|
|
|
 Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
ده قمة الاستلاب الثقافي البنعيشوا في السودان اليوم.
الفيديو بتاع أغنية "سنتر الخرطوم" رغم البساطة الي فيها , فهي أفضل بكثير من مثل هذا المسخ المشوه.
أرجوا من الفنان طه سليمان أن يهتم بثقافته السودانية وأن يقدمها في الفيديو عوضا عن ثقافة عربية مشوهة لا نستطيع حت أن تقليدها.
لماذا المشاركين في الفيديو من غير السودانين؟ وهل أنت تريد أن تقدم عملك الفني هذا لغير السودانين؟
إذا كان الجواب بنعم فلماذا يهمك رأينا وإذا كانت الاجابة لا فيجب عليك أن تخل ثقافة بلدك في أعمالك الفنية هذا إذا كنت فعلا تهتم بها.
أرجوا أن لا يكون تعليقي جارح ولكن هذا مشكلة حقيقية نعاني منها اليوم في السودان.
ولي عودة.
دينق.
| |
 
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
الاخ العزيز عزيز...
تحياتي لك وللفنان طه سليمان...
أجد نفسي متعاطفاً مع ابناء جيلي من المحاولين الجادين\ت وغير الجادين\ت في التقدم نحو الامام أو الاتيان بمحاولة جديدة ذات طابع متفرد...
بالطبع لست ناقدا فنيا لأحكم على الكليب بصورة متخصصة أو محترفة ولكني اقول رأيي من باب المشاهد العادي...
أرى ايجابية في اداء من حيث:-
الكلمات : حيث انها سهلة ومفهومة على الاقل لأي مستمع يفك خط اللغة العربية...
الاحساس بالكلمات: اعتقد ان الشاب طه كان متفاعلا مع كلمات -أو لنقل جو الاغنية بالتمام والكمال
التصوير: ولا كلمة
المشاهد : ممتازة للغاية ومريحة للعين...خصوصاً عندما تشاهد الكليب مرتين أو أكثر ولا تطلق يديك للكي بورد ليؤد أي محاولة لشاب -أي شاب- يستحق الدعم المعنوي على الأقل...
العمل في رأيي ناجح 100%
والشكر موصول للقائمين على موقع سوداميكس لمشاركتهم لنا هذا العمل وكلي استعداد للمساهمة في النشر...
- بالجنبة كده: أرجو ان تنتشر اشاعة ان طه سليمان عقد على الموديل بوسي... حتى يكون العمل شرعي وكده 
Better Late than Never!
ولا شنو؟
أنور فتح الرحمن أحمد دفع الله
كوريا الجنوبية
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: AnwarKing)
|
الأخ خطاب
سلاماتى و تحياتى
أنا غايتو لسة بنزل فى الغنية ، يعنى ما شفتها ، بس سمعت من فترة إنو الشاب المجتهد طه سليمان ح يخوض تجربة التسجيل و إذاعة إغنياته فى قناة روتانا و ميلودى!!
أتمنى ليهو التوفيق محل ما يقبل ،،
و بمناسبة أغنية سنتر الخرطوم هى غنية جميلة جداً و تلقائية و تعبر عن "أحزان" جيل كامل لأنها إنتقاد لواقعنا المعاش حالياً،، و لا أرى بها أي نوع من "الهبوط" كما يضرب بها المثل ،، و دة زى ما قريت للأستاذ بدر الدين عجاج إنو بنتو ما فضل ليها إلا إنها "تغني" سنتر الخرطوم !!! """" وش ما باسم و مستغرب""""
و بالمناسبة دى يا ريت و ياريت كلنا ندعم ولدنا خالد حسن في برنامج "ألبوم" على محطة mbc و ما ندي الناس فرصة يطلعوهو لأنو بيستاهل يواصل لجمال صوتو و إجتهادو !!
أنا غايتو دايرة أعمل ليهو "حملة دعم" فى البورد و هنا في البحرين ،، بالله إنتو يا ناس هولندا همتكم معانا ...
لكم كل الود
ح أرجع ليكم تانى بعد أسمع الغنية
| |
|
|
|
|
|
|
|
|
 Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: نوسة)
|
أها جيتكم تانى بعد شفتا الكليب
WAAAAWWWWW
بجد عمل جميل جداً و كلمات ساهلة و واضحة و صوت ما شاء الله عجيب
يا ريت ما تكون دى التجربة الوحيدة و دائما يا طه نشوف ليك حاجات جميلة و حلوة
أي شخص في بداية أعماله بيلاقى نقد سلبى أكثر من إيجابي بس ما يخليهو يأثر فيهو ،، يعنى الزول ما "يطنش" بس يضع نصب أعيينه بلدو و هويتو و إنو سفير الكلمة لى بلدو حول العالم،، و الفن فعلاً رسالة أكثر من السياسة و وجع الراس،، هو وسيلة تعريف الشعوب على بعضها و توصيل اللغة و الشكل لنيل القبول و الإهتمام...
و يا خطاب إنتى قصدك "موديل" الغنية الخطيييييييييير و لا "البت" الخطيييييييييييرة؟؟؟؟
الله يوفقك يا طه سليمان
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
الأخ عزيز ..
تحياتي لك وللفنان طه سليمان ..
رأيي في العمل :
تجربة هذا الفيديو كليب قد تعتبر من التجارب الجريئة التي حطمت الكثير من المحظورات التي لم يتجرأ أصحاب التجارب السابقة في كسرها أو تجاوزها ..
هذا العمل في رأيي المتواضع قمة في الإبداع والسودانوية .. حيث تمت الإستفادة من التقنيات المصرية وخبراتها المتراكمة في إنتاج هذا العمل وليس في ذلك ما يعيب طالما أن كلمات الأغنية ولحنها غير مرتبطة بأي ألحان شرقية أخرى وحافظت تماما على تراكيبها المألوفة لموسيقانا ..
منتقدو هذا الكليب في البوست ربما لم يألفو هذا النمط والإخراج المتطور لهذا العمل لدينا .. ولهذا إنتقدوه كما فعل دينق حين سماه إستلابا ثقافيا !!
رغم كامل إحترامنا لتجارب الكثير من مخرجي الفيديو كليب السوداني وعلى رأسهم معتصم الجعيلي إلا أننا نجد أن هنالك الكثير من المعوقات التي تمنعهم من إنتاج مثل هذا الفيديو كليب محليا أهمها في رأيي حرية التصوير والتمثيل لبعض من المشاهد التي قد تعتبر ضرورية كي نواكب العالمية في هذا الضرب من ضروب الفن ..
الإمكانيات التي توافرت لطه سليمان في هذا الكلب (رغم أنني أعتبرها متواضعة : لنش + فنيات إخراجية وإضائية مقارنة بالكليبات المصرية لكبار الفنانين أو صغارهم) لم يكن لها أن تتوافر في السودان بسهولة بل سيكون هنالك عدة معوقات تجعل المخرج يكتفي بالقليل المشوه من المشاهد والمناظر ..
لاحظوا معي أن اللحن هو لحن سوداني أصيل وإن تم العزف على أيادي مصرية .. والكلمات أيضا موغلة في العامية الصعبة والتي قد لا يفهمها حاليا إلا السودانيين .. وأجمل منظر في الكلب في نظري هو لقطة (البشير) التي قام بها طه سليمان للعازفين وهذا منظر هزني كثيرا لأنه خاصية سودانية بحتة وبكل تأكيد أن من يشاهد هذا الفيديو من الاجانب سيتساءل عن مغزى هذه (الحركة) وذلك في حد ذاته نقطة متقدمة ومرحلة جيدة نحو التبشير بثقافتنا ومفرداتنا ..
تذكرت في هذه اللحظة المطرب الجزائري (الشاب خالد) وأغنيته التي سار بها الركبان (دي دي) رغم أن مفرداتها غير مفهومة حتى للعرب .. ولكن سا همت الأغنية يشكل مباشر أو غيره في التعريف بالموسيقى الجزائرية والألبوم الذي طرح وإحتوى على موسيقى الـ (راي) ..
لا تظلموا طه سليمان فإن ما قام به لا يقل عما قام به عبد القادر سالم وعمر إحساس وعقد الجحلاد في أوروبا من نشر للموسيقى السودانية .. وتأملوا في الإيجابيات الكثيرة والفوائد العظيمة التي ستنهال على سمعة موسيقانا جراء هذا الفيديو كليب ..
صنفرة :
لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..
تحياتي لك يا عزيز ولـ طه سليمان ..
مزيدا من التقدم والإنتاج ..
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
الامريكان عندهم مقولة شهيرة جدا وهي: Just be yourself.
بما معناه لا تتصنع وكن طبيعي وعادي .
واضح جدا من الفيديو أن الفنان يتصنع ويقلد ثقافة غير ثقافته ومكياج غير متعود عليه. واكنت النتيجة هذا المسخ المشوه الذي تسمونه أنتم فيديو كليب. وأخونا عزيز يقول "بموصفات عالمية" فمنذ متى كان للفيديو كليب "موصفات عالمية"؟
إذا كنا هذ ما نريده من أغاني وفيديو كليب فلماذا لا نستعين بفنانين وفنانات من مصر ولبنان عوضا عن كل هذا التعب؟
دينق.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
الحبيب دينق،
ياخي بالك طويل خلاص واعصابك فولاذ!
ولا بفكر اشوف زاتو مركب نقص العالم دي on display!
العالمية عند الخلق دي، هي عالم سادتم الاعراب، المستلبة الحبوش هؤلاء!
عزيز سلامي،
ماتاخد كلامنا ده بي صورة شخصية!
انا ماشفت الفيديو ولا رغبة لي، لاني حاطرش!
بالذات لو جايبين مصرية يشحتفو بيها قليب "العبيد" الحبشي!
مش برضو ليلي علوي هي معيار الجمال، لي احفاد بلال؟
قاتل الله العبودية!
الامننجي ناذر الخليفة الدايما ساكي الفارغة،
عامل فيها ناقد فني او كده؟
هذا زمانك!
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
العزيز ناذر...
سلامات وتحايا...
وان شاء الله جاهز في بدايات شهر سبعة؟؟؟
أعمل بروفاتك من أسع 
قلت:-
Quote:
لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..
|
ولماذا المقارنة أصلاً؟؟؟
اجتهادات جواهر تستحق التقدير...
و لننظر لكل عمل ضمن ظروفه الخاصة... وبعدين لماذا نحاكم هذه الاعمال كأنها خرجت مبعوثة من وزارة الثقافة السودانية؟ وهل كل ما يخرج مبعوثاً يمثلنا كما نريد؟
شاهدت في برنامج كل الجمال لمقدمه وليد زاكي الدين...تجربة ثلاثي شبابي في أمريكا يغنون الراب... وقبلها سمعناتجربة ايهاب اب سعد... وعمر رجب وكليب سامي المغربي والخ...
