كتب الكاتب الفاتح جبرا المتوفرة بمعرض الدوحة
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
عبد الخالق من الفنانيين الشباب.. له اسهامات في الحركه المسرحيه الشبابيه الجاده تخرج في قصر الشباب والاطفال قسم الدراما تمثيل واخراج عمل مع جماعه الجمام المسرحيه جماعه رهان المسرحيه كما قدم اعمال دراميه بالتلفزيون القموي السوداني العمل من كلماته والحانه وادائه له التحيه فنان شامل يستحق الاشاده لكل المختصيين في مجال الموسيقي الرجاء المشاركه في الرأي لهذه التجربه الفريده مودتي..
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Seif Elyazal Burae)
|
ولا يفوتني يا اخ اعليش ان اقول
ان عبد الخالق هو شقيق مدثر محمد عمر زميلنا هنا في البورد
ومدثر هو ايضا انسان اديب ظهرت لمساته جليا هنا في المنبر
وهو حراك مثمر بين اجيال تلتها اجيال,فقد فاق مدثر سنه بفهمه العميق لقضايا وطنه منذ سن مبكرة
وحفظهم الله جميعا فهم امتداد حقيقي لصديقي الشهيد اليساري النظيف العفيف والدهم عليه رحمة الله.
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Seif Elyazal Burae)
|
سيف ان علاقتنا نحن جميعا خريجوا قصر الشباب كانت اقوي علاقة بين المسرحين الشباب وماوجدناهو من دراسة تكفينا ان نصبح قادرين علي صقل المواهب وهذا هو الفرق بين قصر الشباب والاطفال والمعهد ــكلية الموسيقا والدراما حاليا اما عبد الخالق هذا فنان غريب لقد ارسل لي هذه الاغنيه صديقي وصديق عبدالخالق ايضا ونحن جميعنا دفعه واحدة درسنا الحب اولا ثم المسرح ثانيا اشكر صديقي محمد عوض كوبر وهو عضو معانا هنا بس مجمد نشاط شويه ساحكي لكم جميعا عن عبدالخالق الناطق كما سميناه وعن دفعة المسرح بالقصر كل عام وانتم بخير
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
عشان تعرف انو نحن كنا علي تواصل بقدر كبير وجوتي محطه لي معها ذكريات كثيرة ليس لوحدي بل جميع طلاب القصر حيث كنا نتجمع في بيت ناس صديق الحلبي كما سموهو صديق دالمصريه ولكنا ناديناهو جلكسات لكثرة قدرته علي التشخيص اليومي والحكاوي الطريفه. كان البيت عبارة عن نادي ثقافي بس مارياضي بيت صديق كان مكان البروفات ومكان النقاشات الاكاديمية ومكان نلتقي فيه بحب كبير واحترام. عبد الخالق الناطق كان ساكن جوانا وبي نفس ضحكاتو وصوتو العذب يوانسنا بي العود وكثيرا حبينا الفنان محمد احمد عوض وتعرفنا عليه من خلال عبدالخالق لانه كثير التغني له وخصوصا اغنيه(لو فؤادك خبا حبكـ )فلنا معها حكاوي.
