دعواتكم لزميلنا المفكر د.الباقر العفيف بالشفاء العاجل
|
|
 وصيتي قبل أن أموت والحاضر يكلم الغايب ..
|
الكلام دا زاني لي في راسي ليهو يومين وقالوا الوصية بالمهلة:
لمن سيد الوداعة ياخد وداعتو، ليس لأي أحد أو أحدة حق نشر (دعكم من النقاش حول) أي حرف قمت بإرساله إليه/ا في لحظة صفاء أو جفاء
مخالفة رغبتي كمرحومة وعدم الإمتثال لما ورد في نص هذه الوصية سيعرض مرتكبها لجميع أنواع المساءلات قانونية أسرية وحتى نفسية يعني بينو وبين ضميرو
أنا جادة جداً جداً خالص في هذا الكلام وأرجو أخذه على محمل الجد وإن بدا على ظاهره المزاح
ــــــ
أقعد اليوم كلو في قبري أتقلب وتجيني عشراقة وأقحقح وأصحي جيراني؟
تيسير كتبت كدا
لا لا لكن كانت قاصدة كدا
أنا كلمتكم غايتو ..
|
|
 
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: تيسير عووضة)
|
بالطبع أعني مراسلاتي الخاصة لو حتى مسج في موبايل
أما مؤلفاتي الفكرية وأبحاثي الثورية ومجمل الكتب والمراجع التي قمت بتاليفها فهي متاعٌ لكم
اعملوا فيها الدايرنو ماني سائلاكم
أنا ما إنتهكت خصوصية زول وأنا حية ما تنتهكوا خصوصيتي وأنا ميتة
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: محمد على طه الملك)
|
Quote: يعني حتى لو سيد الوداعة إفتكرك برضو ما فايتانا !
بعد عمر طويل يا ستي ..
إنت فاكره هناك برضو في ذكريات وياااااا حليلهم . |
ما فايتاكم أصلو
مش بقولوا الراحلة المقيمة؟
إقامة شديدة 
يا ملك هناك في أي شي
زمان قلت ليهم لمن أموت مارسوا طقوس الإسلام كما هي صلاة وتكفين وغيرو
لكن شيعوني بي غنية رجعنالك بتاعة البلابل
مش إنا لله وإنا إليه راجعون؟
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: Ahmed musa)
|
سلامات يا أفوكاتو ,,
Quote: س: سؤال ... وبعد الدعاء ليك طبعا بطولة العمر ...
فهل ممكن وقبل ما سيد الوداعة يشيل وداعته الزول ينشر ..؟!!
بس عشان الفهم ...
مع التاكيد لعزيزي القارئ إن الاخت تيسير عووضة لم ترسل لي لا في العام ولا في الخاص
ولكنه سؤال نظري بحت |
قبل ما سيد الوداعة يشيل وداعتو ما بثق في قدرتي "أو حقي" في منع النشر
لكن واثقة بشكل مطلق في قدرتي على الدفاع عن نفسي أو على الأقل توضيح مقصدي ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: محمد إبراهيم علي)
|
والله يا تايسون هو نفس الإحساس البيتملكني ليهو فتتتترة ..
عارفة الواحد ياما شخبت هنا بي كلام ساااي.. وياما راسل ناس برضو بي كلام ساااي ..شاركت لي فترة في هذا الإسفير بي كلام ساااي ..خرمجت وضحكت شاغلت وهاظرت وبرضو بي كلام سااااي..
عن نفسي مقتنع تماماً غنو ما عندي شي فكري وثقافي أو شي قدمته للبشرية عبر هذا الأسفير ومقتنع تماااماً إنو كل كلامي الكتبتو هنا ده لا يعدو كونه ونسة وعادي جداً لو كنت قابلت الشسعراوي في حياته وأعلنت توبتي كان عملت زي ناس شمس البارودي وحنان ترك ووجدي العربي من شاكلة الرجاء عدم نشر ما كتبت سابقاً...
غايتو للضمان عايز أستغل بوستك ده عشان اشيل العفو والعافية من كل خلق الله وكل كلاماتي معاكم دي اخدوها ساااي من باب المشاغلة الإسفيرية ..
عارفة يا تيسير الواحد بقا زاتو يخاف يكتب مداخلة زي دي لأنو حتتى دي زااتا بيجي اليوم الممكن يجي واحد يعمل بيها بوست ويقول ليك تعالوا اقروا اخر ما كتبه المرحومهنا..
يعني بوستك ده يا تايسون فيهو حلاة بوست بعد تموتي!!!
