا بقول متى سيعلن امر القبض ؟ ويمكن ما يعلن
الرئيس في مثل هذه الظروف لا يستطيع السفر الى اي دولة مصادقة على نظام المحكمة
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: حمور زيادة)
|
هلا حمور .. وكل عام ويوم ولحظة وانت بالف خير وعافية
| Quote: جداد الخلا يرحب بكم |
لا ياخى ... فى سودانيز الوضع مختلف
العطاء هو البيحدد نوع الجداد
وماشاء الله عطاءك وفير ومدادك اخضر وشاسع
وكدة نلت لقب جداد البيت بجدارة 
ونحن بى كسلنا بقينا جداد خلا
متابعك ياعزيزى
واحزنتنى ( ولاء لم تعد تضحك )
والله يديك العافية لتساهم فى انارة ظلمات المجتمع وتعالج أمراضه
مودتى وتقديري
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
تبارك
تحياتي
من غير المرجّح صدور أي قرار قضائي في التهم الموجّة للبشير قبل يوم 20 يناير موعد تسلّم الرئيس المنتخب الأمريكي أوباما مفاتيح البيت الأبيض وزمام السلطة, فالاجتياح الإجرامي الصهيوني على غزّة العزة وما لازمه من غضب إسلامي عربي شعبي عارم يحول دون صدور القرار قبل هذا التوقيت, فأميركا والصهاينة سيحسبون أي حساب لعدم تفاقم الوضع في المنطقة بأن يزيدوا نار الغضب الشعبي ضراماً حال اصدار مذكّرة التوقيف بأي تهمة كانت, وعدم صدور هذه المذكّرة قبل هذا التوقيت في حد ذاته مؤشّر قوي لتسيس هذه المحكمة وخدمتها لأجندات تحرّكها وتدلل بقوة على عدم حياديتها وبما أنّ المؤشّرات تشير لانتهاء العدوان الصهيوني بصورته الحالية قبل تاريخ العشرين من يناير الجاري, لأنّ إدارة بوش والصهاينة برغم إقرار أوباما مراراً بحماية أمن الدولة الصهيونية لا يدرون كيف سيتعامل مع أزمة المنطقة وسبل حلّها وهو ما عجّل بالدولة الصهيونية لهتك الهدنة وشن العدوان الغاشم في أواخر عهد مجرم الحرب بوش الملطخة يداه بالدماء الذي عرفته الدولة الصهيونية وخبرته وخبرها ولا يملك أي مؤهلات أخلاقية لكي يقول للعدوان والإبادة الجماعية في فلسطين ... لا,
أوباما قد يفعل وقد لا يفعل
تحياتي كمال
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
والله الشباب منوّر خالس ...
الحمّوراب ديل فى السودان بنعدهم جداد خلا ... ومعذبنا
... المهم (خاصة بى حمّور!) ...
ومننتظرين اضافة الطاهر ساتى وكمال الزين وهارون دياب ....
رغم انو كلام "فرانكلى" متطرف شوية ... لاكين إيراد مسألة المناخ العالمى بمافيه غزة وتنصيب "أوباما" كانت مسألة مهمة وحقو نعاين ليها بطريقة أقل تطرفاً .. بمعنى:
مافى أدلة مباشرة على تورط أمريكا أو الصهاينة فى "تسييس" المحكمة ... ولكن هنالك أثر كبير للوزن السياسى الأمريكى وإعلامه المنحاز لإسرائيل على مواقف المدعى العام فى المحكمة (وليس بالضرورة القضاة). و"أوكامبو" رغم ابدائه لدلالات تأثره بالموقف الأمريكى الرسمى من قضية دارفور .. إلاّ أنه يحتفظ باستقلاله عن أى التزام تجاه أمريكا حول سير القضية ....
أزمة "أوكامبو" تكمن فى تناقض اتهاماته مع تقارير الأمين العام التى يقدمها عن بعثة الأمم المتحدة فى دارفور UNAMID حول سير مجريات مهمة الأمم المتحدة هناك ... (وقرار مجلس الأمن يلزم الأمين العام بتقديم تقرير كل 90 يوم، وجاء التقرير فى 20 أو 21 من ديسمبر بعد أسبوعين من خطاب "أوكامبو" الذى ألقاه على مجلس الأمن فى أوائل ديسمبر من العام المنصرم) ...
يجدر الإشارة إلى أن من المستجدات على المناخ العالمى التغييرات فى عضوية مجلس الأمن نفسه فى هذه الدورة برئاسة "تركيا" والتى زارها الرئيس "البشير" بعد إعلان "أوكامبو" مباشرة ...
... التراحيب بكل المشاركات (خصوصاً خارج الموضوع من باب التسويف وهلم جرا ...)
... المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
تبارك، يا مهم،
إيتنينا ياخي إيتنينا...
| Quote: (خصوصاً خارج الموضوع من باب التسويف وهلم جرا ...) |
أتسوِّف على الغبائن الفاغرة يا هذا أم على أوكامبو و السبعة العجاف (من منكم إلا واردها)؟؟؟
ثم، هلم جرّا....
ما ممكن ياخ تناغم لي صاحبتك داليا حافظ تدلني على نسخة (ترتضيها) من فصول الروايةالكانت نشرتها هنا، مغرود ليها ضروري و الله و قبل أن تبدأ المساسكات الدولية فتلهينا عن رواية داليا و عن هربرت ماركوز.
قلت لي أوكامبو (يحتفظ باستقلاله عن أى التزام تجاه أمريكا حول سير القضية ....) !!!
المهم...
نشوف...!
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: هاشم الحسن)
|
أدروب يها ...
كاتيوا ..
| Quote: قلت لي أوكامبو (يحتفظ باستقلاله عن أى التزام تجاه أمريكا حول سير القضية ....) !!! |
أو كما يدّعى .....
هى حيواتنا كلها صارت تسويف فى تسويف (كان ما جغيمات الوضو البتجينا من كتابات داليا وآخرون)
انا قريت ليها نصين مختلفين فى البوست وما عندى علم بى رواية منشورة لاكين بسأل ليك الشباب بتاعين عين شمس ... عموماً هى ما صاحبتى صحبة شخصية كدة ... ياها بس عرفة البورد دى وكدة(ما تقول ليها الكلام دا) ...
.. وقالوا لى كنت شغال "المهم" تقيلة جداً فى غيابى ...
المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: هاشم الحسن)
|
Quote: ما ممكن ياخ تناغم لي صاحبتك داليا حافظ تدلني على نسخة (ترتضيها) من فصول الروايةالكانت نشرتها هنا، مغرود ليها ضروري و الله و قبل أن تبدأ المساسكات الدولية فتلهينا عن رواية داليا و عن هربرت ماركوز.
|
أستاذ هاشم
أزيك
شكرا لإهتمامك .. وما متخيلة محاولتي الخايبة دي تكون مغرودليها كدة ، عموما حأرسل الأجزاء النزلتها
هنا ..لأنو الباقي شغالة عليهو لسة .
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: داليا حافظ)
|
معذرة يا تبارك...
و شكراً أستاذة داليا،
أنتظر النسخة من الأجزاء التي تقولين عليها بحيث أتوقف بقراءتي حيث ينتهي المرسل من قبلك.