أدعم كل هذه التجارب لكونها محاولات -صرفة- واجتهادات...
والعتب على الطليان...
هنا في كوريا الجنوبية ممكن تقول ان الفيديو كليبات -كورية الشخوص أمريكية الطابع... تبسط الجميع ، مع منتقدين بالطبع...
الاستلاب لا مكان له في تقديري... بل التأثير المتبادل في عالم اصبح أصغر من الحلّة... وكما ان للمؤدي الحرية في اختيار العمل ...لي كمتلقيّ مطلق الحريّة في الاستماع و مشاهدة ما اريد في هذه الحلّة....
ما الذي يجعلني اتابع برنامج أوبرا الأمريكي أو دكتور فيل أو المسلسلات البوليسية ك سي أي أس مثلاً؟
هل هو الاستلاب؟
أعتقد اننا على قدر عالي من الانفتاح بحيث نتقبل اعمال الاخرين... فلماذا اعمالنا لا؟
أنور
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
عن أذنك يا عزيز ..
طبعا بشاشا العامل زي حبوبة المطر دا بقى عامل فيها عالم علامة وحبر فهامة كبير وداير يفتي في أي حتة كان ليهو فيها نفقة ولا متشولق ساكت !!
Quote: الامننجي ناذر الخليفة الدايما ساكي الفارغة،
عامل فيها ناقد فني او كده؟
هذا زمانك! |
يا بشاشا يا اللخو ..
أنا عارفك ما دخلت هنا إلا عشاني وعشان تخت كلماتك الفوق ديل ..
زمااااااان سمحنا ليك تنظر في السياسة والتاريخ والجغرافيا والبطيخ ..
بس كمان إنت ما تستسهل الأمور وتجي تنظر لينا في الفن ..
كدة عصرت علينا شديد والله ..
عندك حسابات معاي داير تصفيها حضر مصفتك وألبت لي في حتات غير دي ..
صنفرة :
شايل بقجة غباينك وحايم من بوست لي بوست !!
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Abdel Aati)
|
Quote: الاخوان عزيز وانور
الفيديو كليب جميل وان كنت اتمنى ان تكون الموديل في المرة الجاية سودانية او اثيوبية - ارترية على اقل تقدير .
هناك مشكلة في المكساج حيث لا يتطابق الصوت تماما مع الصورة .. اتمنى ان يتم التنبه لها في المرات القادمة ..
يا جماعة كمان سجلوا في السودان ولاهي حكومة السجم والرماد دي شغالا بي روحا
وما حتفضا اسا تطارد الفيديو كليبات
بالعدم ممكن نسجل في اديس اببا او اسمرا التكاليف بتطلع اقل . |
العزيز عادل...
سلامات وأشواق يا عزيزي...
يا سلام على الفكرة... ان تكون الموديل اثيوبية أو ارترية...ده لو فرضنا ان السودانيات امتعن..
التسجيل في السودان بدري عليهو...!
مودتي
أنور
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
نازر الخليفة
خليني مبدئااتفق معاك على التحليل دا لانو فعلا دا الكلام الكنت حاكتبو
ولحدي ما اجيك راجع ...بي صنفرتو نقلتو
الأخ عزيز ..
تحياتي لك وللفنان طه سليمان ..
رأيي في العمل :
تجربة هذا الفيديو كليب قد تعتبر من التجارب الجريئة التي حطمت الكثير من المحظورات التي لم يتجرأ أصحاب التجارب السابقة في كسرها أو تجاوزها ..
هذا العمل في رأيي المتواضع قمة في الإبداع والسودانوية .. حيث تمت الإستفادة من التقنيات المصرية وخبراتها المتراكمة في إنتاج هذا العمل وليس في ذلك ما يعيب طالما أن كلمات الأغنية ولحنها غير مرتبطة بأي ألحان شرقية أخرى وحافظت تماما على تراكيبها المألوفة لموسيقانا ..
منتقدو هذا الكليب في البوست ربما لم يألفو هذا النمط والإخراج المتطور لهذا العمل لدينا .. ولهذا إنتقدوه كما فعل دينق حين سماه إستلابا ثقافيا !!
رغم كامل إحترامنا لتجارب الكثير من مخرجي الفيديو كليب السوداني وعلى رأسهم معتصم الجعيلي إلا أننا نجد أن هنالك الكثير من المعوقات التي تمنعهم من إنتاج مثل هذا الفيديو كليب محليا أهمها في رأيي حرية التصوير والتمثيل لبعض من المشاهد التي قد تعتبر ضرورية كي نواكب العالمية في هذا الضرب من ضروب الفن ..
الإمكانيات التي توافرت لطه سليمان في هذا الكلب (رغم أنني أعتبرها متواضعة : لنش + فنيات إخراجية وإضائية مقارنة بالكليبات المصرية لكبار الفنانين أو صغارهم) لم يكن لها أن تتوافر في السودان بسهولة بل سيكون هنالك عدة معوقات تجعل المخرج يكتفي بالقليل المشوه من المشاهد والمناظر ..
لاحظوا معي أن اللحن هو لحن سوداني أصيل وإن تم العزف على أيادي مصرية .. والكلمات أيضا موغلة في العامية الصعبة والتي قد لا يفهمها حاليا إلا السودانيين .. وأجمل منظر في الكلب في نظري هو لقطة (البشير) التي قام بها طه سليمان للعازفين وهذا منظر هزني كثيرا لأنه خاصية سودانية بحتة وبكل تأكيد أن من يشاهد هذا الفيديو من الاجانب سيتساءل عن مغزى هذه (الحركة) وذلك في حد ذاته نقطة متقدمة ومرحلة جيدة نحو التبشير بثقافتنا ومفرداتنا ..
تذكرت في هذه اللحظة المطرب الجزائري (الشاب خالد) وأغنيته التي سار بها الركبان (دي دي) رغم أن مفرداتها غير مفهومة حتى للعرب .. ولكن سا همت الأغنية يشكل مباشر أو غيره في التعريف بالموسيقى الجزائرية والألبوم الذي طرح وإحتوى على موسيقى الـ (راي) ..
لا تظلموا طه سليمان فإن ما قام به لا يقل عما قام به عبد القادر سالم وعمر إحساس وعقد الجحلاد في أوروبا من نشر للموسيقى السودانية .. وتأملوا في الإيجابيات الكثيرة والفوائد العظيمة التي ستنهال على سمعة موسيقانا جراء هذا الفيديو كليب ..
صنفرة :
لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..
تحياتي لك يا عزيز ولـ طه سليمان ..
كت اووت :-
دينق خلينا نخت الكوره في الارض ونناقش الموضوع بي هداوة الريف.. سمح ؟
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
عزيز يا عزيز..
سلامات وتحايا..
شاهدت الكليب.. وهو ممتاز جدا بالنسبة للكليبات السودانية السابقة..
وجيد بالنسبة للكليبات العربية البنشوفها..
ومقبول بالنسبة للكليبات العالمية..
الكلمات واللحن وصوت الفنان هم أبطال الكليب..
الموديل (بوسي) دمها تقيل ولو تم حذفها لما شعرنا بها..
وكان يمكن تصوير الكليب بدون موديل (أنا ضد تسليع النساء في الإعلانات والكليبات).. كفاية (سماحة) الفنان ..
بالنسبة للتصوير في مصر لا أستغربه أو أستنكره لأن جميع الفنانين يختارون مواقع التصوير الخارجية والأستديوهات المناسبة.. نلاحظ تركيا وقبرص وماليزيا وحتى الأمارات (أغنية عاصي الحلاني الأخيرة).. وهناك من يأتي إلى مصر من الفنانين سواء العرب أو الخواجات للتصوير..
الموسيقار أحمد الجبالي يمتاز بحس عالي.. ولكن يلاحظ إقتباساته للأفكار وفي بعض الأحايين اللحن.. (يعني إحتمال لو عملنا قوقلة حنلاقي شكل الكليب ده في مكان تاني)..
هي بداية.. وبداية طيبة أتمنى ان يواصل فيها الفنانين السودانيين..
ونفسي أشوف كليب لمعتز صباحي..
ودي
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
سلام جميعا
الشكر للاخ عبد العزيز خطاب على انزال هذا العمل هنا
و بالطبع الشكر اجزله للاخ انور كنج الذي جعل مشاهدة الفيديو كليب ممكنة
حسب متابعتي للبوستات فإن نقد الاخ ناذر للفيديو كليب من الناحية الفنية هو الاعمق
و قد نختلف على الكثير من رسالة الاغنية، لكنها في النهاية اغنية عاطفية و ليست مظاهرة سياسية، و إن كان الفنان طه قد ابدع في اغنية عوض دكام بأبعادها النفسية و الاجتماعية في السودان، لا يجب بالضرورة أن يكون اسيرا لهذا النوع من الطرب على اهميته، و يجب علينا كما أعتقد أن لا نقيم أي فنان عبر عدسة الفنان مصطفى سيد أحمد مثلا...
شخصيا أعتقد أن الاغنية رائعة جدا و موسيقاها و مفرداتها سودانية جدا، كنت حقا أتمنى أن تكون الفتاة التي صاحبت الفنان طه سليمان سودانية حتى تعبر عن الاغنية بصورة أفضل، و لكنها تفاصيل يمكن تجاوزها بالنقد البناء لاحقا
مرة أخرى شكرا ناذر على حسك الفني العالي في التعامل مع هذا الفيديدو كليب، و يقيني أنك لو تابعت الكتابة على هذا المنوال الجاد في التصدي لمثل هذه الامور فستتطور لتكون ناقدا فنيا متقدما...
صنفرة كما تقول أنت
أيضا تابعت كتابتك و نقدك لتجربة الفنانة نانسي عجاج... و لم يسعفني الوقت كي أشيد بتلك الكتابة فالعذر لك يا عزيزي
عظيم مودتي و احترامي
و تمنياتي للفنان طه سليمان بارتياد آفاق جديدة في الانتاج الفني لتنقل ابداعاتنا الموسيقية لمجالات أرحب
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
سلامات يا رجاء .
Quote: الموسيقار أحمد الجبالي يمتاز بحس عالي.. ولكن يلاحظ إقتباساته للأفكار وفي بعض الأحايين اللحن.. (يعني إحتمال لو عملنا قوقلة حنلاقي شكل الكليب ده في مكان تاني)..
|
الإقتباسات دي موجودة وشكل الكليب دا ما غريب أبدا وبالتأكيد بيكون في شبيه ليو (أنا مثلا شايفو بيشبه لي حد كبير الكليب بتاع أغنية (عربي أنا) بتاعت فنان لبناني إسمو رايح لي هسي وجنو يظهر بي نضارات فريماتا لونا أحمر) .. الأهم هو طبيعة اللحن والكلمات ..