الغريبة حتتتى لو موتي بعد خمسطاشر سنة ح يجي زول ينكتو ليك ويقول ليك سبحااان الله تعالوا اقرو تيسير كتبت شنو التقول كانت حاااسة إنها ح تموت..
تخريمة :
دينا خالد عندها قصة كتبتها هنا في شكل نكتة لكن قاعد اتعامل معاها ك تشبيه مجنووون وتفكير عميييق ..
قالت عندهم حبوبتن ليهم بتخاف من الموت ..قالت ليهم غايتو انا لمن يجو يدفنوني بجن عديييل كده ..
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: عمر الفاروق)
|
يا عومر ..
أحلى حاجة في الأسافير دي إنو الونسة بقت موثقة كتابياً
ياخ أنا مرات لمن أرجع لي ونسة ولا شكلة في بوست كتبت فيهو أقعد أضحك براي
حلو إنك تشوف نفسك في المرحلة الفلانية من عمرك كنت بتفكر كيف
وما بعيد بعد أربعين خمسين سنة يجي واحد يعمل الدكتوراه بتاعتو من خرمجاتنا دي زاتا
ويكون موضوع رسالتو: بعض ملامح الشخصية السودانية القديمة من واقع الونسة الآسفيرية
أو يوميات عمر الفاروق في سودانيز(بعضها ينشر لأول مرة) >> دقستا يا فردة
Quote: يعني بوستك ده يا تايسون فيهو حلاة بوست بعد تموتي!!!
الغريبة حتتتى لو موتي بعد خمسطاشر سنة ح يجي زول ينكتو ليك ويقول ليك سبحااان الله تعالوا اقرو تيسير كتبت شنو التقول كانت حاااسة إنها ح تموت.. |
مبالغة
| Quote: قالت ليهم غايتو انا لمن يجو يدفنوني بجن عديييل كده .. |
غايتو قالوا الزول بكون سامع أصوات الناس الدفنوهو وهم راجعين
ما بعرف دا منو المات وجا ورا الناس الحاصل ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: د.نجاة محمود)
|
حأرد على د. نجاة عشان أستعدل البوست شكلكم فهمتوني غلط أنا ما قاصدة كتابة الأسافير المقروءة لكافة الناس والمنشورة بكامل إرادتي ..
أنا قصدي الكتابة البكون إختصيت بيها الأقرباء إلى الروح "على قلتها" يقوموا بكرة يتغالطوا في موضوع وينهزوني أنا من قيلولتي الأبدية عشان أجي أفض المغالطة بي رسالتي الفلتكانية ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: Elmosley)
|
| Quote: يقوموا بكرة يتغالطوا في موضوع وينهزوني أنا من قيلولتي الأبدية عشان أجي أفض المغالطة بي رسالتي الفلتكانية .. |
دحين يا تايسون إنتي فييي حياتك دي مش كان في دوكشمان حق رسايل ؟؟ والله ما متأكد دي إنتي ولا زول تاني ولا انا لافحو ساي..
ما تابعت الحصل بعد داك فدحين لو دي إنتي خليني الننهزك بي حياتك دي يا ختي الحصل شنو
تخريمة :
ناس البورد خليهم هينيين ..والله انا خايف فييي القبر ده تعملي ليك بوست للعشرة المبشرين بي الجنة من ناس مقابركم
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: Ashraf el-Halabi)
|
إن شاء الله بعد عمرٍ طويل.
حبوبةً لينا ( الله يرحمها) قالت في وصيتها :
بعد ما أموت تتريحوا بالخُمرة . ولمن يجوا
يشيلوا العنقريب تزغردوا، وما تبكوا علَيْ.
وفعلاً تم تنفيذ الوصية.. ولمن شالوا العنقريب
بناتها متريحات والدموع في عيونن ويزغردن ..
والنسوان غلبن يمسكن الضحك.
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: عثمان رضوان)
|
حبوبةً لينا ( الله يرحمها) قالت في وصيتها :
بعد ما أموت تتريحوا بالخُمرة . ولمن يجوا
يشيلوا العنقريب تزغردوا، وما تبكوا علَيْ.
وفعلاً تم تنفيذ الوصية.. ولمن شالوا العنقريب
بناتها متريحات والدموع في عيونن ويزغردن ..
والنسوان غلبن يمسكن الضحك.
تسلم يا عثمان رضوان ..
ربنا يرحم حبوبتكم وحبوباتنا كلنا ..
شكلها كانت صاحبة روح حلوة وما بتحب الحِد والنكد
تمشي معظم المقابر حول العالم تلقاها محاطة بالورود
مقابرنا محاطة بي شجر العشر !!