لم أكن أريد أن أقطع وألصق على كيفي و خاصة إنني قد أتخذها مفتاحاً لقراءة ضرورية أحاولها.
أها شفتي مغروود ليها كيف؟| Quote: وما متخيلة محاولتي الخايبة دي تكون مغرودليها كدة |
ثم إنها ما محاولة خايبة ... و لا حاجة... بل، قيل عنها جريئة،
و قد استمتعت شخصياً بمطالعتها في وقتها رغماً عن رهق المتابعة.
تقديري
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: هاشم الحسن)
|
هاشم ...
| Quote: فبالله يا أستاذة داليا حافظ، لو مررت من هنا ورأيت رأيك في كلام تبارك (سلباً طبعاً)، و في طلبي لنسخة ترضينها من محاولتك الروائية (كما أظنك اسميتيها)، وأرجو أن يكون إيجاباً، |
مالك ما بتحفظ السر كدة ... هسى "سلباً" دى كان فى ليها داعى؟ ... ثم تانياً .. القال ليك منو إنو "داليا حافظ" حاتمر من هنا؟ ...
داير تجيب لينا خراب البيوت ...
د. شول .. يا حبيبى ...
ليك كل الأشوانق والمودة ... وما تدردقنى عشان اجاوب على أىّ أسئلة ...
وكل السنين وانت طيب ....
المهم: حانرجع للموضوع، والخروج عن الموضوع، والتسويف ... لاحقاً
| |
|
|
|
|
|
|
|
|
 Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: د. شول .. يا حبيبى ... |
مالك يا تبارك داير تعمل لى مشكلة مع ناس البورد ياخ؟
هسع يجى واحد ناطى ويعمل بوست إسمو دكتوراة شول اوشوانق دينق ... ونكون فى ما قاصدين وكده
عموماً
المهم..
شول
____________________
د. شول مش زمان شباشب حريم
| |
|
|
|
|
|
|
|
|
 Re: هل سيصدر أمر القبض المنتظر؟ (Re: تبارك شيخ الدين جبريل)
|
المهم ياخ ... تحليلاتك الفوق ديل موضوعيات واقرب للواقعية و.... احبك زاتو
| Quote: انا سمعت اشاعة تحت تحت انو عندك دكتوراة فى الجغرافية ... (لكن انا كنت قاصد الشبشب) |
: ... ثمح يا زول
فى الجغرافيا عدييييييييل ... الله فى
شول اشوانق دينق
___________________
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
يا يوسف يا ولي
غزة ... قطاع غزة وليس الضفة الغربية
أين الضفة وأين قطاع غزة
بعدين البشير بعضمة لسانو قال عشرة ألف ماتو
والله قال من قتل نفسا بغير حق فكأنما قتل الناس جميعا
وأهلنا في كجبار من قتلهم غدرا بالرصاص ومن الخلف من أعلي
الجبل .. من قتل الناس ببورتسودان والعيلفون
البشير في زيارته للشمالية تفادي منطقة كجبار حتي
لايسمع ما لايطيق سماعه وبدلا من الإعتذار والترحم علي
شهدائنا طفق يقول الناس ما عايزة تنمية...
نعم لانريد تنمية علي جثث أبنائنا
فليذهب الي لاهاي ومعه كل القتلة المجرمين
أتمني أن يصدر الإعلان المنتظر مادام ليس هناك
عدالة في السودان..نحن الآن لنا عام كامل ننتظر
لجنة التحقيق في أحداث كجبار ولاجديد وتقول الحكومة
القضاء السوداني بخير أين هو هذا القضاء؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
أعلن أولمرت وقف إطلاق النار (انشالله ما يكون زى الهدنة الأعلنا قبل كدة!) ....
والمدينة تستعد لتنصيب "أوباما" (اللاتين اميريكان الساكنين معاى متشاكلين وحايجيبوا البوليس!) ...
يعنى المناخ العالمى قاعد يتغير (وفى برد كدة من النوع ابولستك) ...
ترى ... ماهى - غير تكهنات ابراهيم على ابراهيم المغرضة - التكهنات حول أمر القبض؟؟؟
المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: ثم إنها ما محاولة خايبة ... و لا حاجة... بل، قيل عنها جريئة،
و قد استمتعت شخصياً بمطالعتها في وقتها رغماً عن رهق المتابعة. |
شكراً يا هاشم ... فشّيتنى ...
البت دى يامتواضعة اكتر من اللازم، يا ما عرفةمقدراتا (المرّة دى برضو ما تكلما، ولو انو ما مفروض اثق فيك تانى) ...
.. المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: سيناريو آخر ...
أن يرفض القضاة دعاوى أوكامبو جملةً وتفصيلاً ... اعتماداً على عدم وقوع السودان ضمن اختصاص المحكمة ... |
اخ تبارك,
هذا السيناريو مستحيل اذ ان قضاة الدائرة الأولى ثبتوا ان السودان خاضع لولاية المحكمة في قرارهم اصدار مذكرة توقيف بحق هارون وكشيب.
تحياتي
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: (اللاتين اميريكان الساكنين معاى متشاكلين وحايجيبوا البوليس!) |
و هل أنت بخير يا هذا؟
| Quote: ترى ... ماهى - غير تكهنات ابراهيم على ابراهيم المغرضة - التكهنات حول أمر القبض؟؟؟ |
اسمها تحليلات يا تبارك... تحليلات ... يعني فيها مكابدة ودرس للواقع و ليس شغل كهانة كهنة من وحي الجن الذي في لاهاي!
لم تجب بعدك!
هل أتاك خبر لاهاي؟
كهانة أو تحليلاً أو كيفما اتفق؟
هل سيصدر أمر القبض المنتظر؟
أم سيلغى؟
أم سيؤجل؟
أم ... ماذا؟
قل، حتى نرى رأينا في الانتخابات!!!
في ولّه مافي؟؟؟
و هذا هو...
المهم
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: هاشم الحسن)
|
واصل ...
فعلاً المحكمة اصدرت امر قبض لى هارون وكشيب .... لاكين ما اتنفذ بسبب مسألة الولاية!
يعنى مسألة الولاية ما ثابتة .. وأىّ دولة من الدول الأعضاء تعتقل أحمد هارون أو على كشيب بتكون اتجاوزت السيادة السودانية .. ولو ما اعتقلتم بتكون اتجاوزت نظام روما ... عشان كدة ساركوزى داير يفاوض على القانون!
المحكمة الجنائية الدولية اتحولت لى حلّة بايتة يا رجل!
نحن عندنا هنا فى الحلة هندية حمرا بتقرا الكف ... قالت أمر قبض دا تب مافى (رغم انى نا كنت داير اجاوب على هاشم)
وفى انتخابات يا هاشم ... حضّر الحملة الإنتخابية بتاعة صاحبك امكن تطلع ليك بى حقيبة وزارية ولاّ قطعة ارض! (انا غايتو داير السفارة السودانية فى جوبا)
.. المهم ....
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: فعلاً المحكمة اصدرت امر قبض لى هارون وكشيب .... لاكين ما اتنفذ بسبب مسألة الولاية! |
لا بالعكس لم ينفذ ان المتهمين تخندقوا داخل السودان وليس لها اي علاقة بمسألة الولاية.
