|
|
 حال الراجلها عرّس فيها ..
|
هو حال بعض العاملين فيها إنفصال الجنوب ما هاميهم
قالوا ليها يا ولية راجلك داير يعرّس فيك
قالت ليهم وما يعرس كان داير يعرس
غنمي في المدرسة
ووليداتي في المُراح ..
|
|
 
|
|
|
|
|
|
|
|
Re: حال الراجلها عرّس فيها .. (Re: emad altaib)
|
| Quote: هو حال بعض العاملين فيها إنفصال الجنوب ما هاميهم |
انا شخصيا من الناس الهاميهم الموضوع وبتمنى انه يحصل , ولكن كدي بالمنطق والواقع المنظور اي مصلحة للسودان في بقائه بهذا الشكل ؟
| |
|
|
|
|
|
|
|
|
|
Re: حال الراجلها عرّس فيها .. (Re: اساسي)
|
أساسي ..
| Quote: انا شخصيا من الناس الهاميهم الموضوع وبتمنى انه يحصل , ولكن كدي بالمنطق والواقع المنظور اي مصلحة للسودان في بقائه بهذا الشكل ؟ |
لو الموضوع أمنيات لتمنيت ألا ينفصلوا
وإن كان في ذلك أنانية ..
الوضع الحالي وكمية الغبائن التي يحملها الطرفين في نفوسهم لا تسمح بأي وحدة
إن هي إلا أضغاث أحلام ودفن للنار بالرماد ..
| |
|
|
|
|
|
|
|
|
|
Re: حال الراجلها عرّس فيها .. (Re: تيسير عووضة)
|
Quote: قالوا ليها يا ولية راجلك داير يعرّس فيك
قالت ليهم وما يعرس كان داير يعرس
غنمي في المدرسة
ووليداتي في المُراح .. |
حالة كونها فوجئت بالأمر الواقع
موضوعنا كان ظاهر للعيان
إلا لمن أراد ممارسة خداع النفس
قبل زمان طويل سئل د. لام أكول عن فرص ( الوحدة ) عند ممارسة حق تقرير المصير
أجاب بوضوح شديد
" أصلو الزول العاوز وحدة ما بيطالب بحق تقرير المصير " - أو كما قال -
سلامات يا صديق
| |
|
|
|
|
|
|
|
|
|
Re: حال الراجلها عرّس فيها .. (Re: ياسر بيناوي)
|
طايسا ..
في واحدة زي صاحبتك دي .
هي المشت شافت ليهو المره و طلبتها و جيهتها و علمتها ، و يوم العرس وقفت تصفق مع الصفاقين للعروس مرة راجلها .. و النقده و الريشة ، و شبكت ليك في : كدي كيد .. كدي كدي .. كدي كدي ..
و قالت كدي سرحت بي وشها ..
لي يوم الليلة هي في كدي كدي .
.....
اللهم لا تدخلنا في الكدي كدي ..
و تبعاته من الحفا و البشتنة و الذهللة و الهوان .
| |
|
|
|
|
|
|
|
|
 Re: حال الراجلها عرّس فيها .. (Re: Emad Abdulla)
|
عمدة ..
زولتك دي خلي الكدي كدي ينفعها
وكمان تعزّل ليهو في العرايس زي الماهاميها
قول ليهاخمي وصري
وياهو كدي
Quote: اللهم لا تدخلنا في الكدي كدي ..
و تبعاته من الحفا و البشتنة و الذهللة و الهوان . |
يا النبي حجَز بلا عجَز ..
| |
|
|
|
|
|
|
|
|
|
Re: حال الراجلها عرّس فيها .. (Re: ياسر بيناوي)
|
بيناوي ..
بيهمني جداً السودان يكون واحد وموحد زي ما عرفتو
لكن ما بيلزمني أبداً أشوف السوداني بيظلم أخوهو السوداني زيو وأجبر المظلوم على الوحدة
لماذا يدفع الجنوبيين وحدهم ثمن الوحدة؟؟
| |
|
|
|
|
|
|
|
|
|
Re: حال الراجلها عرّس فيها .. (Re: عاطف عمر)
|
يا عاطف ..
