|
امانى عوض الجاك ... انجاز مفرح
|
صديقة عزيزة لى و للكثيرين/ات هنا
"جندرية" بجدارة
جمعتنا اسوار الجامعة و كلية الاقتصاد و شعبة العلوم السياسية ثم توطدت صداقتى بها فى القاهرة.
امانى تحصلت على الدكتوراة فى ابريل من هذا العام، من جامعة يورك (كندا)، و التحقت بقسم دراسات المرأة بجامعة ماساشوستس ببوسطون كاستاذة مساعدة (ِAssistant Professor).
الف مبروك و مزيدا من الانجازات يا نساء بلادى
ندى
|
|
|
|
|
|
|
|
Re: امانى عوض الجاك ... انجاز مفرح (Re: nada ali)
|
Amani El Jack Dr. Amani El Jack is Assistant Professor in the Department of Women’s Studies at the University of Massachusetts Boston. She holds a Ph.D. in Women’s Studies from York University, Canada; an MA in Political Sciences from the American University in Cairo, Egypt; and a B.Sc. (Honors) in Political Sciences from University of Khartoum, Sudan.
Dr. El Jack research and teaching traverse socio-economic, political and cultural interrogation of the gendered fields of development studies; globalization; forced migration; militarization/war; post-conflict reconstruction processes; peace building and human security. Some current studies focus on gender relations of development-induced displacement; Disarmament, Demobilization and Reintegration (DDR) of ex-combatants and transitional justice, with specific emphasis on Africa.
Prior to joining UMass Boston, Dr. El Jack has had the privilege of engaging in various Canadian and international scholarly networks that included research and consultancy work for the Women in Conflict Zones Network (WICZNET) at York University (2006-2007); the International Center for Transitional Justice (ICTJ), New York (May to November 2007); Project on Participative Social Assessment of Darfur and Southern Sudan, York University (2006-2007); the Globalization of Protracted Refugee Situations (GPRS) in long-term refugee camps, York University (2005-2006); Landmine Action, Ottawa/UK (2004–2005); the Institute of Development Studies at Sussex University, UK (2003); and the Bonn International Centre for Conversion, Germany (2001-2002). Dr. El Jack has research affiliation with the Department of Women’s Studies at Ahfad University for Women in Sudan. Dr. El Jack work for these research institutions entailed in-depth research, policy engagement and collaboration with various partners at the local and international levels.
http://www.umb.edu/academics/cla/dept/women/AmaniElJackbio.html
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
انجاز أمانى الجاك يضاف الى رصيد الانجاز الانسانى عموما وللنساء على وجه الخصوص
شكرا ياندى على الاخبار المفرحة وامنياتى لامانى بمزيد من النجاحات والانجازات ولك اضعافها ياندى
كيف اخبار الامورة؟!!
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخ العزيز عادل عثمان سلامات، و ارجو ان تكون بخير. اسفة فاتتنى المكالمة، لاننا خارج المدينة هذه الايام، وشكرا لوضع صورة امانى هنا-- الصورة دى بالذات عاجبانى .
حاولت ان اضع صورتها هنا هذا الصباح و لم اتمكن من ذلك (نسيت طريقة تحميل الصور). كل التحايا ندى
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
يا سلام عليك يا ندى بتجيبى أخبار الحبايب المفرحة
انا طبعا الناس ديل رايحين منى ...
ممكن توصلينا بى بعض ؟؟ خلو لى رسالة وما خلوا نمرتهم ...
الله يديك العافية اديهم نمرتى تانى أو ادينى نمرتهم ولك المحبة الصادقة ولأسرتك
ألف مبروك يا أمانى وياها المحرية فيك
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
Quote: يفوتنى ان اهنىء زميلنا العزيز درير شنقراى -- رفيق رحلة نجاح امانى و زوجها و بناتها الحلوات. |
غايتو لايكون (درير) صاحبنا ده ..؟
كان هو والله إتلومنا جينا نبارك ليك بصفتها صديقتك
مبروك تاني كان درير بتاعنا وكان مابتاعنا ..
غايتو بتاعنا سافر السودان لي عرس (طارق أب شوك) عشان كدي المعلومة تأكيدا عندك ..
شكراً يا(ندى) ..
محبتي ..
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
تماضر الجميلة سلامات و كل سنة و انت طيبة مشتاقين جدن جدن .
Quote: ممكن توصلينا بى بعض ؟؟ خلو لى رسالة وما خلوا نمرتهم ... |
طبعا يا تماضر، توقعى رسالة فى الايميل (او تلفون)، و طبعا ما بتقصرى فانت و ماجدة عمدتى ماساشوستس.
