|
|
 غنم (الإشــــلاق)!!!
|
!!!!!!
!!!!!!!!!!!!!!!!
!!!!!!!!!!!!!!!!!!!!!
!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!
وتحك بجلدها كل (بوماستك) اجتهدت في طلاءوه
|
|
 
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
تجتهد كثيرا تلك الغنيمات
وتكاوي بائع الجرجير والخدرة
طبعا ما الخدرة الدقاقة، دي طالبنها وما للقينها!!
....
....
....
ينهرها فتعود اكثر تصميما ومداورة
وتملأ فمهامن كوم الملوخيه
...
ز..
تحياتي للزول زاتو
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
يا اخوانا كان بتقصدو غنم الاشلاق الغربي
امانه ما اتلومتو
لاننا كنا بنوديهم يستمتعو بي غابة السنط شرقا
وجنينة بركه محل الغاعه وهسع شرقا انتو مانصاح
لا لا لا
لانقبل هذا الكلام في غنم الاشلاق بالسوداني (والقشلاق بالفصحي)
لمزيد من الدلع
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
مايميز غنم الاشلاق عن غيرها من الاغنام انها تفتيحة, وتجيد الكر والفر
ولاتغمض لها اجفان الإ بعد ان تعمل عملة في بائع الخضر
وتجيد تسلق الشجيرات والوقوف علي الارجل الخلفية
وتستطيع ان تمشي في طابور
وتفتش القرقول
وحتي الي اليمين انظريمكن ان تؤديها
هذه الاغنام بارعة جدا , وانا متكيف منها جدا
ودائما ما اسأل نفسي من اين تعلمت هذه الاغنام كل هذه الحيل
هل هذه هي تقنيات البقاءعلي قيد الحياة لاطول فترة ام ماذا؟
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
تأتي مع بعضها البعض وكأنها تفض مظاهرة في شارع الجامعة
و(تعصر) علي الحيطة
وتملا فمها من الدقيق
أو أي شيء يؤكل او يمضغ
أو ما يمكن ان تفعل به أي شييء
...
...
...
منها ما تمتلك أثداء كبيرة تعوق مشيها
وهي رغم ذلك ماشيه!
...
...
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
| Quote: مايميز غنم الاشلاق عن غيرها من الاغنام انها تفتيحة, وتجيد الكر والفر |
ووصلت تفتيحة غنمايتنا في اشلاق البوليس في سنار انها كانت تشرب من الماسورة
اي والله حيث تقوم بنكزها نكزة خفيفة بالقرن ثم ترتوي
وتتركها مفتوحة وتذهب تلحقها لعنات الوالدة
شكرا ياحبيب اعدت للاذهان ايام خوالي
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
العزيز/جلال
تراها تمشي متوعدة العشب علي الجانب اللآخر من الطريق
وتعبر الطريق المسفلت بعد ان ترمي بنظرها ذات اليمين ثم الشمال
وتعبر الطريق
أنها احرف شرطي مرور
او قل انها افضل من مائة هندي يموتون في دبي من دهس السيارات المسرعة
....
ز....
.....
أنها اعجوبة ان تلحظك في ماذا تنوي ان تفعل
ثم تغافلك بما كنت تخشاه
محبتي لك
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
يا حليل الاشلاق زاتو ود امى
انت ليك كم سنه من السودان؟
غايتو الاشلاق الوحيد اللقيتو قاعد
هو اشلاق البوليس فى الابيض
تانى
ما اظن يعنى فى الخرطوم دكوهن دكا
من اشلاق بوليس الخرطوم لبيوت السكة حديد
بابو ،
كان اشلاق السجن فى امدرمان فيهو متل غنمك ديل
ايام كان الصادق المهدى رئيس الوزراء تم عزله بعد الانقلاب
جات غنماية شليقة من الاشلاق
وقالت كدى مدت رقبتا دايرة تاكل من شجرة طالة
من السور فى بيت المهدى
كنا فى اللحظة ديك ماشين على الاذاعة معاى مجموعة من الفنانين
من بينهم صديقنا مصطفى احمد الخليفة
اول ما شاف الغنماية دنقر رفع ليهو حجر
وطارد بيهو الغنماية
وكان بقول ليها
ـ هسى ترجع الديمقراطية يشبكونا الشجرة دى جبناها من استراليا ولامن الواق واق
وندفع نحنا تمن اكلتك
امشى هناك الكوشة دى مالك ما شايفاها اكلى ليك دلاقين ولا ورق
اكلك بلا يخمك
| |
|
|
|
|
|
|
|
|
|
Re: غنم (الإشــــلاق)!!! (Re: عبدالعزيز الفاضلابى)
|
ايام كانت الجامعة تسمى الفرع ,,
كانت اغنام القشلاق الغربى ,,
تصول وتجول فى حوش الجامعة ,,
تأكل السندوتش ,, وتحلى بورق الجرايد ومذكرات الطلاب
فى مرة واحدة من نسوان القشلاق فتحت باب الدار ونادت على بنتها التى تلعب فى الخارج:
يابت الغنم جات من الجامعة <<
أظن التفتيحة دى نتيجة اختلاطها بالطلبة ??