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Seif Elyazal Burae)
|
ســـلامات يا صحاب ويا عليش ويا سيف جيت اقول كلام فى حق ولدى عبدالخالق آى ولدى .. تصدقوا !! كانوا قروب مسرح فى الحِلة ناس من جوتى (جوتى دا داير بوست براهو ولاشنو يا سيف ؟) ناس من حلة فريق الشباب (القبة جنوب) وناس من حلتنا(القبة شمال) كنت الوقت داك بقرا مسرح وشغال موظف شحن فى سودانير وفى بص الترحيل .. مزاجى فى الصباحيات أقعد قريب من العم والصديق طيب الله ثراه وتغمده بواسع رحمته محمد عمر، لأنو ببساطة كان بيننا لغة تواصل شئ كلام فى السياسة والإشتراكية وإنهيار المعسكر الشرقى وتعليق الأحلام لأجل غير مسمى وشئ كلام فى الفن ودوره فى التربية وتغيير سلوك الإنسان ومفاهيمه تجاه نفسه والآخر والكون. 45 دقيقة شحمانة هى زمن رحلتنا من الكلاكلة للمطار .. تثبت لك مفاهيم وتخلخل فيك أُخر. فى إحدى الصباحات حدثنى عن نزوع عبدالخالق للفنون وتحديداً الموسيقى، ويفكر حين الذهاب إلى دمشق فى أقرب إجازة إن يُهدية آلة عود دمشقية .. أريتك ابو الفنانين لى حدهن فرحت فرح وكأن الآلة المجلوبة ستوؤل لى. لم تمضى شهور وعبدالخالق يحمل عوده الدمشقى ويدندن فى حفلات الحلة الصغيرة ويمثّل مع فرقتة فى عروض الاندية، شباب، أحرار كانو ولا تاكا ومشى القصر وشاف عوالم تانية ومعرفته إتسعت، وأظنه إلتحق بالمعهد بعد ذلك وأتابع بالصدف إسهاماته مع آخرين فى الهم من خلال تلفزيون السودان والآن .. هنا يقدم عليش تجربة جديدة لعبدالخالق تجربة مكتملة .. موسيقى .. صوت عبدالخالق وكورس نسائى أنيق فى الخلفية .. وإستديو يعنى تجربة موسيقية توفرت لها ظروف جيدة لم تكن متوفرة لعبدالخالق فى السابق فرحان بيها .. وعندى كلام داير اقولو حولها . كلام إنطباعى كمستمع ومتابع للفنان عبدالخالق ولكن ليس فى مقدورى أن أحاكمها والدعوة موجهة لاهل الإختصاص من ناس المزيقا أنتظر معاكم وبكون قريب
شكراَ يا عليش
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: منعمشوف)
|
الاخ عبد المنعم
شكرا علي المرور والاضافة,وانت من الخبراء الاحنا منتظرنهم يا زول ما تبقي زايغ
وعلي ذكر محطة جوتي فهي فعلا دايرة ليها بوست براها فجوتي انجبت الكثير من المبدعين
اخرهم صديقي الفنان عز الدين احمد الشيخ(ود العمدة),وهذه اجيال جاءت بعد التحاقك
بالغربة التي اتمني ان يردنا الله واياك منها سالمين في عهود اجمل مما سبق. وهناك الكثير
من الشباب ما زالوا بعيدين عن دائرة الضو اتمني ان يوفقهم الله في هذه المسيرة الصعبة.
ذاكرتي تحتفظ لك يا منعم بلقطتين احداهن من الماضي البعيد في زواج شقيقة ادريس عبد الرحمن وانت
تنظم الزينات,وتمسك بقطعة جبن قائلا:الجبن يحتوي علي الكثير من الكالسيوم,بينما مذيع الحفلة
يقول:المنوفل والثريا,في تناغم شعري جميل,واللقطة الثانية وانت في يونيفورم سودانير في صيوان
عزاء عم هارون والد الفاضل هارون,وكنت في ونسة معنا وكان معانا اخوه محمد العائد من الامارات
لواجب العزاء,زائد عدد من اللقطات الاخري.
الكلاكلة يا منعم فقدت بهجرة كثير من مبدعيها,وانت واحد منهم لم تحظي بثورة الفضائيات الحالية
وصدقني يا منعم ان هجرة اهل الفن والابداع الذين هم ضمير الامة امر صعب,زبط جوازك وحالك وفكر في
عودة مجيهة,والجو مهيئ ان تجدمكانك وانا متابع لبوستاتك التي تدل علي مواكبتك لما يحدث.واتمني
ان يحالف الحظ كل مبدعي الكلاكلات,شايف عرقلة هاجر وهو معانا هنا,وفرقة النجوم بتاعة الكلاكلة تمخضت
عنها تيراب,اما انا فقد شهدت تجربة مولد فرقة الفلاح واتمني ان تراجع اعمالها يا منعم في اليوتيوب
(عيني للنوبة)واعمال اخري,وكنت اقدم هذه الفرقة ايام كنت المشرف الثقافي لرابطة طلاب وخريجي
الكلاكلة القبة بالجامعات والمعاهد العليا,وتجربة عز الدين ود العمدة صديقي العزيز,كنا انا وهو
نسمر في منزلنا في ليالي الصيف,وكنت اقول له بالحرف الواحد حتظهر يا عز الدين وسيكون لك شأن
فانت مبدع حقيقي,وقد كان ما تنبأت به,والله يا منعم الكلاكلة دي لوما بعيدة حبة وزمان مواصلاتها
كانت صعبة لاحتل مبدعيها الاذاعة والتلفزيون,وفي انتظار ان تتحفنا ببعض كلام عن قروبات زمان
ايام ناس احمد سيد احمد وغيرهم.
