|
|
|
 Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: JAD)
|
حاولي حبيهو
حاولي أفهميهو
عليك الله ما تخليهو
أستاذة / نادية
كل سنة وأنت طيبة ومبروك عليكم العام الجديد
والله عنوان البوست شرك عديل كدا أنا لما قريت العنوان
قلت ياربي دا مين القاصداهو نادية دا وبسرعة دخلت الموضوع
طلع لي الفيس بوك هههههههههههههه
تسلمي وكان ما قدرتي تفهميهو نحولك على أستاذ / حمور
الحصة بمبلغ 50 ألف جنية بالقديم
| |
 
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
بيني وبينك
هو خشمو خفيف
ولسانو متبري منو
يعني لو الزول صاحب ليهو زول/ة الدنيا والعالمين يعرفوا
الزول لو أضاف صورة للإلبوم بتاعو الدنيا والعالمين يعرفوا
الزول لو رسل لى زول كرت معايدة الدنيا والعالمين يعرفوا
وكمان يدخل الزول في لوم مع بقية أصحابو إشمعنا رسل كرت معايدة لى فلان وما رسل لى
مش كدا وبس الزول كمان لو فكر يمشي ينوم ساكت برضو الدنيا والعالمين يعرفوا
هسع يا بت أمي الله يستر عليك
تلقيهو بى هناك شايل حالك
نادية عثمان ما بتحبني
وماقادرة تفهمني
وبتفكر تخليني
والما يشتري يتفرج
_____________________
نادية
تحايا ومحبات
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
نادية
سلامات
الفيس بوك اجمل من انو يتخلي
بس داير طولة بال في الاول لكن ساهل جدا وممتع الي حد بعيد
متعتو بتتوقف علي حسب عدد ونوع اصدقائك (النشطين اسفيريا)
يعني لو عندك عدد ناشطين اكتر بكون التفاعل في زيادة
من دخول قروبات ونقاشات داخلها وهي عبارة عن منتديات موسعة
ممكن تكتبي (Note) بالشيء الانتي دايراهو
وتعملي مكتبتك الخاصة هناك (بدون تنتظري بكري يحن عليك)
تنزلي الصور وتعلقي وتردي عي التعليقات البتجيك
باختصار
علي قدر نشاطك بتستمتعي..
تنتشري اكتر وتشاركي في فعاليات اكتر
ببقي كل يوم اجمل انشاء الله
..
بالمناسبة كان في بوست فاتحاهو اميرة الشيخ
في الربع القبل الفات الليلة ده
ممكن تلقي فيهو بعض ما تبحثين عنهو
..
مشكلتو الفيس بوك ده زي Tom & Jerry
ما بتحكي
تجربي بي نفسك
وكل يوم تكتشفي شيء جديد
لي قدام
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
كما (ملكة الدار) عندما طفقت قديما تجوب تلك الازمان السودانية
طارحة قضايا الحب المأزووم !
.. و صدق من قال ، إنو في الحب : بنحب الزول اولا
و بعدين بنحاول نفهموا ! عكس الحال في التجارة
و السياسة و دخول الاحزاب و الحركات المسلحة و العزلاء
* و سبب دخولي هنا يا نادية هو جمال عنوان البوست
ودلالاتو (المجاز) الكافية عن اى كتابة
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: أحمد طراوه)
|
الجميل أحمد طراوة
Quote: و صدق من قال ، إنو في الحب : بنحب الزول اولا
و بعدين بنحاول نفهموا ! |
وصدق ده أكبر غلط ؟
أيوة مفروض نفهم الزول أول وبعدين نحبو لأنو لو حبيناهو ومافهمناهو بنخليهو زي الفيس بوك طوالي 
Quote: و سبب دخولي هنا يا نادية هو جمال عنوان البوست
ودلالاتو (المجاز) الكافية عن اى كتابة |
إطلالتك عبر بيوتاتي الإسفيرية مفرح جدا .. خليك هنا وقريب دائما سمح؟
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
Quote: هو خشمو خفيف
ولسانو متبري منو
يعني لو الزول صاحب ليهو زول/ة الدنيا والعالمين يعرفوا
الزول لو أضاف صورة للإلبوم بتاعو الدنيا والعالمين يعرفوا
الزول لو رسل لى زول كرت معايدة الدنيا والعالمين يعرفوا
وكمان يدخل الزول في لوم مع بقية أصحابو إشمعنا رسل كرت معايدة لى فلان وما رسل لى
مش كدا وبس الزول كمان لو فكر يمشي ينوم ساكت برضو الدنيا والعالمين يعرفوا
|
عاطف
سلامات
الحاجات دي كلها ممكن تتوقف من الضبط الخاص بتاعك
وتاني تخش الموقع وتسوطها بي عود زول يجيب خبرك مافي
لكن
كدا بتكون فقدت واحدة من اهم مميزات الفيس بوك كشبكة تواصل اجتماعية
لي قدام
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: JAD)
|
Quote: يا زولة امشي كوجني فيهو ساكت
بس محل ما تلقي ليك حيطة اكتبي فيها
انا غايتو شغال كدة |
سلامات صديقى فى الكوجين طارق
ويا استاذة نادية زى ما قال ليك طارق
طبعا نحنا عايسين فيهو جنس عواسة
تعمل فطير يطلع قراصة
وتكتب فى صفحة تلقى التعليق فى حتة تانية
وبالرغم من العواسة دى
التواصل مستمر
ويبرا من الشاكوش
.....