| |
|
|
|
|
|
|
|
|
|
Re: غنم (الإشــــلاق)!!! (Re: سلمى الشيخ سلامة)
|
Quote: لكين يا فاضلابى بالغت فيها دى
واوعه بس تكون "خالطة وكده"
تبقى عوجة |
ازيك ياسلمى,,
لا ,, الغنم ماكانت بتخلط ,, التيوس كانت بتخلط ,,
وش ضاحك,,
عندى ليك سؤال ياسلمى ,, كان جاوبتيه بديك تعريفة,,
غنم القشلاق كانت مابتجى الجامعة يوم الثلاثاء من كل اسبوع ,, تفتكرى ليه?
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
تتميز اغنام الاشـــلاق بأن لها أثداء كبيرة جدا
وتعوق حركتها ، وهي اغنام دائما ما تحبل كثيرا
وتتزود بالكثير من ماء غيرها من السلالات
.....
.....
.....
توضع الاثداء الكبيرة جدا في جراب من الدمور واحيانا اقمشة ملونة،
والانثي من الماعز بهذه الصفات تكون عينها قوية خالص .. خالص
ويمكن تعمل ليك قلع النحل
لو عندك رغيف خاتيهو طرف
اودقيق (فيني) استرالي
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
| Quote: تتميز اغنام الاشـــلاق بأن لها أثداء كبيرة جدا |
ياخى دى بالغت فيها ,,, اسمها (ضرع)
بقرة حلوبة تتضرع وليها ضرع (وداليمنى ,طمبور)
تعرف ذكرتنى واحد من اولاد الفاضلاب ,, اسمه خضر ,,
الحصة كانت انشاء ,, تعبير شفهى ,, المدرس قال ليه ,, قوم اتكلم عن الأغنام,,
خضر:
الأغنام حيوانات اليفة ,, تحمل الألبان فى نهودها ,,
والمدرس والفصل ,, انفقعوا ,, قررررر ,,,
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
والعبرة في كمية الحليب واللبن
كل في مجاله
................ز
................
..............
كان عمي يرقد في مستشفي كوستي في ستينيات القرن الماضي .وكان متأففا من الرقاد في المستشفي ، وكان يتحسن سريعا يوما بعد يوم ، كان يشاهد معزة تأتي يوميا ، وتأكل من مخلفات المستشفي اوراق النبات ولصقات الجروح ، وتمضغ شرائط الجروح في نقطة الغيار، وتهاجم اواني المرضي الراقدين في العنابر ولا يقوون علي هشها بعيدا عنهم
.....
ز....
.....
نواصل في المرة القادمة
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: تعرف ذكرتنى واحد من اولاد الفاضلاب ,, اسمه خضر ,,
الحصة كانت انشاء ,, تعبير شفهى ,, المدرس قال ليه ,, قوم اتكلم عن الأغنام,,
خضر:
الأغنام حيوانات اليفة ,, تحمل الألبان فى نهودها ,,
والمدرس والفصل ,, انفقعوا ,, قررررر ,,, |
قرررررر... ونحنا زاتنا ياخ عليك الله واصل
وانت ذاتو يامصطفي
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
يستهويني الإشلاق كمنطقة تجسد ظلم الإنسان لأخيه الإنسان فالبيت عادة ما يكون غرفتين ومن ثم تقوم الأسرة المكونة عادة من ستة أفراد في المتوسط بتربية غنماية وتبني كلب عدا عن زراعة العوير وتشييد الرواكيب على طول جدار المنزل وتحويل المطبخ إلى غرفة وعمل راكوبة أخرى تمثل المطبخ المحتل ، ولما كنت مجاوراً للإشلاق كانت أكثر صداقاتي منه وما أنفكت وكنت لا أترك هذا المكان بل أعيش فيه أكثر من عيشتي في بيتنا الذي لا يختلف كثيراً عن بيوت الإشلاق في كل شئ ، وقد قال صديقي اللدود أبو هريرة ناس فلان في الإشلاق صرفوا ليهم غنماية والملا عمر ، أى أنني إحتليت مكان الكلب في ذلكم البيت حيث أنها كانت الأسرة الوحيدة التي لا تتبني كلباً.
وتستهويني الغنم كحيوانات كانت تشاركنا السكن تسرح وتمرح وتنطح أحياناً ، وكانت برغم قلة ألبانها ضرورة من ضرورات الحياة وركن رئيس من أركان بيتنا.
لذلك ما أن قرأت العنوان إلا وعجبتني الحكاية وكبرت في دماغي ، فقررت الدخول ، وقد سبق لي في مساجلات ماضية أن شاركت الكاتب المبدع الدكتور أبكر آدم إسماعيل في موضوعات تتعلق بالغنم تحديداً ولم تقف مشاركاتي عند هذا الحد فقد زدت على مشاركات بت قضيم بجزمتها الباتا غنم وإشلاق.