Quote: حالة كونها فوجئت بالأمر الواقع
موضوعنا كان ظاهر للعيان
إلا لمن أراد ممارسة خداع النفس |
الحاصل والحا يحصل دا كلو تراكمي لا من الليلة لا من أمبارح
بدل ما يحاولوا يعالجوا الأزمة قبلما تتفاقم وينضفوا الجرح أول بأول عشان ما يلتهب
خدّروا أنفسهم وخدروا الطرف التاني إلى حين
وهسي قعدوا يتباكوا على الأطلال
| Quote: " أصلو الزول العاوز وحدة ما بيطالب بحق تقرير المصير " |
وحدة عادلة أو إنفصال يحفظ حق الجميع
والإنفصال زي بيقول المثل أبغض الحلال السياسي ..
| |
|
|
|
|
|
|
|
|
|
Re: حال الراجلها عرّس فيها .. (Re: قاسم المهداوى)
|
بس يا تيسير البيظلم اخوهو السوداني دا مابفرز شمالي وللا جنوبي
بيظلم من طرف
اليلة اليوم العلينا دا الظلم واقع علي السودان كلو
والظالم واضح زمان كان المؤتمر الوطني براهو
الليلة بقو علينا اتنين مؤتمر وطني وحركة شعبية
| Quote: لماذا يدفع الجنوبيين وحدهم ثمن الوحدة؟؟ |
بالمناسبة وعشان نكون واضحين مع بعض
برضو لو حصل الانفصال وفي ظل هيمنة الحركة الشعبية والمؤتمر الوطني
حيكون عندنا دكتاتوريتين
واحدة في الشمال ( المؤتمر الوطني )
وواحدة في الجنوب ( الحركة الشعبية )
ومن الان دلالات الكلام دا ظهرت
وعشان كدة انا حريص علي وحدة البلد وعلي وحدتنا نحن في مجابهه الظالمين
خالص الود
| |
|
|
|
|
|
|
|
|
|
Re: حال الراجلها عرّس فيها .. (Re: قاسم المهداوى)
|
قاسم المهداوي ..
Quote: تيسير
تحايا من على البعد
اولا ارجوك النزول من برجك العاجى الوهمى والرد على الكل حتى و لو كان ذلك عبر الماسنجر
كده ردى فى الاول ومن ثم ندخل فى الغريق !!!!!
قاسى المهداوى |
لا يوجد بيننا أي سابق معرفة يسمح لك بمخاطبتي بهذه الصورة
أسلوبك غير مقبول يا قاسم وأنا لست ملزمة بالرد على مراسلاتك ..
| |
|
|
|
|
|
|
|
|
|
Re: حال الراجلها عرّس فيها .. (Re: عمر الفاروق)
|
Quote: الراجلا عرس فيها تراها في النهاية عرست ..
كعب حال الما معرسات لحدي اسة يا ربي ديل حالهن كيف :) :)
إنفصلوا يرحمكم الله .. |
إنت الما معرسات لحد هسي شكن ليك؟
أحسن الواحدة تقعد ساكت بلا عرس من تعرس ويجوا يعرسوا فيها تبقى عايشة بنص راجل
واللي مش عارف يقول فتة عدس ..
| |
|
|
|
|
|
|
|
|
|
Re: حال الراجلها عرّس فيها .. (Re: تيسير عووضة)
|
Quote: وحدة عادلة أو إنفصال يحفظ حق الجميع
والإنفصال زي بيقول المثل أبغض الحلال السياسي |
يا سيدتي
كلام في غاية من الواقعية
ويمكن تكملة العبارة بما قاله الدكتور لاما كول(او في معناه ) في منتصف التسعينات
"المانيا توحدت بعد فترة قاربت الاربعين عاما من الانفصال
إذا كانت هنالك ثمة عناصر للوحدة
قد يعود السودان موحداً
ولو بعد حين "
| |
|
|
|
|
|
|
| |
تيسير عووضة
emad altaib
اساسي
عاطف عمر
ياسر بيناوي
Emad Abdulla
عمر الفاروق
قاسم المهداوى
فيس بوك
تويتر
انستقرام
يوتيوب
بنتيريست