المرة الوحيدة التي حاول فيها هارون الخروج للحج كانت هناك اربعة دول مشتركة في خطة للقبض عليه لولا انه تراجع عن السفر في اللحظة الأخيرة
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: Wasil Ali)
|
Quote: بالعكس لم ينفذ ان المتهمين تخندقوا داخل السودان وليس لها اي علاقة بمسألة الولاية.
المرة الوحيدة التي حاول فيها هارون الخروج للحج كانت هناك اربعة دول مشتركة في خطة للقبض عليه لولا انه تراجع عن السفر في اللحظة الأخيرة |
شلت هذا الكوت للتعليق عليه باضافة عبارة (لاختطافه) بدلا من القبض عليه..
ولكني لقيتك تفتيحة لامن فضيحة يا تبارك بن شيخ الدين ...
وبعدين يا واصل...
ما الداعي في رأيك ان تشترك أربعة دول للقبض علي شخص صادر في حقه امر قبض
واجب النفاذ من اي من الدول الأعضاء؟
وهل أمر القبض هذا يتم تنفيذا لولاية المحكمة الجنائية الدولية علي
الجهة منفذة الامر..؟
ام أمرا خاضعا لاختصاص واجراءات القضاء الوطني في الدولة التي تنفذ الامر؟
؟عايز فتوي بالجد من السيد أوكامبو؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: nazar hussien)
|
وبعدين يا واصل...
ما الداعي في رأيك ان تشترك أربعة دول للقبض علي شخص صادر في حقه امر قبض
واجب النفاذ من اي من الدول الأعضاء؟
وهل أمر القبض هذا يتم تنفيذا لولاية المحكمة الجنائية الدولية علي
الجهة منفذة الامر..؟
ام أمرا خاضعا لاختصاص واجراءات القضاء الوطني في الدولة التي تنفذ الامر؟
؟عايز فتوي بالجد من السيد أوكامبو؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: وبعدين يا واصل...
ما الداعي في رأيك ان تشترك أربعة دول للقبض علي شخص صادر في حقه امر قبض
واجب النفاذ من اي من الدول الأعضاء؟
وهل أمر القبض هذا يتم تنفيذا لولاية المحكمة الجنائية الدولية علي
الجهة منفذة الامر..؟
ام أمرا خاضعا لاختصاص واجراءات القضاء الوطني في الدولة التي تنفذ الامر؟
؟عايز فتوي بالجد من السيد أوكامبو؟ |
الداعي ان كل دولة لها دور محدد في اطار العملية حسب امكاناتها وحسب الخطة الموضوعة
امر القبض يتم تنفيذه بموجب ان هناك قرار لمجلس الأمن يحث الدول على التعاون مع المحكمة في موضوع دارفور وايضا هناك نشرة حمراء في الإنتربول للقبض عليهم.
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: Wasil Ali)
|
Quote: الداعي ان كل دولة لها دور محدد في اطار العملية حسب امكاناتها وحسب الخطة الموضوعة
امر القبض يتم تنفيذه بموجب ان هناك قرار لمجلس الأمن يحث الدول على التعاون مع المحكمة في موضوع دارفور وايضا هناك نشرة حمراء في الإنتربول للقبض عليهم.
|
الداعي ان كل دولة لها دور محدد في اطار العملية حسب امكاناتها وحسب الخطة الموضوعة
نفهم من ذلك ان ثمة كاتلوجا سيتم توزيعه مع أمر القبض لكل دولة
لتعرف دورها في عملية أمر القبض القيصرية هذي؟
امر القبض يتم تنفيذه بموجب ان هناك قرار لمجلس الأمن يحث
الدول على التعاون مع المحكمة في موضوع دارفور وايضا هناك
نشرة حمراء في الإنتربول للقبض عليهم.
وكان الدول المحثوثة دي ما تعاونت مع المحكمة
هل يجرؤ انتربولها علي تنفيذ القرار؟
وهل انتربولها وحدة منفصلة عنها؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
السيد تبارك شيخ الدين ... المهم
تحيه طيبه وعبرك لجميع المتداخلين .
بإعمال نظريه المؤامره ( منتهيه الصلاحيه ) فإن هذا البوست يمكن إدراجه فى خانه ( البروبغاندا ) التي تسعى لتكريس نظريه الإفلات من العقاب .. المهم .
والأهم هو ان المحكمه تملك ولايه فى نظر الدعوى وهي ولايه تستمدها من الإحاله التي تمت من مجلس الأمن وهو أمر ثابت لا يقبل الجدل .
بذلك يا عزيزي المهم تجد ان عدم العضويه والحصانه التي يتدثر بها النظام ومن سار سيره لا تعدو ان تكون ( فرفره) ساااي .
*** لو قلت لي مجلس الأمن ذاتو بيتعامل بإزدواجه لقت نعم انه كذلك وما حق النقض الذي تتمتع به خمسه دول فقط من خمسه عشر هم أعضاءه الا تجسيدا لتلك الإزدواجيه .
المهم
كل الخراب والدمار الذي رايناه جميعا ( وتآذينا) منه خلال الاسبوعين الماضيين فى غزه والذي احدثته آله الصلف الإسرائيليه قد خلف حتى كتابتي لهذه المداخله 1312 شهيدا و 5340 جريحا , فما بالك بمن يقر بأن من قتلوا في دارفور 10,000 ( عشره آلاف فقط ) .
كل العالم أدان ما تقوم به اسرائيل وهناك أصوات خافته كنا نسمعها تتحدث باستحياء عن عدم ولايه المحكمه الجنائيه الدوليه على السودان هي الأن تطالب تلك المحكمه بالنظر في الجرائم التي ارتكبتها إسرائيل .
ولا أعتقد ان الدول العربيه تملك قوه الدفع الكافيه لتحال قضيه غزه من مجلس الأمن لذا علي اي من تلك الدول التوجه مباشره بطلب للمحكمه ( هذا إن كان النظام العربي يرى في مجازر غزه جرائم ).
المهم
السؤال الذي لا إجابه عليه أو لا رغبه في الإجابه عليه هو هل يملك السيد البشير حق إخضاع من رفض سلطانه بالقوه والبطش كما حاول في دارفور ???
المهم
السياده دي حأرجع ليك عشانها
الناس البينادوا بالمواجهه اتقوا الله في الغلابه والمستضعفين وما تعيدوا تجريب ما قام به صدام حسين ورهطه .
البلد دي ما بتتحمل جزء يسير مما حدث فى العراق ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
| Quote: بذلك يا عزيزي المهم تجد ان عدم العضويه والحصانه التي يتدثر بها النظام ومن سار سيره لا تعدو ان تكون ( فرفره) ساااي . |
والله يا مجدى اتشرفنا ... النظام البتدثر دا فى القصر فى شارع القصر فى الخرطوم ... انا بتدثر بى آرائى فقط ...
رايى داعم لى موقف النظام فى مسألة السيادة (الحصانة) والعضوية ... ولو النظام غيّر موقفو .. انا احتمال ما أغير موقفى ...
وانا ما بخجل من الدعاية للسلام ... لو انت شايف انو كلامى دا "بروبغاندا" .. ولا بخجل من الدعاية لإعمال الفكر ... ولا بخجل من الدعاية للحلم بى دولة ديموقراطية مؤسسية حديثة فى سلام وازدهار وعدالة ....