غنم الإشلاق عادة ما تتصف بالذكاء لوجودها في بيئة مطلوب أن تعطي فيها كل شئ وأن لا تأخذ أى شئ ، فحتي تلك الشجيرات التي تبنت في بيوت الإشلاق لا تتعدي شجر العوير ، هكذا نسميه ولا أعرف له إسماً آخر وهي نبته مزهرة مخضرة غير صالحة للأكل ولا تقربها الغنم لأسباب يمكن أن تستفتوا فيها أهل العلم. وبالضرورة لكي تعيش إعتمدت على نفسها في شأنها كله ، فما أن تندفق صينة خدره تم توريقها وأصبحت حطباً وعيدانا لاغير إلا وتتسابق تلك الغنمايات وتتحول من إلفتها إلى ضواري كاسره تنطح وتصارع والقوي يأكل الضعيف في مواقف كانت في حاجة إلى التوثيق من ناس الـ animal planate. زد على ذلك هي أيضاً من الخفة بمكان حيث أنها يمكن أن تصل لطبق الكسرة أو ماعون السكر أو خمار العجين في غفلة من ناس البيت حتى لو كان على إرتفاع 30 ألف صحن فوق سطح الدولاب وهي كذلك تتقمص شخصية القرود في تعاملها مع القش على ظهر عربية الكارو وهو ماشي فتخمش خمشتها من البرسيم أو خلافه ، وهي التي جبرت سيد اللبن وسيد القزاز وسيد البصل على عمل مخلاية تربط في قدوم الحمار أو الحصان ويوضع فيها العلف فتأكل الدابة من وراء خمار ولا تستطيع الغنم أن تصل إلى أكلها ، وهي أغنام فوق كل ذلك تمتاز بقوام ممشوق فهي طويلة التيلة ذات قرون كأنها العصى وعادة ما توضع في رقاب الكثير من الإناث علبه تعيق رقبتها على الإنثناء والإنحاء ليس خوفاً عليها من تعلم الرقص بحيث تماثل عوم الوزين بل خوفاً من أن ترضع نفسها وبالتالي يضيع اللبن هباء في عملية أقرب إلى الـ recycle أى تدوير الحليب والذي لن ينتهي لأحد مشتقات اللبن بل ينتهي إلى بعر لا أكثر.
غير أن الإشلاقات بدأت في الزوال والتلاشي شيئاً فشيئا فقد تغير الحال وتبدلت الأحوال فبيعت معظم الإشلاقات أو هي في خطط بيع في القريب العاجل.
====
يا أخي ده مسكين الغنماية تاكل عشاهو ، لكين أكيد لو الغنماية تجاوز حالة كونها غنماية وأصبحت غنماية إشلاق فيحق لها أن تأكل شاءك وغداءك وفطورك كمان هذا اذا كنت أصلاً بتأكل ثلاث وجبات في اليوم
| |
|
|
|
|
|
|
|
|
|
Re: غنم (الإشــــلاق)!!! (Re: عبدالعزيز الفاضلابى)
|
أربعه سنوات أنا عشتها في( المعهدالفني) إستمتعت فيها بصحبة غنم
الإشلاق الغربي( ما حدِّش يفهم غلط).
شُفت ليك غنمايةبتمشي في الحيطة، وبتطلع في راس الأوضه؟ كان مكضبني
يا مصطفى أسأل الموصلي.
تعرف يا مصطفى العنوان دا(غنم الإشلاق) عنوان غير عادي لرواية،بس
يوم كده أقعد بي مزاج وأرعى بي( غنم إبليس) حتطلع بي شغل يرشِّحك
لجائزة( التيس الفضي).
دُمتَ لأخوك
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
شكرا للأخوة المتداخلون...
............
..........
..........
وعمي طريحا في مستشفي كوستي ، والامراض في ذلك الزمن لم تكن تتعدي الملاريا والانفلونزا واصابات علي شاكلتها،تأتي المعزة وتروح ، تغازل عمي من النافذة، تؤمي اليه ان يتبعها ، وهو طريح الفراش، ينظر اليها مليئا ، انها من نوع الاغنام البدينة ، ضخمة الضرع ، ومكتمله الانوثة ، ولاتعاني كثيرا في الحصول علي فحل مناسب ،كلما أحست بالرغبة ، عليه كانت في عافية تامة رغم انها تتغذي علي فضلات المستشفي ولصقات الجروح ، قام عمي وهو متاففا من طعم ونوع اللبن الذي يشربه اصحاب هذه الغنماية ، ومدي الشك في جودته وتلوثه من جراحات المرضي وآهاتهم ، كتب ورقة يسب فيها اهل المعزة ، ويخبرهم ان معزتهم (لافه)سكت ، في المستشفي وفي الشوارع ،و(مطلوقة) بلا رقيب او حسيب ،
.............
..............
...............