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: د.نجاة محمود)
|
Quote: اها ديل عادي ممكن يمرقوك في السهلة وانت حية عشرة السايبر ام بنايا قش دي
بس ما تكتبي لاي زول رسالة تعلقي فيها عن اي موضوع بكرة بتلقي الزول ناشرها هنا عشان يعادل الانا المهرودة حقتو |
يا حبيبة حتى لو الأنا حقتو ما مهرودة وجواهو نضيف فل الفل
برضو النفس أمارة بالسوء
(السوء الشعبي )
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: محمد علي البصير)
|
| Quote: ليك طولة العمر يا ستهم ياخ! |
يا ستهم دي ( المنقة ) ودعايتا الباااايخة ديك يعني يا منقة
او
ياستهم الطائرة السودانية اللي على كيفا فأيهما تيسير يا البُشاري اخوي ؟؟؟
تيسير طولة العمر والبال كماااااااااااااان ليك وحياة احلى لكن النقول ليك كلام في شكل نكته :
في قصة جميلة اتحكت لي انو في ولد طالب عمل فيها انصار سنة وبقى كلو يوم يجي البيت
يقول لي امه بالله يا والدة لما اموت ما تبكيني وعليك الله ما تحزني بس اقرئي لي القرآن واعفي
عني وامه تعاين فيهو لما كرر الكلام كتير : الام قالت ليهو يا ولدي موت موتك بعدين البنسوي نحنا
ما ليك علاقة فيهو ........ اها النقول ليك انت في الاول رسلي لي في الخاص او مسج في الجوال او
اي حركة عشان ادخل قائمة الخاصيين والاحبة والاقرباء وبعد داك اوعدك اذا صاحبة الامانة اخد امانتو
منك قبلي فلن التزم بكلامك وح اكتب كل شيئ ولا تنسي شوية زيادات من وحي بنات افكاري الثورية جداً
وبعد ترسلي يا ستهم (منقة او السودانية ) موتي مووووتك وخلي الحبايب يسوووووا احساسهم بيك ......
تحياتي ونسأل الله لك ولنا وللمسلمين والعضوية كلها بما فيهم هشام آدم حُسن الخاتمة .... وعمر مليئ بالطاعات.
................................................................................................................حجر.
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: الرفاعي عبدالعاطي حجر)
|
تايسا وعمر ؟
انتو خلاص قررتو تموتو ؟؟
موتو موتكم ... والببقى عليكم هيييييييييين !
حيين مهنضبننا ميتين مهنضبننا ؟
بندفنكم حيث يدرككم الموت هناك فى دبى ..
الدفن وقاااافى ولا تتقلبوا ولا تقلقوا ...
بطلوا الوصييف دا مررررره فى مماتكم ...
Quote: وياما راسل ناس برضو بي كلام ساااي ..
شاركت لي فترة في هذا الإسفير بي كلام ساااي ..
خرمجت وضحكت شاغلت وهاظرت
وبرضو بي كلام سااااي.. |
كُررررر على المرسل اليه ...
ميتين تجننوا حيين تجننوا ...
ــــــــــــــــــــــــــــــــ
سمعنا الوصية خلاص ... الموت متين ؟
اووووووع تقولوا لى برضوا بالمهلة !
ــــــــــــــــــــــــــــ
والله انتو تكتلوا الخلق دى من المحيط للخليج الحبببه ما تجييكم !
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: دينا خالد)
|
ــــــــــــــــــــــــــــــــ
سمعنا الوصية خلاص ... الموت متين ؟
اووووووع تقولوا لى برضوا بالمهلة !
................................
المرة بتحكي لراجلها عن وفاء زوج صاحبتها التي توفت
وقالت ليه بنى ليها داك يا الجامع ...شفت كيف (مع غمزة حديث)
قال ليها والله انا القطعة مشتريها ...التأخير ما مني ... :)
الله يديكم طولة عمر تيسير وعمر
دي شكلها بداية لقصيدة كويسة .!
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: دينا خالد)
|
دندنة ..
Quote: وياما راسل ناس برضو بي كلام ساااي ..
شاركت لي فترة في هذا الإسفير بي كلام ساااي ..
خرمجت وضحكت شاغلت وهاظرت
وبرضو بي كلام سااااي.. |
دا كلام عمر الفاروق مش؟
كلام غارق في السايية
أو كما قال
Quote: سمعنا الوصية خلاص ... الموت متين ؟
اووووووع تقولوا لى برضوا بالمهلة ! |
أنا وعمر لو واحد فينا إتلحس في غضون الخمسة سنين الجايات ديل الكلام دا بيبقى ليك بمبي
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: زهير عثمان حمد)
|
أخوي الرهيب أبو الزهراء ..
