بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 04:09 PM الصفحة الرئيسية

مكتبة تيسير عووضة(تيسير عووضة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

صور من حلتنا ..

01-24-2006, 03:50 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

صور من حلتنا ..

    غنماية راقدة قي قعر الحيطة بكسل لذيذ
    من أنا في خامسة ابتدائي وجمبها ربطة قش فرغت من أكله للتو

    موية عدة مكشحة وفيها بواقي عجور وقشر بيض وشنو ما عارفة

    دكان المكوجي بحباله الممدودة اول ما تدخل
    وكم ترتار خاتين فيهم الطشاتة
    ومنقد بيفوروا فيهو الصابون
    وعم ابراهيم بيهز في المكوة عشان يحت الهبوت

    حاجة السرة بشلوخها الاصيلة وهي راجعة من الخدار وشايلة قفتها
    وتتهادى من بداية الشارع

    دكان التموين لامي عواجيز الحلة
    وعلى رأسهم عم بابكر بي نضاراتو قعر كباية
    قاعدين بإهمال وهم بتداولوا كيس السفة
    ويعيدوا ويزيدوا في قصص محفوظة عن ظهر قلب

    الطيب سيد الدكان خاتي القدرة و بعدين خاتي كيس نايلون ومغطيها
    وفوق الغطا حجر كبير لزوم الكبس وكده
    ورابطا بسلك من الاضان للاضان (بريستو بلدي)

    حاجة العافية قاعدة في ركن المدرسة وراصة حاجاتا قداما
    والشفع ما يدوك الدرب
    قراصة نبق، دقة قنقليز، لالوب، دوم، تبش بالشطة، حلاوة عكاز ...
    والحاجات الحلوة ديك

    مزيرة فيها تلاتة أزيار ومغطية بأغطية خشب
    وكوز بتاع صلصة مقدود ومربوط بي حبل أخدر في واحد من الأغطية ديك
    (بس ما زي ازيار ملاسي)

    زريبة ود الزين بترابا الاسود وشوالات الفحم مردومة فوق بعض
    وكيمان من الشاف والطلح وحطب العواسة ..
    وميزان معمول من تلاتة عيدان
    بتتلاقى في النص ونازل منها شنكل يستعمل كمعبار للحطب

    عباس سيد الطعمية قاعد قصاد الدكان ويقلب في الطعمية :
    - ياولد داير بي كم ؟
    - اديني بي خمسين ...
    يخت للولد قدر قروشو في قرطاس معمول من جريدة
    ويرجع يقلب تاني في الطعمية

    حاجة كلتوم قاعدة جمب التعاون بتاع الخضار
    على يمينا كم برطمانية فيهم شطة وتوم منضف وبهارات ومرقة وظهرة
    وعلى الشمال كوم بتاع مقاشيش وطباقة جميلة ملونة و بأحجام مختلفة



    وتاني شنو ..؟

    (عدل بواسطة تيسير عووضة on 01-31-2006, 02:25 PM)

                   |Articles |News |مقالات |بيانات

01-24-2006, 04:02 AM

عبدالغني كرم الله بشير
<aعبدالغني كرم الله بشير
تاريخ التسجيل: 12-06-2005
مجموع المشاركات: 1082

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    طفولة عمالية، كنا نلغي مباراة مهمة مع شفع فريق "فوق" حتى نذهب للطاحونة، لا أدري موقف الفيفا من مباراة تنتهي في الدقيقة 17، ومن لاعبين حفاة، وبكرة من شراب أخي عبد العزيز، ومع هذا يسجل "مدثر" أبن أختي، هدف بارع، في مرمى واهن مكون قائمته اليمنى من ثياب مزقها الفقر وقائمته اليسرى من طوبة فقدت وظيفتها لعرج لحق بظهرها، أما اللعيبة، فقط تأمرت علي أقدامهم الأشواك، وعلى رؤسهم التراب، وبدائية التربية، وعلى بطونهم الجوع، .. وحيناً آخر... وقبل أن أكمل رسم أرجل البقرة، يرسلني خالي لجلب كيس صعود، وحين أعود تكون الرياح وأرجل الغنم قد مسحت بقية جسد البقرة، لأن كراس الرسم لم يكن سوى الفسحة الواقعة قدام ظل الصالون، ألم تدري هذه الرياح الهوجاء إي ذنب ارتكبت، لقد رسمت بقرة لا وجود لها في الوجود، فهي لا ترعى إلا في خيالي، صفراء فاقع تسر الناظرين، ولو علمها اليهود لفدت تلك البقرة المكلومة بحكم الوقت... والأمطار... هذا التجلي الجمالي، كان جلالياً فوق بيوتنا الطينية، مع أبن أختي نصعد فوق الأسقف حتى نسد الثقوب ونصلح "السبلوقة" ونردم التراب على أركان الدار، كان البرنامج اليومي عبارة 5 كيلو متر للذهاب للمدرسة والإياب، و3 كيلو لإحضار الشاي والعدس والتنباك والفول، و30 دقيقة لحلب الغنم، وساعة لمحو ألم شوكة انغرزت في الأرجل الحافية، ونكف عن ثرثرتنا الطفولية 22 دقيقة خلال اليوم، فقد قطع نهيق حمارة مصطفى حبل تفكيرنا وكذا حمار طه.. وبتول.. وسعد.. وأما الليل، فلا تلفاز يعكر الصفو، فالتلفزيون هو هذه السماء العريضة الصافية، وأبطالها النجوم والقمر، ولكن سريعاً ما يفسد الغول والغول والبعاتي صفونا، فمن أوجه الطاقات تطل علينا، فقد ترك للحبوبات تربية ضميرنا المغيب، فصرنا نحس بالبعاتي مع كل هزه للباب، " والدعت" ولو لا "النبي نوح" هذه الروشتة الحافظة، لأمطرتنا الدوابي والعقارب..كنا برجوازية صغار، بفهم النبي ماركس، فأدوات الإنتاج مثل الملود، والسلوكة، والمنجل، كانت بحوزاتنا، ونجيد استخدامها بمهارة فائقة، كنا برجوازية صغار بحق، سقطنا سهوا من فكر ماركس، ليته قال " يا أطفال العالم اتحدو.. ليس لديكم ما تفقدونه سوى طواريكم وكوريكاتكم.. وغولكم وبعاتيكم.. وشوككم وغباركم.. والحسنة الوحيدة في هذه الطفولة.. كانت " قصة فاطمة السمحة" ... كنا نسترق السمع لقصتها عشرات المرات، ونحلم بها... بذلك الفردوس المفقود في حجرها، وبشعرها الطويل...
                   |Articles |News |مقالات |بيانات

01-24-2006, 04:15 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عبدالغني كرم الله بشير)

    تيسير

    لك كل الود و التقدير

    Quote: وعم ابراهيم بيهز في المكوة عشان يحت الهبوت


    أعجبتني هذه الصورة لدرجة أنها أرجعتني للوراء بذاكرتي سنوات عديدة .. إلى عطبرة مرتع الصبا ..

    واصلي .. سآتيك بذكريات مماثلة ..

    أرقدي عافية
                   |Articles |News |مقالات |بيانات

01-24-2006, 09:41 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ابو جهينة)

    أبو جهينة
    إزيك ..

    ليت زماننا يقف عند تلك الايام
    جميلة هي
    والاجمل تلك التفاصيل العادية
    و

    منتظرينك ..
                   |Articles |News |مقالات |بيانات

01-24-2006, 09:36 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عبدالغني كرم الله بشير)

    عبد الغني كرم الله
    الشكر لك وانت تصف لنا هذه الصورة الرائعة من الحلة
    هي ما يعلق بالذاكرة
    ويقتات من شوقنا لها

    شكرا يا زول يا جميل
    و خليك هنا ..
                   |Articles |News |مقالات |بيانات

01-24-2006, 04:07 AM

عمر عبد الخالق سعيد
<aعمر عبد الخالق سعيد
تاريخ التسجيل: 08-14-2005
مجموع المشاركات: 2228

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: وعم ابراهيم بيهز في المكوة عشان يحت الهبوت
                   |Articles |News |مقالات |بيانات

01-24-2006, 09:44 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عمر عبد الخالق سعيد)

    عمر عبد الخالق
    إزيك ..

    شايفاها عجبتك
                   |Articles |News |مقالات |بيانات

01-24-2006, 04:16 AM

ALHALAWI

تاريخ التسجيل: 09-12-2002
مجموع المشاركات: 689

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: غنماية راقدة قي قعر الحيطة بكسل لذيذ
    من أنا في خامسة ابتدائي وجمبها ربطة قش فرغت من أكله للتو

    موية عدة مكشحة وفيها بواقي عجور وقشر بيض وشنو ما عارفة

    دكان المكوجي بحباله الممدودة اول ما تدخل
    وكم ترتار خاتين فيهم الطشاتة
    ومنقد بيفوروا فيهو الصابون
    وعم ابراهيم بيهز في المكوة عشان يحت الهبوت

    حاجة السرة بشلوخها الاصيلة وهي راجعة من الخدار وشايلة قفتها
    وتتهادى من بداية الشارع

    هي ... دي ما حلتنا.....

