دعواتكم لزميلنا المفكر د.الباقر العفيف بالشفاء العاجل
|
|
 تيسير عووضة ودينا خالد (فغط)
|
دينا خالد
يختي هالله هالله على الجد والجد هالله هالله عليه
الكلام بعد دا دخل الحوش
لازم نحسم موضوع هويتنا أنا وإنتي في البورد دا
أكتر إتنين الناس حاقرين بيهم في موضوع النوع دا أنا وإنتي تحديداً
نزلت بوستات بإسم بنات البورد / أولاد البورد
في اللستتين لقيت إسمي ما في (!!)
وفي اللستتين لقيت إسمك في (!!)
هذا البوست بمثابة إحتجاج رسمي للفيفا
ـــــــــــــــ
لمن إتخرجنا من الجامعة
كل البنات المعاي إستلموا شهادات خلو الطرف من الإلزامية بواسطة آخرين
أنا كنت "الوحيدة" في الدفعة اللي ناس الإلزامية طلبوا حضوري شخصياً
عشان يدوني شهادة خلو الطرف عشان يتحققوا من إني بت فعلاً
ولست محض ولد زايغ من الإلزامية متستراً تحت شبهة الإسم
|
|
 
|
|
|
|
|
|
|
 Re: تيسير عووضة ودينا خالد (فغط) (Re: تيسير عووضة)
|
رحم الله أستاذنا حاج الباقر ..أستاذ مادة المساحة
كان ( الأتندندس ) عنده ضرورياً يأخذه في بداية كل محاضرة
كانت زميلتنا ( إ ) تعيش موضة الشعر الآفرو وترتدي البنطال والقميص وتفضل الجلوس مع شلة أصدقائها من ( الأولاد ) .
عندما نادى أستاذنا الباقر إسمها رفعت يدها
إنتهرها...
" أنا بقول ( إ ) إنتأ ( إ ) ؟؟
ردت عليه بأدب
نعم يا دكتور أنا ( إ )
أجابها مرتاباً
طيب ( standup ) قالها بالإنجليزي ليتفادي التذكير والتأنيث
وقفت .. إقترب منه وسجل إسمها وهو غير مقتنع تماماً.
بعد قليل نادى إسم زميلتنا ( م ) المرتدية لـ ثوب سوداني
رفعت يدها وبدأت ( تتخمخم ) وتصلح من ثوبها لتقف
فعاجلها
" خليك جالسة يا بتي .. إنت ظاهرة بت "
________________
آلمني هذا اللغط الذي يدور حول دينا خالد
وفي نفس الوقت عجبني ليك
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
عاجباك انا يا تيسير عووضة
مع اني طارحة نفسي كأنثى
يعني اماني الا لكزها عمر الصاروخ وبطريقته الخاصة
دينا خالد وعزاز شامي وشمائل النور ،، اقترح نمشي نعمل فحص هرمونات 
اما انت يا تيسير ما تتعبي هويتك واضحة ، ولا طشاش ساااكت اسمك ما جاء
| |
|
|
|
|
|
|
|
|
 Re: تيسير عووضة ودينا خالد (فغط) (Re: شمائل النور)
|
شمايل ..
قال طارحة نفسي كأنثى
يا زولة أحسن ليك إنضمي لفريقنا دا والفيفا هي الفيصل
من هنا ولي قدام
صورة البروفايل بتاعتنا حتكون فتيل منكير
| Quote: اما انت يا تيسير ما تتعبي هويتك واضحة ، ولا طشاش ساااكت اسمك ما جاء |
ما بتطمني أصلك
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
| Quote: لازم نحسم موضوع هويتنا أنا وإنتي في البورد دا |
نسأل اللهُ السلامة !!
...
كان عندنا في الديم ح . لُبَطْ ..
راجل عدييييييييل .. و أصلية زي اللوز .. و تفتيحة و ميتين حجر .
مرة زمن باصات الهنقاري .. راكبة في النص و واقفة شماعة في النص و لابسه فنلة و بنطلون و الشعر محمد ولد و أصلو ما بتعرفها دي تيسير وللا مصطفى باكِرته ..
في محطة كده الكمساري نزل عشان الناس تركب ، و شبك العالم الواقفين شماعة : جوه شوية يا شباب .. جوه يا أمة .. أرح يااا ..
عاين للزولة دي كددددددده في شكٍ و ريبة .. و قال ليها : قدام شوية يا بو الشباب ..
