كتب الكاتب الفاتح جبرا المتوفرة بمعرض الدوحة
|
هل انت سودانى ؟؟؟؟؟؟؟؟؟؟؟؟؟؟؟؟؟
|
من انت؟ اين تسكن؟ اى لهجة تتحدث بها ؟ ماذا تعرف عن الدستور الذى ينظم حياتك؟ هل تمارس الحياة على حق المواطنة المشروع؟؟؟ هل تحترم المراة كشريك حقيقى ؟ هل تعرف المدن والقرى والمناطق المختلفة داخل السودان؟ هل انت سودانى؟ هل تحب السودان بصدق الحس للوطن بحق ؟
|
|
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: الكباشى البكرى)
|
الاخ الكباشى البكرى كل سنة وانت طيب
اريبا ... هل قدمت خدمة هادفة لمجتمعنا ؟؟ هل اسعار المكالمات مناسبة؟ هل نستفيد الفائدة من المحادثات المخفضة ليلا لاطفالنا وبناتنا؟
هل انت سودانى مية المية؟ عصر المعلومات الدقيقة صديقى العزيز .. سودانى اريبا زين كل شئ يهمنا ..
ودمت خالد
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: خالد سمارة)
|
الاخ محمد سنى دفع اللة كل سنة وانت طيب نبحث بجد عن هوية وتاريخ حقيقى يدرس كمنهج اجبارى فى كل المراحل المدرسية .. لماذا ندرس جغرافيا امريكا .والزراعة فى الصين ونترك اهمية مشروع الجزيرة وكيف نزرع القمح وماهى مدن السودان المختلفة .والطرق والسكة حديد والسياحة والكورة.كل شئ ..العصر عصر المعلومات الحقيقية لنعرف كيف نعيش صاح
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: طلحة عبدالله)
|
اخى طلحة عبداللة كل سنة وانت طيب انت مريخابى هلالابى موردابى ابوعنجة المدينة الرياضية قلعة المريخ مقبرة الهلال استاد بورسودان كمال شداد مزمل ابو القاسم انت سودانى بس اين نحن من الكورة والتطور صدقنى القون بجى عندنا قضاء وقدر بس البركة في العجب وكرنقو وقونو فى الحضرى
ودمت خالد
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: محمد سنى دفع الله)
|
الاخ محمد سنى هل ممارسة الحياد يمنحنا حيادا وحلول . لماذا لا نواجه ما يهمنا وباسلوب حضارى ونقدم لمجتمعنا ما ينشدة كل فى مجاله ..اين المسرح الهادف ؟هل نقدم مسرح عالمى بحق ؟هل القنوات التلفزيونية فى مستوى طموحنا دون اسفاف؟هل مانجو وراديو الرابعة يبثون من دوله عربية واغنيات لا تشبهنا طوال اليوم ...ماذا نقدم لهذا الجيل من اغنيات سودانية خالصة ؟وكيف ؟
الاستاذ الفاضل محمد سنى يهمنى جدا ان نكون امة واعية نواكب التطور من حولنا دون ان نفقد الخاص بنا من ارث وتاريخ وظروف خاصة بنا ... لنمضى معا لك كل الود خالد
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: خالد سمارة)
|
بلادي أنا بلاد ناسا في أول شئ مواريثهم كتاب الله ، وخيل مشدود، وسيف مسنون حداه درع، وتقاقيبهم تسرج الليل مع الحيران وشيخا في الخلاوي ورع وكم نخلات تهبهب فوق جروف الساب وبقرة حلوبة تتضرع وليها ضرع ،،، وساقية تصحّي الليل مع الفجراوى.. يبكى الليل ويدلق في جداولو دمع يخدر في بلادي سلام .. خدرة شاربي موية النيل .. تزرد في البوادي زرع بلادي أنا بتشيل الناس وكل الناس وساع بخيرها لينا يسع، وتدفق مياه النيل علي الوديان بياض الفضة في وهج الهجير بتشع،،، بلادي سهول ،،بلادي حقول،، بلادي الجنة للشـافوها ،أو للبرة بيها سمع ،، بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع ،، بلادي الصفقة والطنبور ،، وبنوتاً تحاكي الخيل ،يشابن زيي جدي الريل، وشبالن مكنن في طريفو ودع ،، بلادي أمان ،،بلادي حنان،، وناسها حنان ،يكفكفوا دمعة المفجوع ، يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،، ديل أهلى.. البقيف في الداره 00 وسط الداره00 وأتنبر وأقول للدنيا ديل أهلي عرب ممزوجة بي دم الزنوج الحارة.. ديل أهلي ديل قبيلتي00 لما أدور أفصل للبدور فصلي.. أسياد قلبي والإحساس وسافر في بحار شوقم زمان عقلي أقول بعضى.. ألاقيهم تسربوا فى مسارب الروح بقو كلي محل قبلت ألقاهم معايا00 معايا زي ضلى لو ما جيت من زي ديل.. كان 000أسفاي.. وآمأساتي.. وآذلي.. تصور كيف يكون الحال لو ما كنت سوداني وأهل الحارة ما أهلي تصور كيف؟ ------------------------------------------------
أسماعيل حسن
وهل يستطيع الانسان أن يتصور نفسه غير سوداني ؟؟؟؟
ســـــــــــــــــــــوداني وأفتخـــــــــر
***
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: عبد الناصر الخطيب)
|
سودانيون حتى العشق بس أقول ليك بنشبه شنو ؟ واحد كل مرة أولاده يسألوه أبوي اشتري لينا تلاجة ... غرفة جلوس ... تلفزيون ... سراير ... غسالة ... ووووو إلخ يقول ليهم : يا أولادي بعد نبني البيت . نحن بنحب السودان وعايزين نبنيه بس منتظرين الساس يتختا ( وجوه مستغربة )
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: وليد محمد المبارك)
|
عبد الناصر الخطيب جعفر محى الدين وليد محمد المبارك
كل عام وانتم بخير المداخلة حق مشروع للكل شكرا لكم كل منا يعانى من الصباح اكثر من 14ساعة الدوام كاننا مغتربين ... السؤال ؟؟؟ هل ناكل وجبة اسرية كل يوم في حتة واحدة؟ هل نتشارك فى المنزل فى خدمة بعض؟ هل نقول للام او الزوجة او الاخت ان هذا الطعام شهى ؟
هل نحن قساه فى التعامل الاسرى الواضح؟ هل لنا شكل في الشارع بفرح وضحك وفى المنزل بزهج واستبداد؟ هل نتخذ من الونسة فى الغير والتنكيل بهم موضوع لايامنا؟ هل نعتذر ونشكر بعض ؟ انا سودانى
ودمتم اخوكم خالد سمارة
| |
|
|
|
|
|
|
Re: هل انت سودانى ؟؟؟؟؟؟؟؟؟؟؟؟؟؟؟؟؟ (Re: وليد محمد المبارك)
|
الاخ وليد محمد المبارك تحياتى وشكرا للمداخلة ......لا اقصد بالسؤال هل انت سودانى بالمعنى الواضح بقدر ماقصد ت سودنة المجتمع نحو ازدهار حقيقى ....اما الاسئلة التى اطرحها نعيشها فى كل بيت وفى كل حتة .. ربما لو عملنا بحب حقيقى لبعضنا ستعود سيرتنا الاولى
ودى خالد
| |
|
|
|
|
|
|
|