Quote: الاخت الغزيزة
كان ما عملوا بالوسه عندي فيرس خطير يخرب أي حاجة حتي الذكريات المحفظة في في ذواكر ألكترونية لا بشرية ح أبدأ طوالي الهجوم |
بالوسه دي أوعى تكون بالوصية؟
كان كدا أنا خليت الموت زاتو
| Quote: المهم الدفن ح يكون وين لانو أنا محضر حجر صلد جدا من التركية السابقة عشان يكون مخدة الاخرة |
إيه رايك نحيي سنة أجدادنا القدماء ومن هسي نبدا نبني لينا أهرامات نندفن فوقا
منها نتقي الشمس وعوامل الطقس
ومنها نكون نشطنا السياحة في السودان وضمنّا مصدر دخل لي باقي السلالة بتاعتنا
| Quote: والله أنا الخايف أخرتي أتلاشي عديل كدا |
إنك متلاشي وإننا متلاشون
ولا دايم إلا هو ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: الرفاعي عبدالعاطي حجر)
|
سلام
لا علاقة لي بوصيتك ولن أجرؤ على القيام بما طلبت
... الأعجب تملكني احساس مخيف ... عجيب بأن حدوث ذلك رهين أي لحظة لنا رغم أن قناعتي بأن الموت هو انتقال لحياة أخرى أفضل للمسلم .... وقد تبدو قريبة والله أعلم ... فهو بيد خالقنا ...
بعد عمر طويل معمور بالصحة والعافية والعبادة ...
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: othman mohmmadien)
|
| Quote: ... الأعجب تملكني احساس مخيف ... عجيب بأن حدوث ذلك رهين أي لحظة لنا رغم أن قناعتي بأن الموت هو انتقال لحياة أخرى أفضل للمسلم .... وقد تبدو قريبة والله أعلم ... فهو بيد خالقنا ... |
سيرة الموت وكل ما يتعلق به تجلب الرهبة للنفوس
عشان كدا أهلنا قالوا الموت ما بتوالف رغم إنو أقرب إلينا من حبل الوريد ..
شكراً عثمان محمدين ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: الرفاعي عبدالعاطي حجر)
|
Quote: اها النقول ليك انت في الاول رسلي لي في الخاص او مسج في الجوال او
اي حركة عشان ادخل قائمة الخاصيين والاحبة والاقرباء وبعد داك اوعدك اذا صاحبة الامانة اخد امانتو
منك قبلي فلن التزم بكلامك وح اكتب كل شيئ ولا تنسي شوية زيادات من وحي بنات افكاري الثورية جداً
وبعد ترسلي يا ستهم (منقة او السودانية ) موتي مووووتك وخلي الحبايب يسوووووا احساسهم بيك ...... |
لوووووووووووولز يا حجر
ياخ أنا الرسلتهم شايفني هسي عاملة فيهم كيتة ولو في طريقة أعمل ريكول كان عملتها تقول لي رسلي وما عليك
أصلي ما بضمنكم يا ناس الدنيا
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: محمد علي البصير)
|
| Quote: لكن يا بت الحلال ـ في تعاليم دينا الحنيف بقولوا أذكروا محاسن موتاكم ـ فليه عاوزة تحرمي الناس من الثواب بنشر محاسنك ـ وما أكثرها |
يا ود البصير يا عزيزي
أنا ما بحجر على زول يجيب سيرتي خير شر بعد أموت (دي مسالة خاضعة لكل زول وتقديرو الشخصي للأمور)
وعمرو الموت ما كان حصانة ضد تناول سيرة الأفراد بالمدح أو القدح .. بالحق أو الباطل
أنا موضوعي هنا محدد:
لا أسمح بعد موتي بنشر مكاتبة/رسالة خاصة من طرفي إلى العلن مهما كانت دوافع ومسوغات الناشر/ة حينها
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: عمر الفاروق)
|
Quote: دحين يا تايسون إنتي فييي حياتك دي مش كان في دوكشمان حق رسايل ؟؟ والله ما متأكد دي إنتي ولا زول تاني ولا انا لافحو ساي..