طواالي هي ظييييططك رفعت الفنلة فوووووق و أشرت ليهو : يا إرنتنق .. ما شايف الد.....ـن ده !!!!
........
تايسا ..
إنتَ و دينا أصلو ما تركبو باص هنقاري .
| |
|
|
|
|
|
|
|
|
|
Re: تيسير عووضة ودينا خالد (فغط) (Re: ندى عثمان حسن)
|
Quote: الليلة الخميس , ومدير ماكو , وشغل على خفييييييييييف
اها دى طوبتى والبستلة جمبها |
نفسي الحركة ..خميسنا ألف الليلة ..
سعوال تعسفي : بستلتك فيها شنو ياندى ..؟
ــــــــــــــــ
تايسا انت ودينا مقامكن عالي ما بختوكن في مساطب الشعب ..
روح رياضية نهيييييييي..
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Emad Abdulla)
|
عماد ..
كلو منك إنت دا
طلعت لستة بنات البورد
وأولاد البورد
ونسوان البورد
وأمهات البورد
وسجم رماد البورد
طلعنا منها كلها كيت !
أنا ودينا طلعنا في لستة المسيلينيس يا عمدة
فتأمل 
قال بص هنقاري قال
أكتر من الحاصل لينا هنا دا؟
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
| Quote: هذا البوست بمثابة إحتجاج رسمي للفيفا |
الفيفا قالت امشو البوليص هي ما فاضية ماشة عقد حنان سكاسك
وحتبيت ليلتين كيتن في اخلاص فتفت، سبب الكية مجهول حتى هذه اللحظة
بس جيب ليك الشمار لو اديتني حق المواصلات...
هبصة، هو مترو بكم ده؟
| |
|
|
|
|
|
|
|
|
|
Re: تيسير عووضة ودينا خالد (فغط) (Re: ندى عثمان حسن)
|
العزيزة تايسا ..
العنوان بتاعك مفروض يكون ::
دينا خالد تيسير عووضة او البنات الضالة .
على وزن الكلاب الضالة .. لووووووب
انتى لسه العناوين دى ما عرفتى ليها ؟؟
اها قالوا البت النهشتيها فى البوست داك ماتت !!!
شوف عييينو اساسى .. قاعد جنب الحرم الممسوخ ما بكضب !
طيب . ممكن اشارك ؟؟ اولا فى استفزاز شديد من جانب الناس
الما بعرفونا عشان يشوفونا بفتكروا انو هم لو قرروا يشوفو زول
لازم يشوفوا !! اهابحصل الاستفزاز والذى يرقى الى مرحلة الابتزاز احيانا
عشان تنزلى صورتك وتمشى الاجتماعات وكدا ..
اظرررف حاجه انو القصة دى بتحصل من اقرب الناس عرفة ليك ، وانا من عادتى
بعاين للنص المليان من الكاس بقول لانهم بيغيروا و عايزين يضللوا الناس .
اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق ..
اجيك من الاخر كدا الموضوع دا مييت ما تشتغلى بيه .. وماتتعرضى فيه
لاى ابتزاز .. ومافى شخص فى الدنيا انا ما دايره اعرفو بخلينى اعرفوا
مرة كنت ماشة مناسبة كدا فى زول منننن ناس البورد ديل حلفنى حليفة
شديده انى ما امشى لانو اجمممل حاجه فيك الاشاعة دى .. خليك بدون ..
بينى وبينك كدا القصة اكثر جاذبية .. لو اتعرف نوعنا كرتنا بتحرق ..
اها انتى قصتك دى اول مرة اسمعها قايلاك كنت بت حقيقية .. لوووول
بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟
ــــــــــــــــــــ
عزاز يا مصيبة والله كلامك الكاتبة دا يشبه صورتك دى شبه
حولااااااااااااااا كتلتينى بالضحك ... عماد غايتو انا لو ولد
برضو ما بعمل شنب !!
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
Quote: اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق .. |
يا سلاااااااااااام يا دينا ياخ، لمن قمت على حيلي وبشّرت لللابتوب
انتي فطرتي بايسون صاح؟ الحركات دي ما براك...