انت لو عندك درب تانى لحماية مكتسبات الشعب .. والوصول لى أمانى وطموحات الشعب ... اعمل ليو "البروبغاندا" حقتك براك ... وتتفق أو تختلف مع "فرفرة" النظام ... ما يخصنى ...
والمحكمة فى السودان ولاية على مجدى محمد المصطفى ما عندها ... والقصة دى ما خاضعة لى غلات ... خاضعة لى حق مشروع بالإعتراف بالسيادة ... أو حق مشروع بالدفاع عن السيادة ... والحقوق المشروعة دى مصدرا نحن ... ما مجلس الأمن ....
وطوبى لمن طعموا خبزه فى الزمان الحسن ...
وأداروا له الظهر يوم المحن ...
.. المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
الأخ تبارك
تحيه طيبه
| Quote: والله يا مجدى اتشرفنا |
الشرف لينا كمان
| Quote: ولا بخجل من الدعاية للحلم بى دولة ديموقراطية مؤسسية حديثة فى سلام وازدهار وعدالة .... |
ما تدعو له شيئ نبيل لك أن تفتخر به ولكن ... دوله الديموقراطيه والإزدهار لا يمكن أن تكون في غياب العداله أو في ظل محاولات الإفلات من العقاب التي يدعو لها البعض .
| Quote: والمحكمة فى السودان ولاية على مجدى محمد المصطفى ما عندها ... والقصة دى ما خاضعة لى غلات ... خاضعة لى حق مشروع بالإعتراف بالسيادة ... أو حق مشروع بالدفاع عن السيادة ... والحقوق المشروعة دى مصدرا نحن ... ما مجلس الأمن .... |
القانون لا يخضع لأهوائنا أو هكذا يفترض أن يكون ولقد نص القانون الأساسي لنظام روما ان ولايه المحكمه تكون على الدول التي صادقت عليها أو على الدول التي تطلب إخضاعها لولايه المحكمه أو إذا أحال مجلس الأمن القضيه الى المحكمه .
وهذه الفقره الأخيره هي التى تؤسس ولايه المحكمه لنظر قضيه دارفور ( السودانيه ) وليس أي قضيه أخرى فى السودان .
المهم
أرجع ليك لموضوع السياده .... زي ما انت عارف ان كل الشخصيات الطبيعيه من رؤساء ووزراء ومسئولين والشخصيات الإعتباريه من دول ومؤسسات ومنظمات تخضع للقانون .
وقد جرم القانون السودانى قتل النفس وأفرد لذلك أبواب كامله وبذلك ايضا ذهبت كل المعاهدات والإتفاقات الدوليه .
مما تقدم فإن سياده كل شخص ليست مطلقه بل مقيده بالقانون , وقد إرتكب النظام جرائم خطيره في دارفور وردت حتى في تقرير مولانا دفع الله والذي يسمى بتقرير لجنه التحقيق الوطنيه أن هناك جرائم ارتكبت بصوره ممنهجه ، فهل يستطيع أحد ان يدفع بالحصانه أو بالسياده ?
قانونا لا
وهنا يبرز سؤال مهم هل القضاء الوطني عاجز عن القيام بدوره?
للأسف نعم
ثم هناك جانب اخر مهم .... الضحايا أو أولياءهم أين هم من سيادة السودان ومن حصانه السيد الرئيس ?.
في تقديري يا عزيزي أن رفض ولايه المحكمه الجنائيه الدوليه أو رفض مثول الرئيس أمامها يجب أن يصحب ذلك الرفض بديل كالمناداة بمحاكمته في السودان .
أما الرفض دون طرح أفكار بديله أو رفض المحاكمه من أساسه سواء في الداخل أو في الخارج تضع صاحبها في خانه الموالاة .
والموالاة ستفتح بالتأكيد مع المعارضين جدل سياسي قد لا تحمد عقباه
أما هل يملك مجلس الأمن حق إحاله القضيه الى المحكمه أو هل يخضع السودان لسلطه مجلس الأمن فسأعود لذلك كان ربك مد فى العمر
المهم
فتك بعافيه
ـــــــــــــــــ
قال رسول الله (ص) إنما هلك الذين من قبلكم أنهم كانوا اذا سرق فيهم القوي تركوه وإذا سرق فيهم الضعيف أقاموا عليه الحد ، وقال والله لوسرقت فاطمه بنت محمد لقطع محمد يدها .
أو كما قال
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
| Quote: مما تقدم فإن سياده كل شخص |
سيادة الأشخاص القانونية دى جديدة ... انا بعرف السيادة الإجتماعية والطائفية - مثال "سيادة الإمام الصادق المهدى" - السيادة فى القانون بتكون للدول ما للأفراد ... الأفراد بكون عندهم "حصانة"
حصانة Immunity_(legal)
سيادة Sovereignty
نحن لمن قلنا إنو إقامة الحد بتهلك الأمم ... قصدنا المقارنة بين القوى (إسرائيل) والضعيف (السودان) أمام عدالة الهلاك (المحكمة ومجلس الأمن) ...
الواقع بيفرض علينا اننا نتعامل مع المؤسسات الملتوية دى ... لاكين ما معناها نتنازل عن حقوق لا يستطيع الغير أخذها قانوناً ... (يجرّبوا أخذها عنوة وبعد داك البلد عندها فارس اسمو مجدى محمد مصطفى يدافع عنو) ....
القانون لغتو ضبابية وملتوية وبيحاولوا يفهموك انهم عندهم حق فى سيادة بلدك (والقوانين مكتوبة بطريقة تكاد تحتمل هذا التفسير) .... ما تتغشّى ... وابقى ألف ...
تشكر يا ناصر الخطيب على الشعور الطيب ...
نحن دايرين نقول لى سقطنا وللعالم انو البزوغ من العدالة السودانية الليلة ما بزوغ بكرة .. (بعد بكرة دا خليناه للعدالة الإلهية) .. الأولويات تقتضى إحلال السلام - باستخدام الحل السياسى - وبناء دولة مؤسسات حديثة وديموقراطية لضمان العدالة وسيادة القانون ..
والمهم ..
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
تتبارك انت يا تبارك..
اضافة لما ذكرت يا تبارك...فان العدالة الدولية الجنائية نفسها لم تستوي وتنضج وتتحلل من
التزاماتها السياسة.. حتي تصبح عدالة فاعلة يمكن للاشخاص اللجوء اليها...
وأكبر دليل علي ما اقول..أولا: ان الجرائم التي ترتكب في بيت من بيوت الامم المتحدة نفسها
وفي حضور الفاها الأكبر...ستمر من دون مساءلة..مع ان هذه الجرائم تقع ضمن اختصاص
هذه العدالة الدولية..ومن له صلاحية احالتها هو نفس المجلس الذي شهد رئيسه علي ارتكاب
هذه الجرائم...وهو نفس المجلس الذي اصدر قرارا بالزام سيدتنا اسرائيل بوقف الحرب.
ثانيا: تطبيق العدالة علي البعض وترك الاخرين طلقيت بحجة انهم يملكون الفيتو
لارتكاب ما يشاءون من جرائم كذلك فيه تغييب متعمد لدور هذه العدالة..