    (عدل بواسطة ALHALAWI on 01-24-2006, 04:17 AM)

                   |Articles |News |مقالات |بيانات

01-24-2006, 04:30 AM

keiga2000
<akeiga2000
تاريخ التسجيل: 05-11-2002
مجموع المشاركات: 4101

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ALHALAWI)

    يالله ما اروعك ياتيسير

    انتو ماملاحظين انو الاشياء دي كلها بتكون متشابهة في كل منطقة
    رجعتني نفس الذكريات الى مدينة ودمدني ايام دراسة الابتدائي والمتوسطة

    يالله نفس الغنمايه ونفس سلك الغسيل وبتاع اللبن بتاع النهار بيوزع في اللبن وبتاعين القزاز والشوالات طبعا(المعاه قزار بعدين قلبت المعاه جركانات وشوالات الفحم )

    واصلوا في تلك الروائع

    واتحفونا مع ذكريات الطفولة


    ابومصطفى
                   |Articles |News |مقالات |بيانات

01-24-2006, 09:52 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: keiga2000)

    keiga2000
    هي ذكريات مشتركة
    كأننا كنا نسكن حلة واحدة كبيرة

    مش عندكم برضو حاجة السرة وعم ابراهيم المكوجي ..


    لسه تاني في بس اتذكر
                   |Articles |News |مقالات |بيانات

01-24-2006, 04:26 AM

ALHALAWI

تاريخ التسجيل: 09-12-2002
مجموع المشاركات: 689

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    والدنيا بدايات عصــر شايف بخيت راكب حمارو المكادي ... ماش وين بدري كده يا حاج؟ ... والله ماشي الحواشة قالو المفتش جاي علينا بي غادي ...

    تمشي ورا الحلة الشباب طالعين الميدان .. قالوا في تمرين كارب أصلو بيستعدوا للمباراة الجاية...

    وأنا راجع لاقيت حاجة بتول ساكة الغنماية ... قالت لي مشيت الزريبة أجيب الغنماية المطموسة دي أتاري الغنماية دخلت في حواشة أولاد أحمد ود مساعد وودوها زريبة ود العامري ... والله بايتة ليها يومين وغرمونا جنيــه كامل ... عليك الله دي حالة دي...
                   |Articles |News |مقالات |بيانات

01-24-2006, 09:56 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ALHALAWI)

    الحلاوي
    إزيك ..

    Quote: وأنا راجع لاقيت حاجة بتول ساكة الغنماية ...


    اما عن حاجات الحلة وسك الغنم فدا برنامج براه

                   |Articles |News |مقالات |بيانات

01-24-2006, 04:43 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير


    سؤال بره الموضوع

    هل تيسير مذكر ام مؤنث

    تابعت و لاحظت انك بتكتب بصيغة الذكر عندما تتحدث عن حالك

    و الاخوة المتداخلين يخاطبو بي صيغة مؤنث !!!

    فهل أخطأت !! ام اخطاء المتداخلون !!!




    تهريجة:
    ** للعلم بالشيء و ليس للتشكيك ..
                   |Articles |News |مقالات |بيانات

01-24-2006, 09:58 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: فيصل نوبي)

    فيصل نوبي

    Quote: هل تيسير مذكر ام مؤنث


    البيعجبك نحن راضين بيهو
                   |Articles |News |مقالات |بيانات

01-24-2006, 12:21 PM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: عمر عبد الخالق
    إزيك ..

    شايفاها عجبتك


    دي كفاية
                   |Articles |News |مقالات |بيانات

01-24-2006, 10:45 PM

عمر عبد الخالق سعيد
<aعمر عبد الخالق سعيد
تاريخ التسجيل: 08-14-2005
مجموع المشاركات: 2228

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: فيصل نوبي)

    Quote: جبناها ليك كلها
    الايام دي انت محتاج لمصطفى شديد
                   |Articles |News |مقالات |بيانات

01-25-2006, 04:13 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عمر عبد الخالق سعيد)

    عمر عبد الخالق


    Quote: الايام دي انت محتاج لمصطفى شديد


    صاحبك وانت أدرى بيهو
                   |Articles |News |مقالات |بيانات

01-24-2006, 05:31 AM

شرووم
<aشرووم
تاريخ التسجيل: 04-21-2002
مجموع المشاركات: 662

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير

    شكرا على فتح هذه النافذة المطلة على ساحة الزكريات العطرة والحلوة والمغروسة بحرص على تربة المخيلة الخصبة آنذاك.

    الأخ عبد الغني
    Quote: طفولة عمالية، كنا نلغي مباراة مهمة مع شفع فريق "فوق" حتى نذهب للطاحونة، لا أدري موقف الفيفا من مباراة تنتهي في الدقيقة 17، ومن لاعبين حفاة، وبكرة من شراب أخي عبد العزيز، ومع هذا يسجل "مدثر" أبن أختي، هدف بارع، في مرمى واهن مكون قائمته اليمنى من ثياب مزقها الفقر وقائمته اليسرى من طوبة فقدت وظيفتها لعرج لحق بظهرها، أما اللعيبة، فقط تأمرت علي أقدامهم الأشواك، وعلى رؤسهم التراب، وبدائية التربية، وعلى بطونهم الجوع، .. وحيناً آخر... وقبل أن أكمل رسم أرجل البقرة، يرسلني خالي لجلب كيس صعود، وحين أعود تكون الرياح وأرجل الغنم قد مسحت بقية جسد البقرة، لأن كراس الرسم لم يكن سوى الفسحة الواقعة قدام ظل الصالون، ألم تدري هذه الرياح الهوجاء إي ذنب ارتكبت، لقد رسمت بقرة لا وجود لها في الوجود، فهي لا ترعى إلا في خيالي، صفراء فاقع تسر الناظرين، ولو علمها اليهود لفدت تلك البقرة المكلومة بحكم الوقت... والأمطار... هذا التجلي الجمالي، كان جلالياً فوق بيوتنا الطينية، مع أبن أختي نصعد فوق الأسقف حتى نسد الثقوب ونصلح "السبلوقة" ونردم التراب على أركان الدار، كان البرنامج اليومي عبارة 5 كيلو متر للذهاب للمدرسة والإياب، و3 كيلو لإحضار الشاي والعدس والتنباك والفول، و30 دقيقة لحلب الغنم، وساعة لمحو ألم شوكة انغرزت في الأرجل الحافية، ونكف عن ثرثرتنا الطفولية 22 دقيقة خلال اليوم، فقد قطع نهيق حمارة مصطفى حبل تفكيرنا وكذا حمار طه.. وبتول.. وسعد.. وأما الليل، فلا تلفاز يعكر الصفو، فالتلفزيون هو هذه السماء العريضة الصافية، وأبطالها النجوم والقمر، ولكن سريعاً ما يفسد الغول والغول والبعاتي صفونا، فمن أوجه الطاقات تطل علينا، فقد ترك للحبوبات تربية ضميرنا المغيب، فصرنا نحس بالبعاتي مع كل هزه للباب، " والدعت" ولو لا "النبي نوح" هذه الروشتة الحافظة، لأمطرتنا الدوابي والعقارب..كنا برجوازية صغار، بفهم النبي ماركس، فأدوات الإنتاج مثل الملود، والسلوكة، والمنجل، كانت بحوزاتنا، ونجيد استخدامها بمهارة فائقة، كنا برجوازية صغار بحق، سقطنا سهوا من فكر ماركس، ليته قال " يا أطفال العالم اتحدو.. ليس لديكم ما تفقدونه سوى طواريكم وكوريكاتكم.. وغولكم وبعاتيكم.. وشوككم وغباركم.. والحسنة الوحيدة في هذه الطفولة.. كانت " قصة فاطمة السمحة" ... كنا نسترق السمع لقصتها عشرات المرات، ونحلم بها... بذلك الفردوس المفقود في حجرها، وبشعرها الطويل...


    هذه لوحة مرسومة بريشة فنان مدرك لما يفعله ، لا استطيع ان اقول سوى ما أروعك.

    شرووم
                   |Articles |News |مقالات |بيانات

01-24-2006, 10:11 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: شرووم)

    شرووم
    إزيك
    ..

    ما يرسخ ايام الطفولة لايزحزحه بعد الزمان او المكان
    تبقى الذكريات لنتداولها فيما بيننا ..
                   |Articles |News |مقالات |بيانات

01-24-2006, 06:37 AM

حمد فتح الرحمن
<aحمد فتح الرحمن
تاريخ التسجيل: 06-01-2005
مجموع المشاركات: 1992

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: وتاني شنو ..؟


    تاني و ين السلبة و درب البير بس .
                   |Articles |News |مقالات |بيانات

01-24-2006, 09:27 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: حمد فتح الرحمن)

    حمد فتح الرحمن
    إزيك ..