مشكلة منع ومنح (نوعك) دي غلوتية لم اجد لها حل في مجموعة الانسان السودانيس اون لايني
انتي ولد .. انتي مسترجلة .. انت هناي ... انت ما هناي كلها طالعة من
مسدس موية فاضي بعمل " بسسستك بسسسستك "
Quote: بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟ |
لا هي النصيحة بتفرق علشان ديقانجو يفرّز
______________
يا تيسير انتي و دينا ختو لينا صوركم بالحلق علشان نسكت الخشامة
| |
|
|
|
|
|
|
|
|
|
Re: تيسير عووضة ودينا خالد (فغط) (Re: عزاز شامي)
|
| Quote: يا تيسير انتي و دينا ختو لينا صوركم بالحلق علشان نسكت الخشامة |
يا الله.. ما تتخيلي يا عزوز (بالمناسبة ده برضو دلع ولادي..ههههه) إقتراحك ده وقع لي في جرح كيف.
أولن (أولا) يا ستي من زي عشرة يوم كده غمًضتا عيوني الإتنين الأصليات والإتنين التانيات القزاز. وإشتريت لي نضارة نظر جديدة (شانيل). ما حأقول ليك سعرها كم عشان الإستفزاز وكده. وختي في بالك إني قعدًتا أحوًش ليها 5 شهور:))
أها النضارة خرااااافة. فيها لوليتين (عدد إتنين لولي ياباني). ونفسي أفرجًكم عليها. هسع من دربي أمشي اتصوًر (بالجنبة) عشان اللولي يبان.. هههههه
تيسير ودينا.. يوم الأحد (الفالنتاين) حنعمل ليكم لستة مخسووووس..
* دونت ووري.. بي هابي
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Raja)
|
عماد عبدالله
غايتو عملتها واضحة يعني اي واحده يشكوا فيها لازم تعمل ليكم زييييييييييط للتي شيرت زي حنان لبط وحنان مديرية
your call disconnected try again later
ياخي تيسير دي رغم انها مكجناني لكن ابصم ليكم بالعشرة انها بت وبت ديناري كمان
بالمناسبة انااسمي مامذكور في كل البوسات المذكورة الحل شنو لووووووووووووووولز
تحياتي الاكيدة طبعا
زاتووووو
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Hussein Mallasi)
|
لا لا لا يا حسين ..
| Quote: معرفة النوع ما بتحرق الكرت .. البيحرق الكرت مفارقة الواقع للشكل المُتخيل |
من الناحية دى خت فى بطنك بطيخة صيفى !!
( بتجيب الوشوش دى من وين ياود ؟ )
ــــــــــــــــ
بالرغم من انو اصعب شىء فى الدنيا هو تخيل
تخيلك ..
| |
|
|
|
|
|
|
|
|
|
Re: تيسير عووضة ودينا خالد (فغط) (Re: دينا خالد)
|
لوووووووووول تاني على لووولك يا دينا
كل يوم يا حسين بتعزز الهام لي عشان اكتب موضوع
شوف العين الكتل غزال الاسفير
ــــ
تيسير يا بت انت قبل كدا مش ختيتي صورتك ؟
اهل البورد ديل دي بقوزي الحكومة بتعول على انو الناس نساية ولا شنو
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Amira Elsheikh)
|
هههههههههههههههههههه هههههههههههههههههااااااااا
حتى تقطعت المصاريين يا عزاز .. انا ماكلة تايسون
انتى شاربه شنو ؟؟؟ ارمينا بالفاضى ..
الليلة مزاجك بهجة وشكلك موووووت .. انتى كنتى فى مصر ؟
قصة شعر بتاعت زول حريييف ..
ـــــــــــــ
قلتى لى مسدس موية فاضى مافيه موية ذاتو ؟؟
والله بنات البورد ديل بتاعات حركات ياخ !
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Rawia)
|
Quote: يا ميادة !! انتى فى التاة المربوطة
ولا فى الصورة ! لووووووووووووووووب
مع وجود الصورة ما عرفو ؟؟؟ والله بالغوا ,, |
عرفتو ليي انا بدافع عن البت دينا دي؟
ياخ والله إنتي ألذ زووووول في المنبر ده ..