محبتي
سيف اليزل
(عدل بواسطة Seif Elyazal Burae on 01-03-2009, 06:38 PM)
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: هشام كمال)
|
الاخ كمال
كلامك فعلا صحيح,عبد الخالق انسان ناجح في الدراما والغناء,هو تجربة مثل العميري تماما مع بعض الاختلافات,وهو مثابر وصبور ,اعرف انها رحلة عكس التيار في سودان بلا مقومات لدعم شباب مثله,يعني المبدعين بشقوا طريقهم دون رعاية احدلاماديا ولا معنويا,اعتقد انه سينجح في المجالين الدراما والغناء وقلبي معه في هذه المسيرة.
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: منعمشوف)
|
Quote: والآن .. هنا يقدم عليش تجربة جديدة لعبدالخالق |
هي بالنسبه لي يا منعم ماتجربه جديده لانو انا مما لاقيت عبد الخالق كان ملان فن وملان شحنات موسيقيه رهيبه. كان بستفزني جدا لما يعزف العود لانو اخوك باقي ليك كده مجنون وتريات برضو وعبد المنعم الحاج ده عندو عودا قاعد معاي لي هسه ومارجع ليهو (طبعا هسه بكون ذكرتوا بلعود...اعملو نايمين). وتجربه الفنان حسب معرفتي البسيطه بتتكون مع تكوين ذاكرتو الانفعاليه والادراكيه لكن بتكون علي مستوي من التخدير الي ان يستوعبها العقل الجاضر ويبدا الانسان في ممارستها بشكل طبيعي وهذا ماحدث فعلا.تلاقينا انا وعبد الخالق في قصر الشباب والاطفال عام 1996 وقد اشترك معي تحديدا في مشروع تخريجي وهو مسرحية (اختفاء القمر)من اعداد ليعض القصائد العربيه وقد كان عبد الخالق احد الشخصيات الاساسيه ومن هنا شبت علاقه حميمه بيني وبينه الي يومنا هذا. غاب عبد الخالق فترة باحثا عن الدراسه المسرحيه بسوريا واختفي قرابه الاربعه اعوام علي ما اظن وبعدها عاد لممارسة نشاطه معنا بالمسرح وغيابه اكسبه تجربه جديده ناضجه فقد حضر مليئا بالافكار . فالغربه حسب وعي بها تكسبك اشياء تخص الخلق والابداع ومن اهمهاالحنين الي الاشياء والوطن.قد تكون غربة عبد الخالق غربه اضافة له الكثير خصوصا علي المستوي الفني والابداعي. الحديث عن عبد الخالق يبدو كثيرا ومادفعني للكتابه بعد كل هذه الفترة وبكل صدق صوته,صوته الذي افتقده كثيرا ولما يقارب السبعه سنةات غربة وللحق اشكر جد الاخ محمد كوبر لارساله لي هذه التجربه الغنية وساعود للمواصله حتي ولو ناس الموسيقي ما دخلوا هنا فنحن قادرون علي التقيم ايضا والفنان عبد الخالق يستحق الدعم فهو جدير وصاحب صوت وفكرة فبالله علينا ان نقف بجانبه داعمين مشوارة الفني فهو اجدر لان نقدمه للامام خطوة تتدفع بعجلة الفن الاصيل الي الامام. محبتي لكم وشكرا منعمشوف للسرد التاريخي الجميل.
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
عبدالخالق.. ولد مفتون بالقلق.. مشحون بالجمال مسكون بالإبداع...
أعتز كثيراً بأني شهدت وشهد معي "بيت الشياطين" وأزقة الكلاكلات وما تيسر من شوارع السودان الأخرى.. بعضٌ من هكذا ململات..
وبيت الشياطين بالمناسبة كان برضو منتدى ومنتدى شحمان كمان.. وكان فيهو مختصين كتار من موسيقى ودراما وبيطرة و.. شياطين الغنا..
وأعتزّ كثيراً بأننا وذات نهار حار.. تلمسنا في أحياء وشوارع القطينة.. محمد أحمد عوض.. رحمة الله عليه..