    تاني كتييير
    انت بس شيل الصبر .. وخلي بالك سلبة
                   |Articles |News |مقالات |بيانات

01-24-2006, 09:34 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    حلتكم أكثرتطوراً من حلتنا لأنها لم تمارس لعبة حرب بالطين تلك اللعبة التي كان وقود الحرب فيها كرات طينية غير أن البعض كان يغش ويضع داخل كرة الطين حجر يحيل اللعب إلى حرب حقيقية ، ولم تعرف دافوري الشوارع ولا لعب الكوتشنيه أو الضمنة أو حتى البلي.
    حلتكم أكثر وطنية لأنها لا تخرب المرافق العامة وممتلكات الدولة ممثلة في صيد لمبات الشوارع على قلتها وضعف إضاءتها الناتج عن رداءة نوعها ، أو كشيح موية البالوعات النتنه في قارعة الطريق .
    حلتكم أكثر محافظة على البيئة لأن أغنامها ترقد في الضل وتمكث في رقادها ما بقي رزقها يأتيها رغداً وأمامها دون منازع عكس أغنام تقضي جميع حاجاتها في قارعة الطريق ، تقاتل وتسرح وتنكش كل شئ بدء من برميل الكوشة حتى تجد ما يسد رمقها من بواقي قشر بطيخ وشئ من سيقان ملوخية وبعض أكياس النايلون والدلاقين ومع ذلك تكون مطالبة بإنجاب عتوت للأكل ولبناً سائغاً لشاي الصباح وشاي المغرب.
    حلتكم أقل تلوثاً لأن كوشتها لا يتم حرقها وسط السكان فتزيد الجو المخنوق أصلاً خنقة تبقيه بين الحياة والموت. ولا يقضي فيها البعض حاجاتهم في الميادين والفسحات ما أن تميل الشمس إلى الغروب فتحيل تلك الميادين والفحسات التي وجدت أصلاً كمتنفس إلى مكان أقل ما يوصف به أنه الأتعس.
    حلتكم لا تسمع فيها صفارة قطار ولا صوت ساعة الحكومة ولا صوت نساء الجيران وهن يتجاذبن أطراف الحديث وبالحيطة لمن الحديث يقرب يموت من كثرة الجذب. ولا تمارس فيها شحدة الملح والملاح والبصل والتوم بين المنازل. أو تمارس فيها المشاجرات اليومية ليلاً ونهار بين نساء العالمين وبأصوات أقل ما يوصف بها أنها غير فنية البتة.
    حلتكم أكثر أوتوكيتاً من غيرها فلا يشد فيها قميص ولا توب ولا فستان ولا ساعة ولا دهب من الجيران لمجرد حفلة أو مناسبة ، ولا تبدأ الزيارات فيها والتي لا تعرف التوقف للجيران من الصباح الباكر وحتى نهاية فيلم السهرة.
    حلتكم أكثر حضارة لأن جدرانها لا تغطيها شخبطات العابثين ورسومات الغير موهوبين وما تتركه الأغنام من أثر على حيطان الجالوص من منطلق Scratch my back أو ممارسات بعض الحمير والتي أجبرت البعض على إعلانها صريحة ومدوية ممنوع ............ يا حمار
    إنسان حلتكم أقل عدائية وعدوانية لأنه يمكن أن يمر السابلة أمثالي من أمامه فيرد على التحية بأحسن منها ، عكس أولئك الذين يردون على تحيتك أياً كان شكلها بسيل من حجارة يصيبك في مقتل وذلك بعد أن تديهم عنقرتك سلمت أم لم تسلم عليهم لن تسلم منهم أو من كلابهم.
    حلتكم أقل فساداً من غيرها لأن برسيم خيول السواري لا تتلقفه أيدي العسس ومن اللوري مباشرة إلى ديارهم وتموت الخيل في الإسطبلات جوعاً وبرسيم حصين السواري تأكله غنم الإشلاق. أو يتم تأجير عربة الدولة لمواطن الدولة من مواطن الدولة الآخر عملاً من منطق من كان له فضل ظهر غير أن العيادة هنا تكون بقدر دنانيرك.
    حلتكم أفضل لأن شيبها وشبابها نساءها وأطفالها تركوا منازلهم وأتخذوا من الطرقات مجالساً لهم لا يرعون فيها حرمة الطريق والما عاجبو ما يجي شاقي الحلة دي تاني.
    ولكن برغم لحلتكم نكهة ولغيرها نكهات ، ولولا وجود حلة كحلتكم لم تكن حلة أو حلال أخر موجودات أصلاً.
    ولأن حلتكم لا تسمع فيها لاغيه فأنت ساكن في الجنة عديل كده
                   |Articles |News |مقالات |بيانات

01-24-2006, 10:35 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almulaomar)

    Quote: البيعجبك نحن راضين بيهو

    وهذا الشبل من ذاك الأسد!
    فلاش باك وتداعى جميل رأيته بأم عينى تحياتى للأسد
    جنى

    (عدل بواسطة jini on 01-24-2006, 12:07 PM)

                   |Articles |News |مقالات |بيانات

01-24-2006, 12:00 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almulaomar)

    الملاعمر
    إزيك ..

    Quote: بواقي قشر بطيخ وشئ من سيقان ملوخية


    حتصدقني لو قلت ليك انو العبارة دي تحديدا انا كتبتها ومسحتها
    بس بدل سيقان كنت كاتبة عيدان !
    لمن قريتها لمن نططت عيوني


    الفكي عمر والله منك خوووووف
    بعدين انا لسه ماانتهيت خليك معانا ..
                   |Articles |News |مقالات |بيانات

01-25-2006, 03:48 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    هذا ما يمكن تسمية توارد خواطر فالعاصمة والمدينة برغم ما فيها من سينمات وعربات وكهرباء ومسلسل يومي ودكاكين وميادين وصوالين وكوش تظل قرية بالمقاييس الحضرية لذلك لا غرابة من أن يحاكي ساكن الحاج يوسف حياة سكان بري الدرايسه و بيت المال أو شمبات الأراضي أو أمبده السبيل وحتى الثورة الحارة كم كده مش عارف ناهيك عن الكلاكلات وبقية المسميات.
    من الظواهر التي غزت العاصمة هي كثرة محلات المكوجية فبين كل مكوجي وآخر مكوجي ولكن برغم تلقي هدوم الناس في حالة يصعب تصنيفها يا قديمة شديدة يا ما نضيفة.

    Quote: الفكي عمر والله منك خوووووف

    أبداً لا هي فراسة ولا فطنه كل من في الأمر أن الأشياء تتشابه والدليل أنني لمن أمشي لي وداعية وتقول لي الوحيد ده شنو أكيد ما حا أقول ليها أوضة بيتنا أو باب الشارع لأنه الوحيد هو دايماً بنطلون الجينز الذي أرتديه ليل نهار وصباح مساء.
                   |Articles |News |مقالات |بيانات

01-26-2006, 03:28 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almulaomar)

    الملاعمر

    Quote: والدليل أنني لمن أمشي لي وداعية وتقول لي الوحيد ده شنو


    على حس الوداعية ..
    عندنا في حلتنا واحدة اسمها ساكنة بت البكري
    قعداتها دايما الضحوية
    مع القهوة والنسوان
    وترمي الودع وتكشكشو
    وتومات الودع
    تحذر
    وتبشر
    شي يصيب وشي يخيب
    وغايتو ..
                   |Articles |News |مقالات |بيانات

01-24-2006, 12:05 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    جني الظريف


    من شابه اباه فما ظلم
    والاسد بيسلم عليك ..
                   |Articles |News |مقالات |بيانات

01-24-2006, 12:25 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)
                   |Articles |News |مقالات |بيانات

01-24-2006, 02:23 PM

الملك
<aالملك
تاريخ التسجيل: 01-02-2005
مجموع المشاركات: 5756

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    ...
    ...

    جيرانا عديل كده
                   |Articles |News |مقالات |بيانات

01-25-2006, 02:42 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: الملك)

    يا ملك كلنا في الهم والتنشئة شعبيين وناس حله وأولاد حاره
                   |Articles |News |مقالات |بيانات

01-25-2006, 09:39 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almulaomar)

    الملا عمر

    Quote: كلنا في الهم والتنشئة شعبيين


    الأخ مؤتمر شعبي
                   |Articles |News |مقالات |بيانات

01-25-2006, 04:37 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: الملك)

    ناجي
    إزيك ..

    Quote: جيرانا عديل كده


    خليت وقوفك تحت العمود الكتير داك
                   |Articles |News |مقالات |بيانات

01-24-2006, 04:32 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)


    الزير سالم تحت الشجرة فى حوش الديوان!



    للملا عمر /// غنماية حلتنا فى حصة الفسحة!




    نساج العناقريب. بدل الحبال ظهر عصر البلاستيك




    سودانية كريمة الملامح والمهنة: بياعة طواقى




    بت حلتنا
                   |Articles |News |مقالات |بيانات

01-25-2006, 02:38 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Adil Osman)

    عادل عثمان متعك الله بالصحة والعافية
    شكراً على هذا النقل الحي وكل تلك الصور الرائعة التي تاكد تنطق. أنظروا إلى هذه الغنماية الكريمة إنها من سلالة ممتازة وهي قطعاً شامية أى من الشام وغالباً ما تكون سورية أو مقدسية ، وكانت عمتي عليها رحمة الله تمتلك كما كبيراً من تلك الأغنام 6 شنكل طويلة التيلة غير أنها كانت تطلق عليها أو تسميها بالغنماية الأمريكانية هذا في زمان سابق أيام أن كانت أمريكا في صلح مع نفسها ومع العالم أجمع وأيام أن كانت الغنماية تتمتع بالكثير من الدلال لها أسماء ولها حقوق شأنها في ذلك شأن كلاب الخواجات. ويظهر أصل هذه الغنماية وحسن سلالتها من طويل الأضنين وطول الشعر ، وقصر القوائم الأمامية.
    الجميل في الزير يا عادل إنو لا يمكن أن يكون في حلتنا بأى حال من الأحوال لأنو لو سلم من أولاد الحلة لا يمكن أن يسلم من الغنم وفي الحالتين مصيره يقع أرضاً وينسكب الماء فيختلط ماء الزير الصافي النقي بموية البلاعة في أى حفرة من حفر الشارع.
    أما صلاح العناقريب هكذا كان ينادي على بضاعته وصنعته "صلاح العناقريب بالحبال" أيام أن كانت مدخلات صناعته الحبال وتغير الحال وتبدلت الأحوال فحل البلاستيك محل حبال الحلفا والسعف فكان لابد أن يتغير إسم الصانع من صلاح إلى نساج وإن كنت أري أن الأولى أشمل حيث أن النساج هو فقط ينسج ويشتت أما الصلاح فيمكن أن يستبدل كراع عنقريب مكان أخرى أو يشد الكراب إلخ...
    أما بشأن بت حلتكم فيبدو أنها الصورة مشفرة فلم أستطع فتح الصورة فذهبت حيث يجب أن أذهب لأجد نفسي متوهطاً في نص بوست بعنوان قوانين المنبر ، فقلت البوست وقفلت راجعاً.
    التحية لصلاح العناقريب فهو هلاريخي يشجع فرقة الهلال بالأزرق وفرقة المريخ بالأصفر. ولا أحسب أن لأدواته تحت السرير أو العنقريب أى فائدة في عالم النسيج البلاستيكي فلا منشاره ينفع ولا القدوم يستطيع أن ينجر به شيئاً.
                   |Articles |News |مقالات |بيانات