اللحن طبعا من ألحان مجاهد سميت والكلمات برضو من شاعر سوداني ..
يعني شكل الكليب ما مشكلة المشكلة في شكل وتميز اللحن
صنفرة :
الغريبة قبل خمس أو ستة أيام واحد من الشباب هنا منزل ليهو أغنية أوديو بالعود لي فنان شاب غير معروف ولحنها حميل جدا والناس تشيل وتشكر في الفنان والأغنية وما عارفين إنو الأغنية لحنها ملطوش بي صمتو من فلم هندي إسمو (KAHONA PYAR HE TA) بطولة أجاي ديفجان والأغنية نفسها في الفلم مسجلة بي ألة وترية هندية صوتا قريب لي ألة العود وكل العملو الزول النزل الاغنية إنو فرغ كلماتا وملاها بي كلمات من عندو وجابا زول تالت ينزلا هنا ويحتفل بيها !
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
واضح جدا من المداخلات الفوق دي أنكم متابعين القنوات العربية, وتعتقدون أن كل ما يقدم بها هو الشئ الممتاز أو المقبول.
أنا أطلب منكم فقط أن تطلعوا على فيديو كليب قديم جدا للفنان عثمان حسين وهو مصور في الخرطوم ومعه فتاة سودانية وجزء من اللقطات صورت في السكه حديد. الفيديو كليب قديم جدا(أبيض وأسود) ولكني عندما رأيته عجبني جدا وذلك لسبب بسيط. الفيديو مصور في السودان والفنان سوداني والفتاة سودانية, ولا يوجد به أي نوع من أنواع التصنع والتقليد الاعمى. يا ريت لو كان عندي طريقة أجد هذا الفيديو مرة أخرى. بالمناسبة الفيديو كليب كان بيعرض في السينمات زمان. الذي أريد أن أقوله هنا أن الفنان عندما يتصنع ويقلد شئ هو لا يعرفه يفقد الاثنين معا. يفقد الموهبة التي يعرفها ويفقد الموهبة التي يريد أن يقلدها. بربكم ما نوع هذا المكياج الذي وضعه الفنان؟ راجعوا جيدا طريقة رقص الفنان والايقاع الموسيقي هناك فرق كبير. اللقطة التي صورت في المركب, هل هي جزء من الكليب أم أنه كليب أخر؟ الفنان طه سليمان أدائه ومنظره في أغنية "سنتر الخرطوم" أفضل بكثير من هذا التهريج. يجب أن يعرف السودانين شئ مهم جدا. هل نحن نريد أن نقدم أعمالنا للعرب فقط؟ وهل إذا كنا نريد القبول العربي يجب علينا أن نقلدهم؟
وهل هذا التقليد سوف يوصلنا لذلك ويرضي العرب ويتم قبولنا؟ نصيحتي لكم. خلونا نكون سودانين وخلوا أي حاجة تطلع من ثقافتنا ومن بيئتنا. ودي أحسن حاجة ممكن نكون بنجيدها.
دينق.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)
|
دينق يا عزيز..
صباح الخير..
أنا غايتو الكليبات العربية ما بتابعها شديد.. إلا للفنانين البريدهم.. لأنه الموضوع بقى اصلو ما ليه علاقة لا بكلمة ولا لحن ولا يحزنون.. كل الشارع المصري واللبناني بقو فنانين..
المهم.. بتابع (سماش تي في) و(أم تي في) وبرضو الموضوع قلب من أغنيات كانت بتتحفظ وتقعد بالسنين زي أغاني البي جيز وليونل ريتشي وكيني روجرز.. لأغنيات ما بتعرف تلقط منها ولا كلمة غير (Sexy)..
لفت إنتباهي الفنان الكندي الجنسية واللبناني الأصل (Massari).. أبدا ما نظرت ليه على إنه إتنكر لثقافته وأصله.. كل الجذب إنتباهي وغيري من السمعوه، جمال الأغنيات وطريقة غناه..
ولا زلت أصر على نقطة مهمة للغاية وهي الطريقة البتتوظف بيها البنات في الكليبات.. طريقة مهينة للغاية
سوري يا عزيز والفنان طه على التخريمة دي..
ودي للكل
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
أمجد إبراهيم ..
Quote: مرة أخرى شكرا ناذر على حسك الفني العالي في التعامل مع هذا الفيديدو كليب، و يقيني أنك لو تابعت الكتابة على هذا المنوال الجاد في التصدي لمثل هذه الامور فستتطور لتكون ناقدا فنيا متقدما...
صنفرة كما تقول أنت
أيضا تابعت كتابتك و نقدك لتجربة الفنانة نانسي عجاج... و لم يسعفني الوقت كي أشيد بتلك الكتابة فالعذر لك يا عزيزي |
تشكر كتير على الإطراء ..
إنما هي فقط بضع محاولات حسب القدرة والدراسة والمعايشة أحببت المشاركة بها هنا .
لك الشكر ..
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
سلام عزيز,
حا أتكلم بدون مجاملة.. و أعتقد أنك و ناذر لم توفقا هذه المرة, و أعني من حيث الإطراء الزائد حول هذا العمل!
و لمصلحة المستقبل الفني لطه سليمان أعكس إنطباعاتي بصراحة زائدة (كذلك)!
العمل برمته يفتقد ل(التجانس) هنا و هناك مما يجعله عمل غير موفق لا (ثقافيا) و لا (لحنيا) و لا (صوتيا) .. أي غياب التجانس بين هذه العناصر الثلاثة من الطبيعي أن يجعل أي عنصر منها (على حداه)مشوها .. فكيف?!:
- أولا و من الناحية الثقافية فأسلوب التطبيق الدرامي (الرومانسي) للعمل لا يعبر عن الأسلوب السوداني (على الأقل في السودان الشمالي جغرافيا!) في ممارسة الحب و الغزل مما يجعل الطابع هنا غريبا على عوائد الوجدان الأشرت إليه هنا مع ملاحظة أن الخروج عن النمط السائد هنا يفقد المشهد مصداقيته المفترضة و يجلب للمادة المعروضة تهمة الزيف لكونها تمثل خروج عن الأصل المألوف بخاصة في مثل هذه الأشياء الإجتماعية الثقافية الحساسة!
- ثانيا, و برضه من ناحية ثقافية, واضح أن الفكرة تمت بي ميول عروبية لا تخفى على أحد بل و لا يخفى حتى تطلع طه سليمان نفسه لمنافسة عربية مع شوية فذلكة (الإبقاء على اللهجة السودانية مثلا) , كان ممكن أن يفكر في المنافسة دي لكن بأسلوب و مظهر و إخراج سوداني يعكس الأسلوب السوداني و المزاج الأكثر حظوة في وسائط إعلامنا المحلية أي (الوسط) لقربه الثقافي من أولئك الأعراب,
- (العالمية طبعا بعيدة شوية من الكليب ده ) و ده من ناحية ثقافية برضه, و : لأسباب معروفة !
- من حيث القالب اللحني, أعتقد أن محاولة التوفيق بين الحس السوداني و الحس العربي و الآخر العالمي تعطي اللحن هوية تشبه تلك الهوية التي عبر عنها طه سليمان نفسه في أغنية سنتر الخرطوم( ).. و أترك الحتة دي لغاية هنا و أتمنى نسمع رأي الموصلي في المنطقة دي..
لكن أضيف كذلك أنه حتى الآلات التي يعتمد عليها العمل و إتكالها (الأساسي) على آلة الساكسفون يضيف إلى (مشكلة القالب اللحني) إشكالية أخرى فيما يختص بالأذن و الحس السودانيين (بالنسبة للفرد العادي أو الAverage person)!
- ما أعنيه ب(صوتيا) هو أنه(و بالإشارة إلي "النزعة" العروبية للعمل كما أسلفت) فمن رأي أنه ما كل الأصوات (السودانية) تملك الحس و المخل الذي يتسم به الصوت المعبر عن الوجدان العربي إلا قلة قليلة من مطربينا و حتى هؤلاء لا يمكن أن يوفقوا في (محاكاة) الأعراب ما لم ينطقوا كلمات الأغنية بي لهجة الجهة صاحبة الأغنية.. و صوت طه سليمان صوت سوداني حتى النخاع!!
أتمنى ليه التوفيق في مشواره الفني و أتمنى أن لا أحبطه!
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
شكرا الاخ عزيز
حقيقتا قمة الروعه وتجربه فريدة ومزيد من الابداع ياطة ياسليمان
والله لو تدري بحجم معجبيك بسدني لشديت الرحال الينا كما فعلتها مع الاخوان بمصرو هولندا
ياعزيز اللهم لا حسد
في راي ان التجربه جريئه والعمل مواكب والكلام حول البعد السوداني اعتقد موجود في الكلمات والالحان والاداء
بس انا المستغرب ليهوا الناس عايزانا دايما نغني تحت الراكوبة ممنوع علينا الانطلاق وخصوصا لفنانينا والواحد تلقاهوا فاتح قناة lbc او, mbc .
وقاعد يحضر في الفيديو كليبات العربيه والاجنبية ولما تساءلو من القناة السودانية ايقول ليك اءه هي دي قناة ويكون مستمتع مع روبي وهيفاء ولما يقوم طة سليمان يعمل فيديو بمواصفات عالمية يقولوا ليك دا مابشبهنا والموديل ماعارف شنو يازول مزيد من التقدم وبالمناسبة نحن وقفنا في الحقيبة ومن ذلك الوقت نحنا واقفين يعني مافي جديد بعد الحقيبة الحقيبة بالايقاعات الحقيبة باوكسترا الحقيبة بالاورغن الحقيبة بالدلوكة الحقيبة بشنو كدة ماعارف يعني مافي جديد نلف ونرجع للحقيبة وانا ماعارف اذا ماكان عندنا الحقيبة دي كان عملنا شنو
ياعزيز وياطة سليمان دا دوركم كشباب مبدع المساْلة محتاجة شويه جراءة عمل جميل وقد نال استحسان الجميع
ولكم الود اضعاف
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: بدرالدين كاجوري)
|
ما عارف ياخوانا لكن ،،
انا بفتكر انه العمل دا جميل جدا وفيه جهد مقدر من الفنان طه سليمان ،،
انا ما ناقد فنى ولكن مشاهد عادي جدا جدا ،، اقول انه العمل كبير وتجربه ضخمة
واثنى عليها ،، خلينا من السودنه والبت الموجودة ولكن خلونا بى منطق مشاهده
الناس الان فى الفضائيات الكثيرة ومشاهده الجيل القائم الايامات دي اسال من اي فنان
بعرفو ليك وبعرف عنده كم اغنية ومصور الفيديو كليب بتاعة وين ،، اتخيل لى دي فرصة
كبيرة جدا عشان اولادنا يتعرفو على اغنياتنا بصورة البحبوها هم ،،
العمل دا اذا عرض فى الفضائيات حا يلقى تجاوب كبير جدا فى اعتقادي وحا تكون
نقلة جديدة فى الفن السودانى ،،،
هسه يجو يقول ليك لو صورناهو فى السودان مالو وبلدنا فيها اجمل الاماكن ،،،
دا كله موافقين عليه ولكن صناعة العمل الفنى ما محتاجة لى اماكن معينة لو كدا
ما كان الفنانيين الامريكان ولا الخليجين ولا البنانييين بصورو بره بلادهم ،،
على العموم دي وجهه نظر بحته ،، لانه الجيل القائم دا محتاج لى حاجات زي دي
على النمط القاعدين يشوفوه فى الفضائيات ،،
بس ،
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
رأي متواضع في العمل....