ونواصل
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
| Quote: يوم كده أقعد بي مزاج وأرعى بي( غنم إبليس) حتطلع بي شغل يرشِّحك |
غنم ابليس ,, وبت ابليس,,
واحد راح يخطب بت عمه,, وعمه كان عندو راى فى الولد لذلك رفض,,
الولد اصبح ساخط على عمه وماتجى مناسبة والا ينزل نبذ فى عمه,,
يوم صاحب الولد لاقاه ,, وشافه مزاجو رايق ,, قال ليه: شايفك مبسوط الليلة,, عمك وافق يديك بنته ولا شنو?
الولد: عمى,, عمى شنو ياخ والله ده اخير منه ابليس ,,
صاحبه: كيف يازول?
الولد: ابليس مرة مرة بعمل نايم ويخلى بنته تساهر معاى ,,
| |
|
|
|
|
|
|
|
|
|
Re: غنم (الإشــــلاق)!!! (Re: عبدالعزيز الفاضلابى)
|
واحد عرض غنمايتو للبيع وطلب مبلغ كبير
المشتري قال ليهو :
غنمايتك دى انا شايفا كل يوم في الكوشة تاكل الورق والدلاقيين
اصلو بتحلب شنو ؟؟
رد صاحب الغنماية :
كراسات وفنايل ,,,,
تحياتي مصطفي والفاضلابي
| |
|
|
|
|
|
|
|
|
|
Re: غنم (الإشــــلاق)!!! (Re: عماد الشبلي)
|
شبلى ,,
وليك من التحايا مثلها واكثر ,,
عندما هجّر الحلفاويين الى البطانة استقربعضهم فى كسلا وعمل احدهم فى فرّاشات العيش ,,
وفى يوم وهو يبيع للزباين جاء تيس وحاول ياكل من العيش ,, الحلفاوى ضرب التيس على فمه بخشبة ,, الكسلاويون اتلموا على الحلفاوى وكادوا يفتكوا به كيف تدرب التيس ده تيس السيدة مريم ,, ولاى انت زول شيتان ,, والحلفاوى يشيل ويعتذر ,, مأليش ياجماءة ولاى انا مش يأرف ,,
فى اليوم التالى نفس التيس جاء ودغرى على فرّاشة الحلفاوى ,, وقال كدى دنقر ,, والحلفاوى ,, يشهق ويزفر وماقادر يعمل حاجة ,, التيس شبع ونفر ليه نفرة نفرتين ,, وقدل بعيد ,, الحلفاوى عاين للتيس وقال ليه:
مابدرى ياهليفة (ياخليفة)
مهداة الى فيسل هليل
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
شكرا ياحلوين.....
......
.....
اهاأأأ ... ياسيد الامانتي ليك
قومي يا المره موتي
.............
............
وعمي يتقلب في سرير المستشفي ،روحو محرقاهو
وما عارف يعمل شنو؟
ويتلفت ، بي هنا وبي هناك
وعلي حين غره ، لاحت المعزة البدينة كسحابة . تقلب عويناتها
مثل البصله في ملاح (الروب)!
وتقدل جوار النافذه
لاتفتقد أي شييء ، فلصقات الجروح امنت لها مناعة جيدة!
لبن عندنا،عضلات دردقو
شحم ولحم
جسم وعضم
وعمي روحو محرقاهو
والممرض يلح عليه بأن ينتظر حتي يخلص (الدرب)
ليتحرك.
وتمعن المعزة البدينة في النظر الي عمي الذي لايستطيع فكاكا من وصلة المحلول الوريدي
وتحك عجيزتها بشبق ظاهر
.....
ز....
....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: قالو لود شيقوق أدخل حرف الشين في جملة مفيدة
فقال : شا شاة* أمي حليمة |
ابارو ياعريس ,,
وينك ياخ ,, نحن ماناسين ,,
يوم 16 بس ان شاء الله العرس مايكون جنب اشلاق مدنى ,, حرصا على العشا وكده
ود شيقوق فى جا جرس ,, قال ليهم جا بزّه,,
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
تحياتي لكم
.....
....
..
.
وبعد لأي
يفك عمي وصلة ال(درب) من جسمه
ويتوجه ناحية النافذة
ليلقي نظرة علي المعزة المنتظرة
ويمسك بها.
ويربط علي رقبتها ورق مطوية الي اجزاء اصغر
اشبه بالحجاب
ويتركها لتملأ فمها من كومة نفايات طبية
تم القاءوها قبل قليل
......
ز.....
.......
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
االاستاذ فاضلابي,,,,
مبالغة لكن,,,
ــــــــــــــــــــــــــــــــ
mustafa bashar
بوست جميــــــــــــــــــــــــــــــــــل وفكه,,,
ومتابعين,,,
رغم اني ماعارفة قصة "الاشلاق" شنو؟
والمسمي ليه؟
افيدونا,,, مع الشكــــــــــــــــــــــــر.
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
مشكورة علي المداخلة
....
ز...
....