فهي في نظري لا زالت تعتمد علي حكم القوي علي الضعيف وهو قانون الغاب
نفسه ...الذي من المفترض ان تكون هذه المنظمات الدولية قد نشأت لمحاربته..
هذه المبررات قطعا لا تبرر ارتكاب الجريمة ولا تدعو الي الافلات من العقوبة
لكل من ارتكب جريمة في حق الانسانية...ولكن لا تبرر لمن يصوروا انفسهم علي
انهم عدالة الانسانية في الارض ان يتدخلوا لمحاكمة بعض ممن يستطيعون محاكمتهم
بميزان القوة...لا بميزان العدالة...
ثالثا: من المباديء والغايات الاساسية التي قامت علي اساسها هذه العدالة هو تحقيق
الامن والسلم والرفاء في هذا العالم...مكملة للولايات القضائية الجنائية الوطنية
وليست بديلا عنها...ولذلك نظمت العلاقة بين هذه العدالة والامم المتحدة بموجب
اتفاق ...يوقع عليه من يريد ان يصبح طرفا فيها...ولم يصار الي اجبار الدول
الاعضاء في الامم المتحدة علي توقيع احكام نظامها الاساسي...ويعني ذلك
ان من يريد تحقيق الامن والسلم والرفاء العالمي عليه ان يوقع والا فعليه
ان يتمسك بمنظور امنه وسلمه ورفائه...
رابعا: اذن ماذا اذا كان تطبيق العدالة وفقا لمفهوم سيصبح اكثر تهديدا
للأمن والسلم والرفاء...ان كانوا فعلا معنيين بالغايات والمقاصد التي
توخوها من تدبير مثل هذه المحاكم...(وبالامس القريب قد هدد وكيل الامين
العام للامم المتحدة بانه سيقوم جاري فور صدور اي قرار من المحكمة؟)
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
السيد تبارك
تحياتي
ما قصدته بسياده كل شخص أعني به الشخص الإعتباري والتي هي الدول في نقاشنا الحالي ، ولا أعتقد أن ذلك قد فات على حصافه تبارك .
المهم
الدول تمارس سيادتها في إطار القانون هذا ما أردت أن أثبته في هذا الحوار .
| Quote: نحن لمن قلنا إنو إقامة الحد بتهلك الأمم ... قصدنا المقارنة بين القوى (إسرائيل) والضعيف (السودان) أمام عدالة الهلاك (المحكمة ومجلس الأمن) ... |
هذه مقارنه أو مقاربه فاسده وهو حديث سياسي ليس له علاقه بالجدل القانوني حول ولايه المحكمه لنظر قضيه دارفور بناء على الإحاله التي تمت من مجلس الأمن .
كما ان زج إسرائيل في مقاربتك اعلاه يدلل على أجندتك السياسيه وباقي نسمع منك أن البشير يمتلك حق قانوني أو إلاهي بقتل اؤلائل ال 10,000 آلاف شخص .
واسمح لي أن أسألك بصوره مباشره هل تعتقد أن هناك ثمة جرائم حدثت في دارفور ولابد ان يسأل أحدهم بسببها أم ان السيد البشير له حق مشروع بقتل كل من رفض سلطانه وقهره ?
حتى نتبين الأرضيه التي تقف عليه في منافحتك ورفضك للمحكمه الدوليه .
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
Quote: هذه مقارنه أو مقاربه فاسده وهو حديث سياسي ليس له علاقه بالجدل القانوني حول ولايه المحكمه لنظر قضيه دارفور بناء على الإحاله التي تمت من مجلس الأمن .
كما ان زج إسرائيل في مقاربتك اعلاه يدلل على أجندتك السياسيه وباقي نسمع منك أن البشير يمتلك حق قانوني أو إلاهي بقتل اؤلائل ال 10,000 آلاف شخص .
واسمح لي أن أسألك بصوره مباشره هل تعتقد أن هناك ثمة جرائم حدثت في دارفور ولابد ان يسأل أحدهم بسببها أم ان السيد البشير له حق مشروع بقتل كل من رفض سلطانه وقهره ?
حتى نتبين الأرضيه التي تقف عليه في منافحتك ورفضك للمحكمه الدوليه .
|
الاحالة نفسها لم تكن صحيحة يا صديق ولم يكن القصد منها الا تطبيق سياسة
الغاب وليس العدالة...وتكريس حكم القوي علي الضعيف...فمجلس الامن يجلس
في كراسي اكتر دولة ارتكبت جرائم ضد الانسانية...ولا احتاج ان ادلل لك
في هذا المقال...او احصيها لك لأنها لا تحصي ولا تعد..
الاجندة السياسية موجودة في اضابير المحكمة الجنائية وهم يقلبوها
ويعملوها كيفما بدي لهم...ولهم اسانيدهم في ذلك..
هنالك جرائم حدثت في دارفور والشرق والجنوب...ويجب ان يسأل عنها
ضمن الاختصاص الوطني للدولة...
أما لو سألتني ما الداعي من التركيز علي محاكمة البشير دون غيره
دوليا...وعدم التحرك بنفس القدر علي المطالبة بتسليم علي كوشيب
ورفيقه...فذلك ايضا لأمر سياسي...
ولكن ازالة الحاكم وازاحته بامر الجنائية لن يبقي حلا .أمنا او سلما
للسودان كله...الا ان تعين المحكمة غفراء من عندها لحراسة السلم والامن
الوطني لي ولك ولسائر عموم المساكين...
ان لم تستطع محكمة الجناة في تقديرك الأن لضعف في القضاء..او لتحيز
فيه او لعدم وجوده اصلا...لماذا لا تسعي انت وأنا لاحقاق الحق وحراسته
بدلا من ان يتولي الغير بالوكالة لتحقيقه وحراسته...وهل سيحرسه اصلا؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
الاخ نزار
تحياتي
في إعتقادى ان الشكوك حول المحكمه الجنائيه الدوليه وأنها أداه لدول التكبر فيه الكثير من المبالغه .
وهو حديث لا يعدو أن يكون جزء من نظريه المؤامره التي روجها النظام العربي خلال العقود المنصرمه ليبرر بطشه وقهره لشعوبنا.
وها هي الحقيقه التي لا تقبل أي جدل ان المتآمر والمتواطئ لتدمير هذه الشعوب هي أنظمتها ذاتها.
جرائم إسرائيل يتحمل مسؤليتها النظام العربي تماما مثلها.
ولتتأكد من أن هذه الأنظمه متآمره وشريكه فى كل جرائم اسرائيل لماذا لم تطلب جامعه الدول العربيه من المحكمه الدوليه النظر في جرائم غزه ?.
وليتهم يفعلون حتى تتبين إزدواجيه المحكمه التي يدعيها تبارك .
كما إسمح لي ان أسألك بصوره مباشره ايضا هل ترى فى ما حدث ويحدث في دارفور جريمه ومن المسئول حسب إعتقادك .
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: nazar hussien)
|
Quote: في إعتقادى ان الشكوك حول المحكمه الجنائيه الدوليه وأنها أداه لدول التكبر فيه الكثير من المبالغه .