01-25-2006, 04:01 AM

احمد العربي
<aاحمد العربي
تاريخ التسجيل: 10-19-2005
مجموع المشاركات: 5829

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almulaomar)

    الاستاذ/ه
    تيسير
    عموماممكن اشارك؟





    طبعا الحللال في السودان كوبي + بست


    وفي حلتنا بنجيب المررو من حاجه فاطنه
    وعمك (ود العجيل ) نجار من سنة حفرو البحر
    كلما نمشي السوق لازم نجي قدام دكانو و(طروش)
    احسن ترذي + (ود الباشاب )بخيطو الجلاليب (ودمسي)
    تاجر الفواكه دكانو جنب النجار و(موسى ) الغسال
    ودكان (محجوب ) تاجر العيش وفي حلتنا عندنا سوق
    يوم الاتنين والخميس كل الحللال الجنبنا بيجو يوم السوق
    (ود هرود) بيقوم بدري ينجض العيش وطابونتو توحي لنا بملامح
    تاريخيه وعموما يوم السوق ده يوم مشاوي ساااااااااكت وذمان
    كانت الاندايه تعج بالدوبيت والمنازلات المهم الناس حلوين
    وكأنهم عايشين في بيت واحد


    عموما الحله سوالفه كتيره
    لكن جاينك ليها
    سلام
                   |Articles |News |مقالات |بيانات

01-25-2006, 04:05 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Adil Osman)

    عادل عثمان

    شكرا لإيراد هذا الجمال
    وتسلم ..
    خليك قريب حنحتاجك معانا




    صليييح سراييييييييييير
    بوابير الجاز
    عناقريييييييييييب
                   |Articles |News |مقالات |بيانات

01-25-2006, 04:41 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    أحمد العربي

    Quote: وطابونتو توحي لنا بملامح تاريخيه


    انا هسه شامّة ريحة العيش الحار ..
                   |Articles |News |مقالات |بيانات

01-25-2006, 03:54 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    زريبة ود الزين بترابا الاسود وشوالات الفحم مردومة فوق بعض
    وكيمان من الشاف والطلح وحطب العواسة ..
    وميزان معمول من تلاتة عيدان
    بتتلاقى في النص ونازل منها شنكل يستعمل كمعبار للحطب

    عباس سيد الطعمية قاعد قصاد الدكان ويقلب في الطعمية :
    - ياولد داير بي كم ؟
    - اديني بي خمسين ...
    يخت للولد قدر قروشو في قرطاس معمول من جريدة
    ويرجع يقلب تاني في الطعمية
                   |Articles |News |مقالات |بيانات

01-26-2006, 04:00 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير

    هناك محطات كثيرة في الحلة ترتبط بحياة الإنسان في كل مراحله ..
    لا تبرح خياله ..

    من هذه الأشياء التي لا تزال عالقة ..
    كنت أحب الخريف ..
    كل أحداث الخريف ..

    بداية من تراكم السحب ..
    صوت الرعد البعيد يكركر ثم يقترب لينطلق بعيداً ..
    حبات المطر الأولى تداعب وجوهنا ..
    ثم إنهمار المطر ..
    سكون الحلة .. لا نسمع غير صوت نقرات حبات الماء على السقوف و إنهمار الماء من السباليق ..
    أصوات تتنادى ..

    و البرق يدخل الرهبة و الرعب في قلوبنا .. نغمض أعيننا ..
    تسابيح العجايز تدخل الطمأنينة في النفوس
    و ضوء البرق اللامع يشق دياجير الظلام



    ثم صبيحة اليوم التالي .. ريحة الدعاش .. إختلاط الماء بالطين ..
    و بعض القطرات تعانق صفق الشجر كأنها تتمسك بنداوة الوريقات قبل أن تنزلق في بطء على الحفرة التي كونتها سابقاتها ..



    ثم فراشات جميلة .. نطاردها بشقاوة .. أو لحصة ( الطبيعة )



    و نواصل
                   |Articles |News |مقالات |بيانات

01-26-2006, 05:25 AM

نجود حسن عبد الرحمن

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ابو جهينة)

    بت عوووووووضة

    ليت الشباب يعود يوما ليرى مافعل بى المشيب

    رجعتينا لايام زمان وحلتنا زمان والله البوست بتاعك بخلى الواحد يتمنى يرجع للوراء ولو ليوم واحد

    تسلمى ياغالية
                   |Articles |News |مقالات |بيانات

01-26-2006, 12:26 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: نجود حسن عبد الرحمن)

    نجود
    إزيك يا جميلة ..

    حليل زمن الصبا الماضي

    نعيش لنستعرض هذه الأيام
    ونشوف زماننا ودانا وين
    لكل شئ قديم نكهة محببة
    البيت
    المدرسة
    الحلة
    تسلمي وتسلم حلتكم
                   |Articles |News |مقالات |بيانات

01-26-2006, 12:51 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ابو جهينة)

    أبو جهينة
    تحية خريفية..

    الخريف عطاء الطبيعة
    واكتمال دورة حياة
    بدأت في الارض ..
    صعدت السماء
    وانتهت إلى الارض مرة أخرى ..
    أما التفاصيل بينهما
    فإنك بها قدير
    وصفتها كأجمل ما يكون

    Quote: ثم صبيحة اليوم التالي .. ريحة الدعاش ..
    إختلاط الماء بالطين ..


    أها ريحة الدعاش دي موضوع تاني براهو
    نكهة مطر
    ريحة ارض
    ما بعرفا شنو
    لكن بحبها ..

    تسلم أبو جهينة
    وخليك معانا ..
                   |Articles |News |مقالات |بيانات

01-26-2006, 03:47 AM

عبدالغني كرم الله بشير
<aعبدالغني كرم الله بشير
تاريخ التسجيل: 12-06-2005
مجموع المشاركات: 1082

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    كش ... كش .... كش"....

    هل تحبون مثلي صوت المكشاشة، إنها تعني لي الأرض، تغوص شعيراتها في تراب وطني الصغير، دارنا، كي تمسح عنها بقايا حياة يوم كامل، بقايا حيوانات، ودجاج، وإنسان، ووضوء خالي (دفع الله)، وأثار ترابيز وسراير، وفوضى رياح (جلبت معها اوساخ فطرية، ورقيات نيم وبعر وقش وشعر مشاط سعدية)، وبول وبراز وخربشات (مدثر الصغير)... فهو يفعل ما يحلو له، (حر من كل القيود) كعادة الطفولة المقدسة... (هاهو عاريا، أمام البوابة المتهالكة ويلعب بشحمه سرته، وكأن شئ لم يكن)!!. بل مستمتع برؤية كارو (هيبات)، وهي تحمل الماء لحوش الناظر...

    (كش ... كش .... كش)
    (... دو .. ري .. مي ... فا)...

    يبدأ عزف المشكاشة في الصبح، حين يعلو بالون الشمس الذهبي من الشرق، كعادته كل فجر، وينتهي طرف المكشاشة الأعلى بيد (رشا)، او (سوسن)، أو (سارة)، حسب وردية كتبها عرف تالد، (أعباء للفتاة، وبراح للأولاد)....

    تزيح بشعيراتها، كفراشة الفنان، ضباب الفراغ والاوساخ، تجلو الصدأ عن تراب بيتنا، وتسمح، كالبشاورة من السبورة، بقايا حياة يوم كامل، وقد غرقت، وللأبد في فم الماضي، كما مسحت معها بقايا كوم تراب لعبة (السيجة)، ودفنت معها ضحكات خالي (صديق) المنتصر، وتأوهات جدي (سعد) المنهزم دوما في السيجة، ولكنه ينتصر (في قتل فراغ عريض في حياة قرتينا الساكنة المسالمة)....

    والآن، تبدو الارض نظيفة، ساحرة، كي تقبل شعيعات الشمس وجه الدار، وكي تسير على اديمه كالملوك، أمي، وأخواتي، وأهلي، وكي نكتب عليه، أحداث يوم عادي آخر، ومعنا الدجاجات والاغنام والرياح والمطر...

    (كش ... كش .... كش)...

    حين تكنس الدار (رشا)، ترى لوحة متسقة من الزخرفة الفطرية، ترسم شعيرات المكشاشة على أرض حواشنا، الماهل، الحنون، موجيات ترابية، تبز في سحرها، موجيات النهر، إنها مويجات ساكنة (نهر تراب متجمد)، بلا هدير أو أنين، متداخله، فيبدو الحوش وكأنه سجاد من تراب....