ما تابعت الحصل بعد داك فدحين لو دي إنتي خليني الننهزك بي حياتك دي يا ختي الحصل شنو |
لا لا إنت بس ملخبت بيني وبين الجابري الفنان
عملتها رسايل كمان؟
كانت رسالة واحدة بيها أطمن شوية
ودي النشر فيها كان بالإتفاق مع أصحاب العلامة التجارية وبمساعدة خبراء أجانب ومراقبين دوليين وعييييك
لكن على ما أذكر آخر مداخلة في البوست داك كانت حقتك إنت دا معلناً نهاية المحكمة
قال ما تابعت الحاصل قال
Quote: تخريمة :
ناس البورد خليهم هينيين ..والله انا خايف فييي القبر ده تعملي ليك بوست للعشرة المبشرين بي الجنة من ناس مقابركم |
يا معلم ناس مقابرنا ديل أساساً واصلين الدور نصف النهائي لدخول الجنة
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: حاتم الياس)
|
Quote:
بالطبع أعني مراسلاتي الخاصة لو حتى مسج في موبايل
أما مؤلفاتي الفكرية وأبحاثي الثورية ومجمل الكتب والمراجع التي قمت بتاليفها فهي متاعٌ لكم
اعملوا فيها الدايرنو ماني سائلاكم
أنا ما إنتهكت خصوصية زول وأنا حية ما تنتهكوا خصوصيتي وأنا ميتة |
السراي الصفراء فكري .. ول ادبي ساااي!
-----
ظهرتيا عاملة ..
اهو الدعوات بطولة العمر جاتك مجاناً
ابو الشوش قيقا متعودا .. بل راسك انت دا
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: قيقراوي)
|
نسيت احدد موقفي بخصوص النشر
مافي وعود .. حسب النفسيات غايتو
انت وحظك
------
غالب نكون السابقون وانتم اللاحقون
اها عليك الله محمد جمال دا بالذات تطالبوا لي بكري وحسن موسى الجوز يقلعوا منو الباسووردات عدييييل كدا ... ما مضمون الزول دا!
وجوز لا يخسر
هو انا خسرت عمري دا كلو كلو وهو يبكي على باسوورد؟
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: قيقراوي)
|
الحاجة يا قيقراوي لي هسع في موضوع مفاوضات .. اكون ... او لا اكون
تقوم تهدد| Quote: نسيت احدد موقفي بخصوص النشر ...مافي وعود .. حسب النفسيات غايتو : انت وحظك |
وطوالي ترفع الكارت الاحمر | Quote: السراي الصفراء فكري .. ول ادبي ساااي |
ده انت باين عليك وراك بلاوي متلتله
هات من اللي في العلبة قبل تيسير ما تتخارج من ناس المدارس والفطور .. تجي تقطع رزقنا
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: بله محمد الفاضل)
|
يا تاو وصيتك دى لو ما أخاف الكضب شكلها ضربة إستباقية!!!!
مبنية على عشا متأخر عند الجيران  ورمرمة ليلية لم تعتادها
المعدة وكابوس كابوسين خلوك الصباح تجى تكمل هضربتك هنا,,
إتعشو بدرى وخفيف تنوموا كماالضان...
بالنسبة للوصية والمسنجرات يا طويل العمر ما بوعدك إنت بس شتت وشوف أخوك حا يعمل فيك شنو,,,
عوافى يا,,,
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: أيمن الطيب)
|
أتمني ... أتمني
أن يتحول الصراع بين المثقفين السودانيين من صراع
علي الأشخاص الي صراع علي الأفكار والمواقف.
أن يتعلم المثقف السوداني ثقافة النقد الذاتي(شكرا" لمحمد البشري)
التي هي أشمل من الإعتذار لأنها تقوم علي نقد الموقف الخاطئ وتوضيح
الموقف الصحيح بدلا" من طلبات المسامحة والمطايبة.
أتمني أن يمتلك المثقف السوداني القدرة علي الإعتراف بأخطائه
أتمني أن لا تتحول المعارك السياسية والفكربة وأحيانا" (الهذار المافي محله)
الي مطاردة لسحل الخصوم وتجريدهم من كل ميزة أو خصلة.
أن يتعلم المثقف السوداني أن البشر ليسو كاملين وكلهم
يعملون الخطأ والصواب ولذا نحتاج أن نتفهم ونسامح حتي أنفسنا
لنمضي للأمام.