عمي كتب هذه الرسالة وهو مغرم بأن يعمل (كوبي ) من أي جواب يكتبه كعادة الناس الزمان ،وجزء من تربية انجليذية ل(باشكاتبي السودان)، : السلام عليكم ، يجب ان لا أسلم عليكم ، لأنكم لاتعرفون أين تمضي بهائمكم ، وهي تزعج المرضي داخل المستشفي ، وتمضغ مخلفاتهم من لصقات جروح وقناني بلاستيكية للمحاليل الوريدية ، واظنها تثقب أذنيها العريضتان وتضع عليها حلقان من (كانيولا9 مقاس 20 ) ,انها كارثة كبري اذا كنتم تشربون لبنها ، لأطفالكم ، ستغدو جروحكم الي :لا برء ، ولا تظنوا ان معزتكم الانيقة هذه ، خالية من العيوب ،وليس بها ثقوب، ان سيرتها غير حميدة ، من كثرة ما مرت بالمستشفي ،وتطلعت الي اعالي اكوام القازورات وال(كوش)!!
....
ز....
.....
| |
|
|
|
|
|
|
|
|
|
Re: غنم (الإشــــلاق)!!! (Re: almulaomar)
|
Quote: فى مرة واحدة من نسوان القشلاق فتحت باب الدار ونادت على بنتها التى تلعب فى الخارج:
يابت الغنم جات من الجامعة << |
والله في دي بالغت اشد الانبلاغات
واعتقد ان المرا دي زي عندها شلوخ كبار كبار وسمينة كمان...
وغنماية الاشلاق يضاهيها غنماية الشعبية ولكن غنماية الشعبية لديها اتوكيت من نوع آخر
اي قماش في الكوشة من حقها واي برسيم جاي محمولا على ظهر الحمار لها منه النصيب بخمشة واحدة ممكن تقلع ما يعادل ربطة بقرشين.
نحن سكان صنقعت عانينا الكثير حيث لم نستطع زراعة نيم او ليمون داخل وخارج حيشانا الكبار لان الغنماية تحسب بالايام متى يورق النيم عندي وعند جاري وتزورنا في الميعاد.
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
سلام
ييتواصل
...........
..........
بعد ان ربط عمي رسالته الطويلة الي اهل المعزة في رقبتها، شاجبا سلوك معزتهم المشين، وعن الدروب التي تسلكها لكسب عيشها.
ورقد علي سريره الابيض، بعد ان امره الطبيب بأخذ قسط من الراحة ، وهو بذلك قد ابتعد عن النافذه، وسيصعب عليه معرفة ما اذا عادت ثانية برد من اهلها ام غير ذلك.
.............
............
..
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
تحياتيللسيد اندريا
........
.
.......
وعندما عادت المعزة الي البيت
عقلتها الام ،لتحلب لبنا لولدها الذي كان يرغي ويزبد منذ الصباح ، بحسب ان الغنماية زاغت منهم ،وارضعت صغيرها ،فهم دائما ما ،يسجلون هدفا في مرماها ، لكن هدف الغنماية كما هو معلوم يساوي مية هدف
......
......
......
عقلت الام رجل المعزة الخلفي ، ودنت منها ، واول ماوقع نظرها علي ورقة مطوية ومطبقة بعناية .
أجفلت المرأة وتأكد لها ان الغنماية دي عملوا ليها عمل
بحسب انها حوامة ، وما بتقعد ساكت ، او نوع من التكتيك لما بعد بعد حيفا!
....
....
.....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
والله بوستيك ده لو عرفتو الغنم كان ادتك نطحة
اشلاق الخرطوم الغربي ، ياموصلي ذكرني تيس ناس ( نسا) تيس جبروت ارتفاعو من الارض عالي يحرس الغنم كلهم من الكلاب ومن شر حاسد اذا حسد في الذهاب والعودة من البيت الفاتح على استاد الخرطوم البوابة الرئيسية يفتح جنوبا الى غابة السنط وبالعكس
كنا نهاب هذا التيس بكل ما تحمله الكلمة من معنى تيس شرس يغير على غنماياته من لمسة بني ادم وله مهام اخرى مجانية للجيران الذين يمتلكون اغنام ولا يمتلكون تيس بنية تكاثر الذرية ( هوم دلفري )
بالعربي كده فحلنة يعني
هذا التيس حاول احد المشجعين الذين يقيفون في صف طويل انتظار دورهم للدخول لاستاد الخرطوم بمداعبته فماكان من التيس الا ان قام بفرتقت جميع الصفوف بالبوابة الشمالية الغربية وادخل في نفوس الصفوف الرعب .