وليسمح لي عليش (سيد الحوش) أن أشكره عميقاً على هذه المبادرة الكريمة الدسمة وأن أ دعو الناس للتعرّف على عبدالخالق والإقتراب من تجربته وتذوقها... فهو زول مكثّف لحد الإبتسام و.. قطعاً لا يسعه قلب واحد
وما هذه في رأيي (غير المهني طبعاً).. إلا فقط.. ململة من ململات الإبداع الذي يسكن كل تفاصيلو.. و نحن موعودون.. إذن بالمزيد
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Elmosley)
|
الحميم عليش ..
سمعت وسمعت ..وحسيت بي اني عايز أسمع تاني وتالت اللحن ماغريب ..قريب من إلفة الروح ..ومع إنو مافيهو تصاعد وحتات شائكة..ينسرب جوه الزول زي ماتقول مسافر بين محطتين..والسكة واحدة.. مافي أي دقدقاق ..لكن رسم الأوتار ظاهر .. والتلوين الموسيقي فاره..الأداء منسجم خاصة تجاوب الكورس ..الكلمات ..الكلمات ياعليش ..روعة .. وصعبة علي التطريز .. وإيقاعها قاسي ..عشان كدة واحدات منهن بتجاورن في خانة واحدة من الإيقاع ..طبعا دا كلو سمع غير متخصص..وبي ايقاعي البتعرفو براك داك ..ايقاع مشاتر ..وغير منضبط .. زي ما قال علي حسن ككّو "حسن مبارك".. لكن بصراحة الزول دا موهوب ..وعندو إمكانيات للتحليق بعيد بي صوتو..خاصة في الحتات الفالتة ..لما يكون الإحساس سوبرانو.. مع انو متفادي الحتة دي خالص خالص..
المهم نحنا راجين أستاذنا الموصلي يسمع ويقول رائو المتخصص..
ــــــــــــــــــــــ اي والله ذكرتني "العود" وين؟
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
سلام جميل لكم جميعا... لا اعرف ما الذي ينبغي ان اقوله لكن الازقة تصنع الحب وتعجنك به كما يعجن طفل الطين.... النص جزء من نص كتبه لي يوماً واظنه كان يرتعد من الغربة والبرد بدمشق ... أبكاني حينها ثم تركني مثلما قال هو في احد نصوصه الاخري: "بعض أنغام وضحكه"!!! لكم المحبة والسلام
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Alsa7afa_30)
|
عليش وعبدالخالق سلامات وتحيات واحترام ياسلام عليكم والله انطربت جدا جدا... صوت عميق ودافى... اجاد عبدالخالق توظيف صوتة بشكل جميل .... بالرغم من قناعتى انو الصوت دا لسع فيه ابعاد وامكانيات اكتر من كدا... تجربة اكثر من ممتازة... احييك يا عليش على اللمسات الفنية الرائعة ويا عبدالخالق ياود حلتنا يافنان يا متعدد المواهب والله فخوررييين جدا بيك
الود والاحترام...
جمال سعيد
فى انتظار العمل التانى والتالت وال...
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Elmosley)
|
الحبيب عليش ..
أها الواحد بقى من يفتح عيونو .. يجي بي هنا ..عشان يقرطع شوية نغم.. ويتنده من آخر حواري الوريد..
والله ياعبد الخالق يافنان فنيتنا في نهر ممتزج بطلع النخيل وتهاويم المهوقني ..
وخليت إحساسنا متلاطم زي أمواج دميره .. إتخيل نفسك متنازع في نص تساب من انغام وطبول وسرحات هوائية خارجة من قرون وازا.. ووتريات بدائية.. وجوقة شهيق ..
عليش المونتاج تعبيري ومنسجم ..