تخريمة :
الحالة الخلفية ما حدائق 6 أبريل أو حبيبي مفلس  [/IMG]
| |
|
|
|
|
|
|
|
|
|
Re: تيسير عووضة ودينا خالد (فغط) (Re: الخير محمد عوض)
|
معروف حمدين
إزيك يا ود حلتنا وليك وحشة برضو
وجن
إنتي معانا ولا مع الخيانة
داليا حافظ
خليني من الحنك بتاعك دا
إسمك الحلو دا بتفكيهو بي كم؟
عاطف عمر
إيه اللي بيحصل دا
الحتة كلها عدل بواسطة عدل بواسطة
إسمي دا جوكر يلفق في أي حتة
لكن بيني وبينك لما الموضوع يكون عن البنوتية بيعمل لي إحراج مؤقت 
كلتومة الشهيرة بـ(عزوز شامي)
الفيفا دي يا فردة stands for
Female Identity Formal Agency
حق مواصلات شنو يختي
من متين بتركبي مواصلات كمان
الله يخلي الكداري وسفنجاتك الخدرا الكل فردة من بلد 
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
Quote: اها البنات بفتكرن انو المكنه دى ممكن تكون ليهن دفاع فى ما يتعرضن
ليه من النقاش الواحده تقول ليك انت ولد فى تبرير لهزيمة داخلية لانو
لو اتت الهزيمة من رجل فهى الشهاده ليك بانك بت مهضومة الحقوق .. |
و برضوا شاكين ان دينا خالد ما بنت ?
Come on!
لو طلعت دينا خالد Dude اكون انا انجلينا جولين
| |
|
|
|
|
|
|
|
|
|
Re: تيسير عووضة ودينا خالد (فغط) (Re: تيسير عووضة)
|
دينا وكية للمابينا
Quote: العنوان بتاعك مفروض يكون ::
دينا خالد تيسير عووضة او البنات الضالة .
على وزن الكلاب الضالة .. لووووووب |
إنتي طبعاً العناوين بقت صنعتك
أنا أقترح التالي
البنات الضالة أو في جدل الهوية (دينا خالد وتيسير عووضة مثالاً)
عنوان أجدع سمكرجي ما يعمل زيو
أصلاً أنا جدل الهوية دي من زمان ما عارفة ألصقا وين
Quote: اجيك من الاخر كدا الموضوع دا مييت ما تشتغلى بيه .. وماتتعرضى فيه
لاى ابتزاز .. ومافى شخص فى الدنيا انا ما دايره اعرفو بخلينى اعرفوا
مرة كنت ماشة مناسبة كدا فى زول منننن ناس البورد ديل حلفنى حليفة
شديده انى ما امشى لانو اجمممل حاجه فيك الاشاعة دى .. خليك بدون ..
بينى وبينك كدا القصة اكثر جاذبية .. لو اتعرف نوعنا كرتنا بتحرق ..
اها انتى قصتك دى اول مرة اسمعها قايلاك كنت بت حقيقية .. لوووول |
يا فردة إبتزاز شنو أنا كنت منزلة صورتي قبل كدا
نزلتها بعد سنوات من إنضمامي للبورد
لأني في الأول ما كنت حابة الناس تقراني من خلال صورتي أو نوعي
وتقريباً دا الحصل بعد داك لأنو رغم إنزال الصورة
حتى الآن لا يخلو لي بوست من عدد إتنين (الأخ تيسير) على الأقل 
أنا يتخيل لي الحكاية ليها علاقة بي نَفَس الكتابة
مرات في طريقة كتابة معينة تفيض أنوثة كما تريد لها صاحبتها (أو صاحبها  )
بالإضافة لنوعية المواضيع نفسها بتديك إنطباع إنو الكتابة دي حقت فيميل
أها يا الكاشف أخوي نحن كتابتنا شكلها دشنة شوية أو nutral وما بتشبه كتابة البنات عشان كدا قايلننا أولاد
الغريبة السنة الفاتت زي المواعيد دي إتفقنا أنا وعزوز شامي نبقى بنوتيات أكتر
فيونكات كدا وقلوب وعصافير لكن نعمل شنو يموت الزمار
يا ستي خليك كدا سماء بدت لهم وإستعصمت بالبعد عنهم
هم دايرين شنو أكتر من رايك الرزين البيعبر عن كتار رجال ونساء على السواء
دا طبعاً الكلام الجد
لكن لو رجعنا للهزار إحتجاجنا للفيفا قائم
لووووووووب يا قولك
Quote: بايى ذا وايى ... الفرق شنو بين البت والولد لما يكون القصة
كلام ْْفى كلام ؟؟ |
ياخ إنتي 
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Adil Osman)
|
سمارت :
مساك ورد وكما تحبي وتشتهي..
| Quote: لو طلعت دينا خالد Dude اكون انا انجلينا جولين |
طيب رايك شنو لو قلت ليك دينا خالد هي إنجلينا جولي
معناها إنتي إتورطتي في الكلمة الما عرفت معناها دي (أعذريني إنجليزيني حببببة ) وحا تطلعي إنتي دي ال Dude
تخريمة :
ما عارف لكن حاااسي إنو Dude بيكون معناها نقطة ..
| |
|
|
|
|
|
|
|
|
|
Re: تيسير عووضة ودينا خالد (فغط) (Re: عمر الفاروق)
|
Quote: سمارت :
مساك ورد وكما تحبي وتشتهي..
