|
|
|
 Re: الي الرائعة سلمي الشيخ سلامة والاستاذة رقية وراق(( والمستنكفين) وصائدي معاني الكلمات (Re: خالد العبيد)
|
Quote: سلمى خلوها لي انا
بعدين سلمى دي متين مشت مننا |
من الله عبد الوهاب
تحية واحتراما
وبعد
اولا اتمنى ان ينعقد هذا المؤتمر
وان يتم له كل النجاح
لان ذلك امر يشرفنا وكثيرا
ابدا من حيث قال الصديق خالد
وانا متين مشيت منكم ؟
لم امشى يا اصدقاء لكنى تحدثت قبل الان عن الظرف التاريخى
الذى تم بموجبه تجميد عضويتى
وذلك فى العام 1980
ومنذ ذلك التاريخ لم تنقطع اواصرى بهذا الصرح قط
وقبلها كنت قد دخلت الى رحاب الحزب
عبر اصدقاء منذ ان كنت فى المدرسة الثانوية
وكان للاخوة والاصدقاء صديق الزيلعى وميرغنى عبد الله مالك وعبد الرحيم بقادى
اكبر الاثر فى ترشيحى وقبولى كعضو انذاك
حتى تم تجميد العضوية لاسباب حتى الان هى فى عداد الغير معلومة
بالنسبة لى
مع ذلك وبعد الانتفاضة ظللت اشارك فى كل فعاليات الحزب
ندوات متحدثة فيها او مشاركة فيها
سمنارات ، وكتابة فى الجريدة "الميدان "
لم تنقطع صلتى بكل قادة اللجنة المركزية
وكل الشيوعيين فى الخارج والداخل
بداية من الاستاذ محمد ابراهيم نقد
مرورا باستاذ التجانى الطيب وليس نهاية باالراحل العزيزمحمد سعيد القدال
والراحل العزيز فاروق كدودة
الى الصديق صدقى عوض كبلو
وغيرهم من اعضاء الحزب الموقرين
صادق امنياتى ان تتكون لجنة تنفيذية جديدة
ممتلئةبروح الشباب وتكون عضويتها الاغلبيةفيها من الشباب
الى كل ذلك ان يكون الهم المعرفى /الثقافى احد الاجندة التى يتم تكريس النقاشات لها
لانها المدخل الحيوى لاعادة صياغة الحزب
الاهتمام بتعليم الكبار ومحو الامية والسعى الجاد الى قيام فصول
مهياة بالفيديو والسينما لانها وسائط سريعة العائد
خاصة فى ظل الانفتاح الذى نشهده على مستوى العالم وولوج الفضائيات الى كل بيت
وذلك لايتم الاعبر الشباب
اذا علمنا ان نسبة الامية وصلت الى مافوق التسعين بالمئة
وليس خافيا على قادة الحزب كل ما ذكرنا
لكننا نتمنى ان يكون فى الاعتبار
وفى تجربة اليمن الجنوبى فى السبعينات كل الادلة
وحتى فى السودان فى الستينات
كل الامنيات ان يتكلل المؤتمر بالنجاح
وهو امر يسعدنا كل السعادة
تحياتى للجميع
| |
 
|
|
|
|
|
|
|
|
Re: الي الرائعة سلمي الشيخ سلامة والاستاذة رقية وراق(( والمستنكفين) وصائدي معاني الكلمات (Re: من الله عبد الوهاب)
|
| Quote: ظللت اشارك فى كل فعاليات الحزب |
احكي ليك حاجة يا سلمى
عندي صاحب جميل اكيد بيكون صاحبك !
عادل حجر التشكيلي
عادل مثل معظم الفنانين كراهتو في الدنيا الاجتماعات
اقول ليه يا عادل بكرة الاجتماع
يضحك ويقول لي ابيت ما جاي 
يقول لي جيبو لي اي شغل بشتغلو
اسلمكم ليه هوا .. اي حاجة معرض .. تصميم كتاب ..
شعارات .. بوسترات
لكن اجتماع ابييييييييييييت
عندي قناعة راسخة
انو " من كل حسب قدرته "
يجب ان تطبق صاح
وعلى محيط دائرة الفنانين الكبيرة جدا بوجه الخصوص
الكتاب .. المسرحيين .. الموسيقيين ..
القطاع ده ظلمتو القبضة الحديدية التنظيمية الناشفة
وبي اسم المحافظة على جسد الحزب والتأمين
ابتعد من الحزب عدد كبير من الفنانين والمبدعين
كأنهم يتغنون لنا :
بي عيونك تقول لي تعال وتعال
وبي قليبك تقول مافي مجال
مجال الفنانين يجب ان يكون رحب وسيع
استيكة الخامس يجب ان تمسح كثير من الغبائن والاحزان
والى الامام
| |
|
|
|
|
|
|
|
|
|
Re: الي الرائعة سلمي الشيخ سلامة والاستاذة رقية وراق(( والمستنكفين) وصائدي معاني الكلمات (Re: خالد العبيد)
|
Quote: عادل حجر التشكيلي
عادل مثل معظم الفنانين كراهتو في الدنيا الاجتماعات
اقول ليه يا عادل بكرة الاجتماع
يضحك ويقول لي ابيت ما جاي |
عادل حجر
يازو مالك علينا باقى الليل دا ؟
ولا عشان انت عندك الدنيا نهار ؟
صديق من اجمل الاصدقاء
اخر مرة اتلاقينا فى نفس عام الرمادة
قبل الانقلاب بشوية
وبعدها سافر هو ورمضان سعيد
وفتح الرحمن باردوس
لاحظ ديل كلهم فنانين
والباقى بتعرفو
المهم زى ما بقول صديقنا تبارك شيخ الدين
اكتر حاجة فى الدنيا مكجناها
ترا الا الاجتماعات دى
اعمل اى حاجة الا الاجتماع
كنت فى جريدة الاتحادى بقعد فى الطرف منى والشارع
يازول مالى ومال "الجتماعات"
لمن كنت فى اللجنة التنفيذية بتاعة اتحاد الكتاب السودانيين
كنت مرات بكتب المحضر
وفى بالى انى مادايرة اقعد زاتو
وبعد دا كلو على المك الله يرحمه
كان كتر خيرو بلطف الاجتماعات
يقوم يدخل ليهو فى قصة وامانة ما حكاى
اول كلمة بقول لى
ـ يا سلمى الكلام دا اوف ريكيورد
واعجبك ، اقهى ليك فى كلام على المك واتمنى كل الاجتماعات يكون على المك قاعد
لانه مرات بكون مسافر الله يرحمه
اها هادم اللذات كان صديقنا كمال الجزولى
ـ يا بروف ، الزولة دى ساكنة امبدة والمواصلات صعبة خلصونا ياجماعة
والبروف ولاخساه يشيل ويخت
اها زى الاجتماعات دى ويكون فيها على المك وحاتك بلصق لكن اجتماعات تانية "برى "
كل عام والجميع بخير
| |
|
|
|
|
|
|
| |
من الله عبد الوهاب
سفيان بشير نابرى
خالد العبيد
سلمى الشيخ سلامة
فيس بوك
تويتر
انستقرام
يوتيوب
بنتيريست