ــــــــــــــــ العود بنجي ليهو راجعين
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
يا عليش.... كيفنك؟... والله اغنية توب البحر جميله وشعر صوصل المغموس بي ريحة الناس العاديين بعجبني جدا... ممكن تفكر تنزله في بوست تاني منفصل عشن الناس الدخلو هنا يسمعوها وممكن تنزل معاها ندهتك برضو عشان تسمح لاكبر شريحه تمر عليها حتي المروا هنا وما حيمروا تاني لانهم ما بعتقدوا انو ممكن تكون في اغنية جديده غير السمعوها... علي كل انت مخير بوصفك فنان وعندك رؤيتك الخاصه لي حاجاتك لانو دي طبعا حاجاتك ما حا جاتي .... كل الحب
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
شكرا مدثر علي الاغنيه الغريبه كنت متوقعك ترسلي واحدة تانيه لانو اغنية صوصل دي سمعتها بعد كتبت البوست .اتصل علي حسن مبارك وقال لي اسمع الشغل ده ..وطلع ده نفس اللحن الانا سمعتو..حسن قالي لما مشي السودان لاقاهو واداهو اغنيه للتوزيع وجابه معاهو امريكا يصنفره ويرسلها ليهو تاني.. بحاول اعمل كل اغنيه في موضوع لضمان التنويع والانتشار. شكرا ونواصل.
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: Seif Elyazal Burae)
|
عليش والاصدقاء التحايا و الود دعوني احكي عن صديقي وزميلي عبد الخالق درسنا معا في قصر الشباب والاطفال قسم الدراما كان عاشقا للمسرح ومحبا له لدرجة انه تعامل معه باحتراف عكس علاقته بالموسيقى والتي شهد له عدد كبير من الناس انه اتبع طريق الموسيقى لوصل ولابدع في ذلك كثيرا لكن حبه للمسرح في راي جعل عبد الخالق لا يهتم بالموسيقى اهتمامه بالمسرح وتحضرني هنا قصة كان بطلها ذلك الجميل الوالد الراحل محمد عمر وهو يدفع بعبد الخالق في اتجاه الموسيقى ( وكان يقول لينا يا جماعة اقنعوا عبد الخالق اخوكم ده صوتوحلو) يا ريتو يا عبد الخالق كان ابونا كلنا ذلك الاب الذي يساهم معك في اختيار مواعينك الابداعيه له الرحمه ... جميل جدا ان يعود عبد الخالق لوصية والده ذلك الاب المعفم بحب الخير وحبه للابداع ,,,,,,,,, ولكم جميعا الحب الوتقدير
تخريمـــــة ... في ابريل المنصرم غنا صديق عبد الخالق في فرح شقيقتي وانبسطنا في ذلك اليوم اخر انبســـــــــــــــــاطه
وغني يا عبد الخالق
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
الاخ عليش
تحياتي وموداتي واحتراماتي والسلام
ليك وحشه ياراقل
الاغنيه ندهتك لم تفتح معاي
لكني لحسن الحظ لا احتاج لمن يذكرني بصوت عبد الخالق
فاني كخرطومي مقيم اعرف واعجب واحب شدوه الجميل
والرجل مثابر وفيه رهق من تعدد القابليات كما اعاني
فهو يكتب الشعر ثم يلحنه ويؤديه
زائدا قدراته التمثيليه المعروفه
وقد تعاونا معا قبل سنوات
وقدمنا بعض تجارب مشتركه بين الغناء والدراما
وهو شاب مهذب وطموح وشغوف بالتجارب
اتفقنا واختلفنا لكني لا انسي يوما اعتذر بلطف عن امر ما
وذكرني انه ناقش والده في امر
اختلفنا في راي ما لااذكره وان والده رجح له وجهه نظري
احترمته ولا ازال كباحث عن الحق والخبر والجمال بلا مكابره
ثم ان شد ما اعجبني وادهشني فيه
سودانيته المعافاه وحراره قلبه الوهاج
فرأيته مرافقا لصديقتا المرحوم مجدي النور منذ الاصابه وحتي وفاته
وهو من اتصل بي بعد مغادرتي للمستشفي ليبلغني بالخبر الحزين علي دفعات
تعبان شويه حالتو ساءت خالص ثم خبر الرحبل الفاجع
عبد الخالق كان صامدا في لحظات انهيار الجميع
ثم مالبثت ان سمعت بحادث حركه اليم امام المسرح للاخوه الفنانين ابراهيم كوميك
وزملاءه حتي رأيت حين هرعت لمستشفي حوادث امدرمان (عبد الخالق)