ندى
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
سلامات يا ندى وكل سنة وانت طيبة وشكراً ليك على الخبر الجميل، تعرفي كلما اسمع لي خبر عن إنجاز اكاديمي و نجاح وتفوق لي زميل او زميلة من شباب دفعتنا في الجامعة بفرح لحد الطرب، واماني الجاك إنسانة جميلة وواعية ومجتهدة ولم يدهشني تفوقها الأكاديمي إطلاقاً بل كنت سأندهش جداً اذا لم تتمكن من تتويج جهدها بنيل درجة ال PHD التهاني الحارة للصديقة دكتورة اماني الجاك وللأخ والصديق درير ولك ايضاً يا ندى، وبرضو ننتهز الفرصة ونبارك لطارق ابوشوك الزواج، وبيني وبينك عرس طارق ابوشوك ده برضو يعتبر إنجاز كبير جداً .. اشكرك مرة اخرى يا ندى على الخبر الحلو ..
الصاوي
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الدكتورة ندى مصطفى
الإحترام
السلام عليكم ورحمة الله
التهاني والأماني
مبرووك.
الطريف الإتجاه الجغرافي لتعلم وشهادات الزولة دي
كل شهادة من حتة شمال الأولى أحسب الشهادة الجاية حتكون من الإسكيمو
دي هدية للإنجاز العلمي ليكم الإثنين: http://www.uiowa.edu/~commstud/resources/GenderMedia/ethnicities.html ودي جزئية بفتش فيها: gender studies (and) the cultural imperialism وعشان ألقطها كموضوع من مصانع مختلفة حأبقى باحث عديل فيها فبقيت راجي إحتمال تكتر مع حضور حزب أوباما منها أنثربولوجي ذالنوني زي دا: of property and propriety: the role of gender and class in imperialism and nationalism (anthropological horizons) ومنهاالناس المعصلجين ديل:http://radicalblogs.org/lpps
هديتك هي خبر: زميلتك (جيرا) الأن ليها سنتين بشهادة دكتوارة ألمانية شديدة في الطاقة. لكنها لم تزل مُُصرة بتطرف على ان (تخدم السودان والإسلام في مجال الطاقة، ورغم كل الظروف)!! فبالله حاولي أقنعي شوية.
المهم التهاني والسلام وكل سنة وإنتوا بخير وطيبين
وعقبال الشهادة الثالثة والثلاثين
وليك التقدير والإحترام
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الصاوى سلامات و تحايا كثيرة
و كل سنة و انت و الاسرة بألف خير،
نجاح الزملاء و الاصدقاء يسعدنا فكيف بزملاء و اصدقاء اعزاء مثل امانى و درير؟
و زواج طارق ابو شوك انجاز كبير جدا و عاوز بوست تهنئة منفصل! (دى مافى زول سبقك عليها طبعا -- .
تحياتى
ندى
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخ العزيز ذو النون،
كثير الشكر لمرورك و للاخبار المفرحة و اللنكات المفيدة. و جميل انك تبحث هذه الايام فى موضوع الامبريالية و النوع و اتطلع لقراءة ما ستكتبه، و الزاوية التى تنظر منها لهذا الموضوع.
من اهتماماتى الازلية النظر فى تقاطع علاقات السلطة و القوة القائمة على النوع و الطبقة و العنصر (بالذات فى السودان) -- لهذا اعجبتنى مواضيع الروابط و ان كنت لم اقرأ كل محتواها بعد.
اما امانى -- فأكيد الشهادة الجاية حاتكون من الاسكيمو، ها ها.
ندى
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
ندى....................................................................................................... ............................................................................................................ أمانى ..................................................................................................... ..............................................................................................................
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
Quote: امانى تحصلت على الدكتوراة فى ابريل من هذا العام، من جامعة يورك (كندا)، و التحقت بقسم دراسات المرأة بجامعة ماساشوستس ببوسطون كاستاذة مساعدة (ِAssistant Professor).
