|
|
 مايقوما....مايقوما (السر عثمان الطيب)
|
مايقوما ..مايقوما ..
(حكاية شافعي لا أم ...لا أبو)..!
شعر: السر عثمان الطيب
في العاصمة الخرطوم
في لحظة من ذات يوم
والجو هبوب وسموم
كابات غيومو سِموم
إنسان وإنسانة
ما هُن عريس وعروس
شيطان وشيطانه
كان تالِتُن إبليس
عمداً وبي إصرار
لا خوف ولا رهبة
من جُرم أو عاقبة
إشتعلت الرغبة
إنعدمت النخوة
إتبهلت الشهوة
واندلعت النزوة
وإتمادوا في الهفوة
إتمادوا فاتوا الميس وحدّ اللعب بالنار
عيييييك
غابوا في النشوة
وانزرعت البذرة
والبذرة مشؤومة
مايقوما.. مايقوما
وسواري آخر الليل.. اللافي راكبي الخيل
حايمي ومشيها تقيل
اتسمرت وقفت.. حرنت، صهيلا صهيل
لما القلوب وجفت، شقت سكون الليل
صرخة وأنين وأنين
في خور تحت كبري، إتناوشن كلبين
إتهاوشن جم كوم
نهشن طرف طرحة
ما بين صراخ وعويل.. الكوم نزفلو دموم
والعسكري الضكران
فت.. نطّ .. جبد الكوم
واتفرزعن كلبين
كاكيهو شرب الدم
وعينيهو دمعت دم
شال نفسو واتحزم
الطرحة لمّاها
الطفلة ضمّاها
وفي دفتر الأحوال سماها مايقوما..!
من عطفو أداها، مايقوما وداها
لي حي عتيق وعفيف
ومايقوما ضيفة الحي
لكن هي ما كانت، زي أي كائن حي
مقطوعة من شجرة، ثمرا المحرم نيّ
بي طيبة الطيبين، الدار بقت دارا
وارثين مكارم طي، ما مات لهب نارا
الفُقرا، ما فقرا
شان خاطر الأطفال
بيناتن النبقة... واللقمة مقسمومة
***
يا مؤتمر وطني، لو إنت صح وطني
يا مؤتمر شعبي، لو إنت صح شعبي
يا إتحاديين، لو إتحاديين
يا حركة شعبية
بعثِ وشيوعية
يا أمة، يا أمة، كان إنتو صِح صادقين
يا ناس يا حاكومة، يا معارضين، يا هووووي
يا مشتتين جبهات
ومفرقين حركات
ومقسمين جيهات
يا اخوانا بالذمة
اتجيهوا، اتلموا
ما أروع اللمة
ما أجمل الأمة
لمّان تكون، لما
على قلب زول واحد
متماسكي ملمومة
تسمع صراخ طفلة
مسكيني، محرومة
ما نطقت اليابا
ما شافت اليُما
في دفتر الأحوال
سموها مايقوما..
!
|
|
 
|
|
|
|
|
|
|
|
Re: مايقوما....مايقوما (السر عثمان الطيب) (Re: ALGARADABI)
|
القرضابي
شكرا لحسن ظنك ودعوتك لي بالاسم
مع مجموعه من النجوم السوامق
لولا سودانيز لما حلمت بالارتباط بهم
(بحرف العطف)
الا انك جعلتني في مسؤليه اخلاقيه
وذلك لراءئ المسبق في القصيده
استاذنك في ايراده
بعد ان الجمتني بدعوتك
جزيل تقديري
وشكري
| |
|
|
|
|
|
|
|
|
|
Re: مايقوما....مايقوما (السر عثمان الطيب) (Re: ALGARADABI)
|
القرضابي
الذي يلبس ثيابي
لك المحبة والموده و التقدير
العزيز الصديق القامة
شاعرنا المجدد الحمل لألامنا
ومستودع عواطفناالسر عثمان الطيب
قرأت له هذه القصيدة قبل قتره
ولكنها بكل صدق لم تعجبني
رغم مقصده الانساني والخير
الا إن عملية تثبيت فكرة
البزره الشياطنية تضع اغلال
لا لزوم لها علي القكره
| |
|
|
|
|
|
|
|
|
|
Re: مايقوما....مايقوما (السر عثمان الطيب) (Re: najma)
|
أبيييييت
الزول ده شايقاني فيهو ابتسامة
وطيبة عيون ووسامة
(على رأي زيدان)
وما حا اتنازل عن الصورة دي الا لما تنزلي صورتك(الخايفة عليها)
حينها يسمح لي عثمان رغيم عشان حاأخت صورتك على باب الزمان أكليل...وردة صبية تلمع فوق صدير النيل)