وهو حديث لا يعدو أن يكون جزء من نظريه المؤامره التي روجها النظام العربي خلال العقود المنصرمه ليبرر بطشه وقهره لشعوبنا.
وها هي الحقيقه التي لا تقبل أي جدل ان المتآمر والمتواطئ لتدمير هذه الشعوب هي أنظمتها ذاتها.
جرائم إسرائيل يتحمل مسؤليتها النظام العربي تماما مثلها.
ولتتأكد من أن هذه الأنظمه متآمره وشريكه فى كل جرائم اسرائيل لماذا لم تطلب جامعه الدول العربيه من المحكمه الدوليه النظر في جرائم غزه ?.
وليتهم يفعلون حتى تتبين إزدواجيه المحكمه التي يدعيها تبارك .
|
الا الشك في تحقيق العدالة...فهذا لا يقبل مبدأ النسبية...قليلا كان ام مبالغا فيه..
لا علاقة لنظرية المؤامرة هنا بالمسألة...فهناك جرائم عديدة ارتكبت وتم السكوت عنها
وحتي النظام العربي ان بدأ انه متورط في جرائم اسرائيل...فلما لا يسأل..ولما لا يبدأ
تحقيق من اصله لمعرفة ان كانت هذه الجرائم..اسرائيلية...امريكية...عربية...ام مختلطة
واي كانت النتيجة ففي النهاية ستكون هنالك محاكمة...خلاف ذلك...فالشك كله في هذا
الخيار والفقوس...
صدقني سيعجز المدعي العام وستعجز المحكمة من التحقيق في القضايا التي ارتكبت ضد الامم المتحدة
الطرف الاصيل لهذه المحكمة..ومان بان كي مون فيه خير...كان يودي الصورة الالتقطها
لمبني الانوروا (والنار ولعت بي ايدي بطفيها)
مسألة دارفور مع عدالة قضيتها داخليا لا تعدو ان تكون برمتها سياسية
ولن تحل عبر المحاكم الدولية ولا التهديد بها...طال الزمن او قصر...
وببساطة شديدة...ستقوم حرب ولن تنطفي للخمسين سنة القادمة...وستغطي
علي قضية دارفور نفسها ونصبح في قضية ما بعد دارفور ان حاول المجتمع
الدولي فرض اراداته بالقوة عبر المحكمة او خلافه
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: nazar hussien)
|
معاهدة جنيفا تعطى البشير الحق فى اعتبار الـ 10,000 مسلح أهداف عسكرية ... وبالتالى قتلهم ....
(صدّق طلع عنو حق قانونى ... إلاهى دى ما اقدر افتى ليك فيها ... ممكن تسأل شيخ نقد!)
المشكلة ما فى الـ 10,000 الماتوا فى الحرب، المشكلة فى مئات الآلاف النزحوا واتشردوا وماتوا بالجوع والمرض (وأحياناً الذخيرة) بدون ما يكونوا طرف فى الحرب دى ...
انت لو بتفتكر انو فى حرب ممكن تقوم بدون ضحايا أبرياء وبدون جرائم حرب فأنت إمّا مدمن افلام أمريكية أو تستحق الجنسية الإسرائيلية بلا منازع ....
وما ممكن تقول لى انو فشل حلفاءك فى الميدان ممكن يكون تبرير كافى لإستخدام سلاح القانون الدولى ومجلس الأمن والمحكمة الجنائية الدولية ... لأنو دا حيكون استخدام متأخر جداً ...
ولو تابعت تاريخ نشوء المحكمة حا تعرف انها قامت لتعالج الخطأ المشكل بيهو مجلس الأمن وميثاق الأمم (زى ما قال كوفى أنان "آن أوان مراجعة هذا الميثاق") ولعبة حق النقض القديمة ولعبة الفصل السابع البتغوّل على السيادة ولعبة الحصانة السياسية دى كلها لعبات ما ملعوبة فى المحكمة الجنائية الدولية ..
الخطأ الأول بتاع النظر فى قضايا هارون وكشيب وإصدار أمر قبض بدون ولاية للمحكمة، لازال جاثم على صدور الدول الأعضاء (وعمك ساركوزى بيحاول يضايرو .. وحكومة السودان عملت اجراءات قضائية متعثرة لحفظ ماء وجه المحكمة) فما من المنطقى انها تدخل فى خطأ أكبر ...
وحلفاءك ديل ما شرط يعلنوا الهزيمة ... اليشاركوا لينا فى الحل السياسى مشاركة جادة شوية .. وفى المفاوضات يقولوا دايرين شنو .. العندو مشكلة قانونية يمشى بيها لى أقرب نقطة فى الفاشر ... لو ما الليلة بكرة ... لاهاى شنو وكلام فارغ شنو؟
المهم
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
| Quote: انت لو بتفتكر انو فى حرب ممكن تقوم بدون ضحايا أبرياء وبدون جرائم حرب فأنت إمّا مدمن افلام أمريكية أو تستحق الجنسية الإسرائيلية بلا منازع .... |
اسرائيل ذات نفسها و هي رمز الشر المطلق في الذهنية العربية بتفتح تحقيقات في جرائم الحرب
المفترضة و بتقدم اشخاص لتحمل مسؤولية الجرائم دي..لكن جرائم الحرب البتحدث عنها العالم
كلو و ما في زول لغاية هسة دخل بسببها السجن و للا اتغرم سااي ..يطرشنا ما سمعنا بيها
قبل ده.
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: سيف النصر محي الدين محمد أحمد)
|
Quote: اسرائيل ذات نفسها و هي رمز الشر المطلق في الذهنية العربية بتفتح تحقيقات في جرائم الحرب
المفترضة و بتقدم اشخاص لتحمل مسؤولية الجرائم دي..لكن جرائم الحرب البتحدث عنها العالم
كلو و ما في زول لغاية هسة دخل بسببها السجن و للا اتغرم سااي ..يطرشنا ما سمعنا بيها
قبل ده. |
عاملة تحقيقين ... واحد إرضاءً لى بان كى مون عن قصف بالخطا لأحدى مدارس الأونروا (لأنو قالوا ليهم استخدمتوا قنابل فسفورية) .. والتانى عن فرقة استخدمت قنابل فسفورية - عن طريق الخطأ - وراح ضحيتها ضابطين إسرائيليين ... دى جرائم الحرب البتحقق فيها اسرائيل .. لأنو بالنسبة ليهم جريمة حرب إنو يقصفوا مدرسة الأمم المتحدة بالخطأ (وباقى المدارس والمساجد والمنشآت والبيوت ما معدودة) ... بالنسبة ليهم جريمة حرب إنو ضابطين يموتوا (ولا حتى بعترفوا بالكتلم) ...بالمناسبة أول مرة اسمع زول يعوّل على تحقيقات اسرائيل .... الحاجة الوحيدة البنسمعا من اسرائيل انها بتضرب حماس بقوة ودقة وتعمل لحماية المدنيين فى غزة ..
الحرب البحاكموها فى نص الحرب دى يطرشنا ما سمعنا بيها (اللهم إلا تكون المحاكمة جزو من الحرب ظاطا)
.. المهم ....