زاتوووو
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: وادخل في نفوس الصفوف الرعب .
|
زاتووووووووووو انت زول كعب ياخي..... ياخي عايز تموتنا من الضحك مالك ..... طبعا بعد ما اتخيلت المنظر والناس تتجاري ونفسه قايم .... قلته شنو فرتاق صفوف ....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: وادخل في نفوس الصفوف الرعب .
|
زاتووووووووووو انت زول كعب ياخي..... ياخي عايز تموتنا من الضحك مالك ..... طبعا بعد ما اتخيلت المنظر والناس تتجاري ونفسه قايم .... قلته شنو فرتاق صفوف ....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: وادخل في نفوس الصفوف الرعب .
|
زاتووووووووووو انت زول كعب ياخي..... ياخي عايز تموتنا من الضحك مالك ..... طبعا بعد ما اتخيلت المنظر والناس تتجاري ونفسه قايم .... قلته شنو فرتاق صفوف ....
| |
|
|
|
|
|
|
|
|
|
Re: غنم (الإشــــلاق)!!! (Re: willeim andrea)
|
| Quote: تيس شرس يغير على غنماياته من لمسة بني ادم وله مهام اخرى مجانية للجيران الذين يمتلكون اغنام ولا يمتلكون تيس بنية تكاثر الذرية ( هوم دلفري ) |
يا ابوبكر على كده انت تعرف كمال موسى واخوه موسى ونميرى وعبدالرحمن الضلمة وعمك كرتون بتاع موسيقى البوليس ,, والشرطى رمضان وأولئك الناس الطيبين ,,
اها تيس نسا عرفناه ,,
تيس بلولة ده حكايتو شنو ,,
العارف يقول لينا,,
| |
|
|
|
|
|
|
|
|
|
Re: غنم (الإشــــلاق)!!! (Re: عبدالعزيز الفاضلابى)
|
الاخ عبد العزيز الفاضلابي ،،
بالحيل بعرفهم دي البيوت الخلف ناس نسا طوالي
عبدالرحمن ضلمه حارس العزيمة لووول
عندي خالي شابكنا عندنا كوره عندنا كوره مشينا حضرنا الحارس عبدالرحمن ضلمه
اها وحاتك الجماعة اخدو سبعة نضيفة لوووول والله زمن
تحياتي
| |
|
|
|
|
|
|
|
|
|
Re: غنم (الإشــــلاق)!!! (Re: willeim andrea)
|
حبيبنا وليم اندريا
يازول التيس دل لو مابنوم بدري وحيلو مهدود كان حصلكم في جي ام اتش GMH
لمن كنا بنخش وطنية غرب بنخلي شارع التيس ونمشي بالشوارع الفيها الكلاب مع انو داك اقرب
زاتوووو
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
.............زز
...........
تحل الحاجة الورقة التي وجدتها علي رقبة الغنماية
ولكن عيونها لا تمكنها ، بدعوي انها فقدت نظارتها ،
مدتها لأبنه الصف السادس التي تلعثمت في القرأءة
ولكن سرعان ما اخذتها (سلوي) فاتنة الاشلاق
ترمي يد وتجر يدا
وتماوج خصرها
يا امي ده جواب من زول
قال الغنماية دي لافه ساكت وبتاكل لصقات الجروح في المستشفي
..................
.................
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: كنا نهاب هذا التيس بكل ما تحمله الكلمة من معنى تيس شرس يغير على غنماياته من لمسة بني ادم وله مهام اخرى مجانية للجيران الذين يمتلكون اغنام ولا يمتلكون تيس بنية تكاثر الذرية ( هوم دلفري )
|
الرباطابية عندها تيس زى اللى وصفو أخونا الزول زاتو ,,,
جارها طلب منها ان تعيره التيس على سبيل الزواج العرفى ,, او المبيت لليلة واحدة مع غنمه قبل ان تدركهن العنوسة,,
الرباطابية :
شن بدور بو التيس ,, علا لكين بعته <<جنس حسادة>>
الرباطابى تانى يوم:
يافلانة : انتى امس ما قلتى التيس بعتيه ?
الرباطابية:
نان بقش عليك ? انا مالى بابا ليك بيه?
الرباطابى :
نان وكت بعتيه ,, السامعو امس ليله كلو ينفر ويبف فى الزريبة زى المكوجى الصبحان عليه العيد ده شنو?
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
العزيز/الفاضلابي
تحياتي لك
..................
..................
قرأت العائلة التي
تمتلك المعزة خطاب عمي، الذي يرقد طريحا بمستشفي كوستي،
واستعرضوا مفرداته جيدا ،ووعوا ما كتبه ذلك الشخص المجهول العنوان
ولان الخطاب كان مسموم العبارات، وتعرف مزاج السودانيين حين ينقدهم احد، وخصوصا اذا كانت المسألة لها صلة بالرقي والتحضر والفهم ،فكلهم متحضرون ولا يقبلون خدشا في هذا المحتوي!،
وقد اقر رأيهم بعد اجتماع عائلي ضاف ، ان يردوا علي ذلك الخطاب المهين ، بنفس الطريقة التي جاءهم بها
..........
..........
