صور الطابق الثاني لأستاد المريخ .... الإهداء لصلاح إدريس

Quote: هو وينو الطابق الأول عشان يبنوا ليهو التاني !! و الحديد الشايفنو دا تعبان شديد ما ظنيتو يتحمل ليهو بني آدمين من نوع ناس المؤتمر الوطني السمان المدوعلين ديك وكمان دايرين يترسوا و ينططوا في المدرجات الا غايتو كان دايرين يرفعوا ليهم صهريج موية يبقي دا شيتا تاني

Quote: عالم حاقده وقلبها اسود ولاتري في الوجود شيئا جميلا هذا الانجاز يقف خلفه مكتب استشاري من اكبر المكاتب الاستشارية في السودان ويقوم علي تنفيذه شركة تعد من اكبر الشركات المنفذة في البلد وكل الناس تري هذه الانجازات بعيدا عن التعصب الاعمي هذا الاستاذ ليس للمريخ عالم دا صرح يستفيد منو كل السودان ..... اتقوا الله في انفسكم التي اكلها الحقد الاعمي .......

Quote: استادات الدولة : استاد الخرطوم تابع للاتحاد المحلي للخرطوم وتم بناء طابق ثاني في المدرجات الشرقية بأتفاق مع وزارة الشئون الهندسية مقابل استقلال جزء من أراضي الاتحاد الواقعة شرق الاستاد لأقامة موقف مواصلات عامة ، باقي الاستاد لا زال علي حاله التي بني بها أول الأمر في بداية خمسينيات القرن المنصرم ،، ولا زالت الجماهير تتبول علي جدران كل شئ عدا القصر الجمهوري رغم إنتشار دورات المياه العامه في الأسواق ، ولكنها بمقابل يصل أحياناً لنصف جنيه كامل ، ولا بدائل مجانية

Quote: يوم مباراة السودان وتنزانياجئت من مسافة طويلة والدنيا شتاء وعند دخولي بالمقصورة الجانبية لاستاد الهلال سألت علي الباب عن دورات المياه وكانت الإجابة بكل أسف لا توجد تخيل احتملت كل الآلام من أجل مشاهدة المباراة وفي النهاية خرجت قبل نهاية المباراة بعشر دقائق لإني لم أستطع الاحتمال أكثر من ذلك ، وفي أقرب ضلمة في المنطقة الصناعية تواريت خلف العربة ..... والحمد الله الذي عافانا ... وبقيت علي زنقة وغلب ،،،

Quote: وأعملو لبناء استاد يواكب العمران على الأقل في حي العرضة وإمتداد بيت المال،،

ما علينا .. المهم .. استاد المريخ دا - بعد أن يكتمل -
حيكون أحسن حاجة حصلت في امدرمان في ال 100 سنة الفاتت.

(عدل بواسطة محسية on 12-24-2008, 08:53 AM)