أن يكون الحوار قصده إيصال الأفكار، تبادل الأفكار، إختبار صحة الأفكار
وليس إسكات خصمك
سلام تيسير والمشاركين
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: aydaroos)
|
| Quote: مخالفة رغبتي كمرحومة وعدم الإمتثال لما ورد في نص هذه الوصية سيعرض مرتكبها لجميع أنواع المساءلات قانونية أسرية |
من ناحية المساءلات القانونية دي, أرقدوا قفا وختوا في بطونكم بطيخ صيفي , لأنو المرحومة لو فكرت في إقامة دعوى قانونية ح تفتش الجنة
شجرة شجرة , زنقة زنقة وما حتلقى قضاء سوداني لا واقف ولا قاعد .
كلهم بي هناك .
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: Ashraf el-Halabi)
|
سلامات يا تيسير و دعواتنا بإن يبارك اللله فى عمرك
فتحت البوست بتاعك ده امبارح ..وقلت تيسير دى مالها يا ربى و دعيت ليك فى سرى و اتخارجت
وبالصدفة وحدها اجد نفسى فتحت البوست الذى ربما يكون سبب فى بوستك ده
والله يا تيسير اصابنى استياء فظيع وحسيت بألم ما عادى
انا يتناول الناس اعمالك ارائك كتاباتك رسوماتك مواقفك السياسية بعد مماتك
ويسلوا سكاكين نقدهم دى اصلوا مافيها كلام
لكن ان يتناول الناس ماهو خاص ..قد تكون كتبته فى لحظة يأس او غضب
او اى لحظة انفعال انسانية ممكن انت نفسك تكون عارف انت ما جادى فى كلامك ده
او تكون داخل نفسك عارف انو كلامك صاح لكن فيهو جمولة نفسية كبيرة سالبة
بس انت لحظتها لا يهمك "التماسك الكامل" لكلامك بقدر انك عاوز تتفشى او تنتقم
ما معروف
المهم غض النظر عن الوضع الانت كتبت بيهو واسبابو انت فى دخليتك بتكون عارف انو قد تحتاج لمراجعات
مع جلاء اللحظة القاتمة او الضاحكة (بالمناسبة)
وممكن كمان تجى تقول والله انا كنت زعلان او انا كنت بهظر وكلامى الفلانى ده ارخوهو شوية
بس لو سيد الوداعة اخد وداعتو دون ان تتاح لك الفرصة ... يكون حقك رقد طحنية
تنصب لك محاكم التفتيش لنواياك ومقاصدك وقد تتهم فى فى صحتك النفسية وسلامة عقلك
وانت لا تستطيع لدفع الاذى سبيلا...
ما ممكن ياخ
لا يفوتنى فى هذه السانحة ان اترحم على المرحوم واسأل الله ان يعفو ويغفر له و ينصرة نصرة على الكرار على الكافر
بما يحقق له السلام الابدى يا رب العالمين
كما لايفوتنى انا اشد على يد اخى و زميلى عماد عيدروس
واخيرا سلامات يا تيسير الموت ده كلو ما فايتنا
فقط نرجو لنا جميعا العفو والعافية والستر فى الدنيا والاخرة
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: Siham Elmugammar)
|
سهام الدهب المجمر ..
Quote: والله يا تيسير اصابنى استياء فظيع وحسيت بألم ما عادى
انا يتناول الناس اعمالك ارائك كتاباتك رسوماتك مواقفك السياسية بعد مماتك
ويسلوا سكاكين نقدهم دى اصلوا مافيها كلام
لكن ان يتناول الناس ماهو خاص ..قد تكون كتبته فى لحظة يأس او غضب
او اى لحظة انفعال انسانية ممكن انت نفسك تكون عارف انت ما جادى فى كلامك ده
او تكون داخل نفسك عارف انو كلامك صاح لكن فيهو جمولة نفسية كبيرة سالبة
بس انت لحظتها لا يهمك "التماسك الكامل" لكلامك بقدر انك عاوز تتفشى او تنتقم
ما معروف
المهم غض النظر عن الوضع الانت كتبت بيهو واسبابو انت فى دخليتك بتكون عارف انو قد تحتاج لمراجعات
مع جلاء اللحظة القاتمة او الضاحكة (بالمناسبة)
وممكن كمان تجى تقول والله انا كنت زعلان او انا كنت بهظر وكلامى الفلانى ده ارخوهو شوية
بس لو سيد الوداعة اخد وداعتو دون ان تتاح لك الفرصة ... يكون حقك رقد طحنية
تنصب لك محاكم التفتيش لنواياك ومقاصدك وقد تتهم فى فى صحتك النفسية وسلامة عقلك
وانت لا تستطيع لدفع الاذى سبيلا...