    ثم تأتي الأقدام، والنسم، والحيوانات، كي تطبع على الأرض بصماتها، وزخارفها، لا أحد يشبه الآخر، حتى في مشيته، إنها سفمونية الحياة، فهدا مركوب خالي (دفع الله)، فهو يسير بصورة متعرجة، وتلك سفنجة سعد، وتلك قمزات نعال (سعدية جارتنا)، فهي في عجل، ودايما، كي تنقل (شمار حار وطازج) وهدا المجرى الصغير، الصغير جداً، لدجاجة شقية، وقعت فريسة في شبك من شعر أختي (محاسن)، فعلقت في بقايا شعرها المتساقط، فتكوت في نهاية الشعرة قطعة طين كروية، (لا أدري لمادا تحب الفيزيا والميكانيكا الشكل الكروي)، وللحق كلما نطارد الدجاجة لكي نخلصها من هدا الأسر، تجري خائفة منها، وللحق فهي (لا تأمن بني آدم، وهو في قمة فضائلة)....

    (كش ... كش.... كش)، اسمع هدا الايقاع وأنا شبه نائم في الحواش الوسيع، يالها من فنانة كبيرة، تكنس الدار بأحساس عظيم، تستشف من كل شئ جمالا، تنسج خطوط متوازية، ثم تكوم الأوساخ في زاوية بعيدة، ثم تجلس، ولمدة طويلة، غارقة في تأمل ثروة بسيطة، أخرجتها المكشاشة من باطن الأرض (بينسه، حبة سبحة، ريال، وخبايا أخر، رخيصة)، وغالية جدا، جداً!!....

    وأحيانا يتوقف ايقاع المكشاشة، وقد انتظمت ضربات قلبي معها، فأرفع الغطاء عن رأسي لأرى ما جرى، فأرى (رشا) منحنية، تنظر بعمق لشي في الارض، أنها بلا شك ثورة كبرى، وحية، (قد تكون حشرة غريبة الشكل، فهي لم تمد يدها لحملها، بل أكتفت بتقليبها بطرف المكشاشة)، وحين حركت رشا رأسها كي تتابع اكشتافها السعيد، ايقنت بأنها حشرة، وما أكثرها في دارنا، ثم تبدأ عزفها، فيبتعد عني صوت المكشاشة، فالدار وسيعة، وحنونه!!.

    للمرة الثالثة يتوقف ايقاع المكشاشة، مادا جرى؟ إنه راديو جارتنا سارة، فقد تسللت منه اغنية (فرحانة بيك كل النجوم لا نام بريقه ولا أنطفأ)، فتوقفت رشا عن القش، وهي منحنية، لم ترفع راسها، بل كانت منحنية وهي تسمع الأغنية، أحسست بأنها في صلاة، في سجود، ورأيت بأم عيني، سحب خضراء وبرتقالية تخرج من الراديو وتدخل عين وقلب رشا، وتنصب لها، قصر لا وصف له،...

    إن الحياة لوحة كبيرة، والكل يحمل فرشاه، تزخرف اخواتي البرندة، والفضية ببقايا الجرايد، وتزخرف رشا الحوش (بفرشاة) المكشاشة، ويزخرف (عبد العزيز الصغير) البيت بصراخه، وفوضاه، وتزخرف امي الدار، بصوتها، بسمتها، بسكونها، بعاطفتها الريانة، والتي تملأ كالهواء، سماء وارض الدار....

    حين تكنس (رشا)، تكون اللوحة منتظمة، (فهي تستمتع بكل شئ)، وحين تكنسها (سوسن)، أو (سارة)، ترى لا مبالاة، وخطوط شائهه، وشرود كمن يفكر في اللحظة المقبلة...ناسياً لحظته الحاضر...

    تنظر لخلفها حين تسمع (يمه يمه مششيني)، يقولها مدثر وقد افسد عليها نظافة البيت، فتعود جزلى (فلا نضج ولا نثور)....

    (دو...ري... مي...كش .. كش ..كش.).....


    شكرا، تيسير، فقد برزت لسطح الذاكرة، أيام خوالي، عن حلتنا، ودرانا..واعتذر للإطالة، فقد جرى القلم بطفح، وشطح لا يقاوم...
                   |Articles |News |مقالات |بيانات

01-26-2006, 02:03 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عبدالغني كرم الله بشير)

    عبد الغني كرم الله

    إيقاع المقشاشة يدوزن حركة هذه الصورة الناطقة
    شئ من الغبار يعلو الجو تتحاشاه رشا بمنديل صغير يغطي شعرها

    Quote: إن الحياة لوحة كبيرة، والكل يحمل فرشاه، تزخرف اخواتي البرندة،
    والفضية ببقايا الجرايد، وتزخرف رشا الحوش (بفرشاة) المكشاشة،
    ويزخرف (عبد العزيز الصغير) البيت بصراخه، وفوضاه،
    وتزخرف امي الدار، بصوتها، بسمتها، بسكونها، بعاطفتها الريانة،
    والتي تملأ كالهواء، سماء وارض الدار....


    وتزخرف أنت البوست بكتابتك الجميلة ..
    تسلم
    وخليك معانا ..
                   |Articles |News |مقالات |بيانات

01-26-2006, 06:09 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: موية عدة مكشحة وفيها بواقي عجور وقشر بيض



    لوووووووووووووووووووووووووووووول

    ياخي مبالغة الحتة دي ..لانو فعلا قدام اي بيوت الحلة ساعة الضحى كده بتلقى التفاصيل اعلاه ..

    وشوية تفل وبروة صابون غسيل على وشك..

    وتسلمي يا تيسير..

    والله لا وراكي مكروه في عزيز لديك يا وغدة ..
                   |Articles |News |مقالات |بيانات

01-26-2006, 12:39 PM

almahsi


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    غنماية ناس حجه الشول
    بيت ناس زينب سليمان
    اسحاق الغسال
    كنت بعيد لمن زهرة حبوبتي الكانت مارة ماحجه السرة
    ديل ناس بيت المال




    بتقولي كلام التكنك ما من هنا
                   |Articles |News |مقالات |بيانات

01-27-2006, 01:44 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    دكين
    إزيك ..

    نسيت اكتب انو موية العدة فيها روسين طماطم مقطعة
    لأنو ناس البيت اليوم داك كانو ماكلين طماطم بالدكوة
    يا سيدي تسلم انت برضو
    ولو اتذكرت حاجة جيبا وتعال ..

    (عدل بواسطة تيسير عووضة on 01-27-2006, 01:52 AM)

                   |Articles |News |مقالات |بيانات

01-27-2006, 01:47 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    المحسي
    إزيك ..

    بتقولي كلام التكنك ما من هنا

    كلامك دا انا لو فهمتو زي ما انت قاصدو
    حأقول ليك انا فعلا من هنا ..

    (عدل بواسطة تيسير عووضة on 01-27-2006, 01:56 AM)

                   |Articles |News |مقالات |بيانات

01-30-2006, 10:34 AM

almahsi


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    دي عبارة عن الانتماء فقط للمكان ، لكن ما تخافي انت من بيت المال او الصحافة او الملازمين او الشجرة ، ما عارف لكن انت من هنا وانا عندما ذكرتها كنت اود ان اضيف لون طريف ،فقط
    على العموم زهرة حبوبتي زعلانة منك لاني كلمتها انو تيسير كانت قايلاك حاجة السرة ،زعلانة منك في حاجتين الاولى انك ما سلمتي عليها (طبعاً انا وضحت ليها هي سلمت على حاجة السرة لانها كانت قايلاك هي وطبعاً السلام من بعيد (هي قالت انو مسخرة ) ،دي قدرت امشيها ليك اما السبب التاني قالت ليك تعملي كل العمايل دي وما تكلميها لكن قالت ليك ممكن ترضى عليك لو جيتيها في البيت كمان عازماك جبنه وشمار (الغريبة ضحكت لمن قالت شمار))
                   |Articles |News |مقالات |بيانات

01-31-2006, 06:31 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almahsi)

    سجمي يالمحسي يعني انا السلمت عليها دي ما حاجة السرة ؟
    خلاس قول ليها بجي ارضيك واشرب معاك الجبنة ..
                   |Articles |News |مقالات |بيانات

01-27-2006, 11:29 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    حاجة كلتوم قاعدة جمب التعاون بتاع الخضار
    على يمينا كم برطمانية فيهم شطة وتوم منضف وبهارات ومرقة وظهرة
    وعلى الشمال كوم بتاع مقاشيش وطباقة جميلة ملونة و بأحجام مختلفة
                   |Articles |News |مقالات |بيانات

01-28-2006, 01:59 AM

عمر عبد الخالق سعيد
<aعمر عبد الخالق سعيد
تاريخ التسجيل: 08-14-2005
مجموع المشاركات: 2228

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    ما احلي اللمة جنب دكان عبدالله (العميان) الاضاءة ضعيفة ... وبعض الاولاد قاعدين في اللساتك
    الجنب الدكان بيشربوا سرا في السجاير ..وصوت هيثم سيد واضح من مسافة بعيدة ... ولعبدالله العميان قدرات عجيبة فهو نجاد المراتب و باستطاعته ادخال الخيط في الابره اسرع من (المفتيحين)
    وهو النجار ونساج العناقريب ...
                   |Articles |News |مقالات |بيانات

01-28-2006, 02:15 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عمر عبد الخالق سعيد)

    عمر عبد الخالق
    إزيك ..
    أسعد جدا لما ألقى زول بيتذكر في حاجات
    حصلت في حلتهم ويحكيها لينا
    الذكرى بتجر الذكرى .. والونسة بتجيب الونسة
    تسلم ياعمر
    وخليك معانا..
                   |Articles |News |مقالات |بيانات

02-11-2006, 07:41 AM

almahsi


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عمر عبد الخالق سعيد)

    مرة قاعدين جنب دكان سلمان جعفر بنتكلم في موضوع فريق الحلة نسميهو شنو جانا واحد جات سيرة الهلال والمريخ واسماها جات من وين واحد هلالابي قال ان الهلال اتسمى الاول بعدين ناس المريخ قعدوا عشان اسمو فريقهم واحد من الناس القاعدة في الاجتماع قال لازم نسمي الريق اسم يخلع ناس الهلال اسم حار مر مثلاً جات مارة مره قالت ليهم مر يييخ عليكم (يبدو من هنا ظهر اسم المريخ)

    اتخيلو انا مريخابي
                   |Articles |News |مقالات |بيانات

02-12-2006, 07:49 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: almahsi)

    المحسي ..