اولا وقبل كل شيء العمل يعد سابقةمن نوعها لجراة الطرح وطه سيسجل له انه تجاوز المحظورات الإعلامية السودانية في تقديم الشكل الغير مألوف للفيديو كليب في السودان واحييه من قلبي.
ناتي للتفاصيل...التفاصيل التالي ذكرها تاتي من ان العمل بمجمله ممتاز في راي وقد قمت بالمشاركة في كتابةوانتاج عدد من الفيديو كليب من قبل اثناء تواجدي في السودان. في المشاهد الأولى تحديدا اللقطة الثانية لطه ظهر فيها افتعال التمثيل ولو كان العرض مسرحي لقلنا رهبة المسرح والجمهور لكن لا اعرف لم لم تتم اعادة هذه اللقطة لتتماشى مع جودة السياق العام للأغنية يعني واضح تماما تصنع التمثيل وهذا فقط تحديدا في اللقطات الاولي الفوكس على طه.
الكثير من الدخان افسد شي من روعة العمل لانه موضة الدخان دي الناس قللة منها وكان ممكن تكون خلفية بسيطة فقط، الموديل حلوة طبعا" وجه مبتسم" لكن لم يكن لها اي دور في العمل يعني متبلدة كده شكلها، في العموم في راي العمل فيه اجادة تقنية نوعا ما وطه زاده حلا اكتر من وجود البت في بقية الفيديو تجد الفنان طه تفاعل بإحساس عال وراقي مع كلمات الأغنية.
عموما الف صفقةوبشيرة للفنان طه لانه العمل الأول من نوعه وفي رأي ....
العمل ناجح بكل المقاييس الى الامام يا طه وخلينا نعمل شي خارج المحلية والمحظورات في الأجهزة الغعلامية السودانية لننافس به العالمية.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
ياجماعة السودان ده عشان نعكسه للمجتمع الخارجي الفنان لازم يتصور لابس ليه طاقية قش وشايل ليه هبابة ولا شنو....انا ماعارفة العقدة بتاعت اللون والعنصرية دي شنوووووووووووو.
الفنان طه يعكس السودان بمفهوم راقي ولا الا يلبس ليه اغطية بيبسي في رجلينه يكشكش بيها.
وقبل ما الناس تهجم دايره اقول ليكم انا زاتي لوني سوداني "نخففها شوية" احب السودان واحترم معتقداته وثقافته لكن هذا لايعني ان نتقوقع على ذاتنادعونا ننطلق لنري العالم كله ماهو السودان لكن باسلوب عصري حديث.
تحياتي لك اخي طه الى الامام
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: يسرى معتصم)
|
التحية للاخ عزيز
عمل و لحن جميل و اداء رائع
التوزيع الموسيقي و تصوير الفيديوكلب ، الاضاءة ، اختيار المشاهد و فكرة الكليب توضح احترافية كل من نفذ العمل .. و ربما تدفع هذه التجربة للكثير من المبدعين لتقديم اغانيهم في صورة جديدة مشابهة .
و دعاني هذا البوست لاضيف:
يبدو اننا في السودان نطمح في المنافسة عربيا.. فيظهر انتاجنا الفني في قالب مشابه لما نشاهدة دوما في الفضائيات العربية!!!!.
لماذا لا نقدم غنانا المستوحاه من بيئتنا فيفرض نفسه عالميا و ليس عربيا !!.
اضرب مثل دائما بالشاب خالد القادم من الجزائر في بداية التسعينات و غني موسيقي (الراعي).. المعروفة بالراي و انتشر و نحج نجاح ساحق.
و مثل اخر
المبدع عاصم الطيب
و مثل اخر
معلومة بنت الميداح (موريتانيا)
(هي قضية مهمة جدا و تهم كل الموسيقيين والدارسين و المتخصصين و المعنيين بالموسيقي في السودان)
التحية للجميع و الشكر للاخ عزيز
و التحية للمبدع طه سليمان
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
لتبقى : بتتعلم من الأيام ...وردة صبية ..ضنين الوعد ..الشجن الأليم ..المصير .. لا وحبك ..الشوق والريد .. تباريح الهوى ..نحييك ما بتحيينا ..سيد الاسم .. كنوز محبة ..ولّى المساء .. الأماني السندسية .. حمام الوادي .. بتقولي لا.. أنا ام درمان .. ....وغيرها من مئات ومئات الروائع ..
للتعريف بهذه الكنوز ..علينا الإحتيال علي أذن و عين المتلقي بذكاء تسويقي ..
و لا مانع من إتباع أسلوب تعود عليه..
(إلي حد و بدون إسفاف أو بذاءة و بدون إبتذال )..
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
شايف بعض الاخوة الفناني ظهروا.
لا يوجد تحليل علمي دقيق بل مجاملات في مجاملات. نحن في السودان بنخاف نواجه بعض, حتى في العمل الرسمي بنخاف نقول رأينا بكل صراحة ووضوح. وده من أهم الاسباب التي دمرت السودان.
هل إحتاج الفناني الراحل سيد خليفة أن يغير صوته, لبسه أو منظره لكي يقدم نفسه الى العالم الخارجي؟
لماذا تغنت بعض دول الجوار العربية والافريقية بأغاني الراحل سيد خليفة؟ وكيف إستطاع سيد خليفة الوصول الى قلوب تلك الجماهير العريضة؟
هل بساطة سيد خليفه وظهوره بمظهر سوداني طبيعي كان من وراء شهرته ؟
أراهن أي واحد فيكم. إذا مر الفنان طه سليمان من أمامي أو أمام أي شخص أخر من غير ذلك المكياج القبيح فلن يعرفه أحد أبدا.
هناك فهم مغلوط لأستعمال المكياج في العالم العربي, ونحن السودانين نتبع العالم العربي. الفهم المغلوط هو أن إستعمال المكياج الغرض منه أن يظهر ملامح الجمال في الانسان وأخفاء بعض البقع الغير مرغوب بها وليس تغير شكل الانسان تماما كما نرى في الفيديو كليبس بتاعت العرب.
ونحن السودانين طبعا نستعمل نفس المساحيق والمكياج الذي يستعملونه العرب. ولا ندري بأن لنا نوع مخصص لنوع ولون بشرتنا يختلف إختلاف تام عن ما يستعمله الاعراب. شفتوا الاستلاب الثقافي الذي نعانيه وصل بنا الى أي درجة؟
دعوني أحكي لكم قصة عن عارضة الازياء السودانية أليك ويك.
عندما تم أكتشافها كعارضة أزياء لم يكن هناك مكياج جاهز يتماشي مع لون بشرتها. قامت شركة لانكوم لمستحضرات التجميل الشهيرة بتصنيع مكياج مخصص للبشرة السوداء. يعني لم تستعمل عارضة الازياء اليك ويك المكياج المخصص لزوات البشرة الاقل سودا منها. (حكت القصة دي بنفسها في لقاء لها مع أوبرا وينفري)
أنا زكرت هذا القصة لكي أقول لكم أن المكياج الذي أستعمله طه سليمان مكياج لا يتناسب مع لون بشرته أصلا.
دينق.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)
|
Quote:
عندما تم أكتشافها كعارضة أزياء لم يكن هناك مكياج جاهز يتماشي مع لون بشرتها. قامت شركة لانكوم لمستحضرات التجميل الشهيرة بتصنيع مكياج مخصص للبشرة السوداء. يعني لم تستعمل عارضة الازياء اليك ويك المكياج المخصص لزوات البشرة الاقل سودا منها. (حكت القصة دي بنفسها في لقاء لها مع أوبرا وينفري)
أنا زكرت هذا القصة لكي أقول لكم أن المكياج الذي أستعمله طه سليمان مكياج لا يتناسب مع لون بشرته أصلا.
|
عزيزي دينق
نحن هنا ادلينا برآينا ونحترم رآيكم
ولا نطلب من احد احترام رآينا ولكننا نرفض التهكم تماما
هذه واحدة
انا لم اري الفنان طه شخصيا وربما مسالة مكياجه ليست بالطريقة التي تتصورها انت
فان كنت آنت رايته شخصيا ارجو آن تحدثني
عموما مسالة فتح لون البشرة في التلفزيونات تستعمل عاديا في آميركا ل ٩٩٪
من الممثلين ومقدمين البرامج السود ولايرون في ذلك عيبا
هذه واحدة ثانيا وهذا الحديث لك وللاخ حاتم
ماهي الموسيقي السودانية في نظركم؟
مع احترامي الاكيد
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
| Quote: لراحل العظيم سيد خليفة قوبل في زمانه بعواصف من النقد لألحانه الخفيفة غير المعتاد عليه في ذاك الزمان |
سلامات اخت أميرة
انا ممكن تعتبريني زول مشاتر ..او على الأقل تعتبريني من جيل ( في زمانه ) القال ليك عنهم استاذ العربي
لأني لغاية الليلة ما عاجباني الأغاني الخفيفة للراحل المقيم سيد خليفة أنزل الله عليه شآبيب الرحمة
مع اقتناعي التام بأنها كانت - إضافة لاقامته بمصر المحروسة - السبب المباشر في شهرته عربيا
...
صديق لي من سوريا جمعتني به الدراسة
وفي بدايات تعارفنا ، وبمجرد أن عرف أنني من السودان قال لي عندكم فنان مشهور بيغني (ازيكم) و( المامبو السوداني ) شو كان اسمو ؟؟
قلت له انه سيد خليفة ..
وشعرت بأنه لم يقتنع حين أردفت : و لديه ( درر ) ستجعلك تنسى هاتين الاغنيتين
وأسمعته في البدء ( يا صوتها) فتملكته الدهشة من الكلمات ..واللحن ... والأداء ..
ثم تبعتها في يوم آخر بـ ( على الجمال تغار منا )
وصرخ في وجهي : حرام عليكم والله عندما استمع لـ ( ثم ضاع الأمس منا )...