حاملا اجساد زملائه الجرحي ومرابطا جوارهم حد الشفاء
والكثير الكثير من الجمال
عبد الخالق اعده بمثايه اخي الاصغر في تقديري سليل اسره اصلها طيب
عرفت الثقافه والفنون والنضال والوعي المبكر زرته هناك وزارني
اراه سيمضي في درب الفنون بلا مساومه
وسنبذل له ان استطعنا الحب والدعاء والامكانيات المتاحه
وسنبقي علي عهد الصداقه والتعاون والامنيات الطيبه ما وجدنا الي ذلك سبيلا
فقط لدي طلب صغير
ارجو الا تكلكلوه
وتكلكلوهو
من الكلاكله وليس الكلكله
فالرجل وكما اعرفه يسطيع باجتهاده وعون اصدقائه
ان يكون اكبر مما تتوسمون فيه بكلكله حسنه النيه
لان ميادينه الخضراء لا تحدها بلادنا السودان نفسها
هذا مع مودتي
واحترامي
وتحياتي
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
Quote: تخريمـــــة ... في ابريل المنصرم غنا صديقي عبد الخالق في فرح شقيقتي وانبسطنا في ذلك اليوم اخر انبســـــــــــــــــاطه
وغني يا عبد الخالق |
و سمعته يغني في حنة أخونا صديق احمد نور الدائم في مارس أو ابريل و كان ذلك من الاشياء التي تبعث الدفء في اوصال الغربة الباردة .. كان يوما رائعا بحق!
و غني يا عبده غني..
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
يا عليش اسف على التأخير
الاغنية جميلة جدا جدا ولكن
قعدت مع عبد الخالق يوم الاربعاء وقلت ليهو يا ابو عبد الاغنية دى جميلة جدا جدا لكن بتوقع من عبد الخالق انو يكون مدهش اكتر من كدا لأنو صدقنى الزول دا عندو الإمكانية لى إنو يمشى بسرعة الصاروخ لأنو بجانب انو موسيقى جميل هو درامى وممكن يكون السبب دا بيساعدوا كتير فى انو يوصل بسرعة للناس إذا صاحب دا بالإدهاش. يا عليش
الزول دا مؤهل لى انو يكون فنان من نوع جديد لسة ما موجود فى الساحة.
فى ما يخص الاغنية بفتكر انو هى جميلة لكن بأى معايير؟ معايير السائد؟
ولا معايير عبد الخالق؟
كل الحب ليك يا جميل هشام
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: هشام كمال)
|
Quote: قعدت مع عبد الخالق يوم الاربعاء وقلت ليهو يا ابو عبد الاغنية دى جميلة جدا جدا لكن بتوقع من عبد الخالق انو يكون مدهش اكتر من كدا لأنو صدقنى الزول دا عندو الإمكانية لى إنو يمشى بسرعة الصاروخ لأنو بجانب انو موسيقى جميل هو درامى وممكن يكون السبب دا بيساعدوا كتير فى انو يوصل بسرعة للناس إذا صاحب دا بالإدهاش. يا عليش
الزول دا مؤهل لى انو يكون فنان من نوع جديد لسة ما موجود فى الساحة.
فى ما يخص الاغنية بفتكر انو هى جميلة لكن بأى معايير؟ معايير السائد؟
ولا معايير عبد الخالق؟ |
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
عبد الخالق محمد عمر يتجلي في حاله من احواله الغنائيه وكما عهدناه دايما ما يدخل في دهاليز الاحساس بدون تكلف . ما اسعدني اخر ايميل وصلني منه وبدا في سرد الحكايه مع القنوات الفضائية..قال: انو الاغنيه التانيه بتنزل في شكل يومي علي قناة هارموني وهي طيعا اخرجت في شكل فيديوكليب... حانزل ليكم الاغنيه التانيه عسي ولعل ان تسمعوها جيدا محبتي
| |
|
|
|
|
|
|
Re: عبد الخالق محمد عمر...ندهتكـ...اغنيه جميله تستحق السمع.. (Re: عليش)
|
سلام... كيفنك.... بقترح تنزل الاغنية التانيه والتعليق الجميل المع الصوره في بوست منفرد لانو بعض الناس السمعوا الاولى ما بكونوا معتقدين انو في غيرها بالاضافه لانو سماع واحده ممكن يدفع الناس لسماع التانيه... لاني برضو خشيت أشوف الرد الجديد وما اتوقعتها.... سلام وحب مرة اخري...
| |
|
|
|
|
|
|
|