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
>>>>>>>>>>>>
>>>>>>>>>>>>
في نهاية الأمر
اتفقت أسرة العنماية المطعون في شرفها وطريق سبل كسب عيشها
وكتبوا خطابا ضافيا ممتلئا باقزع الشتائم
الي ذلك المجهول الذي ارسل لهم خطابا وربطه في عنق المعزة القشلاقيه ،
في البدء قالوا نتبع المعزة وحتما ستعود الي الشخص الذي كتب تلك الرسالة المحمومة،لكن في نهاية الامر تأكدوا صعوبة متابعة المعزة ، وتتبعها ،وفي ذلك الوقت لم يتم اختراع شرائح معدنية يتم من خلالها تتبع الافراد، واكتفوا ان يستخدموا تلك المعزة القشلاقية كحمام زاجل!!
...............
................
.................
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
أ
Quote: لاخ عبد العزيز الفاضلابي ،،
بالحيل بعرفهم دي البيوت الخلف ناس نسا طوالي
عبدالرحمن ضلمه حارس العزيمة لووول
عندي خالي شابكنا عندنا كوره عندنا كوره مشينا حضرنا الحارس عبدالرحمن ضلمه
اها وحاتك الجماعة اخدو سبعة نضيفة لوووول والله زمن |
بوبكر سلامات ياخى كان كده أنا وانت بنتعارف ,, أنا صديق كمال موسى وكنا أنا وهو زى الـ Q والـ U متبارين ليل ونهار والتيس ده بعرفو حق المعرفة ما أجملها من أيام
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
سارت المعزة في مشوارها اليومي ،
ومن ضمن مشاويرها ذهبت الي المستشفي ، واعتلت اعلي كومة الاوساخ ، وتناولت ما تناولت من المخلفات الطبية ، ودلفت نحو العنابر التي يرقد بداخلها المرضي ، فمرافقي المرضي غالبا ما يتركون مخلفات الاكل من الرغيف والكسرة ، والخضروات واعواد الجرجير،
....
....
....
ثم ذهبت الي عنبر الرجال ، وحامت حوله ثم توقفت تماما جوار نافذة يرقد تحتها عمي ، وحكت عجيزتها ، و(استعدلت) تواجه النافذة ، ثم قلبت عيونها ،مثل البصلة في الروب
.....
.....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
شكرا للسيد وليد طه للمداخله المدهشه!
................................
.................................
ترمق المعزة عمي طريح المستشفي
وتقف امام النافذة
يلمح لون ورقة مختلفة علي رقبتها كثيفة الصوف
يقترب منها والمعزة لاتهابه ، معزة مدربة تدريبا جيدا
وسمعنا تحت ..تحت . قالوا مرات بستعملوها ككلب بوليسي عند الطواريء
....
ز....
.....
ويأخذ عمي الخطاب المرسل له من ذوي الغنماية
ويتجه الي سريره ليقرأه بعناية
ويبدد به غربة المستشفي
لكن سرعان ما يستدعيه الممرض بأن يلزم سريره
لأن الاخصائي في مرور علي العنبر
في هذه اللحظة
.......................
........................
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: رغم اني ماعارفة قصة "الاشلاق" شنو؟
والمسمي ليه؟ |
يا شباب اميمة دى ما سالتكم يافاضلابى
وبشار
وعماد وكل المتداخلين
ما تورونا
ولا الا نعمل مظاهرة يعنى
عارفين قصة اميمة دى ذكرتنى واحدة صديقة عزة بتى
يوم كنت بكتب فى مقال عن " البلاعة "
كنت بقرا فيهو ليهم وهن مجموعة شابات عايشات هنا فى امريكا
المهم ببراءة سالتنى واحدة
ـ خالتو انتى بلاعة يعنى شنو؟
قعدت اشرح لمن صوتى بح
ويا اميمة الحبيبة
الاشلاق دا كان محل سكن جنود الجيش والبوليس
وموجود فى مدن عديدة فى السودان
وازعم ان اسمه اما تركى او مصرى ما متاكدة
الان مسته يد التخريب وامتدت لتزيله عن سطح الدنيا
بكل بساطة كانما لم يكن
لكنه مازال فى الابيض
الا انه فى الخرطوم وامدرمان تمت ازالته الى الابد
وبازالته تمت ازالة تاريخ طويل من السكن الذى نعم فيه اهله
بالانسانية الممتدة بين الجيران منذ الازل وحتى الابد
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
...؛؛×؛×÷؛؛÷×؛÷÷؛÷؛÷×؛÷
ـ،ـ،،أ،أ،أ،أ،،
آ’,’آ,آ’,آ,آ,آ
’,’آ,آ’,
,,
,
’
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
اخذ عمي الطريح المستشفي الخطاب من عنق المعزة القشلاقية كما اسلفت، وقرأه من الفه الي يائه،واستشاط غضبا من الالفاظ التي وردت في الرسالة، وجاء في الخطاب : ارجو ان لاتتحشر في اغنام الناس .. انت زول ما كويس ولي شنو؟ والواحد كان زانقاهو مرتو ..مايفش غبينتو في غنم الناس ، وبعدين كان عامل فيها راجل ,ادفع حق البرسيم للغنماية دي .. كان امر احتشامها بهمك .. ياحيران .. يا هفتان.