..بعد أربع سنوات من اول لقاء لي مع هذا الشاب
كنت الجأ إليه حين افتقد الاستماع لأغنية ما
فقد أصبح يقتني مكتبة غنائية سودانية ضخمة تضم عددا مقدرا من المطربين السودانيين
| Quote: للتعريف بهذه الكنوز ..علينا الإحتيال علي أذن و عين المتلقي بذكاء تسويقي .. |
اها .. ومن ضروب الاحتيال دي مثلا اني اجيب لي بت مصرية كموديل ؟؟
أوإني ادخل ( مؤثرات ) على صوتي عشان يبقى استايلي قريب لاستايل الشاب منو والشاب منو ؟
...
صراحة بستغرب جدا لطريقة التفكير دي رغم انو كتيرين جدا بيفكرووا كده
اصلا شنو ( البيجبرني) ويخليني ( أحتال )؟؟
الما عندو استعداد نفسي انو يتقبل ابداعي البيعكس ثقافتي يروح ان شاء الله عمرو ما يسمعني ..
اهو نحن بنسمع المصريين رغم انهم ما (احتالوا) علي عشان اسمعهم
علما بانو اي أغنية سودانية اصيلة بتطربني اكتر مما تفعل اغنيات جميع مطربي مصر منذ عهد الفراعنة وحتى شعبان عبد الرحيم
.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Elmuez)
|
الأعزاء
أول حاجة أنا (رايي) أنه موضوع الفن ده بالذات بيتحمل كل الآراء بدون زعل وشكل .. يعني ممكن الزول ما يحب المغني بس عشان شكله ما عاجبو ولا تسريحته ما لطيفة ... الموضوع مزاجات عالأقل في مستوى المشاهد العادي زينا ما الناقد المحترف ..
أنا الكليب ما عجبني - ولنفس الأسباب الذكروها المنتقدين هنا
أول حاجة الروح السودانية ..
أنور كينج (والله مشتاقين)، الروح السودانية كان ممكن التعبير عنها ببساطة ببت سودانية أو حتى ملامحها فيها لمسة سودانية (نوبية اثيوبية كينية إلخ) .. أو بالتصوير في مكان في السودان .. أو عالأقل بموسيقى سودانية ... حتى طريقة نطق (عايز أعيش) ما سودانية ..
تجربة ناس الراي الجزائري أكبر مثال على النجاح في توصيل ثقافة مختلفة لجمهور قد لا يعي هذه الثقافة نهائيا ...
(دي دي) أغنية جزائرية 100% ... لحن وكلمات بتوزيع ممزوج بين الفرنسي والجزائري ... حتى الكليب البنات الفيهو ملامحهم مغاربية
وقد واصل الشاب خالد مشواره بأغاني جزائرية 100% في ذلك الألبوم وما يليه .. (وهران) و(لله يا جزاير) و (عبد القادر) حتى لما غنى أغنية فرنسية تماما اختار لها عنوانا اسم بت مغاربية (عيشة) وموديل بملامح مغاربية برضو ..
وهناك محمد منير الذي أصر على اللعب في منطقة معينة أداء ولحنا وكلمات وأخيرا كليبات .. ونجح
في الجهة المقابلة ... هناك (نموذج) سميرة سعيد المغربية ولطيفة التونسية ووردة الجزائرية .. الذين لهم كل الاحترام والتقدير كمغنين اختاروا طريقا أسهل للوصول وهو التماشي مع التيار العام وقد نجحوا في نيل شهرة طاغية وربما أيضا ساعدوا بطريقة غير مباشرة في الدعاية للفن في بلدانهم ..
وفي (نموذج) صابر الرباعي الذي نجح بامتياز وذكاء في الوصول للشهرة بأغاني مصرية ثم بدأ - ولو بصورة قليلة - في عرض أغاني من التراث التونسي
طه قدامو واحد من هذه الطرق .. وفي كل الحالات حيصيبوا النجاح لأنه موهبة حقيقية .. بس يحدد - بصدق - هو عايز شنو
وانا - كمعجب حقيقي بصوت طه - أتمنى أنه يختار الطريق الأول الأصعب ... لكن في النهاية - بدون أي مزايدات - الاختيار اختياره هو وبس .. حيخسر معجبين ويكسب معجبين آخرين لكن دي حاجة طبيعية ..
أنور صديقي .. أنا أعتقد أنه العالم صار قرية صغيرة بمعنى أنه بالإمكان إيصال صوتنا بسهولة ويسر لكن ما معناهو أنه لازم نتماشى مع الباقي باسم العولمة .. فالعالم قرية صغيرة متنوعة وأتمنى أن يكون لنا نصيب من هذا التنوع
(إذا كان الإنترنت يحمل تيرابايتات من المعلومات فلنجعل إحداها سودانيا) ... وإذا كان النايلسات يحمل دشيليونات من الكليبات فلنجعل إحداها (سودانيا)
أما بخصوص الإحباط ... فلازم نكون جميعنا - كل في مجاله - أقوى من كده وإلا ما في داعي أصلا للمحاولة .. ولما يكون المجال بيتعامل مباشرة مع مزاجاتنا ونفسياتنا لازم القوة تكون (دبل)
فواصل يا طه
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: kabaros)
|
كباروس... سلام وأشواق..
ما طالبني حليفة...
لكن الشوق يهدر...
Quote: أنور كينج (والله مشتاقين)، الروح السودانية كان ممكن التعبير عنها ببساطة ببت سودانية أو حتى ملامحها فيها لمسة سودانية (نوبية اثيوبية كينية إلخ) .. أو بالتصوير في مكان في السودان .. أو عالأقل بموسيقى سودانية ... حتى طريقة نطق (عايز أعيش) ما سودانية ..
|
جنجويد... شوالات اغاثة... مرة ملفحة بتوب ويظهر عليها الحزن جلياً... بعض السياسيين ... ناس في مظاهرات ضد الحكومة السودانية (الانقاذ)... وأخيراً صورة موديل سودانية جنوبية...
هذا كان نتيجة البحث في قوقل للصور عندما كتبت (سودانيز موديل)... (عارضة سودانية)
نفس نتيجة البحث اعلاه تكررت مع تغيرات طفيفة عندما كتبت (سودانيز بيوتي)...(جمال سوداني)...
بس جابت ليها صورة عروس مجرتقة كمان (الله يوعدنا)
الجمال كما نحن متفقان...نسبي...
الموديل الفي كليب طه سليمان ده... ولا كلمة... جميلة وصالحه للكليب ... اها تعال نختلف ونفوّر دم بعض في اختيار موديل سودانية؟
هل توجد مثل هذه (المسخرة) اصلاً في السودان؟
يا زول منو من أولاد (الاسر) البيسمح لاختو أو قريبتو تكون فتاة اعلان؟
يا زول (امخاخنا) في الحتة دي أكعب من طالبان نفسهم؟ بتتكلم كيف؟
ده ثم أولاً...
Quote:
أنور صديقي .. أنا أعتقد أنه العالم صار قرية صغيرة بمعنى أنه بالإمكان إيصال صوتنا بسهولة ويسر لكن ما معناهو أنه لازم نتماشى مع الباقي باسم العولمة .. فالعالم قرية صغيرة متنوعة وأتمنى أن يكون لنا نصيب من هذا التنوع
(إذا كان الإنترنت يحمل تيرابايتات من المعلومات فلنجعل إحداها سودانيا) ... وإذا كان النايلسات يحمل دشيليونات من الكليبات فلنجعل إحداها (سودانيا)
أما بخصوص الإحباط ... فلازم نكون جميعنا - كل في مجاله - أقوى من كده وإلا ما في داعي أصلا للمحاولة .. ولما يكون المجال بيتعامل مباشرة مع مزاجاتنا ونفسياتنا لازم القوة تكون (دبل)
|
صديقي مظفر...
اذا كان هناك طريقة لايصال صوتنا بسهولة ويسر واختارها طه سليمان... فأشكره جزيلاً على هذا الخط المستقيم...
واذا كانت هناك طريق "صعبة" ولم يمشي فيها أحد ، فالسايقي واصلة... فلينتظر محبي الطرق الصعبة.
ولكن يا كباروس... هذا العالم الذي اصبح قرية... لن يذكرك طويلاً حتى ولو أخترت الاطول والاصعب...
أعتقد ان النجاح -نجاح غض النظر عن سهولته أو صعوبته... الله يفكنا بس من الحسادي على قول حبوبتك -الله يذكرها بالخير...
هذا الشعار الذي رفعته يا مظفر أصبح تاريخاً الآن... فالانترنت مًلئ حشواً بتيراباتات سودانية (ما شاء الله)...
الّا انها تيراباتات كميّة... وليست نوعية...بمعنى ان موقعي http://www.anwarking.com/ وموقعك http://www.kabaros.com/ وموقع الموسيقى في سودانيز أون لاين http://www.sudaneseonline.com/SudaneseMusic/ والخ... عبارة عن نسخ من بعضها... مع اختلافات صغيرة هنا وهناك...
كباروس يا عزيزي ... الانترنت سودانياً بقى زي استثمار الركشة ومحل الاتصالات وعربات الامجاد سودانياً... فما أسهل ان آخذ نسخة من موقعك وأكتب فيها اسمي...واقول بملئ الفم.. عملت لي موقع في الانترنت...
أليس من السخف مثلاً ان لا يكون موقع الاستاذ يوسف الموصلي قبلة لأهل الفن على الانترنت؟
أعتقد ان مثل هذا الكليب كان يجب ان يعرض بداية في موقع الاستاذ يوسف الموصلي والأخذ برأيه كفنان وباحث متخصص في الموسيقى والالحان والتوزيع والخ...
يأكباروس ياخي شوف الناس دي بتسقط كمية من السياسة وصراع الهوية -حتى انت وانا وقعنا في نفس الفخ- كيف؟
رأينا مهم بالحيل...لكني اعتقد ان قناعة طه سليمان في الأول والأخير هي الفيصل في الحكم على العمل... فينا واحد دافع من جيبو؟ ولا فينا واحد اصلاً -لو سًئل - بيدعم أي عمل سوداني؟
يأخي احباط شنو؟ احباط دي انتهينا منها تماماً... بقينا في مراحل أكثر تقدماً عندما تم تسفيهنا وركلنا والتشهير بنا في الانترنت...تارة حرامية -سرقنا حاجتنا- وتارة كرتنا اتحرق...
هذه آمة تفرح بسقوطك يا مظفر حيدر... وتحب الشمارات ...
والحمد لله الذي لم يجعلنا تيران... تقع... بل جعلنا أسود ، سود لا ترضى بما يرضى به الأقلون..
Quote: وإذا كان النايلسات يحمل دشيليونات من الكليبات فلنجعل إحداها (سودانيا)
|
شعار يبحث عن من يتبناه!!!
سرّ يا طه سليمان الى الامام... على كيفك...
لم ننتخب احدا... ولم نبايع بعد محمدا رجلا...
الى الأمام ، كل مجتهد
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Elmosley)
|
..
بل شكرا لك استاذنا الموصلي ..