مع تحياتى
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: Ishraga Mustafa)
|
شوشو الحبيبة
| Quote: الفيس بوك هين يا ندوية يا ختى انا افتكرتو شىء تانى كنت حا اقول ليك لو ماقادرة تحبيهو تخليهو يشتت طوالى وتشوفى شغلك الاعلامى والفنى |
البيني وبين الفيس بوك حب من طرف وأحد .. هو بحبني وأنا مابحبو لأنو ماقادرة أفهمو ورغم كده الإضافات بلقاها بالكوم وهم ماناقشين أنو أنا كيشة ساي
لما بفتح بلقاك منووورة بهناك لكن ماعارفة ادوس شنو عشان أتونس معاك
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
| Quote: هو أصلا وكت خشمو خفيف ولفيف كده خليهو بلا يخمو ماشاغلة بيهو ياخ |
أيوا .. كلام صاح ... بلا يخمو..
في مسائل الحب والإرتباط دي يا ندوية إياكي وأصحاب اللف والدوران والخفة .. حتندمي
ودائماً أبحثي عن الصادق الذي يصدقك القول ويكون معاك زي الفريك ...
جاد يا عمك ..
أها رأيك شنو في الدخلة دي ..
وكل سنة والجميع بخير ..
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
نادية..انا اول ايام كنت فرحان
اي واحد يرسل لي داعيك للفيس بوك وواوافق...
لمن طلع الموضوع جد..حاولت اتنوس مع الناس..
غلبني واتعقدت..وكتين حشرت نخرتي..لقيت كل الناس
عرفت..عرفت انو الخراية دة لسانو متبري منو وشمشمار
وجني وجن الما بيبلة في خشمهم فولة..قمت فارقتو غير مأسوف
عليه لحدي ما يتعلم يلملم اسرار الناس..
سلام ليك من سامية عبدالواحد
| |
|
|
|
|
|
|
|
|
 Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: حمور زيادة)
|
Quote: يا مجدي Look و الله ما تقدر تفوتو
نادية المطوفشة دي بتمشي تكتب في الحيط و تتلفت تقول اها تاني شنو ؟
كأنها مستنية تكتب للزول في حيطتو يقوم الزول يجي مارق يجيرا قداما |
عشان كده قلتليك نوم
ده مصيبة
ده يشغلك في حنانك ظااااااااطو
ده عقد ابليس لمن طفش من النت ظااااتو 
بالرقراق
____________
ماترسل لي دعوة وكدة يعني ياخ
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: Magdi Ahmed Elsheikh)
|
وحات اسم الله الشي ده التقول فوقو عرق محبة و حجاب ولف
ياخ من تتجلبط بيو تاني ما تقدر تفوتو جت
فوقو ناس ياي و هاي
و فوقو ناس طارق جبريل شايلين طنابيرم و جايين المغيرب من الساقيه ريحتم مريق مريق
و فوقو ناس احب الله و احب الجكسي
و ناس احب امريكا و ناس كلفورنيا
و ناس الله اكبر حليمة تكبر
و ناس سير سير يا بشير
و ناس و ناس
عييييييييك
اما المعجزة فوقو انو ما فيهو بت شينه تب
الواحده تعمل ليك اضافة تلقاها تشبه باميلا اندرسون لو كانت عامله فيها جينفر لوبيز على حبة محاكاه لسيندي كروفورد
تشوفا في الشارع .. سيبك من الشارع .. تشوفا في عرس باعتبار انو ده المكان الحتكون فيو عامله عملية تجميل .. تلقاها شبه المرحوم يس عبد القادر لو كان عامل فيها الفاضل سعيد
بس ده عيبو ياخ
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: حمور زيادة)
|
Quote: نادية المطوفشة دي بتمشي تكتب في الحيط و تتلفت تقول اها تاني شنو ؟
كأنها مستنية تكتب للزول في حيطتو يقوم الزول يجي مارق يجيرا قداما
|
ويكتب عليها ياداخل هذا الدار صلي على النبي المختار كمان ومااااااالو ؟
ياخ حيطة ولقيتها واقعة فيها شنو لو كتبت فيها ياخ ؟
ما هو لو النفوس إتطايبت الحيطان تشيل شخبتات الفيسكاب كلهم ياخ
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: yasir tamtam)
|
ياسر تمتام
يارائع بروعة هذا الوطن الحلو
سلامات ياغالي
Quote: ن: نباغـة و تمـرس فى عناوين الكتابة
أ: أقوى من يمحى الأسى ولا تحتويه الكآبة
د: دوام بسامة000 فى أوجه صحـــــــابة
ي: ينابيع من محـنة ،فايضة يتدفق تسابة
ة: هنئتى فى دنياالمآسى والمحبةتملى بابة |
دي حروف إسمي سوت كل ده بالله ؟
ياخ تسلم انت يافنان
ويلا وريني إستلمت من سعادة اللواء جلال حمدون الأمانة ؟
ماتجيب سيرة في الفيس بوك ولا هنا ذاتو الا بعدددددين سمح؟
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
والله ياندوية خلعتيني
انا قلت لحدي امبارح دي ماكانت معاي سمنة على عسل الغيرها شنو وخلاها تفضحني قدام الخلق
لكن الحمد لله لقيت القصة فيس بوك دي حلها بسيط بس اقلبي الصفحة turn over والشرح ح يكون بالداخل
ولمن تفهي حاجة فهميني معاك ، لانو ناس كتار رسلو لي صورهم وطالبوني بالعضوية وحاتك لي اسع ماعارف هو زاتوو عملوهو لي شنو ؟
تاني ماتقطعي قلبي كده سمح
ارقدي عافية
زاتوووو
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
نادية سلامات،،،
عارفة،
أنا مشكلتى مع الفيس بوك دة،
داير ليه زول فاضى ياخ،
و مزاجه رايق،،
حمور مثالا...