وده على رأي وردي
| |
|
|
|
|
|
|
|
|
 Re: مايقوما....مايقوما (السر عثمان الطيب) (Re: ALGARADABI)
|
ALGARADABI
اوعة تنط
خليك قدر كلامك
Quote: وما حا اتنازل عن الصورة دي الا لما تنزلي صورتك(الخايفة عليها)
|
هاك الصوره
دى على اسم نجمة
وردى بقول الناس القيافة القيافة
__________________
قايلاك مستنى الكونكشن بتاع اسيا ربيع ربى يوصلها بالسلامة
| |
|
|
|
|
|
|
|
|
|
Re: مايقوما....مايقوما (السر عثمان الطيب) (Re: tarig almakki)
|
الاخ طارق
سلام و احترام
Quote: بل كان سيقول:
إنزرعت البذرة
والبذرة مظلومة
مايقوما .. مايقوما
|
وجهة نظرك مقبولة
وفعلا كانت حاتكون أجمل
على العموم أتمني أن يقرأ أستاذنا السر عثمان الطيب رأيك
ومعليش كنت تستاهل الاهداء مع الرائعين أعلاه
فجهودك أيضا مقدرة في المجال
لك العتبي حتي ترضي
ولك الحب
| |
|
|
|
|
|
|
|
|
|
Re: رابط (Re: Rihab Khalifa)
|
رحاب خليفة
قصتك شنو مع العيون
جيتي في 2006 بصورة بروفايل بعينين
وهسة بقت عين واحدة
لو اتحولت(أصيبت بالحول) حا نغني ليك أنا ورغيم:
العيون التي في طرفها حول
تسلمي يا دكتورة
| |
|
|
|
|
|
|
|
|
|
Re: رابط (Re: ALGARADABI)
|
العزيز القرضابي
لست (ناقد)
كما اني احمل (احترام شخصي) للاستاذ السر
من واقع معرفه واحتكاك
الا اني اصاب بحساسيه في التعامل مع المايقومه
البعض يقيم بها علاقه ربويه مع الرب
مقابل علبة حليب يحلم بسبعه من الحور ونهر (حليب)
والبعض ينظر اليها (كمكب خطيئه)
وهو عندهم يقع بالقرب من (مكب النفايات)
قد لايصح توجيه اللوم لمنتوج شخص واح
فهو تحكمه (الزاكره الجمعيه)
وسلوك (القطيع)
لكن يتحتم علينا ان نكون حساسينا
في محاوله لاعادة تشكيل الزاكره الجماعيه
وسابدا (ما حالفني التوفيق) في توضيح وجهة نظري (الشخصيه) في هذا الامر
وهي لا تنقص من قدر الاستاذ الكبير
وانما رغبة في تفتيت مفاهيم
| |
|
|
|
|
|
|
|
|
|
Re: مايقومه (Re: naeem ali)
|
Quote: إنسان وإنسانة
ما هُن عريس وعروس
شيطان وشيطانه
كان تالِتُن إبليس |
اطفال (المايقومه) وبما ان القصيده باسمهم
ليسوا جميعهم نتاج خطيئه
(ان احتاج الامر لمذيد من التوضيح تجدني حاضرا)
Quote: غابوا في النشوة
وانزرعت البذرة
والبذرة مشؤومة
مايقوما.. مايقوما |
رد (أبوي) طارق وضح الفكره
Quote: لي حي عتيق وعفيف
ومايقوما ضيفة الحي |
لم تسمح (الزاكره الجمعيه) بجعل المايقومه
من (سكان) حي العفه
فقط (من ضيوفها)
(مكب الخطيئه)
ومكب النفايات
يمكن ان يتواجد في ارقي حي
الا انه (ضيف) الحي
............
القصيده في مجملها جميله
لكن (الرسائل المبطنه) هي التي تبقي
بعد زوال النص
وهي هنا سلبيه
احترامي وتقديري
| |
|
|
|
|
|
|
|
|
|
Re: رابط (Re: ALGARADABI)
|
Quote: لو اتحولت(أصيبت بالحول) حا نغني ليك أنا ورغيم:
العيون التي في طرفها حول
|
اختنا بت الخليفه
تحياتي
طبعا القرضابي
الكورس
| |
|
|
|
|
|
|
| |
ALGARADABI
naeem ali
osman righeem
tarig almakki
محمد الامين احمد
Rihab Khalifa
فيس بوك
تويتر
انستقرام
يوتيوب
بنتيريست