وسننتظر بلهفة ( هوية الموسيقى السودانية )
لنتزود ببعض المعرفة في علم الموسيقى ..
بس ( مبدئيا ) بقول ليك لا اعتقد ان هناك من يسقط عن الأغنية ( سودانيتها ) لمجرد أن فيها ( ملامح المقامات العربية)
تطربنا حد الثمالة اغنيات عبد القادر سالم ..والمقامات العربية فيها بينة واضحة
الراحل المقيم الجابري ايضا لديه أغنيات تكاد أن تصبح عربية وكذلك العاقب محمد حسن
وقد أفدتني مشكورا قبل فترة بأن ( حروف اسمك ) للموسيقار محمد الأمين فيها مقامات عربية
.... الخ
ليت الوقت يسعفك ليكون البوست في القريب العاجل ..
ولك كل الود والاحترام،،.
.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: hatim ibrahim)
|
الاخ العزيز عبد العزيز خطاب والمبدع الفنان طه سليمان
لكما التحايا
اولا : تحية كبيرة جدا لهذا المجهود المقدر الذى استطاع
ان ينتزع بعض الحزن منى لما اعانيه من فقد عزيز لدى
وثانيا: طه سليمان قامة عملاقة فى وسط الفنانين الشباب الآن ومنذ ان بدأ
ولذلك كنت سعيد جدا وانا استمع اليه عبر الفيديو فى حفل زواج اخواتى الاثنين
ميساء وزينب ميرغنى فى حلفاية الملوك قبل سنوات خلت ومنذ الوهلة الاولى
تنبأت له بمستقبل زاهر.
ثالثا : اتفق تماما مع ما قاله الاخ العزيز ناذر محمد الخليفة فى تحليله الفنى
والتقنى للعمل. واضيف ان عالمية الموسيقى ولغة الصورة لها مفردات خاصةولا تعنى
السودانوية ان ننعزل عن العالم وعن محيطنا الطبيعى بذريعة الاستلاب.
ونقطة اخرى :لعل منتقدى العمل المشاركيين فى هذا البوست لا يعلمون شيئا عن الاغنية
المصورة او الفيديوكليب . لان للفيديو كليب سيناريو وقصة ودراما يجب توصيلها من
خلاله وبالطبع التمثيل جزء اساسى منها وبهذه المناسب اهنئ طه سليمان على هذا الحصور
التمثيلى فى الاداء فهو رصيد يضاف اليه ولا يخصم منه.
خامسا نجد اعداء التقدم والتطور كثر ولكن الغريب ان تكون وجه نظر من يعتبرون انفسهم
اعداء موحدة وهذا ما يعبر عن شعورهم الحقيقى فالتأصليون(الظلاميون ) ودعاة السودانوية
(الذين يتحدثون عن الاستلاب) هم وجهان لعملة واحدة. وهذا ما ظهر جلياهنا.
تحياتى لكما وارجو ان اقابل طه سليمان قبل مغادرته لهولندا ان شاء الله حتى نقوم بالواجب معه
ضياء الدين ميرغنى
تنبيه:
التلفون عندك يا عزيز
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
Quote: عزيزي دينق
نحن هنا ادلينا برآينا ونحترم رآيكم
ولا نطلب من احد احترام رآينا ولكننا نرفض التهكم تماما
هذه واحدة
انا لم اري الفنان طه شخصيا وربما مسالة مكياجه ليست بالطريقة التي تتصورها انت
فان كنت آنت رايته شخصيا ارجو آن تحدثني
عموما مسالة فتح لون البشرة في التلفزيونات تستعمل عاديا في آميركا ل ٩٩٪
من الممثلين ومقدمين البرامج السود ولايرون في ذلك عيبا
هذه واحدة ثانيا وهذا الحديث لك وللاخ حاتم
ماهي الموسيقي السودانية في نظركم؟
مع احترامي الاكيد |
استاذي العزيز الموصلي.
أنا لم أتهكم على أي أحد ولكني أرفض المجاملة تماما. وأنت شخصيا ألتمست في تعليقاتك دبلوماسية ومجاملة, كما تعرف يا عزيزي كلنا بهذا البورد ننظر لك كخبير وكشخص متخصص. فرأيك هنا مهم جدا. وهو كرأي الطبيب في المريض. ليس بالضرورة أن نرى الفنان طه سليمان شخصيا. فله أغاني منتشرة في اليو توب ومن الممكن مقارنة شكله مع هذا الكليب. دعني أختلف معك عن نوع المكياج الذي يتم أستعماله في أمريكا وفي السودان رغم أنوا المقارنة معدومة ولكن الكلام جاب الكلام. نوع المساحيق التي يتم إستخدامها في السودان بواسطة الفنانين وعامة الشعب هي أصلا مستوردة من دول عربية وكما تدري فلون بشرتنا يختلف تماما عن العرب. الشئ الاخر هو نوع المكياج الذي يستعمل في أمريكا له درجات من الالوان ولو مثلا في أي واحدة عاوزة تشتري مكياج من السوق فهي لا تستطيع ذلك دون إستشارة البائعة وفي عدد كبير من المحلات الكبرى قد تجد دائما البائعة هي نفسها متخصصة مكياج. وهي تقوم بدورها في شرح لون ودرجات المكياج المعروض للبيع مع لون بشرة المشترية. فهي مثل عملية لون بوهية السيارة تماما, فهناك أرقم وكود معين لنفس اللون. أما الممثلين والفنانين يا موصلي فهم في معظم الوقت يكون هدفهم هو إخفاء تجاعيد أو أثار معينة وليس تفتيح البشرة. وهي بالمناسبة تشمل البيض أيضا. ولي عودة.
دينق.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)
|
آخي العزيز دينق
مبدايا واستنادا الي مواقف كثيرة
فانا ضد التسرع في الحكم الفني وانا آحب دوما تشجيع الشباب الجدد من لفنانين
وان رايت بعض السلبيات في آعمالهم
فالفنان مهما علت موهبته فهو لايولد باسنانه
ومهما غزر علمه وازدادت خبرته فان هذا انما يقلل من نسبة السلبيات في اعماله
وليس فينا من يخلو من ذلك
مشكلة تحديد هوية ما يقدمه الفنانين مشكلة معقدة جدا
ومشكلة تحديد الهوية للموسيقي الافريقية معقد جدا خصوصا ان اردنا آن نفصل ذلك
عن الموسيقي العربية
ف ٣٥٪ من آفريقيا تقريبا عربي الهوية
في انتظارك ولي عودة ايضا تقبل احترامي وتقديري
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
Quote: خي العزيز دينق
مبدايا واستنادا الي مواقف كثيرة
فانا ضد التسرع في الحكم الفني وانا آحب دوما تشجيع الشباب الجدد من لفنانين
وان رايت بعض السلبيات في آعمالهم
فالفنان مهما علت موهبته فهو لايولد باسنانه
ومهما غزر علمه وازدادت خبرته فان هذا انما يقلل من نسبة السلبيات في اعماله
وليس فينا من يخلو من ذلك
مشكلة تحديد هوية ما يقدمه الفنانين مشكلة معقدة جدا
ومشكلة تحديد الهوية للموسيقي الافريقية معقد جدا خصوصا ان اردنا آن نفصل ذلك
عن الموسيقي العربية
ف ٣٥٪ من آفريقيا تقريبا عربي الهوية
في انتظارك ولي عودة ايضا تقبل احترامي وتقديري |
أستاذي العزيز الموصلي.
طه سليمان كفنان أنا أعتبره ممتاز جدا ومن السهولة جدا أن يكون له مستقبل كبير ولكن ليس بهذا الطريقة, فلقد ظلم نفسه في المقام الاول.
لقد عجبتني جدا أغنية "سنتر الخرطوم" ولقد لاحظت أن الفنان طه سليمان له إمكانيات صوتية كبيرة جدا وفي نفس الوقت لا أعتقد بأنه بحاجة الى ذلك الكم الهائل من المكياج. فمظهره والطريقة التي يلبس بها ممتازة جدا.
دينق.
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
يسري ...
طبعا المقارنة معدومة تماما بين فيديو كليب عثمان حسين وفيديو كليب طه سليمان ..
زي وكأنك داير تسأل : العب مايكل جوردون في السلة ولا كاسباروف في الشطرنج !
طبيعة الاغنية نفسها هي البتحدد مسار تصوير الفيديو كليب وطريقة السيناريو بتاعو .. يعني هسي لو حاولنا نركب نفس السيناريو بتاع أغنية طه سليمان في أغنية عثمان حسين بالتأكيد الفشل هو النتيجة الحتمية ..
طبيعة الفيديو كليب بتاعت عثمان حسين رصينة جدا كطابع الاغنية نفسها وما أظن السيناريو كان بيحتاج وجود فتاة جوار عثمان حسين أثناء التصوير بعد العمر دا أو نجيب لنش ونركب فيهو عثمان ونخليهو يفرد يدينو بالطريقة العملا طه ..
طبيعة الأغنية وتصنيف جيل الفنان البيغنيها بالإضافة لي سنو وإمكانياتو التمثيلية عندها عامل كبير وحاسم في تحديد مسار الفيديو كليب ..
وحا نكون ظلمنا إمكانيات ومقدرات طه ظلم ما بعدو ظلم لو طالبناو يسجل أغنيتو بذات الروح والمناظر السجل بيها فيديو كليب عثمان حسين ..
إحترامي
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: ناذر محمد الخليفة)
|
الاستاذ حاتم إبراهيم ,,
كفيت ووفيت .. شكرا لك
يؤلمني ان ارى من يخلط بين العالمية و التقليد الاعمى .....
و تحياتنا برضو للفنان طه سليمان ,, بس عشان خاطرنا .. خليك من الكليبات التى ستخلق منك مسخا مشهوها لبقية مدعي الفن فى الوسط العربي.
بتذكرني الصورة الكربوينة التعيسة -لمن حضر زمن صورة الكربون - و نحن اصلا ما عاجبنا الاصل لمن تعجبنا الصورة
التحربة الجزائرية و كذلك الخليجية فى بداياتها ممثلة فى عبد المجيد عبدالله ,, عبدالله الرويشد و من قبلهم محمد عبده و طلال مداح من التجارب الرائدة التى كسرت إحتكار الاغنية المصرية ,, فقد اتى الجزائريون بأيقاعهم المغاربي و الخليجيين بأيقاعهم الخليجي و فرضوه على الادن العربية بجودة الاداء و اصالة التعبير . كذلك اقتحم الفنان محمد منير عرين الاغنية العربية بأيقاعه النوبي الممعن سويا فى البساطة و التعقيد وطرب له كل العالم العربي - و غير العربي كذلك.
