|
Re: نادية عثمان ..... في الخرطوم (Re: Yassir Bainwi)
|
حمدا لله علي السلامة يا ناديه يا جماعة الواحد ما يعرف يدسي كدا زي كمال ادريس في البلد دي ؟؟
علمنا بوصول الاستاذه نادية وقلنا نديها يوم يومين كدا مع الاسرة وبعدين نكشف وصولها البلد لكن يبدو ان انقطاع النت وسفرنا الي دارفور تسبب في ازمة حتي اعلنها هذا البوست !!!!
مرحبا ناديه في بلدك وبين اهلك وزملائك
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
هكذا انتم اخوتي في سودانيز اون لاين تتفقدون بعضكم ,,,
واتمني اخي ياسر بعد السلام وتقديم كل الاحترام بان تطلب من الاخ بكري
رفع هذا البوست للربع القادم ,, وذلك في البوست الذي فتحه بكري لهذا الامر ,,
وذلك لان الارشفه علي الابواب ,, وطالما زميلنا ناديه في الخرطوم فلابد لهذا البوست من
الاستمرار والتواصل في الربع القادم ,,
تحياتي للاستاذه ناديه عبركم ,,,
كل الود
| |
|
|
|
|
|
|
Re: نادية عثمان ..... في الخرطوم (Re: نادية عثمان)
|
حبابك عشرة بلا كشرة نادية بيننا وبنتمنى ليك إقامة طيبة بيناتنا
بينى وبينك أنا سمعت بى جيتك دى قبل أيام وأنا فى دارفور ، لكن قلت أخليك تأخدى نفسك شوية ، لكن صاحبى ياسر ده أظنو غلبو يستحمل
أكيد حنتقابل .....
عبود حمدا لله على السلامة ، ياراجل خليتنا فى جنس ( بشتنة) وراك، فاتتك حاجات حلوة وأشياء أخرى ....
قواسيب محبتى لصديقى اللدود ياسر
| |
|
|
|
|
|
|
Re: نادية عثمان ..... في الخرطوم (Re: محي الدين جبريل)
|
يا بورداب استاذنكم في كلمة في حق هذا الزميل الرائع محي الدين جبريل اعلامي متكامل له بين قيادات المجتمع في دارفور اعزاز خاص كان رفيق درب في مهمتين صحفيتين الاولي في جوبا والثانية في الفاشر أخو اخوان حقيقي ... يتفقد الناس في كل لحظة ويسال عن الاحوال في كل ساعة والله سعدت بمعرفته وصحبته (حفظه الله ورعاه)
وهذه مناسبة ايضا في تقديم التحية للزملاء في وفد الاذاعة والتلفزيون الذين شاركتهم الاقامة في الفاشر خلال تغطية زيارة الرئيس البشير التحية للاخ مستور والاخ عصام والاخ المذيع المبدع طارق ولكل زملاء الاقامة
والتحية للاخ البوردابي بقال الذي يعتبر في الفاشر سيد بلد وقد كان قريبا منا يتفقد احوالنا وهذه ايضا مناسبة لمناشدة الاخ الباشمهندس بكري بان يرفع عنه الايقاف ويعود الي المنبر بالاستفادة من تجربته في عدم الوقوع في اسباب الايقاف رجاء خاص يا بكري بعودة بقال وقد لمست منه حزنا علي غيابه
اما اهل الفاشر الاوفياء اهل القرآن والذكر فقد اخجلونا بضيافتهم وكرمهم وهذا ليس غريبا عنهم وقد زرت الولاية عدة مرات في مهام صحفية وما تغير نهج الحفاوة والكرم وقد ابتهلنا الي الله مع حفظة القرآن الكريم ان يحمي الله اهل دارفور ويصرف عنهم الاذي ويهنئهم بالسلام والاستقرار والامن والمحبة
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
Quote: يا ناديه أعزميهو (سفن اب) بجي جاري !!! |
الاخ عبود ياريت لو كان الخبر كذب وتعزمه سفن اب وونسة برئية وضحكة نقية ...وشباب دافر
عبود
ياسر بيناوي قالوا مات.... ادعو ليه بالرحمة وادعوا لينانعجل بالمرواح...الدنيا زوال ربنا يرحمه...دنيازائلة...
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
الخبر غير صحيح وملفق
قرات الخبر في بوست باسم عبد الاله الريح (قبورة) فقمت بالاتصال بهاتف ياسر بيناوي ووجدته مغلق ثم الاتصال بعادل عبد العاطي واخبرته بما تم نشره ووعد باعطائي هاتف عبد الاله بعد ان يبحث عنه في اوراقه بعدها اتصلت بايزابيلا لتتاكد باتصالاتها من الخبر ثم عاودت الاتصال بعادل عبد العاطي واعطاني رقم عبد الاله وهو 0915333165 لمن اراد الاتصال به للتاكد من صحة الخبر وعند اتصالي به اخبرني ان الزميل عبد الله عيدروس اتصل به وانه اخبره ان هذا الخبر لا اساس له من الصحة وانه لم يكتب حرفا واحدا من هذا ولا بد ان الباسويرد قد سرق منه وانه قام باعطاء الباسويرد لعيدروس حتي يتاكد من ذلك ومن ثم عاودت الاتصال بايزابيلا لتطمينها ومن ثم نشر هذا البوست
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
Quote: بتكون جاتني جلطة لأنو ماقادرة أتحرك من مكاني ده هسي !!