|
ندي العزيزة تحياتي وكل سنة بخير التهاني والأمنيات للدكتورة أماني نسوقها عبرك بلا شك هو إنتصار للمرأة السودانية ولي قدااام
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخت ندي سلامات والف مبروك للاخت اماني الجاك او اماني(سنجه) كما نعرفهاوهي اهل لهذه الدرجه الرفيع والتهنئه ايضا موصوله لزوجها الاخ الحبوب درير (اباهو ذاتو درير بتاعنا يا كمال الزين)
اما ما قاله الصاوي
Quote: طارق ابوشوك ده برضو يعتبر إنجاز كبير جداً |
فلن يفوق هذا الانجاز الا حصول عصام جبر الله او الداف علي الدكتواره و لا اظن ان اي منهم سيحدث - in our life time
| |
|
|
|
|
|
|
Re: امانى عوض الجاك ... انجاز مفرح (Re: Omar Bob)
|
Quote:
شايفاك زعلان لان الحفلة فاتتك . |
لكن يا ندى البلابل كمان.. صعبة مش كده؟؟
كنا فى تأبين بروفيسور كدودة انا وطارق وماجد
سلامتها كتوتة،تكون مشتاقة للبلد
مساكين انتو هناك... ما عندكم اوزون
| |
|
|
|
|
|
|
Re: امانى عوض الجاك ... انجاز مفرح (Re: عمرو كمال ابراهيم)
|
التحية والإنحناء لنساء بلادي اللآتي كابدن وتحدين الظروف حولهن ونلن درجة الدكتوراه من أكبر الجامعات في العالم.. وما أكثرهن الآن!
د.أمانى عوض الجاك ... فعلآ هو انجاز كبير ومفرح .. ألف مبروك ليك
د. ندى تسلمي يا إخية على إقتسامك لفرح نجاحها معنا
وكل عام ونساء بلدي شموس تضئ ليل العتمة ..
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخ عمر بوب،
سلامات و كل سنة و انت طيب،
بالله انت برضو من افراد العصابة (اصحاب امانى و درير؟) بعدين انت و الصاوى قلنا ليكم امانى سنجة عملت انجاز مفرح هنئوها، قمتو انتهزتو الفرصة و ما خليتو ولا طارق ابو شوك و لا عصام و لا حتى الداف المسكين؟ ديل اصحاب شنو؟
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
ياسلام علي البنات الناجحات والله انا صراحة بتكيف منهن وخصوصا البنات الشاطرات البسبقن الاولاد .... ز.... ..... كل ذلك فخر لبلادي كل حسناء تلفعت بثوب النور وحملته في احداقنا علما ومعرفة ونور ... .... .... خالص تهنئأتي لدكتورة اماني عوض
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
سلامات يا عمرو، و شكرا للصورة الخطيرة. اجمل هدية بمناسبة راس السنة، و انت و طارق اخر اناقة ما شاء الله! . و بعدين طارق ده ما قال مشغول فى ورشة فى معسكرات النازحين و ما عنده و قت خالص . (دى بس حسادة منّى).
Quote: كنا فى تأبين بروفيسور كدودة انا وطارق وماجد |
"التحية ليكم" و لذكرى بروفيسور كدودة.
و فعلا كتكوتة باين مشتاقة للبلد، و انا برضو مشتاقة للبلد (عشان كدة جاتنى برضو نزلة). لكن اول مرة اعرف انه اوظون بيروح النزلة!
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخ مصطفى كل سنة و انت طيب و شكرا لك. تفرحنى كثيرا انجازات بنات و ابناء بلدى، كل فى مجاله/ا و كل بطريقته/ا، و بدون "سبق سبق."
و فى النهاية يبقى الانسان وتبقى الانسانية ... هى القيمة الاعلى.
| |
|
|
|
|
|
|
Re: امانى عوض الجاك ... انجاز مفرح (Re: nada ali)
|
الاخ عادل البدوى
كل الشكر لهذه الصور و لاشراكنا فى حفل زواج الاخ طارق ابو شوك و لو اسفيريا. طارق من الزملاء المتميزين ذوى المبادئ و الاخلاق العالية الذين اعتز كثيرا بان ايام الدراسة جمعتنى بهم. قاد نشاط مكثف فى رابطة اقتصاد و على مستوى الجامعة فى فترة حرجة سياسيا. و هاهو قد لم شمل العديد من الزملاء فى زواجه ايضا.
سعدت كثيرا ايضا برؤيه العديد من الوجوه الاليفة فى الصورة الثانية، منها صورة منير من دفعتنا -- له التحايا!
و اهم حاجة الصاوى ما يشوف الصورة الجماعية علشان هو طبعا عامل فيها لسة شباب و قبل شهور رأى صور حديثة لاصدقاء الجامعة من اعضاء البورد و قرأ ان بعض الشباب الذين اوصلهم الشيخ :) ياسر حنا بسيارته قالوا له "شكرا يا والد" -- و كان واضح من ردود الصاوى انه اصيب بانهيار عصبي مؤقت! :).
ندى
| |
|
|
|
|
|
|
|