ما ممكن ياخ |
مداخلتك دي امشي وأجيها لي كم يوم
والله كأنك دخلتي جوة عقلي لحظة كتابة البوست دا
الحاجة الهزتك وآلمتك دي أنا عملت فيني كدا وأكتر
وكلامك الكتبتيهو دا مر على بالي حرف حرف
شنو في الدنيا دي بيستاهل دا كلو؟؟
غايتو ..
ربنا يصلح الحال ويهدي البال يا الحبيبة ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: قيقراوي)
|
شقيقتي ....ربنا يديك طولة العمر
ياخد من الكونت ويديك
ولوماكفاك ياخد من عمر البائس ويديك ( من غير بؤس )
ولوماكفاك ربنا يرحمك ...
الطائفيان الكونت وعمر عجبني ليكم التطنيشة ..
ــــــــــــــــــــ
رسايلك حاتكون ذكرى خالدة ودايمة
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: فايزودالقاضي)
|
Quote: شقيقتي ....ربنا يديك طولة العمر
ياخد من الكونت ويديك
ولوماكفاك ياخد من عمر البائس ويديك ( من غير بؤس )
ولوماكفاك ربنا يرحمك ...
الطائفيان الكونت وعمر عجبني ليكم التطنيشة .. |
شقيقي العزيز ود القاضي ..
لولا أن دعائي مستجاب
وليس بينه وبين الله حجاب
لرشّيت كونتكم هذا بدعوة ما يرفع منها راسو تاني
لكن بركاتي ما ببعزقا ساي
يمكن يجي زول مضطر ومحتاج ليها أكتر
أما الطائفي عمر فدا أحسن زول وما بقدر اطنشو
(مايقوم يردمني بعدد واحد بائسة وارعوي)
| Quote: رسايلك حاتكون ذكرى خالدة ودايمة |
غايتو ذكرتوني نكتة الزول القال للحجاز عشرتك ما ناسيها
أنا في الناكر دا
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: aosman)
|
بعد الشر عليك
:
.
:
يا رب متعنا بأبصارنا وأسماعنا وقواتنا أبداً ما أحييتنا واجعله الوارث منا.
:
:
هل لهذا البوست علاقة بقيام البعض هنا بنشر مسجات خاصة من المرحوم المطرطش بعد وفاته؟ رحمه الخالق وغفر له واسكنه فسيح جناته؟
:
:
:
:
:
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: Hani Arabi Mohamed)
|
صـراحة .. الموضوع دا صعب علي شديد!!
يعني أجي أبكي بدميعاتي في نص البورض وما أحكي ليهم؟
إن شاء الله أجيب ليهم الصورة بتاعت الشوبنق
_
أخطر الهجمات في البوست دا من (دينـ)ـا وأيمنوف!!
_
ربنا يديكـ الصحة والعافية وطولة العمر
وتفرحي بي سـعد وأولادو وأولادو أولادو
مع تحياتي بنات ود الصايم
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: محمد عبد الماجد الصايم)
|
Quote: صـراحة .. الموضوع دا صعب علي شديد!!
يعني أجي أبكي بدميعاتي في نص البورض وما أحكي ليهم؟
إن شاء الله أجيب ليهم الصورة بتاعت الشوبنق |
ما كلموك ناس الفيس بوك بيعملوا شنو بعد سيد الحساب يموت؟
واضح إنو حكاية وصية ورغبة المرحومة وكلام من دا ما بينجح معاكم
مضطرة أتكلم مع القرين بتاعي يجي يشوف شغلو معاكم بعد أودع
Quote: ربنا يديكـ الصحة والعافية وطولة العمر
وتفرحي بي سـعد وأولادو وأولادو أولادو
مع تحياتي بنات ود الصايم |
آمين يا أبو النسب
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: Ashraf el-Halabi)
|
| Quote: تصدقي حكاية الجكس دي ما انتبهت ليها إلا بعد زرة حبيبي قيقا.. واللاي صحي |
?et tu Brute
| Quote: يا (يعقوبو) طال ما بتصفي في الحسابات، ما تجدع لينا صورة (إن شاء الله بتاعت ساتة إبتدائي ) عشان لو اتهمونا أوفيشالي نعرف تهمتنا (حلا وهيومر) ومستاهلة ولا احنا اشترينا (وارقو) |
لقد إشتريتم وارقو والحضري زاتو
Quote: لبدنا ليك بهناك لكن شافيك استعنت بالفيرشن الأول
رغم إنو ناس هناك ديل من أهم شروطهم: صورة حديثة
ذاتس نت فير! |
إتس فير آند لفلي كمان
الصورة الحديثة عند الناس دي واقعة في التايم رينج ما بين 1900 لغاية 2012
المافي شنو؟
ذا ليتست فيرشن إز نوت فور ببلك يوز
عفواً .. ألبد مرة أخرى
ــــــ
دا كلو كوم وتعديلاتك لأي مداخلة مرتين وما فوق دي كوم تاني
كمان جابت ليها نقل للأعلى :))
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: معاوية الأرباب)
|
Quote: من ناحية المساءلات القانونية دي, أرقدوا قفا وختوا في بطونكم بطيخ صيفي , لأنو المرحومة لو فكرت في إقامة دعوى قانونية ح تفتش الجنة
شجرة شجرة , زنقة زنقة وما حتلقى قضاء سوداني لا واقف ولا قاعد .