و تعرفى،
لو دايرة تدخلى الفيلم دة،
كلها حركة حركتين و بتبقى مرجع،
بس ما تكووركى و تشخبتى فى حيطات الناس ،،
لكن أنا مشكلتى،
الظرافة الشديدة ما بقدر عليها للغاشى و الماشى،
يعنى، الواحدة مننا، كويس إنها يتلم ناسها البتعرفهم،
و صويحباتها المن زمان،
الطولت ما شافتهم،،
و الناس تتواصل،،
لكن الما فاهماه،
شنو ناس من مصر و السعودية، و كوالا لمبور،،
يرسلوا عشان يتعرفوا،،
هو أنا فاضية؟؟
ثم إنو شنو الحاجات الفى قزايز و كبايات البرسلوها هدايا دى كمان،،
هم ما عارفين بلدنا ( ) شريعة؟؟؟
| |
|
|
|
|
|
|
|
|
|
Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: Hala Hassan)
|
الحبيبة هالة حسن
Quote: تعرفى،
لو دايرة تدخلى الفيلم دة،
كلها حركة حركتين و بتبقى مرجع،
بس ما تكووركى و تشخبتى فى حيطات الناس ،، |
تصدقي المشكلة انا مافارزة حيطتي من حيط الناس ؟!!
Quote: لكن أنا مشكلتى،
الظرافة الشديدة ما بقدر عليها للغاشى و الماشى،
يعنى، الواحدة مننا، كويس إنها يتلم ناسها البتعرفهم،
و صويحباتها المن زمان،
الطولت ما شافتهم،،
و الناس تتواصل،،
لكن الما فاهماه،
شنو ناس من مصر و السعودية، و كوالا لمبور،،
يرسلوا عشان يتعرفوا،،
هو أنا فاضية؟؟ |
نفس مشكلتي والله وعشان كده قلت النخليهو خلاهو البلا اليخمو بلا فيس بوك بلا فيس لووك
| |
|
|
|
|
|
|
|
|
 Re: ماقادرة أحبو .. وماقادرة أفهمو .. وبفكر أخليهو ياجماعة !! (Re: نادية عثمان)
|
نـاديــــة .. ســــلامات ...
نصيحة أخوية كده ... الزفت ده سيبيهو ، أحسن ما تعرفيهو زااااتو .. نصيحة لوجه الله تعالى .. دمار شامل. وبث ... خليهو سمح !! .
تسحيبات :
طارق جبريل لاميلو طرشه الت حروم وحات النبي اكتر واحده فيهم عندها انوثة تلقاها مكنيكي في برندات سوق بحري ده .
 قرقرقرقرقرقر .هاهاهاهاهاهاهاها.
ياخي بااااالغته فوقا دي .... حيمور ســــلاااامات ماتشوف شر إنشاء الله ، لا باس طهور إنشاء الله .
| |
|
|
|
|
|
|
| |
ابراهيم محمد موسي
العوض المسلمي
فيصل نوبي
willeim andrea
ABUHUSSEIN
طارق جبريل
JAD
بلدى يا حبوب
عاطف عمر
أحمد طراوه
مرتضى الكجم
محمد البشرى الخضر
Ishraga Mustafa
محمد على طه الملك
عبدالله كع
Kamal Karrar
baha eassa
الصادق صديق سلمان
Salahaldeen Nadir
علاء الدين محمد بابكر
yasir tamtam
Dania Elmaki
حمور زيادة
Magdi Ahmed Elsheikh
سارة علي
mohmmed said ahmed
ALZOLZATOO
الطيب شيقوق
فيس بوك
تويتر
انستقرام
يوتيوب
بنتيريست