Quote: لو طلعت دينا خالد Dude اكون انا انجلينا جولين
طيب رايك شنو لو قلت ليك دينا خالد هي إنجلينا جولي
معناها إنتي إتورطتي في الكلمة الما عرفت معناها دي (أعذريني إنجليزيني حببببة ) وحا تطلعي إنتي دي ال Dude
تخريمة :
ما عارف لكن حاااسي إنو Dude بيكون معناها نقطة .. |
فضحتنا ياخ
امرق .. امرق سريع مرق جلدك
__
تيسير و دينا .. كيف يا زملاء
| |
|
|
|
|
|
|
|
|
 Re: تيسير عووضة ودينا خالد (فغط) (Re: خدر)
|
الأختان العزيزتان تكعيب تيسير ودينا
لكما التحية والتجلة وعاطر الفل والياسمين
بالرجوع إلى ما ذكر أعلاه وحيث أننا من هواة اللعب النظيف نؤكد أنكن من أجمل وأعظم وأنقى وأعف وأطهر من اجتمعن بين نون النسوة وتاء التأنيث، ولا يسوء التبر بعض الغبار.
مع خالص تحياتي
د. صلاح البشير
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Dr. Salah Albashier)
|
| Quote: طريقة كتابة معينة تفيض أنوثة كما تريد لها صاحبتها (أو صاحبها) |
يا خالقنا ..!!
في غنوة زمن زمان يا خدر .. الجابا هنا شنو .. اللهُ أعلم :
( واقف في الحلواني .. واااني
ياكل في البسبوسة .. بوووسه
كان شفتو البسبوسة .. بوووسه
تاكل في البسبوسه .. بوووسه
اللييييلة يا الحلاوة .. اللييييلة يا الحلاوة ) .
.....
أجدعا هنا ينوبك ثواب .
| |
|
|
|
|
|
|
|
|
|
Re: تيسير عووضة ودينا خالد (فغط) (Re: خدر)
|
| Quote: تيسير و دينا .. كيف يا زملاء |
خدرررررر انعل ابو البنط !
ح تزاملنا فى كل الاحوال ؟؟
ـــــــــــــــــ
نحن فى الفيهو دا عايز يلبسنا تهمة جديدة
يا زميل .. انضبط نحن كوادر سرية ... لوووووب
| |
|
|
|
|
|
|
|
|
|
Re: تيسير عووضة ودينا خالد (فغط) (Re: Emad Abdulla)
|
Quote: [كلتومة الشهيرة بـ(عزوز شامي)
الفيفا دي يا فردة stands for
Female Identity Formal Agency |
)
..غايتو دى بالغتى فيها......
ما عارفه ضحكتنى كلتومة واللا تفسير الفيفا!
...والحاله انا قاعده من قبيل افكر ..وقلت يا بت ما تتلاقفى ساي وتعبري عن جهلك...!!
شكلها الفيفا دى أى زول عارفا إلا إنتى!!
...اها أنا ياتيسير برضو إسمى مافى فى البوستين....وقدر ما نبحتا ...زووول عبرنى ماف....
يمكن برضو شاكين فينى؟؟...يكونوا يا ربي؟؟ مع إنو كتابتى بتفيض أنوثه وشعرها ملفوف!
...هو بينى وبينك كده.....قصة هويتى دى من زمان فيها لغط.....
يمكن عشان مشكلة الإسم زيك كده.....ويمكن برضو عشان حاجات تانيه وكده!!!!!!!!!خلينا منها هسه!!
لكن فعلا يا دينا....حتى الكتابه فيها نسونه ورجوله؟؟؟؟سؤال فى محلو!!.................
| |
|
|
|
|
|
|
| |
تيسير عووضة
عاطف عمر
شمائل النور
Emad Abdulla
معروف حمدين
وجن
داليا حافظ
SAIF MUstafa
دينا خالد
Raja
ALZOLZATOO
Hussein Mallasi
محمد حيدر المشرف
الجندرية
bent awad el kareem
mayada kamal
على محمد على بشير
Rawia
عمر الفاروق
الخير محمد عوض
smart_ana2001
Adil Osman
خدر
محمد عبد الماجد الصايم
Shiraz Abdelhai
قيقراوي
فيس بوك
تويتر
انستقرام
يوتيوب
بنتيريست