كلهم بي هناك . |
كتلتهم يا ود الأرباب ..
وأنا مالي بمشي للقضاء السوادني الذمتو أوسع من دار الآخرة؟
هناك مافي لاهاي؟
| |
|
|
|
|
|
|
|
|
 Re: وصيتي قبل أن أموت والحاضر يكلم الغايب .. (Re: aydaroos)
|
Quote: أتمني ... أتمني
أن يتحول الصراع بين المثقفين السودانيين من صراع
علي الأشخاص الي صراع علي الأفكار والمواقف.
أن يتعلم المثقف السوداني ثقافة النقد الذاتي(شكرا" لمحمد البشري)
التي هي أشمل من الإعتذار لأنها تقوم علي نقد الموقف الخاطئ وتوضيح
الموقف الصحيح بدلا" من طلبات المسامحة والمطايبة.
أتمني أن يمتلك المثقف السوداني القدرة علي الإعتراف بأخطائه
أتمني أن لا تتحول المعارك السياسية والفكربة وأحيانا" (الهذار المافي محله)
الي مطاردة لسحل الخصوم وتجريدهم من كل ميزة أو خصلة.
أن يتعلم المثقف السوداني أن البشر ليسو كاملين وكلهم
يعملون الخطأ والصواب ولذا نحتاج أن نتفهم ونسامح حتي أنفسنا
لنمضي للأمام.
أن يكون الحوار قصده إيصال الأفكار، تبادل الأفكار، إختبار صحة الأفكار
وليس إسكات خصمك |
دا كلام يتكتب بي موية الدهب ويتعلق ميثاق شرف للإختلاف والخصومة ..
ربنا يحقق الأماني يا عيدروس ..
| |
|
|
|
|
|
|
|
|
|
Re: وصيتي قبل أن أموت والحاضر يكلم الغايب .. (Re: أيمن الطيب)
|
Quote: يا تاو وصيتك دى لو ما أخاف الكضب شكلها ضربة إستباقية!!!!
مبنية على عشا متأخر عند الجيران ورمرمة ليلية لم تعتادها
المعدة وكابوس كابوسين خلوك الصباح تجى تكمل هضربتك هنا,,
إتعشو بدرى وخفيف تنوموا كماالضان...
بالنسبة للوصية والمسنجرات يا طويل العمر ما بوعدك إنت بس شتت وشوف أخوك حا يعمل فيك شنو,,,
عوافى يا,,, |
مبالغة يا أيمن
الأخ غربال؟
عارفاكم ما مؤتمنين بعد أموت
كمان دايرين تورثوني بالحياة؟
اللهم عليك بأصدقائي
أما "أعدقائي" فأنا كفيل بهم
غايتو القال الدعاء دا ما قصر معاي كلو كلو
| |
|
|
|
|
|
|
| |
تيسير عووضة
Ahmed musa
abas
طارق جبريل
فدوى الشريف
محمد على طه الملك
عمر عبد الله فضل المولى
عمر صديق
هشام هباني
محمد إبراهيم علي
aosman
عمر الفاروق
الامين موسى البشاري
osman righeem
محمد المسلمي
تبارك شيخ الدين جبريل
Elmosley
Ashraf el-Halabi
عثمان رضوان
محمد علي البصير
الرفاعي عبدالعاطي حجر
دينا خالد
محمد مصطفي مجذوب
زهير عثمان حمد
محمد البشرى الخضر
othman mohmmadien
حاتم الياس
قيقراوي
صديق الموج
محمد حيدر المشرف
بله محمد الفاضل
أيمن الطيب
aydaroos
معاوية الأرباب
داليا حافظ
Siham Elmugammar
فايزودالقاضي
Hani Arabi Mohamed
محمد عبد الماجد الصايم
فيس بوك
تويتر
انستقرام
يوتيوب
بنتيريست