حذاري من الاستسهال ,, هناك طرق كثيرة لفرض ايقاعنا السوداني على ادن المتلقي العربي - او غير العربي- فقط نحتاج لشحذ الخيال و الاستعانة بالخبرات و الثقة فى انفسنا قبل الاخرين.. و إن شاء الله يتحقق ما تنشد اليه.
نحن بنقول الكلام ده لمصلحة الفنان طه سليمان اولا لاننا نحب صوته و أداه ,, و لو كان ممسوخ من الاول ما كان ح يهمنا.
(عدل بواسطة Outcast on 05-19-2007, 06:05 PM)
(عدل بواسطة Outcast on 05-19-2007, 06:07 PM)
(عدل بواسطة Outcast on 05-20-2007, 04:10 AM)
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
Quote:
يسري ...
Quote: قـــارن
طبعا المقارنة معدومة تماما بين فيديو كليب عثمان حسين وفيديو كليب طه سليمان ..
زي وكأنك داير تسأل : العب مايكل جوردون في السلة ولا كاسباروف في الشطرنج !
|
عارف يا ناذر...
أتفق معك مليون في المية في انعدام المقارنة بين الكليبين...
ياخي لو ما انحنا داقسين اصلاً... عثمان حسين ده فنان جيل عملياً انتهى... مع احترامي له واعجابي بفنه للطيش...
ولنا جيلنا... الذي يجب ان تكون له حرية الاختيار مليار في المية...
الغريبة المنتقدين للكليب بيدوك احساس انو في بدائل مناسبة سودانياً ولم يقبل عليها؟؟؟
انا لما أقرا لي موضوع نقدي سوداني والقى العبارة دي:-
والله انا ما داير احبط الفنان لكن كلام كتير...
بعرف الموضوع نقدي من نوع الضرب تحت الحزام وكده...وقس على ذلك في مجالات الحياة المختلفة...
اعتقد ان عبارات الاخ يسري مثل:-
| Quote: أما الفيديو كليب ( الجريمة ) |
و
Quote: ... يا ريت يا ريت .. ويا ريت يا ريت
أن لا يفكر الفنان طه في إعادة التجربة المشوهة لابداعاتنا ..
كما أتمنى أن يحاربها الفنانون الأخرون . |
هو تماماً ما لا يجب ان يلتفت اليه طه سليمان...
ابداعتنا دي وينه؟؟؟
بالله جيب لي ابداع واحد عمرو اقل من سبع سنوات؟ أي من سنة 2000 وانتا جاي!
أرجو ان لا تأخذنا العزة بالأثم ونعتقد اننا محسوبين في عالم الابداع...الذي نتحدث عنه كثيراً (ذكرت كلمة ابداع في موقع سودانيز أون لاين أكثر من ذكرها في موقع قوقل البحثي!!!)
ولا نمت له بصلة -الا من رحم ربي...
مودتي
أنور
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
اشدبقلبى على يد الفنان طه سليمان
لانه استطاع ان بقف هذا الموقف الفنان
لا اهتم كثيرا بالانطباع لكنى اوقن اننا نحتاج ان تظهر صورتنا بالظهور اللائق بالفنان
وهذا ما فعله الفنان الشاب طه سليمان
بعدين هسى العالم بقت فيهو الموسيقى لغة تواصل بعد ان فشلت السياسة فى توفير هذا النوع من التواصل
لايهم اين لكن يهم ان الموسيقى التى كتبها لهذه الاغنية فنان يعرف معنى موسيقى
ويعرف انها تدخل القلب
ونحن دائما فى بلادنا ضدماهو جديد وجرئ
لاننا من الذين يقدسون ويؤلهون للبعض
وما تجربة الكاشف حين بدا الغناء بالاوركسترا بغائبة عن الاذهان حين (قرر الفنان عوض الجاك ان لا يغنى حتى يعود الكاشف للرق ) ولان الكاشف كان مجيدا ومجددا رفض الانصياع وبات قامة غنائية لا تغيب عن الخاطر ولا القلب
اذن طه سليمان قد نحى منحى جديدا وكتب للغناء ما لم يكتبه الكثيرون من ابناء مهنته
واقول لناذر ان تجربة جواهر (كنت شاهدا على بداياتها فى مصر ) استطاعت ان تجعل الشارع المصرى يسمع الاغنية السودانية وتمشط البنات شعرهن على الطريقة السودانية بل ، اننى ذهلت يوم ان حل شريطها محل الفنان الكبير كاظم الساهر حيث كان شريطها لعدد من الاسابيع الاكثر مبيعا ، حتى ان اذاعة البى بى سى قدمتها للمستمع ، ولا انسى مشهدها وهى تهرول الى باب سيارتها لكثرة تدافع راغبى الاوتوغرافات من الجنسين فى معرض القاهرة الدولى ، يومها بكيت لاننى اشهد هذا المشهد لاول مرة فى حياتى )
وكذا كان حال الفنانة ستونة مجروس
دعوا القمح ينمو والاغنيات تاتى تباعا
دعونا نستمتع بالفن السودانى كمنتج يستحق الاستماع ونحاكم التجربة بادوات الفن لا غير
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Yassir Tayfour)
|
الأخ العزيز/ أنـــور
السلام عليكم ورحمة الله وبركاته
كتبت
Quote: اعتقد ان عبارات الاخ يسري مثل:-
Quote: أما الفيديو كليب ( الجريمة )
و
Quote: ... يا ريت يا ريت .. ويا ريت يا ريت
أن لا يفكر الفنان طه في إعادة التجربة المشوهة لابداعاتنا ..
كما أتمنى أن يحاربها الفنانون الأخرون .
هو تماماً ما لا يجب ان يلتفت اليه طه سليمان...
ابداعتنا دي وينه؟؟؟
بالله جيب لي ابداع واحد عمرو اقل من سبع سنوات؟ أي من سنة 2000 وانتا جاي!
أرجو ان لا تأخذنا العزة بالأثم ونعتقد اننا محسوبين في عالم الابداع...الذي نتحدث عنه كثيراً (ذكرت كلمة ابداع في موقع سودانيز أون لاين أكثر من ذكرها في موقع قوقل البحثي!!!)
ولا نمت له بصلة -الا من رحم ربي...
مودتي
أنور |
كاتب التعليق أعلاهةهو الزميل الأخ / حـاتم أبراهـيـم
لك تقديرى وإحترامى
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
شكراً يا عزيز على الفيديو كليب الحلو دا.
الفنان / طه سليمان نموذج مُشرٌف للفنان السوداني الحديث و أنا مُعجبة بيهو جداً جداً. دمو خفيف و صوتو جميل و عندو حضور قوي .
لكن ....(( و أعوذ بالله من كلمة لكن )).....
* الفيديو كليب ما أداني على الإطلاق إحساس إنو سوداني..اللهم إلا إذا إستثنينا البِشٌيرة الأخيرة الفوق عازف الساكسفون.. .!!
* لو سألتوني كنت أقول ليكم صوٌرو الفيديوكليب بنفس التقنيات الحديثة دي..لكن في السودان.
في السودان في أماكن أكثر جمالاً من الشفناها دي..(( في المول ...في الهيلتون ..في نادي الزوارق..في السلام روتانا..في أحد النوادي الراقية..في رحلة نيلية..في أهرام البجراوية..جنب الشلال التاشر...في بورتسودان..شاطيء عرَوس..جبيت..سواكن..جبل مرة..جوبا...إلخ )).
* جيبوا بت سودانية حلوة (( و هم كُثُر و الله ))...في البيت..في الشارع..في المسرح!
* خلوهم يحبو بعض بطريقة سودانية عادية...يكون طالب في جامعة..قاعد هو و زميلته في كافتيريا الكلية..ممكن تتغير المشاهد بوجود أصحاب حولهم..لكن نفهم من نظراتهم إنهم ما حاسين بالحولهم!!! خلوهم يتلاقو في حفلة...و نظراتهم تفهٌمنا الحاصل شنو..!!
* خلوهو يلبس لبس عادي ..متناسق و أنيق (( مافي داعي للجاكيتات في الحر دا ))!
* العازفين ديل ..مش ممكن يكونوا سودانيين؟؟!!
حاجة أخيرة..
* الأغنية حلوة و كلماتها مُريحة..بس بصراحة ..
تسريحة شعرو عملت لي distraction ...!!
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: hatim ibrahim)
|
عزيز خطاب
معذرة جيتك صادى تانى ........... رغم غيابك .
فى راى الشخصى اى عمل غير تقليدى قد يكون مثار للنقد وعدم القبول
لدى بعض الناس وهذا امر طبيعى اختلاق الاراء .
اؤد التحدث عن نقطه مهمه لم يتطرق لها الذين ابدوا ارائهم .
انتاج هذا العمل ( التكاليف الماديه) من هو المنتج لهذا العمل شركه انتاج فنى او تلفزيون .
عن طريق الصدفة عرقته هذا العمل من انتاج الفنان طه سليمان
وبى كل المقايس الفيديو كليب مكلف جدا .
ابتدا بى تسجيل الاغنية فى الاستديو والتنفيذ الموسيقى ( الاوركسترا)
التصوير والمونتاج ,الاخراج, الاضاءه , الموديل والقائمه الطويله فى ختام الفيديو كليب
من ساهم فى هذا العمل .
الفنان طه سليمان منتج هذا العمل وهو فى حد ذاته شجاعه وجراه يشكر عليها
وليس التقليل من حجم هذا العمل .
الفيديو كليب عمل ضخم وجرى وفيهو تجديد وابداع مع الاستفاده من الاخطاء التى
لاتتجاوز حجم الابداع فى هذا العمل الرائع والتنفيذ العالى من حيث التصوير والمونتاج.
احمــــد خضـــر
| |
|
|
|
|
|
|
|
|
 Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: hatim ibrahim)
|
.
Quote: الأخ altahir_2
أسأل الله أن يتغمد فقيدكم العزيز بواسع رحمته، وان يلهمكم الصبر والسلوان ، |
الاخ الكريم حاتم ابراهيم
تشكر يا رقيق والبركة فى امة محمد (إنا لله وإنا اليه راجعون)
Quote: دايما بشوف - وقد أكون مخطيء -
انو الزول اللي بيقدم على ( شتم ) الآخرين
وكيل الاتهامات ليهم
هو شخص بيشهر ( إفلاسو) ..
لانو ( أسهل ) حاجة في الدنيا دي انك تتهم أي زول بأي حاجة دايرها
وتشتمو بكل مفردات الشتم الموجودة في اللغة البتكتب بيها.. |
يا عزيزى حاتم احب اولا اقول ليك لست مقصودا اولا.
والثانى لا اعتقد ان فى حديثى اى نوع من الشتيمة لا سمح الله
بل هو رأى وراى معاكس.
انا تحدثت عن اشياء محددة جدا
التقنية الموجودة فى الكليب هذه نقطتى الاساسية التى حاول البعض
ان ينفث من خلالها بعض سمومه فى غير مجالها!!!!!