    Quote: اتخيلو انا مريخابي


                   |Articles |News |مقالات |بيانات

01-28-2006, 03:06 PM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    البلولة من جهـة يصيح
    أبو القاسم
    قااااااااشر
    ياشافع .. الطّرش .. مابتسمع ؟
    أرفع البردعة فوق الحمار دا .. البرِد اللي يكنكشك
    ولادة ما نافعة
    الغنم ديل بعد يرجعن خت ليهن كُليقة قصب
    إن لقيتك ما عشيتن ما ترجاني

    من الناحية الأخري فاطنة تنادي
    بت يا أميمة .. قِشيرة
    ناولني التوب بتلقيهو مجدوع فوق العنقريب
    خليني النمش أتحمدل السلامة لي علوية قبال الشمش تغيب
    وأملي معاك التيبار ده
    بت معاكسة البارح قلت ليك شوفي ليك حيمورة حكيهو بيها

    الصغير فضل يأتي مُسرعاً من الخارج
    عراقي دمورية يميل للون البني وعليه كل بُقع الشقاء
    مناخيرو سايلة
    نفسو قايم
    يُما سويتو الشاي ؟؟

    ونلتقي تيسـير
    عندك في حِلتكم
    أو
    أهــل القُــرى .. اللغـة والعيش الكفــاف
                   |Articles |News |مقالات |بيانات

01-29-2006, 02:51 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ثابت محمد)

    Quote: ناولني التوب بتلقيهو مجدوع فوق العنقريب
    خليني النمش أتحمدل السلامة لي علوية قبال الشمش تغيب
    وأملي معاك التيبار ده


    يا الله عليك يا ثابت سامعة صوت فاطنة جوة اضاني
    تسلم ..
    ونلتقي يا ثابت ..
    نتذكر من حلتنا وحلتكم الصور دي
                   |Articles |News |مقالات |بيانات

01-28-2006, 04:26 PM

عزيز عيسى
<aعزيز عيسى
تاريخ التسجيل: 09-18-2005
مجموع المشاركات: 1378

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    علوية في التكل تعجن في عجين القمح وتعوس في القراصة
    وبدرية بعد ما قعطت اللحمة شدت الحلة في النار
    وقعدت تهبب في الكانون وتجهز الدمعة للقراصة.
    وتحت ضل الحيطة هناك زهرة قاعدة في الواطه
    وممدده كرعينهاالمغبشات من كترة المشي
    وبتول قاعدة في البنبر تمشط ليها شعرها
    يتونسن ويقطعن في الجاي والرايح
    فجأة سمعن صوت كواريك من بعيد..
    قالوا ليهن علي ود حاج عثمان وولدك احمد كانوا بيلعبوا
    قاموا عملوا شكلة
    علي شال ليهو درابة وفلق بيها احمد في راسه لغاية ما كبت الدم
    احمد قعد يكورك بطول حسو
    بتول لما سمعت الخبر والكواريك خلت شعر زهرة
    لفحت توبها وجات جارية
    ولما شافت الدم كابي من راس احمد
    قعدت تكورك وتقول سجمي سجمي الولد كتلو
    عثمان ويوسف واقفين جمب سبيل المرحوم حاج احمد مضوي
    يتفرجوا من بعيد ويشربوا موية من المزيرة
    وبعيد هناك أطفال واحدين بيلعبوا بلي
    وواحدين بيلعبوا سكج بكج
    وبنات بيلعبن بٌََََُُربره
    ناس الفريق كلهم اتلموا لما سمعوا الخبر
    وجوا يشوفوا الحاصل شنو
                   |Articles |News |مقالات |بيانات

01-29-2006, 02:33 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عزيز عيسى)

    عزيز عيسى
    إزيك ..

    شكرا لهذا الإستدعاء الجميل لصور راسخة
    علوية .. بدرية .. حاج أحمد مضوي
    هم من يصنعون هذه الصور ..

    تسلم يا عزيز ..
                   |Articles |News |مقالات |بيانات

01-29-2006, 02:56 AM

keiga2000
<akeiga2000
تاريخ التسجيل: 05-11-2002
مجموع المشاركات: 4101

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)
                   |Articles |News |مقالات |بيانات

01-30-2006, 02:49 AM

نجود حسن عبد الرحمن

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: عزيز عيسى)

    Quote: علوية في التكل تعجن في عجين القمح وتعوس في القراصة
    وبدرية بعد ما قعطت اللحمة شدت الحلة في النار
    وقعدت تهبب في الكانون وتجهز الدمعة للقراصة.
    وتحت ضل الحيطة هناك زهرة قاعدة في الواطه
    وممدده كرعينهاالمغبشات من كترة المشي
    وبتول قاعدة في البنبر تمشط ليها شعرها
    يتونسن ويقطعن في الجاي والرايح
    فجأة سمعن صوت كواريك من بعيد..
    قالوا ليهن علي ود حاج عثمان وولدك احمد كانوا بيلعبوا
    قاموا عملوا شكلة
    علي شال ليهو درابة وفلق بيها احمد في راسه لغاية ما كبت الدم
    احمد قعد يكورك بطول حسو
    بتول لما سمعت الخبر والكواريك خلت شعر زهرة
    لفحت توبها وجات جارية
    ولما شافت الدم كابي من راس احمد
    قعدت تكورك وتقول سجمي سجمي الولد كتلو
    عثمان ويوسف واقفين جمب سبيل المرحوم حاج احمد مضوي
    يتفرجوا من بعيد ويشربوا موية من المزيرة
    وبعيد هناك أطفال واحدين بيلعبوا بلي
    وواحدين بيلعبوا سكج بكج
    وبنات بيلعبن بٌََََُُربره
    ناس الفريق كلهم اتلموا لما سمعوا الخبر
    وجوا يشوفوا الحاصل شنو




    ذكرتنى ايام بنمشى البلد(مروى) فى الاجازات
    وحبوبة الف رحمة ونور تنزل عليها تقولى تعالى النمشطك ونعملك الكركار تساريح ناس البندر ودهنم دة بمعطكم اخاف واقول ليها لا لا
    تقول لى لو ما اتمشطتى ما بسوقك معاى البحر ومابتمشى تجيبى معاى الموية من البير ..
    اها اتبسط منها واجرى اجيب لى بمبر ولا فرشة(بفتح الفاء) اقول اختها عشان اقعد عليها/و تقولى لا صنقرى هنا فى ا########## اقوليها لكن مابتوسخ وامى بتدقنى ..
    تقولى ماتخافى مابتسعلك قوليها دى حبوبة مشطتنى وسوت لى الكركار وقالت لى عشان شعرك يبقى طوال زى شعر أمك واقوم من المشطة ديك والكركار يرارى تحت الشمس ..
                   |Articles |News |مقالات |بيانات

01-30-2006, 05:35 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: نجود حسن عبد الرحمن)

    Quote: واقوم من المشطة ديك والكركار يرارى تحت الشمس ..



    نجود والله إنتي لذيذة
    عازمة روحي مشاط عندكم بي الكركار الماخمج ..
                   |Articles |News |مقالات |بيانات

01-30-2006, 06:30 AM

نجود حسن عبد الرحمن

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: عازمة روحي مشاط عندكم بي الكركار الماخمج ..



    طوااااالى ياعسسسسسسسسسسسل

    وكمان عندنا ضمان انو الشعر بعد المشطة والكركار يقول

    لبتاعين صانسيلك زحو كدى غادى
                   |Articles |News |مقالات |بيانات

01-31-2006, 06:37 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: نجود حسن عبد الرحمن)

    إزيك يا نجود
    الضمان أمان
    خلاس أنقض شعري من المشاط الفات وأجيكم
                   |Articles |News |مقالات |بيانات

01-29-2006, 04:02 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    من أميز الأغاني الشايقية
    بس شايفة عملوا ليها توزيع جديد
    يديك العافية يا كيجا
    وتسلم ..
                   |Articles |News |مقالات |بيانات

01-29-2006, 06:00 PM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: دكان المكوجي بحباله الممدودة اول ما تدخل


    لا تقاوم صورك تيسير،،

    مكوجينا إسمو منو إنتي قايلة،،
    إسمو وررردي،،
    وردي ألطف زول في الحلة،،
    دايماً ما يلخمني بي ونسة قبل دخول البيت بعد الرجعة من المدرسة،، و يحكي لي،،
    لو تعرفيني متمنية معاهو لخمة قدر شنو،،

    ميدان الكورة،، و العراضتين البلا،،البرا٭٭ شباك،،
    بعد إسبوع من المطرة،، و صوت كركشة قشرة الأرض القايمة بفعل تبخر المياه عنها،،



    و بعص فراشات أشجار الحناء،، ببيتنا،،

    تاني فراشات،،
                   |Articles |News |مقالات |بيانات

01-29-2006, 07:50 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Soumeta)



    Quote: بعد إسبوع من المطرة،، و صوت كركشة قشرة الأرض القايمة بفعل تبخر المياه عنها،،

    سوميتا قالت الكلام الظريف ده
                   |Articles |News |مقالات |بيانات

01-30-2006, 01:47 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Adil Osman)

    عادل عثمان
    إزيك يا راقي ..