ونحن ناس غنمايتنا ما غالبانا نمسكها .. عشان انت تجي تقول فينا كلام زي ..ده
شوفي المحن يابت امي
آجي آجي .. شده وغسيل عده
البامبي .. ياوسخ كرعي
.....
.....
.....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
العزيز د. وليد نايل
تحياتي لك
....
ز...
ايوه ياهو مصطفي بشار التشكيلي الكان ساكن داخلية حسيب مع الصيادلة غرفة 27
وين انتو يا الصيادله الشاربين وش الدوا!
مشتاقون
مشتاقون..نعم
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
قرأ عمي
رسالة اهل المعزة
ووجد ان هؤلاء الناس اصحاب المعزه علي درجة عالية في الفصاحة ،والانطلاقه ، والمسخرة بدرجة الاحتراف..ويبدو انه اخذ علقة كتابيه ..ولكنه رفض ان يستسلم .. وان روحه طويله لهذا المارثون
،وعلي الاقل يعمل ليهو موضوع من مافي
لأن رقاد الاسبتاليه سيطول،
.....
ز.....
......
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
Quote: يا شباب اميمة دى ما سالتكم يافاضلابى
وبشار
وعماد وكل المتداخلين
ما تورونا
ولا الا نعمل مظاهرة يعنى |
سلمى ياسلامة ,, غبنا وجينا بالسلامة ,,
قولى لى اميمة .. تطلق كلمة الإشلاق فى السودان ويراد به القشلاق ,, والقشلاق يقال والله اعلم كلمة تركية وتعنى مكان سكن العسكر ,, او الدرك ,,
اما لماذا نطقها السودانيون (إشلاق) عشان نحن ناس كسالى وكلمة قشلاق دى تقيلة علي لسانا ,, او ربما شلاقة مننا ساكت <<
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
قرأ عمي خطاب اهل المعزه..وجلس يكتب لهم:
لا سلام ولا عليكم
كنت اظن انكم ستعرفون مصدر اللبن الذي تأتي به معزتكم
من كوشة المستشفي العمومي
وتمضغ شرائط الجروح
وتلعق ماتبقي في اكياس(الدرب)
فاللبن الذي تشربونه اكيد قد يكون به ميكروبات اقلها _Nephrotic sendrom)
(نفروز كلوي )
..
..وبلاوي متلتله
وكان قصدي ان تستفيدوا من معلومات شخص مثقف مثلي
ولكن ..هيهات..
انتم تجنون علي انفسكم
وغنمايتكم (بايره)
...
...
...
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
بعد ان كتب عمي رسالته الضافية
منتظرا وصول الغنماية القشلاقية)
وربض متنرفزاجوار النافذه مثل قط يتربص ب(يربوع)!
حتي اتت المعزه .هاشة باشه
ممتلئة البدن والضرع .
بل انها اليوم قد أستبدلت حمالات الضرع بقماش من (التريفيرا) بنفسجي
أظنه كان كيس مخدة ، او ملاية قديمة
وجْاءت موازية للنافذه ، تحاول ان تغوي عمي بحمالات ضرعها البنفسجية
وفي نفس الوقت ،تخطره بأنها ما (لافه ساكت)
وان سبب حضورها الي المستشفي في هذا الوقت المبكر الإ بسبب تسليم خطاب معلّــق علي رقبتها
....
.....
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
دنت المعزه من النافذة
وربط عمي خطابه الثاني لاهل المعزه
ردا علي الرسالة التي وصلته من طرفهم
....
ز....
ابتعدت المعزة بعد ان ربط لها الرسالة الجديدة
وبعد ان قاصدت النافذة
وباردافها الكبيره ..قلبت قلبه ..قلبتين
ثم مضت..تمشي الهوينا ..تنظر الي صدرها حينا وتارة اخري الي مؤخرتها
وتحدثت مع نفسها : ( بس.. الراجل ده ..داير مني شنو؟)
.....
......
| |
|
|
|
|
|
|
|
|
|
Re: غنم (الإشــــلاق)!!! (Re: mustafa bashar)
|
وصلت المعزة مرهقةجدا من طول الحوامه
بين الكوش
ودخلت البيت.. ورمت حقيبتها متعبة
حتي تناثرت منها ادوات زينتها
..
أسرعت مالكة المعزه، ودنت من المعزه لتتناول رد خطابها الرهيب
...
...
...
| |
|
|
|
|
|
|
| |
mustafa bashar
ALZOLZATOO
waleed nayel
Elmosley
جلال عثمان
سلمى الشيخ سلامة
عبدالعزيز الفاضلابى
حامد محمد حامد
almulaomar
محمد فضل الله المكى
عماد الشبلي
ممدوح أبارو
Omayma Alfargony
Zomrawi Alweli
willeim andrea
عبد الدائم سيد أحمد
mahdy alamin
فيس بوك
تويتر
انستقرام
يوتيوب
بنتيريست