انت قدمت رأى فنى يمكن التعاطى معه بصورة اكثر شفافية وبكلمات
اقل ما توصف به انها رقيقة وقابلة للحوار مقابل حدة البعض.
وسآتييك للرد عليه مفندا ان شاء الله ودامت هذه المعرفة الحلوة.
-----
Quote: وبما انو كلامك جا معمم
انت حسع لمجرد عدم تقبلي للفيديو كليب ( الجريمة )
صنفتني بأني (1) عدو للتقدم والتطور (2) ظلامي (3) من دعاة السودانوية الذين يتحدثون عن الاستلاب
فليكن يا سيدي ..
خليني أكون زي ما انت عاوز .. ظلامي ، ومن أعداء النجاح. |
لا حول ولا قوة الا بالله . والله حملت كلامى اكثر مما يحتمل لك
وحتى نقطة الاستلاب نفسها التى تلتقى فيها مع آخرين ليست سببا لمثل هذا الاختلاف الحاد
اذا طرحت بشكل موضوعى ولا يحمل مضامين اخرى كما اورد البعض.
بالعربى كدا اذا طرحت فى سياقها الصحيح
Quote: بس يا ريت توريني انت
وين التطور والتقدم الشفتو في الفيديو كليب محل النقاش ؟؟
- الشاب البيغني وهو فاتح زراير قميصو وخاتي ليهو سلسلة في عنقو .... تطور ؟؟
- الاستعانة بفتاة ( مصرية ) - ذات شعر جميل كموديل ... تقدم ؟
- المؤثرات الداخلة على الصوت تشبها بالشاب مين والشاب مين ... تطور ؟؟
- طاقم العمل الما فيهو ولا زول سوداني واحد ... تطور ؟؟ |
ياخى الشباب السودانى وجيل المطربين الشباب يؤثرون ويتاثرون بما يجرى فى العالم
صحيح هنالك تأثر سلبى يجب ان نؤشره وآخر ايجابى يجب ان نشجعه .
ورغم ان الجزء الاخير من حديثك جاء متأثرا بما سبقه من مشاعر سالبه الا
اننى سابدا حوارى معك بنفس طيبة إتفقنا؟
تقبل تحياتى
ضياء الدين ميرغنى/مغنى وملحن
| |
|
|
|
|
|
|
|
|
 Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
تحياتي عزيز ..
العمل جميل وهو تجربة صعبة خاضها الفنان الشاب طه سليمان ورغم تحفظ البعض على ما جاء في الفيديو كليب لكنه يبقى عمل فني ويلازمه الكثير من النقد وهو رؤية جديدة لنا لم تألفها عيوننا من ناحية الصورة على الأقل نتمنى أن يكون النقد هادف ويصب في مصلحته ونحن فعلاً محتاجين لمثل هذه الأعمال ونجاحها سيفتح الباب للكثيرين من الفنانين السودانيين لطرقه ولو لي تحفظ بسيط زي ما قالت رجاء من ناحية الموديل (أنا ضد تسليع النساء في الإعلانات والكليبات) ..
بالتوفيق للفنان الشاب طه سليمان ..
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: معتصم دفع الله)
|
سلام للكل..
(معاك يا رجاء في حتة تسليع المرأة والقرف المالي أجهزة الإعلام)
لكن (مع ذلك) للشابكنّنا.. كان أفضل أن تكون الموديل سودانية الشكل..
هل هناك ماركة موّحدة لشكل البنت السودانية؟؟
أمركم غريب والله..
في بنات سودانيات شكلهم زي الموديل دي بالضبط..
وواحدين عيونهم ملونة كمان (طبيعي)..
يعني لو كانت واحدة من ديل.. نقول ليها أمشي بيتكم عشان شكلك
مش سودانية؟؟
متى نخرج من الدائرة الضيقة لتصنيف مين شكله سوداني.. ومين غير سوداني
في بلد مذهل في تعدديته..
anyway
الكليب: جيّد .. مقارنة بالتجارب السودانية الأخرى
(غير مبتذل... وليس بالضرورة أن يحمل طه الراية بعد مصطفى سيد أحمد
الغنا أنواع وإلا لقتلنا الملل... وكله عنده جمهوره ومستمعيه)
صوت طه سليمان (خلقة الله): جيّد
الأداء: لم أستسيغه (للاسف)
والسلام ختام ليك يا خطاب..
ولضيوفك الكرام..
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
يا جماعة مقارنة طه بي الاستاذ عثمان حسين وجيله مقارنة غير منطقية وغير مقبولة
لاختلاف المعطيات جملة وتفصيلا
اي ان طه لا يغني لجيل عثمان حسين
او جيل الجدود و الاباء
مع اعترافنا الكامل بابداعات دلكم الجيل
طه يغني لهذا الجيل
لمن هم في عمره
لجيل الشباب
نجي نشوف الشباب داير شنو؟؟؟؟
شباب اليوم ساداتي الناقمون علي الفيديو كليب، يطربون لمثل هذه الكليبات، واكاد اجزم بانهم اتعولموا قبل المنادين بالعولمة، وبما انو تذون الفن احساس شخصي بحت، يعني الواضح انهم بيحفظو اغاني شاكيرا وروبي اكتر من عشة الفلاتية وامبلينا السنوسي او حتي البلابل، بغض النظر عن السودنة او العولمة،، الغرض في النهاية انو يطرب وكل واحد بي طربو(فهمو)
فلا يمكن ان تلومهم لطربهم وحبهم لنمط معين (كان عربي واجنبي)
هذا من ناحية
ومن ناحية اخري
يا من تتباكون علي الفن السوداني
وزي ما قال انور كينق ، اديني نموزج فني (غنية شبابة كاملة، كلمات، لحن، توزيع، اداء) يقارب روعةاغنية مسامحك يا حبيبي لعثمان حسين فقط؟؟؟؟ منذ فترة التسعينات؟؟؟
ولما تلاقوها تعالوا قولو طه ارتكب جريمة التشنيع بالفن السوداني،، واذا كان استشهاد الاخ دينق باداء طه في سنتر الخرطوم ، فلتعلمو انها من الاغاني التوب عند الشباب ومع مقارنتها مع (ناس لا لا) تتهاوي سنتر الخرطوم
لا استطيع القول بانه الهبوط، ولكن لكل جيل مفرداته وسبله للطرب والتطريب
اما اختيار الموديل في الغنية، اتفق معكم بانها لم تترك اي تاثير علي الفيديوكليب،،
وعن التصوير في المول او مناطق اخري فاخشي انه راي غير منطقي لانو المول في حد زاته (من وجه نظر من انتقدو العمل) هو نوع من الاستلاب والتقليد الاعمي للعرب او الخواجات، كيف لا وبه باب يفتح توماتيكي واضاءة وتكييف و و و و ، بالتاكيد باقي الامكنة ممكنة ولكن ، من يشاهد الفيديو كليب لا يهتم باين المكان بقدر اهتمامه بجمال المكان...
ختاما
الاستاذ الموصلي
و
ناذر الخليفة اقدر علي النقد الفني للعمل
----
يشارك هذه الايام فنان سوداني (خالد حسام) في برنامج البوم في قناة الام بي سي، واستطاع ان يثبت وجودة كفنان سوداني وتوشح بالعلم السوداني كم مرة وايضا تغني باغناي سيد خليفة كم مرة،، علمت انه في هذا الاسبوع ولاول مرة دخل الدينجر زوون ويحتاج لتصويت لمواصلة المسيرة،، فماذا انتم فاعلون لهذا النموذج السوداني؟؟؟ ح يجي دينق وقول دا مستلب لانو شعرو ناعم ولونو ابيض و و و و و وبعد كم سنة نجي نقول العرب ما شغالين بينا وما بعرضو اعمال سودانية وووووووووووووووووووو
واصبح معاك علي الف خير
| |
|
|
|
|
|
|
|
|
|
Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
|
أنور سلامات ..
Quote: ولنا جيلنا... الذي يجب ان تكون له حرية الاختيار مليار في المية...
الغريبة المنتقدين للكليب بيدوك احساس انو في بدائل مناسبة سودانياً ولم يقبل عليها؟؟؟
|
تعرف يا حبيب ..
أنا من قبل ما أجي المنبر دا وبعد ما جيت بخوض حرب شرسة في سبيل إنو جيلنا يثبت وجودو ويعبر عن نفسو وتطلعاتو وأمانيو بالطريقة البتريحو بعيد عن الوصاية من الجيل الأقدم مننا وإن كنت ما بستحي من الإقتداء بي تجاربم ..
وللأسف بعد ما جيت المنبر إكتشفت إنو في حروب شرسة بتدار عن قصد من أجل كتمان أنفاسنا ومنعنا من التعبير سواء أكانت فنية أو ثقافية أو سياسية أو غيرا .. ودي معركة طويلة جدا نتيجتا هي (نكون أو لا نكون) وما فيها مهادنة ..
عشان كدة أنا إتبنيت شعار العنف اللفظي كواحد من وسائلي في المنبر من أجل الردع ضد أي زول بيحاول يمنعني من التعبير عن جيلي زي ما شايف بشاشا فوق ومداخلتو الما عندها معنى غير إنو بس جايي ساكيني لأنو عارف مقدار تمردي على مفاهيمو .. وزي ما عمل واحد من أعضاء المنبر زمان لمن كتبت لي بوست عن حزب البعث وهو جا وطوالي فتح بروفايلي وشاف تاريخ ميلادي وإتهكم وقال : كيف واحد من مواليد 1976 يكتب عن البعث !!
أنا من النقطة ديك وطوالي شعرت بعظم المأسأة الحا نعيشا لو ما وعينا للمخاطر ومحاولات كتم الأنفاس ..
والدعوة لا زالت مفتوحة للتمرد ..
والفيديو كليب بتاع طه سليمان دا أنا مريحني شديد لانو عبر فيهو عن نفسو وعن الجيل الهو بينتمي ليو ..
شكرا يا أنور ..
ولي قدام يا طه ..
| |
|
|
|
|
|
|
| |
عزيز
Deng
Muna Khugali
ahmed khidir
حبيب نورة
AnwarKing
نوسة
تبارك شيخ الدين جبريل
ناذر محمد الخليفة
Bashasha
Outcast
Abdel Aati
خضر الطيب
Raja
بدرالدين كاجوري
ودالعباسية
HAMZA SULIMAN
Elmosley
JOK BIONG
يسرى معتصم
ناصر الحاج
شهاب الفاتح عثمان
يوسف الولى
wesamm
kabaros
altahir_2
الطاهر ساتي
سلمى الشيخ سلامة
Yassir Tayfour
mamkouna
صلاح شعيب
معتصم دفع الله
نجوان
Ahmed Mohammed Osman
فيس بوك
تويتر
انستقرام
يوتيوب
بنتيريست