    سوميتا وصفت صورة رائعة
    وانت دعّمتها بعرض أروع ..

    تسلموا الإتنين ..
                   |Articles |News |مقالات |بيانات

02-03-2006, 05:40 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Adil Osman)

    عادل عثمان،،

    الأرض بتشبه لي المسلمية شديد،،
    ما بتتقشر زي حلتنا،،
    لكن بتتشقق و لونها يصبح أقرب إلي الحنة الناشفة،،

    عمو عادل،،

    شكراً!
                   |Articles |News |مقالات |بيانات

01-30-2006, 02:04 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Soumeta)

    الفراشة سوميتا
    إزيك ..

    Quote: مكوجينا إسمو منو إنتي قايلة،،
    إسمو وررردي،،

    اسمو وردي
    ومكوجي
    بس أوعى يحاكي شعبان عبد الرحيم

    بعدين مدام بتحبي الفراشات قدر دا

    هاك دي



                   |Articles |News |مقالات |بيانات

01-30-2006, 03:27 AM

احمد العربي
<aاحمد العربي
تاريخ التسجيل: 10-19-2005
مجموع المشاركات: 5829

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    يا ناس الحله هوي دحين مودرنلنا غنمايه كرته
    وعندها غره
    ما جات ماشه فوكم بي جاي
    والبشاره بقره صفراء فاقع تسر الناظرين
                   |Articles |News |مقالات |بيانات

01-30-2006, 05:26 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: احمد العربي)

    أحمد عربي
    ما ياها الغنماية العن ناس عادل ود عثمان
    غايتو كان ما اخاف الكضب واحدة شبه المودرنها دي عندهم بهناك

    مش ياها دي

                   |Articles |News |مقالات |بيانات

01-30-2006, 03:55 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    الله عليك يا تيسير

    بوست جميييييييييييييييييييييييييييييل


    من المتابعين
                   |Articles |News |مقالات |بيانات

01-30-2006, 05:07 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: انعام عبد الحفيظ)

    إنت الأجمل يا انعام
    تسلمى
    وخليك قريب ..
                   |Articles |News |مقالات |بيانات

01-30-2006, 04:56 AM

ابو مهند

تاريخ التسجيل: 06-09-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    الشباب الحلوين كل سنه وانتم بالف خير وعافيه.
    عجبني البوست وقلت اتاوق, عندي حاجات كتيرة عله لما ارجع ليكم,
    رساله لي halema2 قدر ما قعت لي في netcafe اقول ارسل ليك الصور غلبني
    كلها ايام واكون معاك يا.....
                   |Articles |News |مقالات |بيانات

01-30-2006, 04:59 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    أبو مهند
    وانت بألف خير
    البوست تحت أمرك تاوق زي ما داير

    منتظرينك ..

    (عدل بواسطة تيسير عووضة on 01-30-2006, 05:04 AM)

                   |Articles |News |مقالات |بيانات

01-30-2006, 05:53 AM

willeim andrea
<awilleim andrea
تاريخ التسجيل: 05-01-2002
مجموع المشاركات: 3768

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    Quote: وعم ابراهيم بيهز في المكوة عشان يحت الهبوت


    كدي تعالي النسالك....عملت ليك شنو علشان تذكريني التشه الحاره الفي بطن الكراع الحافيه من بواقي الهبوت والجمرات المتخفيه عز النهار

    جد كانت حاره شديد ومن يومها بعمل الف حساب وانا ماري قدام اي مكوجي حتي في زمن الدراي كلين

    (عدل بواسطة willeim andrea on 01-30-2006, 06:02 AM)
    (عدل بواسطة willeim andrea on 01-30-2006, 06:02 AM)

                   |Articles |News |مقالات |بيانات

01-31-2006, 06:17 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: willeim andrea)

    إزيك يا وليم ..

    Quote: كدي تعالي النسالك....عملت ليك شنو علشان تذكريني التشه الحاره
    الفي بطن الكراع الحافيه من بواقي الهبوت والجمرات




    إنت المحوّمك حفيان شنو ؟
                   |Articles |News |مقالات |بيانات

01-30-2006, 06:46 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)



    كلكم اولاد مُدن

    ما بتعرفوا للقرى السودانية حاجة


    مافى قرية فيها غسال ولا قدرة فول ياخى


    الا قرى الالفية الثالثة ...


    ومع ذلك فالوصف جميل يا ناس المدن


    نحن قايلين ناس المدن ما عندهم غنم ياخى


    قايلنهم بشربوا من اللبانى بس ....


    طيب الغنم دى بتنوموها وين بالله

    وعندها راعى ولا ما عندها


    طيب لو عندها يسرح بيها وين


    ولو ما عندها بتأكل شنو ؟؟؟


    اوع تقولوا لى تاكل دلاقين


    لانه فى الحالة دى انتو بتلبسوا شنو ؟؟


    وتسلموا
                   |Articles |News |مقالات |بيانات

01-31-2006, 06:08 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: قرشـــو)

    قرشو
    إزيك ..

    Quote: نحن قايلين ناس المدن ما عندهم غنم ياخى


    إنت قايل شنو ..
    ناس القرى لمن يجوا يسكنوا في المدن بينقلوا معاهم كل ما يمكن نقله من قريتهم
    ابتداء من الحيوانات من غنم وجداد وانتهاء بالزرع ..
    تعرف يا قرشو أنا دنقلاوية .. معظم أهلي الدناقلة لمن يجو الخرطوم
    بيكونوا شايلين معاهم شتلة تمر
    بيزرعوها في نص البيت كدلالة لعدم انقطاعهم من البلد وارتباطهم بيها
    وبعدين القرى والمدن في بلد زي السودان بيتشابهوا في أشياء كتيرة
    واكيد الفرق بينهم ما حيكون زي الفرق
    بين العاصمة الانجليزية والريف الانجليزي

    Quote: طيب الغنم دى بتنوموها وين بالله


    الغنم بنقرّش ليها جمب البيت ياقرشو فيما يعرف بالمراح أو بيت الغنم ..

    أسعدني مرورك ..


    (عدل بواسطة تيسير عووضة on 01-31-2006, 06:09 AM)

                   |Articles |News |مقالات |بيانات

01-31-2006, 06:43 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    العزيزة تيسير

    اسعدنى رحابة صدرك عزيزتى وعدم ثورتك على كما هو حال ناس البورد

    فما ان تختلف مع احدهم حتى يبادر باقصائك ووصفك بما لا تحب ...

    تسلمى يا ستى فقد احببت المداعبة وأحببت المشاغبة قليلا

    لأن الموضوع شيق وجميل ووصفك بصراحة ( لمثلى عاش اكثر من عقدين خارج الوطن ) يعيد الروح الهائمة الى موطنها ويجعلها تهيم هنالك فى تفاصيل صغيرة كادت أن تزول من الذاكرة ولكن طالما هنالك اصفياء مثلك فنحن دوما مرتبطون بجذورنا ونحن دوما نعود لاصالتنا ...

    القرى والمدن عزيزتى صنوان وان اختلفت الشكليات الحياتية فيهما وهما امتداد لبعضهما

    ويقينى ان اهل المدن لا يتبرأون من اهلهم ( أهل العوض ) كما فعل الولد ود موسى ..

    لك تحياتى عزيزتى واحيي فيك اصالتك وتواضعك وتذكرك اشياء البعض يتنكر لها ..

    مع كل الود
                   |Articles |News |مقالات |بيانات

01-31-2006, 02:11 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: قرشـــو)

    قرشو ..
    مرحبا بي مشاغباتك ومكاواتك

    فقط أردت أن أجتر ذكرى بداخلي
    فوجدتها عند الكثيرين مثلي
    أنا بحب حلتنا .. هي مني وأنا منها

    مرة تانية أسعدني مرورك
    تسلم يا ذوق
    وخليك معانا
                   |Articles |News |مقالات |بيانات

02-01-2006, 11:00 AM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    اجمل ما فى القرى الصحيه الفجرية البكريه ،
    و رائحة لبن ( مقنن ) تؤدى للعطاس من قوة رائحتها،
    و روث بهائم يتناثر فى برحة الحلة الواسعة
    و الاجمل انك عندما تتحس اماكن رقاد هذه البهائم بعد ان تأخذها لكى يتم حلبها ، تحس بدفء مواطئ رقادها .... خاصة فى الشتاء الكئيب .

    يؤثرنى بشدة رجع صدى صوت الكلاب فى ارجاء الحلة عقب توقف انسكاب المطر و سريان دعاش مطر الليل قرب الفجرية . ..... و كان اخى يطنطن دائمآ عندما يكون فى حالة دخول و خروج بالمرتبة من و الى داخل الغرفة عندما يكون المطر من النوع ( النقناق ) .

    شكرآ الاخت تيسير ان استفزيتى فينا بعض التداعيات الكامنة بدون اطمئنان فى انتظار مثل هذه اللحظات .
                   |Articles |News |مقالات |بيانات

02-02-2006, 00:34 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: KOSTA)

    إزيك يا كوستا ..