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: سيف النصر محي الدين محمد أحمد)
|
| Quote: قصدك الجرائم البتحصل اثناء الحرب البحاكموها في نص الحرب..الخ. |
آآى قصدى الجرائم البتحصل اثناء الحرب البحاكموها اثناء الجرائم البتحصل اثناء الحرب اثناء المحاكمة ...
ما تبقى لى زى صاحبك مجدى ... أثناء الحرب مافى محاكمات (برضو جزء من جينيفا!)
.. المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
من اولي القرارات التي اصدرها اوباما (تعليق محاكمات قوانتانمو)
تمهيدا لقفل باب السجن وترحيل السجناء...وفي واحدين منهم حلفوا
وجزموا ما يقبلوا تعليق المحاكمات...
اها ديل وضعهم شنو من قانون الدولي و محكمة اوكامبو؟
اسري حرب؟ مختطفين؟ كانوا محجوزين قسرا؟ مجرمين دوليين؟
ارهابيين؟ محكومين؟
يا اخوانا الدنيا دي لاهسي جايطة ساكت...
بلا محكمة جنايات دولية بلا كلام فارغ..
الغريبة واصل ديل ما شفتو جاب سيرتهم ابدا
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: آآى قصدى الجرائم البتحصل اثناء الحرب البحاكموها اثناء الجرائم البتحصل اثناء الحرب اثناء المحاكمة ...
ما تبقى لى زى صاحبك مجدى ... أثناء الحرب مافى محاكمات (برضو جزء من جينيفا!) |
مافي محاكمه أثناء المجازر ولا مافي مجازر ولا مافى إختصاص قضائي ولا الحاصل شنو بالضبط .
خليك واضح يا جميل
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
| Quote: مافي محاكمه أثناء المجازر ولا مافي مجازر ولا مافى إختصاص قضائي ولا الحاصل شنو بالضبط . |
ما فى زول بسألوهو أثناء ما بيبيد فى خلق الله الماعندهم قيمة ... بسألوهو بعد يغسل أياديه الطاهرة الشريفة من دم الحشرات الأبرياء الذين لا يستحقون الحياة .... (بالمناسبة إسرائيل رجعت الليلة 22/1/2009 تضرب غزة بعد وقف إطلاق النار)
يا اخوى ما تعمل ما فاهم ... فى فرق بين الكيزان وبين تصورك الشخصى ليهم ... ودى ما مشكلتى!
ما ممكن زول يضيّع البلد عشان المواطنين أو يضيع المواطنين عشان البلد ... المسألة توازن بين مصالح الأفراد ومصالح المجموعة ....
(والدكتورة قالت: اضطريت أضحى بالأم والجنين عشان نجاح العملية!)
.. المهم ....
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: ما ممكن زول يضيّع البلد عشان المواطنين أو يضيع المواطنين عشان البلد ... المسألة توازن بين مصالح الأفراد ومصالح المجموعة ....
|
وهنا بيت القصيد والحكاية والحكمة كلها يا تبارك...
عايزين صدور أمر فبض علي الرئيس ...لكونه قتل او شارك في ابادة جماعية
لاقليم دارفور بأكمله خلينا نختها كدة عديل...يكون اباد زي خمسة مليون
وهم يعلمون علم اليقين ان تنفيذ الامر ربما يبيد الشعب الفضل بطريقة
مباشرة او غير مباشرة...برشاشات او بحصار وتجويع!!!!
الا يكونوا هم ناس المحكمة زاتهم متهمين بتهمة الابادة الجماعية..
هو البشير كان قبضوه شايل كلاش وببيد يعني...ما كلها نوع..
كان يعلم علم اليقين بأن كذا وكذا حا يحصل...
طيب كذا وكذاهم حا تحصل وبيناتها قد بانت بكل وضوح...
وانا اول من يتهم المحكمة نفسها بتهمة الابادة الجماعية لما تبقي من أهلي
في حال صدور امرها...هذا بكل بساطة لكوني أعرف طبيعة الشخصية السودانية
أكثر من المحكمة...وأعرف مكنوناتها حينما يأتي الامر في صيغة حقارة وتصغير
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: وليد محمد المبارك)
|
يا وليد...خليهم يمدوها ان شاء الله لا حول الليلة...
وأنا شخصيا لدي قناعة بأن هذا الامر سيصدر يوما ما...لا تحقيقا لعدالة...ولا جبرا
لضرر ضحايا....ولا لخوف من ارتكاب مزيد من الجرائم...بل لامور سياسية وشخصية
احيانا وكلها اضيق من ان تحقق عدالة او تضمن أمنا لامة قوامها الآن اكثر من
اربعين مليون
...ولكن تنفيذه...سيعجز كل هذه الامم المتحدة
وحا تشوف
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: وليد محمد المبارك)
|
Quote: نزار اها ارجا الراجيك
حا يكوزنوك ويجككوك ويمرنوك تمارين لياقة |
كوزنوني ناس دينق وسيف مساعد وتراجي من زماااااااااان
وقلت ليهم...اتحداكم تثبتوا صلتي أو صلة اي من ابواتي
واخوالي واعمامي...وامهاتي...وحبوباتي...وجدودي..وجدود
جدودي... بالكيزان او بالحكومة الحالية او السبقة
ولكم ان تثبتوا عبر زملائي الموجودين في المنبر.. فلدي العديد ممن درس معي
في فصل واحد او عبر
البورداب المتواجد بينهم...الآن اي صلة لي او اي ممن ذكرت
بالكيزان...او الجبهة او المؤتمر الوطني
او الشعبي وقلت لهم ان كل الوسائل مشروعة لهم في سبيل
وصولهم لهذا الاثبات...حتي يمكنهم استخدام الفسفور الابيض
بس بعدين ما يجقلبوا؟
والي الآن هذا التحدي قائم واعيده هنا لمزيد من التحدي...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: ما ممكن زول يضيّع البلد عشان المواطنين أو يضيع المواطنين عشان البلد ... المسألة توازن بين مصالح الأفراد ومصالح المجموعة . |
هي دي بالضبط حانا كسودانيين ، نجيد الطعن في ظل الفيل .
الحقوق علمنا التاريخ أنها تنتزع فقط .
من حق كل سوداني أن يعيش داخل وطنه محفوظ الكرامه والحقوق , يتمتع بفرصه متساويه مع شركاءه المواطنين .
وعلى النظام أن يضمن تحقيق ذلك ، وكل نظام يعجز عن تحقيق ذلك , دعك من نظام يخل بذلك فهو لا نظام .
واللانظام هو ما تسبب فى تعريض الوطن وإنسانه لخطر الضياع بصوره غير مسبوقه فى تاريخ البلد .
الوطن لم يتعرض للضياع لو لا من قام به البشير منذ عشرين عاما ، ولا أعتقد أن ذهابه للعداله سيزيد من تلك الخطوره لو أن تبارك أعمل رمحه في الفيل مباشره.
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: وليد محمد المبارك)
|
Quote: هذا لو ذهب الى العدالة
موش الى المحكمة الجنائية الدولية غير العادلة في اجراءتها خليك من احكامها |
ما ممكن تكون عينك فى الفيل وانت راكب فوقو ...
الفيل هو الـ ICC ونحن بنطعن ولا بنتلفّت ... بس انت انزل (عشان الدم ما يرشك)
.. المهم ....