حرام والله البحصل ده ياخ !! |
تصدقى يا نادية والله قربت ابكى عشان خلعتك ده. لكن إنشالله ما بيحصل ليكى أى حاجة وكونى بخير وعافية وكل سنة وإنت بخير ومرحب بيك فى الخرطوم. الاستاذة هبة الماحى إتصلت بى من امريكا وطلبت تاكيد او نفى الخبر ومنه مشيت المشرحة والحمدلله الخبر طلع فشوش ورجعت ليها ونفيت الخبر.
الناس دى فاكرة خبر الموت ده هين ساى كده!!! عالم مريض بشكل غريب ومزعج بشكل خرافى.
شول اشوانق دينق
| |
|
|
|
|
|
|
Re: نادية عثمان ..... في الخرطوم (Re: شول اشوانق دينق)
|
الراقي الجميل شول اشوانق
Quote: تصدقى يا نادية والله قربت ابكى عشان خلعتك ده. لكن إنشالله ما بيحصل ليكى أى حاجة وكونى بخير وعافية وكل سنة وإنت بخير ومرحب بيك فى الخرطوم. |
تسلم من كل شر يارب
والله ماتتخيل الصدمة الدخلت فيني ده عملت فيني شنو .. ياخ أنا جسمي لسا برجف والله العظيم !
كنت حااتعقد من زيارتي وأحجز وأرجع طوالي .. !
لكن الحمد لله ربنا ستر وياسر بخير
وحانتقابل أكيد ياشول سمح ؟
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
Quote: شول
ازيك ياخ مشرحة شنو ياشول والله خلعتنا تاني
اتصل علي عبدالاله وهو حيطمنك ياشول ياسر كويس والحمدلله |
يا خضر يا اخوى معليش بس والله ده من الخلعة. عموماً إتصلت بعبد الإله هسع وطماننى وياسر اصلو تلفوناتو كانو ما فيهن كهربا تصدق؟؟!! زول قاعد فى الخرطوم وتلفوناتو ما فيهن كهربا!
عموماً طولة عمر لأخونا ياسر ... ما إنو ما قابلتو بس بكسرو ليكم كان لقيتو
Quote: الاخ شول اشوانق دينق
شكرا ليك كتير |
شكراً ليك يا مجدى
شول اشوانق دينق
| |
|
|
|
|
|
|
Re: نادية عثمان ..... في الخرطوم (Re: Yassir Bainwi)
|
Quote: تسلم من كل شر يارب
والله ماتتخيل الصدمة الدخلت فيني ده عملت فيني شنو .. ياخ أنا جسمي لسا برجف والله العظيم !
كنت حااتعقد من زيارتي وأحجز وأرجع طوالي .. !
لكن الحمد لله ربنا ستر وياسر بخير
وحانتقابل أكيد ياشول سمح ؟ |
إنشالله بنتقابل يا زولة. عموماً إرتاحى وإطمنى خلاص المجنون الإسمو ياسر ده الحمدلله ما حصل ليهو شئ والله يسامح الجاب الخبر اللى بالتاكيد ما اخوناعبد الإله النحن مطالبين بفك اسر من التهكير الحصل ليهو.
تصدقى من الأزمة ... عرفت حاتم شناب وقابلتو لاول مرة وإتكلمت مع عبد الإله وبرضو إتكلمت مع ياسر ووعدتو بى دقّة منِّى.
شول اشوانق دينق
| |
|
|
|
|
|
|
Re: نادية عثمان ..... في الخرطوم (Re: شول اشوانق دينق)
|
Quote: إنشالله بنتقابل يا زولة. عموماً إرتاحى وإطمنى خلاص المجنون الإسمو ياسر ده الحمدلله ما حصل ليهو شئ والله يسامح الجاب الخبر اللى بالتاكيد ما اخوناعبد الإله النحن مطالبين بفك اسر من التهكير الحصل ليهو.
تصدقى من الأزمة ... عرفت حاتم شناب وقابلتو لاول مرة وإتكلمت مع عبد الإله وبرضو إتكلمت مع ياسر ووعدتو بى دقّة منِّى.
شول اشوانق دينق |
شول شكرا ليك تاني
وياسر ح يدخل بعد دقائق قليلة
شكرا ليك ولنادية وللكل
| |
|
|
|
|
|
|
Re: نادية عثمان ..... في الخرطوم (Re: خضر حسين خليل)
|
الاخوة الاعزاء / ياسر ونادية
كنت ناوى اتونس معاكم قبل موت ياسر بشوية والحمدالله جانا راجع
يلا ورينا وانت ميت
ويا نادية انت مخلوعة وماعارفة الحاصل شنو دا موت عديل بااعلان كمان
تسلم عزيزنا ياسر من كل شر
| |
|
|
|
|
|
|
|