    أعجبني نقلك الحي لهذه الصورة
    ريحة القُنّان
    صوت الكلاب والمطر
    وطنطنة أخوك ..

    تسلم كوستا
    اتذكر وتعال تاني ..
                   |Articles |News |مقالات |بيانات

02-01-2006, 11:54 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير عووضة ياصيادة،،
    تشركي لي و تجيبي لي
    الصور السمحة،،
    و الفراشات البحبهــــــــــــــــا،،

    و بقيت أبراك،،
    فراشة فراشة،،

    صورة تانية من حلتنا،،

    أولاد الدافوري المتعبين ساعة المغرب،،
    و جك الموية و الشطيف،،

    و العجب كان فيهم واحد مكسر بت من بنات البيت،،
    ما ضحكت اليوم داك،،


                   |Articles |News |مقالات |بيانات

02-02-2006, 01:02 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Soumeta)

    سوميتا
    يا أحلى فراشة
    إزيك ..


    Quote: أولاد الدافوري المتعبين ساعة المغرب،،
    و جك الموية و الشطيف،،
    و العجب كان فيهم واحد مكسر بت من بنات البيت،،


    عشان الورد يتسقي العليق
    بسبب الواحد دا يهتموا بيهم كلهم

    تسلمي ..
                   |Articles |News |مقالات |بيانات

02-01-2006, 12:39 PM

فيصل محمد خليل
<aفيصل محمد خليل
تاريخ التسجيل: 12-15-2005
مجموع المشاركات: 23799

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    اها حلتنا زي حلاتكم
    مرتع البرولتياريا
    ففي واحد من حلتنا قام عزموه في العمارات فطور
    قام صاحبنا مشى العزومة ورجع
    لما جاء راجع قمنا سالناة
    اها اكلت شنو في الفطور
    قام قالينا
    اكلت عيش ورغيف وشنو وشنو وحاجات


    فيصل محمد خليل
                   |Articles |News |مقالات |بيانات

02-02-2006, 00:21 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: فيصل محمد خليل)

    فيصل محمد خليل
    إزيك ..

    ناس أي حلة دايما بيكونوا بسيطين وعلى سجيتهم
    يديك العافية يا فيصل

    وخليك معانا ..
                   |Articles |News |مقالات |بيانات

02-02-2006, 01:32 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير
    لك التحية والشكر على هذه الصور الدقيقة ...
    والله عجبتني الصور ، سأحتفظ بها في البوم خاص ، وسيطلع عليها أولادي من وقت لآخر ...
    ولكن متى نخرج عن هذا الواقع المتخلف ، وننفتح على حياة حديثة تنقلنا إلى مصاف الآخرين ؟؟ وهل سيأتينا يوم ننقل فيه حياتنا المتحفية إلى متاحفنا بدلا من أن نجعلها واقعا نظل نعيشه كل عمرنا ؟
    تكاد ذكرياتنا تهزم تطلعاتنا يا تيسير ...
                   |Articles |News |مقالات |بيانات

02-02-2006, 02:42 AM

Aymen Tabir
<aAymen Tabir
تاريخ التسجيل: 12-02-2003
مجموع المشاركات: 2604

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ودقاسم)

    تيسير يا رايعة
    شكرا ليك ولي حلتكم العامره بكل ماهو بسيط وجميل
    شكرا لانو في زحمة التفاصيل المرهقة لغت الذاكرة دون قصد الكثير من الصور الجميلة
    اكتر صورة مجبة لي دايما كانت شارع المدارس نهاية اليوم الدراسي - زحمة الطلبة وتسكعهم من ضل حيطة لي ضل عمود والزحمة حوالين بياعات الدنرمة والفول والتسالي ودقة النبق والقنقليس والتبش بالشطة وحلاوة شعيرية
    مودتي ودمتي ودامت روعة واقعنا البسيط بي جماله
                   |Articles |News |مقالات |بيانات

02-02-2006, 03:52 AM

khaleel
<akhaleel
تاريخ التسجيل: 02-16-2002
مجموع المشاركات: 30088

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Aymen Tabir)

    في حلتنا برضو في ناس ظريفين

    عمك يوسف ود المقدم قال والله لو عندي بلدوزر اكسر الحلة دي كلها بس اخلي الجامع

    عمك ابراهيم ود الامام قال ليهو لما تجي جنب الجامع انزل لي


    عبدالله ود الامين وولده طه حاولو رفع شوال عيش علي ضهر الحمار بتاعهم

    والشوال تقيل ووطه ضعيف

    عمك عبدالله بقول ليهو ما ترفع يا ولد

    وطه يقول برفع يابوي

    وفجاة عفصت الحمارة رجل طه وابوها يقول ماترفع

    رمي طه شوال العيش وقال لابوها ما رافعين ارفع(د.......)

    حمل معك عبدالله عكازه وجري خلف ابنه طه

    طه زاغ بين زقاقات الحلة

    وعمك عبدالله يسال في الناس

    يا اخوانا ما شفتو ليكن كويفر جاء بجاي
                   |Articles |News |مقالات |بيانات

02-03-2006, 04:09 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: khaleel)

    إزيك يا خليل ..


    Quote: عمك ابراهيم ود الامام قال ليهو لما تجي جنب الجامع انزل لي



    عمك ابراهيم بالغ لكن
    حتى الجامع ما دايرو
    ناس حلتكم لذاذ وعلمانيين

    يديك العافية
    ودمت بخير ..
                   |Articles |News |مقالات |بيانات

02-03-2006, 04:22 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Aymen Tabir)

    أيمن تابر
    إزيك ..

    ما تتخيل الصور دي أنا بحبها كيف
    لأنها بتحكي عن أجمل أوقات مرت علي
    أنا هنا الآن بحاول اتذكر واذكِر
    بشئ من هذا الجمال ..

    بعدين شكلك كده مدمن شطة دكوة وقراصة نبق

    أسعدني مرورك
    وتسلم ..
                   |Articles |News |مقالات |بيانات

02-03-2006, 04:42 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: ودقاسم)

    الخال ود قاسم
    ولا عمو
    عشان صاحب ابوي
    إزيك ..

    لطالما تمنينا أن نكون مثل الآخرين حضارة وتطور ونظافة ..
    قادَتنا قتلوا لدينا كل أمل في أن نصبح مثل البني آدمين
    إذا كانوا للآن ما قادرين يحددوا اليحكمنا منو وبشنو
    قلنا نرجع لقديمنا أحسن ياهو الفاضل لينا
    بعدين عليك الله الصور الكلاسيك دي ما عندها طعم خاص ؟

    يديك العافية
    مداخلتك أعجبتني ..
                   |Articles |News |مقالات |بيانات

02-03-2006, 05:18 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير عووضة
    تحياتى الشافعة المفعوصة الحضرنا عرس أمها
    فلاش باك
    خالى شقيق أمى له ريكورد أبوسماعة واحدة لا يفارقه فى حله وترحاله حضر لزيارتنا منتصف السبعينات فى إمتدادنا الحبيب وهو متعب من سفر لوارى البلد حمل سريره ورقد فى نص الحوش وأدار اريكوردر لتسجيل صوت عثمان اليمنى الذى حمله الأثير من أحد مربعات الإمتداد وعندما صحى من النوم فى الصباح أدار جهاز التسجيل للإستمتاع باليمنى ولدهشته لم يجد إلا نبيح الكلاب ومواء القطط وثغاء البهائم!
    خالى ود البلد البسيط يظن إن المسجل يصغى مثله بتركيز لصوت اليمنى الذى حملته نسايم الليل!
    جنى

    (عدل بواسطة jini on 02-03-2006, 05:48 AM)

                   |Articles |News |مقالات |بيانات

02-03-2006, 06:47 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: jini)

    إزيك يا جدو جني

    فلاش باك لطيف

    Quote: ولدهشته لم يجد إلا نبيح الكلاب ومواء القطط وثغاء البهائم!



    ناس البلد ناس بسيطين ونظيفين ما لوثتهم المدينة بتعقيداتها
    عندنا قريبتنا في البلد بتقول للموبايل التلفون البلا حبل ..
                   |Articles |News |مقالات |بيانات

02-03-2006, 06:00 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    تيسير،،،
    عندي ليك صورة من حلة ما حلتنا،،
    عاجباني ليك عجبة،،

    صورة راسها عديل،،
    و كمان شايل بطيخ،،


                   |Articles |News |مقالات |بيانات

02-03-2006, 06:51 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Soumeta)

    سوميتا..
    الله يجازي محنك

    الحمارة جمب العمارة
                   |Articles |News |مقالات |بيانات

02-03-2006, 06:24 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: تيسير عووضة)

    سوميتا يا بنيتى.. كيفك؟
    لقيت ليك طين ناشف مشقق بعد المطرة، ان شاء الله يعجبك صوت قرقشته! القرقشة دى لما تاكليهو ولا لما تمشى عليهو؟

                   |Articles |News |مقالات |بيانات

02-03-2006, 06:59 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: صور من حلتنا .. (Re: Adil Osman)



    صديقى يجلس يالقرب منى قال لى تصدق أنا بتاع البطيخ دا انا حاسدوا!
    قلت ليهو ليه؟
    قالى لو مديون بكون عشرين ألف جنيه بس وممكن يبدأ من الصفر وأنا داير خمسة سنة عشان أبدأ من الصفر!
    قال مغترب قال!!
    جنى

    (عدل بواسطة jini on 02-03-2006, 07:23 AM)

                   |Articles |News |مقالات |بيانات

[رد على الموضوع] صفحة 1 „‰ 3:   <<  1 2 3  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de