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
Quote: الفيل هو الـ ICC ونحن بنطعن ولا بنتلفّت ... بس انت انزل (عشان الدم ما يرشك)
|
والله يا تبارك موضوع ال ICC مما بدأ وانا بطني طامة من العالم دا كله
يا اخي اما عدالة عديل تعم خلق الله كلهم...بلا استثناء...او الطوفان
صدقوني انا لا ادافع عن شخص ولا يمكن ان ابرر ارتكاب الجرائم...ولكن
ابسط مبادي العدالة...تطلب ان تحقق العدالة الامن والطمأنينة والرفاء
للناس اجمعين...ولا احتمال من اجل تطبيق العدالة ان تحدث اضرار مؤكدة
لأبرياء لا يعرفون...البشير ولا ال ICC ولم يسمعوا بأي منهما؟
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: موش الى المحكمة الجنائية الدولية غير العادلة في اجراءتها خليك من احكامها |
إنت مشكلتك قالب صورتك ، لو رجعتها و بحث ستجد ان المحاكمات التي أجرتها المحكمه حتى الأن تتوفر فيها من الحقوق للمتهمين ما لا يتوفر لهم فى كل المحاكم السودانيه في ظل حكم البشير .
أستعدل صورتك عشان الطاقيه كده بتقع .
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
تعرف يا تبارك انا كنت من ضحايا الصحاف وزير صدام حسين لدرجه إنو جاني إحباط شديد خلاص .
خليك واقعي زي شيخ على ، لا مفر من قدر الله إلا لقدر الله .
العداله الدوليه رفضها يجب أن يتبعه تهيئه الأجواء داخليا لعداله سودانيه ، أما التمترس خلف السلطه إن نجح أمام العداله الوطنيه فلا أحسبه سينجح مع العداله الدوليه .
وفوقهم جميعا أين المفر من عداله السماء.
وزي ما قال ليك شيخ علي لا مفر منه إلا إليه
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: مجدى محمد مصطفى)
|
مجدى ..
Quote: تعرف يا تبارك انا كنت من ضحايا الصحاف وزير صدام حسين لدرجه إنو جاني إحباط شديد خلاص .
خليك واقعي زي شيخ على ، لا مفر من قدر الله إلا لقدر الله .
العداله الدوليه رفضها يجب أن يتبعه تهيئه الأجواء داخليا لعداله سودانيه ، أما التمترس خلف السلطه إن نجح أمام العداله الوطنيه فلا أحسبه سينجح مع العداله الدوليه .
وفوقهم جميعا أين المفر من عداله السماء.
وزي ما قال ليك شيخ علي لا مفر منه إلا إليه |
أها كدة انا بحس بى انى بكرر فى نفسى ... لاكين ما مشكلة اجيب ليك اقتباس لى كلامى من أعلى البوست:
Quote: نحن دايرين نقول لى سقطنا وللعالم انو البزوغ من العدالة السودانية الليلة ما بزوغ بكرة .. (بعد بكرة دا خليناه للعدالة الإلهية) .. الأولويات تقتضى إحلال السلام - باستخدام الحل السياسى - وبناء دولة مؤسسات حديثة وديموقراطية لضمان العدالة وسيادة القانون ..
والمهم .. |
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
وهنالك تلاعب بالأعصاب، وارتباك، وسوء تواصل وتفاهم، وتعجّل فى الحكم ....
هل عند RT الخبر اليقين؟
Quote: نفت المتحدثة باسم محكمة الجنايات الدولية سونيا روبلا يوم الخميس 12 فبراير/شباط أن تكون المحكمة قد أصدرت مذكرة تقضي بتوقيف الرئيس السوداني عمر حسن البشير.
كما قالت ماريا أوكابي الناطقة باسم الأمين العام للأمم المتحدة إن بان كي مون لم يبلغ بصدور اي مذكرة اعتقال من المحكمة الدولية بحق الرئيس البشير.
وكانت صحيفة "نيو يورك تايمز" قد افادت يوم الخميس 12 فبراير/شباط أن قضاة المحكمة الجنائية الدولية قرروا إصدار مذكرة توقيف بحق الرئيس السوداني عمر حسن البشير وإتهامه بارتكاب جرائم حرب في دارفور. يذكر أن لويس مارينو أوكامبو مدعي عام المحكمة الجنائية الدولية طلب من قضاة المحكمة إصدار قرار يإيقاف البشير بتهم إرتكاب جرائم حرب في إقليم دارفور. |
وهذا رابط لخبر النيويورك تايمز
ورابط التصحيح الرسمى من المحكمة الجنائية الدولية
الحقيقة: لم يصدر أمر توقيف بحق البشير، كما أوعزت ماريا أوكابى الناطقة الرسمية لمكتب الأمين العام للأمم المتحدة.
ولا زلنا نصرّ أنه لا يعقل اصدار قرار كهذا .....
.. المهم ...
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
| Quote: نحن دايرين نقول لى سقطنا وللعالم انو البزوغ من العدالة السودانية الليلة ما بزوغ بكرة .. (بعد بكرة دا خليناه للعدالة الإلهية) .. الأولويات تقتضى إحلال السلام - باستخدام الحل السياسى - وبناء دولة مؤسسات حديثة وديموقراطية لضمان العدالة وسيادة القانون .. |
| |
|
|
|
|
|
|
|
|
|
Re: هل سيصدر أمر القبض المنتظر؟ (Re: تبارك شيخ الدين جبريل)
|
مشاركة فى البوست دا بتاريخ 11/1/2009
Quote: حأمسك النقطتين ديل (عدم العضوية) و (الحصانة) بالراحة ... اثناء الخيط ... لاكين توقعاتى انو المحكمة ممكن تطلع لائحة اتهام وأمر قبض معلقين لحين توقيع السودان على اتفاقية نظام روما مثلاً ...
لآنو الحصانة دى بالذات ... لو الدولة ما اتنازلت عنها بالمصادقة على نظام روما، بتتحول لى موضوع سيادة وإعلان حرب ضد أى جهة بتحاول نزع السيادة قسراً ... بافترض انو دا موقف امريكا الممكن تعطل بيهو سابقة قضائية زى دى ...
والرئاسة الأمريكية عندها تجارب طويلة مع القضاء المستقل، والإمتيازات الرئاسية الممنوحة بموجب الحصانة ... ومعروف انو أمريكا دولة غير عضوة فى نظام المحكمة!
لو طلعت تهم .. حتطلع اقل من تهم أوكامبو، ولو ما طلعت معلقة بواسطة المحكمة .. غالباً يتم تعليقا بواسطة مجلس الأمن ... دا على المستوى العالمى ...
على المستوى المحلى فى السودان ....
حيكووون .....
...المهم ... |
| |
|
|
|
|
|
|
| |
تبارك شيخ الدين جبريل
MAHJOOP ALI
tmbis
Balla Musa
داليا حافظ
nazar hussien
Dalal Ezzaldin
jini
انعام عبد الحفيظ
الطاهر ساتي
حمور زيادة
wagdi salih
عبدالوهاب علي الحاج
شول اشوانق دينق
Frankly
يوسف الولى
haroon diyab
هاشم الحسن
Wasil Ali
مجدى محمد مصطفى
فيس بوك
تويتر
انستقرام
يوتيوب
بنتيريست